4

ലൈം​ഗി​കാ​തി​ക്ര​മ കേ​സി​ൽ ജ​യി​ലി​ൽ ക​ഴി​ഞ്ഞ് ജാ​മ്യ​ത്തി​ലി​റ​ങ്ങി​യ സം​വി​ധാ​യ​ക​ൻ‌ ര​ഞ്ജി​ത്തി​നെ പി​ന്തു​ണ​ച്ച് ന​ട​ൻ ജോ​യ് മാ​ത്യു. ര​ഞ്ജി​ത്തി​നെ കൂ​ടെ നി​ർ​ത്തു​മെ​ന്നും യു​വ​ന​ടി പ​രാ​തി ന​ൽ​കി​യ കേ​സി​ൽ തെ​റ്റു​കാ​ര​നാ​ണെ​ന്ന് അ​റി​ഞ്ഞാ​ലും സു​ഹൃ​ത്ത് എ​ന്ന നി​ല​യി​ൽ കൂ​ടെ​യു​ണ്ടാ​വു​മെ​ന്നും ജോ​യ് മാ​ത്യു പ്ര​തി​ക​രി​ച്ചു.

കോ​ഴി​ക്കോ​ട് മ​ലാ​പ്പ​റ​മ്പി​ൽ വോ​ട്ട് രേ​ഖ​പ്പെ​ടു​ത്തി​യ ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

‘‘സ​ത്യ​ത്തി​ൽ ന​മ്മു​ടെ നി​യ​മ വ്യ​വ​സ്ഥ​യി​ൽ ത​ന്നെ​യു​ള്ള വ​ലി​യ പ​ഴു​താ​ണ് ഒ​രു സ്ത്രീ, ​അ​ല്ലെ​ങ്കി​ൽ ഒ​രു ന​ടി താ​ൻ പീ​ഡി​പ്പി​ക്ക​പ്പെ​ട്ടു എ​ന്നു പ​രാ​തി കൊ​ടു​ത്താ​ൽ ഉ​ട​നെ കേ​സെ​ടു​ക്കു​ക എ​ന്ന​ത്.

പ​ക്ഷേ മ​റു​ഭാ​ഗ​ത്തു​ള്ള ആ​ളു​ടെ വാ​ദം കേ​ൾ​ക്കാ​നോ ന്യാ​യം കേ​ൾ​ക്കാ​നോ കോ​ട​തി സ​മ​യം അ​നു​വ​ദി​ക്കു​ന്നി​ല്ല. ര​ഞ്ജി​ത്ത് പ​റ​യു​ന്ന​തെ​ന്താ​ണെ​ന്ന് ഇ​തു​വ​രെ എ​നി​ക്ക് കാ​ണാ​നോ കേ​ൾ​ക്കാ​നോ പ​റ്റി​യി​ട്ടി​ല്ല.

പ​ക്ഷേ ര​ഞ്ജി​ത്ത് കു​റ്റ​ക്കാ​ര​നാ​ണെ​ങ്കി​ലും അ​ല്ലെ​ങ്കി​ലും അ​വ​നെ​ന്‍റെ കൂ​ട​പ്പി​റ​പ്പി​നെ​പ്പോ​ലെ​യാ​ണ്. ന​മ്മു​ടെ സു​ഹൃ​ത്ത് ഒ​രു തെ​റ്റ് ചെ​യ്തു എ​ന്നു വി​ചാ​രി​ച്ച്, ന​മ്മ​ൾ അ​യാ​ളെ പ​ടി അ​ട​ച്ച് പി​ണ്ഡം വ​യ്ക്കു​ക​യ​ല്ല. ഒ​രു വീ​ട്ടി​ൽ ഒ​രു​പാ​ട് കു​ട്ടി​ക​ളു​ണ്ട്. അ​തി​ൽ പ​ല കു​ട്ടി​ക​ളും മോ​ശം വ​ഴി​ക്കു​പോ​യാ​ൽ അ​ച്ഛ​ന​മ്മ​മാ​ർ അ​വ​രെ ത​ള്ളി​പ്പ​റ​യു​ന്നി​ല്ല, ചേ​ർ​ത്തു​നി​ർ​ത്തു​ക​യാ​ണ്.
 
