ക​ൽ​പ്പ​റ്റ: പു​ൽ​പ്പ​ള്ളി ശ​ശി​മ​ല ചോ​ലി​ക്ക​ര വ​ട​ക്കേ​ക​ണ്ണ​മം​ഗ​ല​ത്ത് സ്റ്റെ​ബി​ൻ ജോ​ൺ(29)​പി​ണ​ങ്ങോ​ട് റോ​ഡി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യു​ടെ ഭാ​ഗ​മാ​യി അ​ന​സ്തേ​ഷ്യ ന​ൽ​കി​യ​തി​നു പി​ന്നാ​ലെ മ​രി​ച്ച സം​ഭ​വ​ത്തി​ൽ ദു​രൂ​ഹ​ത അ​ക​റ്റ​ണ​മെ​ന്ന് യൂ​ത്ത് കോ​ണ്‍​ഗ്ര​സ് നി​യോ​ജ​ക​മ​ണ്ഡ​ലം പ്ര​സി​ഡ​ന്‍റ് ഡി​ന്‍റോ ജോ​സ് ആ​വ​ശ്യ​പ്പെ​ട്ടു.

മൂ​ക്കി​ൽ വ​ള​ർ​ന്ന ദ​ശ നീ​ക്കം ചെ​യ്യു​ന്ന​തി​നു ഡി​സം​ബ​ർ ഒ​ന്നി​നു രാ​വി​ലെ ആ​ശു​പ​ത്രി​യി​ലെ​ത്തി​യ സ്റ്റെ​ബി​ന് ഉ​ച്ച​യോ​ടെ​യാ​ണ് അ​ന​സ്തേ​ഷ്യ ന​ൽ​കി​യ​ത്. അ​ബോ​ധാ​വ​സ്ഥ​യി​ലാ​യ യു​വാ​വ് വൈ​കു​ന്നേ​ര​ത്തോ​ടെ മ​രി​ച്ചു. അ​ന്ന് മൃ​ത​ദേ​ഹം വീ​ട്ടി​ലേ​ക്കു കൊ​ണ്ടു​പോ​യ ബ​ന്ധു​ക്ക​ൾ പി​റ്റേ​ന്ന് സം​സ്ക​രി​ച്ചു.

ഇ​തി​നു​ശേ​ഷം ചി​കി​ത്സ​യി​ലെ പി​ഴ​വാ​ണ് മ​ര​ണ​കാ​ര​ണ​മെ​ന്ന് ആ​രോ​പി​ച്ച് ജി​ല്ലാ ക​ള​ക്ട​ർ, ജി​ല്ലാ പോ​ലീ​സ് മേ​ധാ​വി തു​ട​ങ്ങി​യ​വ​ർ​ക്ക് പ​രാ​തി ന​ൽ​കി. ഈ ​സാ​ഹ​ച​ര്യ​ത്തി​ലാ​ണ് ക​ഴി​ഞ്ഞ ദി​വ​സം മൃ​ത​ദേ​ഹം പു​റ​ത്തെ​ടു​ത്ത് പോ​സ്റ്റു​മോ​ർ​ട്ട​ത്തി​നു വി​ധേ​യ​മാ​ക്കി​യ​ത്. റി​പ്പോ​ർ​ട്ട് വ​രാ​നി​രി​ക്കു​ന്ന​തേ​യു​ള്ളൂ.

സ്റ്റെ​ബി​നി​ൽ പ്രീ ​അ​ന​സ്തേ​ഷ്യ പ​രി​ശോ​ധ​ന​ക​ൾ ന​ട​ത്തി​യി​ട്ടു​ണ്ടോ, ആ​ന്‍റി ഡോ​സ് ഉ​ൾ​പ്പെ​ടെ മ​രു​ന്നു​ക​ൾ ത​യാ​റാ​യി​രു​ന്നോ, ന​ൽ​കി​യോ, ഹൃ​ദ​യാ​ഘാ​തം ഉ​ണ്ടാ​യ​ശേ​ഷം അ​ടി​യ​ന്ത​ര വൈ​ദ്യ​സ​ഹാ​യം ശ​രി​യാ​യ വി​ധ​ത്തി​ൽ ല​ഭി​ച്ചോ എ​ന്നീ കാ​ര്യ​ങ്ങ​ൾ വി​ശ​ദ​മാ​യി പ​രി​ശോ​ധി​ച്ചാ​ൽ മാ​ത്ര​മേ ചി​കി​ത്സ​യി​ലെ പി​ഴ​വാ​ണോ മ​ര​ണ​കാ​ര​ണ​മെ​ന്നു വ്യ​ക്ത​മാ​കൂ​വെ​ന്നാ​ണ് വൈ​ദ്യ​ശാ​സ്ത്ര രം​ഗ​ത്തെ വി​ദ​ഗ്ധ​ർ പ​റ​യു​ന്ന​ത്.

