റാന്നി: അദാനിയ്ക്കെതിരേ സംയുക്ത പാർലമെന്‍ററി സമിതി അന്വേഷണം നടത്തണമെന്ന് എഐസിസി സെക്രട്ടറി വിശ്വനാഥൻ പെരുമാൾ. കെപിസിസി സെക്രട്ടറി റിങ്കു ചെറിയാൻ, ഡിസിസി സെക്രട്ടറി അഹമ്മദ് ഷാ എന്നിവർ നയിക്കുന്ന ഹാത്ത് സേ ഹാത്ത് ജോഡോ പദയാത്ര റാന്നിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഇന്ത്യയുടെ വിമാനത്താവളങ്ങൾ, തുറമുഖങ്ങൾ, വൈദ്യുത നിലയങ്ങൾ, പാചക വാതക - ഇന്ധന കരാറുകൾ, പ്രതിരോധ കരാറുകൾ കൽക്കരി ഖനന അനുമതികൾ തുടങ്ങി ഇന്ത്യയുടെ ആഭ്യന്തര വിപണിയും, ജനങ്ങളുടെ അടിസ്ഥാന സൗകര്യങ്ങളും അദാനിക്ക് തീറെഴുതി ക്കൊടുക്കുകയും ആദാനിയുടെ ഓഹരികൾ തുടർച്ചയായി തകരുകയും ചെയ്യുന്നത് ദുരൂഹമാണ്. പാർലമെന്‍റിൽപോലും ഇതു സംബന്ധിച്ച് പ്രസ്താവന നടത്താൻ പ്രധാനമന്ത്രി തയാറായിട്ടില്ലെന്ന് വിശ്വനാഥൻ പെരുമാൾ ചൂണ്ടിക്കാട്ടി.
ബ്ലോക്ക്‌ പ്രസിഡന്‍റ് രാജു മരുതിക്കൽ അധ്യക്ഷത വഹിച്ചു. സതീഷ് കൊച്ചുപറമ്പിൽ, എം.എം. നസീർ, പഴകുളം മധു, കെ. ശിവദാസൻ നായർ, മാലേത്ത് സരളാദേവി, പി. മോഹൻരാജ്, ജോർജ് മാമ്മൻ കൊണ്ടൂർ, ടി.കെ. സാജു, കെ. ജയവർമ, ഏബ്രഹാം മാത്യു പനച്ചമൂട്ടിൽ, കാട്ടൂർ അബ്ദുൽ സലാം, ലാലു ജോൺ, റെജി താഴമൺ, ജെസി അലക്സ്‌, പ്രകാശ് കുമാർ ചരളേൽ, രാജൻ നീറംപ്ലാക്കൽ, ടി.കെ. ജെയിംസ്, പ്രകാശ് തോമസ്, റോയി കൊല്ലമുള, ഫ്രെഡി ഉമ്മൻ, അനിതാ അനിൽകുമാർ, അന്നമ്മ തോമസ്, സിബി താഴത്തില്ലത്ത്, ജോൺ ഏബ്രഹാം, പ്രമോദ് മന്ദമരുതി, സാംജി ഇടമുറി, ബെന്നി മാടത്തുംപടി, ഷിന്‍റു തേനാലിൽ, അരവിന്ദ് വെട്ടിക്കൽ, ആൻസൻ തോമസ് എന്നിവർ പ്രസംഗിച്ചു.