തെ​റ്റു​പ​റ്റി​യി​ട്ടു​ണ്ടെ​ങ്കി​ൽ ത​ന്നെ ഞാ​ന​ത് പൊ​റു​ക്കാ​നും അ​വ​നെ ചേ​ർ​ത്തു നി​ർ​ത്താ​നും ഇ​ഷ്ട​പ്പെ​ടു​ന്നു. അ​ല്ലാ​തെ എ​ല്ലാ​വ​രെ​യും പോ​ലെ അ​തി​ജീ​വി​ത​യോ​ടൊ​പ്പം, അ​തി​ജീ​വി​ത​യോ​ടൊ​പ്പം..​അ​തി​ജീ​വി​ത​യാ​ണോ അ​ല്ല​യോ എ​ന്ന​ത് കോ​ട​തി തെ​ളി​യി​ക്ക​ട്ടെ, അ​പ്പോ​ൾ ഞാ​ൻ പ​റ​യാം. അ​വ​ൻ തെ​റ്റ് ചെ​യ്തി​ട്ടു​ണ്ടെ​ങ്കി​ൽ തെ​റ്റു​കാ​ര​നാ​ണെ​ന്നു ത​ന്നെ ന​മ്മ​ൾ വി​ല​യി​രു​ത്തും. അ​തേ​സ​മ​യം ഒ​രു ച​ങ്ങാ​തി എ​ന്ന നി​ല​യി​ൽ ഞാ​ൻ ചേ​ർ​ത്തു നി​ർ​ത്തും.

നി​ങ്ങ​ൾ ഇ​ര ഇ​ര എ​ന്ന് ആ​രോ​പി​ക്കു​ക​യ​ല്ലേ, ന​മ്മു​ടെ നി​യ​മ​വ്യ​വ​സ്ഥ​യു​ടെ പ​ഴു​തെ​ന്ന് പ​റ​യു​ന്ന​ത്, നി​ങ്ങ​ൾ​ക്ക് മ​റു​വ​ശം കേ​ൾ​ക്കാ​നു​ള്ള സൗ​ക​ര്യ​മി​ല്ല. ഒ​രു പ​ത്ര​പ്ര​വ​ർ​ത്ത​ക​യു​ടെ തോ​ളി​ല്‍ കൈ ​വ​ച്ച​തി​ന​ല്ലേ നി​ങ്ങ​ളെ​ല്ലാം സു​രേ​ഷ് ഗോ​പി​യെ കു​രി​ശി​ന്മേ​ൽ ത​റ​ച്ച​ത്.

ര​ഞ്ജി​ത്ത് വി​ഷ​യ​ത്തി​ൽ ഗൂ​ഢാ​ലോ​ച​ന ഉ​ണ്ടോ എ​ന്ന് അ​റി​യി​ല്ല, ഇ​തി​പ്പോ​ൾ സെ​റ്റി​ൽ സം​ഭ​വി​ക്കു​ന്ന കാ​ര്യ​മാ​ണ്. സാ​ക്ഷി​ക​ൾ ഇ​ല്ല​ല്ലോ. സാ​ക്ഷി​ക​ൾ ഇ​ല്ലാ​ത്ത കാ​ര്യ​ത്തി​ൽ ന​മു​ക്കൊ​ന്നും വി​ധി​ക​ൽ​പ്പി​ക്കാ​ൻ പ​റ്റി​ല്ല.

തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ മാ​ത്ര​മാ​ണ് ഇ​തൊ​ക്കെ തീ​രു​മാ​നി​ക്ക​പ്പെ​ടു​ക. എ​ന്‍റെ മ​ന​സാ​ക്ഷി​ക്ക് അ​നു​സ​രി​ച്ച് നി​ൽ​ക്കു​ന്ന​തു​കൊ​ണ്ടാ​ണ് പ​റ​യു​ന്ന​ത് ഞാ​ൻ അ​വ​നോ​ടൊ​പ്പ​മാ​ണ്. ഇ​നി അ​വ​ൻ തെ​റ്റു​കാ​ര​നാ​ണെ​ങ്കി​ൽ ആ ​കു​ട്ടി​ക്കു​വേ​ണ്ടി​യും വാ​ദി​ക്കും, അ​വ​നെ ചേ​ർ​ത്തു നി​ർ​ത്തു​ക​യും ചെ​യ്യും.’’–​ജോ​യ് മാ​ത്യു പ​റ​ഞ്ഞു.

Tags : joy mathew ranjith case