ആ​ശു​പ​ത്രി​ക്കും സ്റ്റെ​ബി​നു അ​ന​സ്തേ​ഷ്യ ന​ൽ​കി​യ ഡോ​ക്ട​ർ​ക്കെ​തി​രേ​യും നി​ര​വ​ധി പ​രാ​തി​ക​ളാ​ണ് ഉ​യ​രു​ന്ന​ത്. ഡോ​ക്ട​ർ​ക്ക് അ​ന​സ്തീ​ഷ്യോ​ള​ജി​സ്റ്റ് എ​ന്ന നി​ല​യി​ൽ ര​ജി​സ്ട്രേ​ഷ​നും കേ​ര​ള​ത്തി​ൽ പ്രാ​ക്ടീ​സ് ചെ​യ്യാ​ൻ ആ​വ​ശ്യ​മാ​യ അ​നു​മ​തി​യും ഉ​ണ്ടോ​യെ​ന്നു പ​രി​ശോ​ധി​ക്ക​ണം.

സ​ർ​ക്കാ​ർ ആ​തു​ര​സേ​വ​ന രം​ഗ​ത്തെ അ​പ​രാ​പ്ത​ത​യാ​ണ് സ്വ​കാ​ര്യ ആ​ശു​പ​ത്രി​ക​ളി​ലേ​ക്ക് രോ​ഗി​ക​ളെ പ്ര​ധാ​ന​മാ​യും എ​ത്തി​ക്കു​ന്ന​ത്. ആ​രോ​ഗ്യ​രം​ഗ​ത്ത് ജി​ല്ല​യെ ഭ​ര​ണാ​ധി​കാ​രി​ക​ൾ അ​വ​ഗ​ണി​ക്കു​ക​യാ​ണ്. ഗ​വ.​മെ​ഡി​ക്ക​ൽ കോ​ള​ജ് പൂ​ർ​ണ​തോ​തി​ൽ പ്ര​വ​ർ​ത്ത​ന​സ​ജ്ജ​മാ​യി​രു​ന്നെ​ങ്കി​ൽ സ്റ്റെ​ബി​ൻ ചി​കി​ത്സ​യ്ക്കു സ്വ​കാ​ര്യ ആ​ശു​പ​ത്രി​യി​ൽ എ​ത്തു​മാ​യി​രു​ന്നി​ല്ല.

ജി​ല്ല​യി​ലെ സ്വ​കാ​ര്യ ആ​ശു​പ​ത്രി​ക​ളി​ലു​ള്ള ആ​രോ​ഗ്യ​പ്ര​വ​ർ​ത്ത​ക​ർ​ക്ക് മ​തി​യാ​യ യോ​ഗ്യ​ത​യും സ​ർ​ട്ടി​ഫി​ക്ക​റ്റും ഉ​ണ്ടോ​യെ​ന്ന് അ​ന്വേ​ഷി​ക്കാ​ൻ മെ​ഡി​ക്ക​ൽ രം​ഗ​ത്തെ ഉ​ന്ന​ത​ർ ത​യാ​റാ​ക​ണം. ജി​ല്ല​യി​ൽ പ്ര​വ​ർ​ത്തി​ക്കു​ന്ന മു​ഴു​വ​ൻ ആ​രോ​ഗ്യ​സ്ഥാ​പ​ന​ങ്ങ​ളി​ലെ​യും ലാ​ബ​റ​ട്ട​റി​ക​ളും മെ​ഡി​ക്ക​ൽ ഉ​പ​ക​ര​ണ​ങ്ങ​ളും പ​രി​ശോ​ധ​ന​യ്ക്ക് വി​ധേ​യ​മാ​ക്കി സു​ര​ക്ഷി​ത​ത്വം ഉ​റ​പ്പു​വ​രു​ത്ത​ണം.

സ്റ്റെ​ബി​ന്‍റെ മ​ര​ണ​ത്തി​ൽ പോ​സ്റ്റു​മോ​ർ​ട്ടം റി​പ്പോ​ർ​ട്ട് പു​റ​ത്തു​വ​രു​ന്ന മു​റ​യ്ക്ക് കൃ​ത്യ​മാ​യ ന​ട​പ​ടി​ക​ൾ ഉ​ണ്ടാ​കു​ന്നി​ല്ലെ​ങ്കി​ൽ ശ​ക്ത​മാ​യ സ​മ​ര​ത്തി​നു നേ​തൃ​ത്വം ന​ൽ​കാ​ൻ യൂ​ത്ത് കോ​ണ്‍​ഗ്ര​സ് നി​ർ​ബ​ന്ധി​ത​മാ​കു​മെ​ന്നും ഡി​ന്‍റോ ജോ​സ് പ​റ​ഞ്ഞു.