30

കൊച്ചി: വി. കുഞ്ഞികൃഷ്ണന്‍റെ തെരഞ്ഞെടുപ്പ് വിജയം റദ്ദ് ചെയ്യണമെന്ന് ആവശ്യപ്പെട്ട് ഹൈക്കോടതിയെ സമീപിച്ച് മുന്‍ എംഎല്‍എ ടി.എ. മധുസൂദനന്‍. വ്യാജ പ്രചാരണങ്ങള്‍ നടത്തിയാണ് തന്നെ തോല്‍പ്പിച്ചത്. തെളിവുകളോ രേഖകളോ ഇല്ലാതെ രക്തസാക്ഷി ഫണ്ട് കള്ളന്‍ എന്ന പ്രചാരണം നടത്തി വോട്ടര്‍മാരെ തെറ്റിദ്ധരിപ്പിച്ചുവെന്നാണ് ഹര്‍ജിയില്‍ പറയുന്നത്.

ഹര്‍ജിയില്‍ പിഴവുകളുണ്ടെന്ന് ചൂണ്ടിക്കാട്ടി വീണ്ടും സമര്‍പ്പിക്കാന്‍ കോടതി ആവശ്യപ്പെട്ടു. അടുത്തയാഴ്ചയാകും ഹര്‍ജി കോടതി പരിഗണിക്കുക.

രക്തസാക്ഷി ഫണ്ട് കള്ളന്‍ എന്ന വ്യാജ ആരോപണം നടത്തി. ആരോപണത്തിന് രേഖകളോ തെളിവുകളോ ഇല്ല. പ്രചാരണത്തിനിടെ പ്രസംഗങ്ങളില്‍ താന്‍ കളങ്കിതനാണെന്ന് വരുത്തി തീര്‍ക്കാന്‍ ബോധപൂര്‍വ്വം ശ്രമിച്ചു. അതിനാല്‍ തെരഞ്ഞെടുപ്പ് വിജയം റദ്ദ് ചെയ്യണമെന്നാണ് മധുസൂദനന്‍റെ ആവശ്യം. ഹര്‍ജി വീണ്ടും സമര്‍പ്പിക്കാന്‍ ആവശ്യപ്പെട്ട കോടതി വി. കുഞ്ഞികൃഷ്ണന് കോടതി നോട്ടീസ് അയക്കുകയും ചെയ്തു.

പയ്യന്നൂരിലെ രക്തസാക്ഷി ഫണ്ട് തട്ടിപ്പുമായി ബന്ധപ്പെട്ട് പരസ്യമായി രംഗത്തു വന്നതോടെ കുഞ്ഞികൃഷ്ണനെ പാര്‍ട്ടിയില്‍ നിന്നും പുറത്താക്കുകയും സ്വതന്ത്രനായി മത്സരിച്ച് ചരിത്രം വിജയം നേടുകയും ചെയ്തതോടെ സിപിഎം പ്രതിരോധത്തിലായിരുന്നു.

Tags : Madhusudhanan Petition HighCourt VKunjikrishnan