കോൽക്കത്ത: തൃണമൂൽ കോൺഗ്രസിലെ പിളർപ്പ് പുതിയ തലത്തിലേക്ക്. മമത ബാനർജിയുടെ അടുത്ത വിശ്വസ്തനും മുതിർന്ന നേതാവുമായ കല്യാൺ ബാനർജി വിമതസ്വരം ഉയർത്തി രംഗത്തെത്തി. മമതയുടെ അനന്തരവനും പാർട്ടിയുടെ ദേശീയ ജനറൽ സെക്രട്ടറിയുമായ അഭിഷേക് ബാനർജിക്കെതിരെ അദ്ദേഹം രംഗത്തെത്തി.
പാർട്ടിയിൽ താൻ വേണോ അതോ അഭിഷേക് ബാനർജി വേണോയെന്ന് മമത തീരുമാനിക്കണമെന്ന് കല്യാൺ ബാനർജി വ്യക്തമാക്കി. അഭിഷേക് ബാനർജിയില്ലാതെ പാർട്ടിക്ക് മുന്നോട്ടുപോകാൻ കഴിയില്ലെന്നാണ് മമത കരുതുന്നതെങ്കിൽ താൻ പാർട്ടിയിൽ തുടരില്ലെന്നും അദ്ദേഹം കൂട്ടിച്ചേർത്തു.
അഭിഷേക് ബാനർജിയുടെ അഹങ്കാരമാണ് ഈ കടുത്ത തീരുമാനത്തിലേക്ക് തന്നെ നയിച്ചത്. അഭിഷേക് സ്വയം ഒരു രാജാവാണെന്ന് കരുതുന്നുവെന്നും മുതിർന്ന നേതാക്കളെ ബഹുമാനിക്കാൻ അദ്ദേഹത്തിന് അറിയില്ല. ഇത്തരം മനോഭാവം കാരണം പാർട്ടി തകരുകയാണെന്നും അദ്ദേഹം ആരോപിച്ചു.
Tags : Mamata Banerjee tmc crisis kalyan banerjee