അ​ഖി​ല​യു​ടെ മം​ഗ​ല്യസ്വ​പ്ന​ത്തി​ന് നി​റം പ​ക​ര്‍​ന്ന് വ്യാ​പാ​രി​യു​ടെ കൈ​ത്താ​ങ്ങ്
Sunday, April 21, 2024 11:22 PM IST
കാ​യം​കു​ളം: മാ​താ​പി​താ​ക്ക​ള്‍ ന​ഷ്ട​പ്പെ​ട്ട അ​ഖി​ല​യു​ടെ വി​വാ​ഹം പി​താ​വി​ന്‍റെ സ്ഥാ​ന​ത്തുനി​ന്ന് ന​ട​ത്തി വ്യാ​പാ​രി​യു​ടെ കൈ​ത്താ​ങ്ങ്. കാ​യം​കു​ളം ജ​ന​ത ജെം​സ് സി​ല്‍​വ​ര്‍ ജൂവ​ല്ല​റി ഉ​ട​മ അ​ബു ജ​ന​ത​യാ​ണ് യു​വ​തി​യു​ടെ മം​ഗ​ല്യസ്വ​പ്ന​ങ്ങ​ള്‍​ക്കു നി​റം പ​ക​ര്‍​ന്ന് കാ​രു​ണ്യ​ത്തി​ന്‍റെ കൈ​ത്താ​ങ്ങാ​യി തീ​ര്‍​ന്ന​ത്. മാ​താ​പി​താ​ക്ക​ള്‍ മ​ര​ണ​പ്പെ​ട്ട അ​ഖി​ല അ​ബു​വി​ന്‍റെ സ്ഥാ​പ​ന​മാ​യ കാ​യം​കു​ളം ജ​ന​ത ജെം​സി​ലെ ജീ​വ​ന​ക്കാ​രി​യാ​ണ്. ആ ​കു​ടും​ബ​ത്തി​ന്‍റെ പ്രാ​രാ​ബ്ധ​ങ്ങ​ള്‍ ക​ണ്ട​റി​ഞ്ഞ് സ​ഹാ​യ​ങ്ങ​ള്‍ ന​ല്‍​കാ​ന്‍ ക​ട​യു​ട​മ​യാ​യ അ​ബു ജ​ന​ത മു​ന്നോ​ട്ടുവ​രി​ക​യാ​യി​രു​ന്നു.

അ​ഖി​ല​യു​ടെ വി​വാ​ഹ​ത്തി​ന്‍റെ ചെ​ല​വു​ക​ളും ഭ​ക്ഷ​ണ​ത്തി​ന്‍റെ ചെ​ല​വും ഏ​റ്റെ​ടു​ത്ത് പി​താ​വി​ന്‍റെ സ്ഥാ​ന​ത്തുനി​ന്ന് വി​വാ​ഹം ന​ട​ത്താ​ന്‍ അ​ബു ത​യാ​റാ​വു​ക​യാ​യി​രു​ന്നു. ആ​ചാ​ര പ്ര​കാ​രം അ​ഖി​ല​യെ വ​ര​ന് കൈ​പി​ടി​ച്ചു ന​ല്‍​കി അ​നു​ഗ്ര​ഹി​ച്ചു. കാ​യം​കു​ളം കാ​യ​ലോ​ര​ത്തെ എ​സ്എ​ന്‍​ഡി​പി ഹാ​ളി​ലാ​യി​രു​ന്നു വി​വാ​ഹം.

ത​മി​ഴ്‌​നാ​ട് കാ​യ​ല്‍ പ​ട്ട​ണം സ്വ​ദേ​ശി​യാ​ണ് അ​ബു ജ​ന​ത. 60 വ​ര്‍​ഷ​ങ്ങ​ള്‍​ക്കു മു​മ്പ് കാ​യം​കു​ള​ത്ത് എ​ത്തു​ക​യും മാ​ര്‍​ക്ക​റ്റി​ലെ ചെ​റി​യ ക​ട​യി​ല്‍നി​ന്ന് വ്യാ​പാ​രം ആ​രം​ഭി​ക്കു​ക​യു​മാ​യി​രു​ന്നു. ഇ​ന്ന് വ്യാ​പാ​രം വ​ള​ര്‍​ന്ന് വ​ലി​യ സം​ര​ംഭ​മാ​യി സ്ഥാ​പ​നം മാ​റി. വി​വാ​ഹച്ചട​ങ്ങി​ല്‍ പ​ങ്കെ​ടു​ത്ത പെ​ണ്‍​കു​ട്ടി​യു​ടെ ബ​ന്ധു​ക്ക​ളും അ​യ​ല്‍​വാ​സി​ക​ളും ക​ട​യി​ലെ ജീ​വ​ന​ക്കാ​രും വ​ര​നാ​യ കൊ​ച്ചി സ്വ​ദേ​ശി അ​ഖി​ലി​ന്‍റെ ബ​ന്ധു​ക്ക​ളും സു​ഹൃ​ത്തു​ക്ക​ളും ഒ​ക്കെ​യാ​യി 500ല്‍​പ​രം ആ​ളു​ക​ള്‍​ക്ക് വി​ഭ​വസ​മൃ​ദ്ധ​മാ​യ ഭ​ക്ഷ​ണ​വും ഒ​രു​ക്കി​യി​രു​ന്നു.

കൂ​ടാ​തെ അ​ഖി​ല​യു​ടെ നി​ര്‍​ധന കു​ടും​ബത്തി​ന്‍റെ വീ​ടി​ന്‍റെ അ​റ്റ​കു​റ്റ​പ്പ​ണി​ക്കും വേ​ണ്ട സ​ഹാ​യം ചെ​യ്തു ന​ല്‍​കി. അ​ബു ജ​ന​ത ഓ​ള്‍ കേ​ര​ള ഗോ​ള്‍​ഡ് മ​ര്‍​ച്ച​ന്‍റ് അ​സോ​സി​യേ​ഷ​ന്‍ കാ​യം​കു​ളം യൂ​ണി​റ്റ് വൈ​സ് പ്ര​സി​ഡ​ന്‍റ്, കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി യൂ​ണി​റ്റ് വൈ​സ് പ്ര​സി​ഡ​ന്‍റ് എ​ന്നീ പ​ദ​വി​ക​ളും വ​ഹി​ക്കു​ന്നു.

Copyright @ 2022 , Rashtra Deepika Ltd.