26

കൊച്ചി: മാസപ്പടി കേസില്‍ ഇഡി നല്‍കിയ കത്തിന്‍റെ അടിസ്ഥാനത്തില്‍ എഫ്‌ഐആര്‍ ഇടാന്‍ വൈകുന്നതിനെതിരായ ഹര്‍ജി ഹൈക്കോടതി ഇന്ന് പരിഗണിക്കും. അഭിഭാഷകന്‍ കെ.എം ഷാജഹാന്‍ നല്‍കിയ ഹര്‍ജി ജസ്റ്റിസ് എ. ബദറുദീന്‍ പരിഗണിക്കും. ബാങ്ക് രേകകള്‍ ഉള്‍പ്പെടെയുള്ള തെളിവുകള്‍ നല്‍കിയിട്ടും എഫ്‌ഐആര്‍ രജിസ്റ്റര്‍ ചെയ്യാത്തത് ഒത്തുകളിയാണ് എന്നാണ് ഹര്‍ജിയിലെ ആരോപണം.

പിണറായി വിജയന്‍, ടി.വീണ, മുഹമ്മദ് റിയാസ് എന്നിവര്‍ക്കെതിരെ അഴിമതി നിരോധന നിയമപ്രകാരം കേസ് രജിസ്റ്റര്‍ ചെയ്യണമെന്നായിരുന്നു ഇഡിയുടെ ശുപാര്‍ശ. പ്രാഥമിക അന്വേഷണം നടത്തിയ ശേഷം കേസ് എടുക്കാമെന്നാണ് സര്‍ക്കാറിന്റെ തീരുമാനം. ഇതിനായി നിയമപദേശവും സര്‍ക്കാര്‍ തേടിയിരുന്നു.

എന്നാല്‍ എഫ്‌ഐആര്‍ രജിസ്റ്റര്‍ ചെയ്യാതെ പ്രാഥമിക അന്വേഷണം നടത്താനുള്ള സര്‍ക്കാര്‍ തീരുമാനം നിയമവിരുദ്ധമാണെന്നും ഹര്‍ജിയില്‍ ആരോപിക്കുന്നു. ഇതിന് പിന്നില്‍ ഒത്തുകളിയുണ്ട്. ബന്ധപ്പെട്ട ഫയലുകളും രേഖകളും ആഭ്യന്തര വകുപ്പില്‍ നിന്ന് വിളിച്ചു വരുത്തണമെന്നും ഹര്‍ജിയില്‍ ആവശ്യപ്പെടുന്നു.

Tags : Petition HighCourt FIR Case