ഇരിട്ടി: ഇരിട്ടി പോലീസും ജെസിഐ ഇരിട്ടിയും ഇരിട്ടി പൗരാവലിയും സംയുക്തമായി നടപ്പാക്കുന്ന വിശപ്പുരഹിത ഇരിട്ടി പദ്ധതിക്കുള്ള ഭക്ഷണ ശേഖരണ കെട്ടിട നിർമാണം ആരംഭിച്ചു. വിവാഹം ഉൾപ്പെടെയുള്ള പരിപാടികളിൽ ബാക്കി വരുന്ന ഭക്ഷണങ്ങൾ ശേഖരിച്ച് പാവങ്ങൾക്ക് സഹായകരമാകുന്ന രീതിയിൽ ശാസ്ത്രീയമായി വിതരണം ചെയ്യുന്ന സംവിധാനത്തിന് പദ്ധതിയിലൂടെ നടപ്പാക്കുന്നത്. കെട്ടിടത്തിന്റെ നിർമാണ പ്രവർത്തി ഉദ്ഘാടനം ഡിവൈഎസ്പി സജേഷ് വാഴാളപ്പിൽ നിർവഹിച്ചു. ജെസിഐ പ്രസിഡന്റ് സജിൻ അധ്യക്ഷത വഹിച്ചു. സിഐ കെ.ജെ. ബിനോയ്, എസ്ഐമാരായ ജോഷി അഗസ്റ്റിൻ, ടി.ജി. അശോകൻ, രാജേഷ്, അഡ്വ.കെ.കെ. മാത്യു, വ്യാപാരി വ്യവസായി സമിതി ജില്ലാ കമ്മിറ്റിയംഗം വിജേഷ്, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് റജി തോമസ്, എ. എം.ബിജോയ് , പ്രമോദ് കുമാർ, ബിജു കുറുമുട്ടം, കൃഷ്ണദാസ്, ജിതിൻ, നവനീത്, പ്രസാദ്, ജോളി, പോലീസ് ഉദ്യോഗസ്ഥർ, ജെസിഐ ഭാരവാഹികൾ എന്നിവർ പങ്കെടുത്തു.