12

ന്യൂ​ഡ​ൽ​ഹി: മ​ധ്യ​പ്ര​ദേ​ശി​ലെ രാ​ജ്യ​സ​ഭാ സ്ഥാ​നാ​ർ​ഥി​ത്വം ത​ള്ളി​യ​തി​നെ​തി​രേ കോ​ണ്‍ഗ്ര​സ് സ്ഥാ​നാ​ർ​ഥി മീ​നാ​ക്ഷി ന​ട​രാ​ജ് സ​മ​ർ​പ്പി​ച്ച ഹ​ർ​ജി സു​പ്രീം​കോ​ട​തി ഇ​ന്ന് പ​രി​ഗ​ണി​ക്കാ​നി​രി​ക്കേ മൂ​ന്ന് ബി​ജെ​പി സ്ഥാ​നാ​ർ​ഥി​ക​ളെ​യും വി​ജ​യി​ക​ളാ​യി പ്ര​ഖ്യാ​പി​ച്ചു.

നാ​മ​നി​ർ​ദേ​ശ പ​ത്രി​ക​ക​ളു​ടെ സൂ​ക്‌​ഷ്മ പ​രി​ശോ​ധ​ന​യ്ക്കു​ശേ​ഷം പ​ത്രി​ക പി​ൻ​വ​ലി​ക്കാ​ത്ത സാ​ഹ​ച​ര്യ​ത്തി​ലാ​ണ് മൂ​വ​രെ​യും എ​തി​രി​ല്ലാ​തെ തെ​ര​ഞ്ഞെ​ടു​ത്ത​ത്. ബി​ജെ​പി ദേ​ശീ​യ ജ​ന​റ​ൽ സെ​ക്ര​ട്ട​റി ത​രു​ണ്‍ ചു​ഗ്, സം​സ്ഥാ​ന സെ​ക്ര​ട്ട​റി ര​ജ​നീ​ഷ് അ​ഗ​ർ​വാ​ൾ, സം​സ്ഥാ​ന മ​ത്സ്യ​ത്തൊ​ഴി​ലാ​ളി ക്ഷേ​മ ബോ​ർ​ഡ് മു​ൻ ചെ​യ​ർ​മാ​ൻ മ​ഹേ​ഷ് കേ​വ​ത് എ​ന്നി​വ​രാ​ണ് വി​ജ​യി​ച്ച​ത്.

മീ​നാ​ക്ഷി ന​ട​രാ​ജ​ന്‍റെ പ​ത്രി​ക നി​യ​മ​വി​രു​ദ്ധ​മാ​യാ​ണ് ത​ള്ളി​യ​തെ​ന്നും അ​തി​നാ​ൽ ഫ​ല​പ്ര​ഖ്യാ​പ​നം ത​ട​യു​ന്ന​തി​ന് ഇ​ന്ന​ലെത്തന്നെ അ​ടി​യ​ന്ത​ര വാ​ദം കേ​ൾ​ക്ക​ണ​മെ​ന്നും മു​തി​ർ​ന്ന അ​ഭി​ഭാ​ഷ​ക​ൻ അ​ഭി​ഷേ​ക് മ​നു സിം​ഗ്‌​വി സു​പ്രീം​കോ​ട​തി​യി​ൽ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ തെ​ര​ഞ്ഞെ​ടു​പ്പ് പ്ര​ക്രി​യ ആ​രം​ഭി​ച്ചുക​ഴി​ഞ്ഞു എ​ന്ന് ചൂ​ണ്ടി​ക്കാ​ട്ടി അ​ടി​യ​ന്ത​ര ഇ​ട​പെ​ട​ൽ ന​ട​ത്താ​ൻ ജ​സ്റ്റീ​സു​മാ​രാ​യ പ്ര​ശാ​ന്ത് കു​മാ​ർ മി​ശ്ര, എ.​എ​സ്. ച​ന്ദു​ർ​ക്ക​ർ എ​ന്നി​വ​ര​ട​ങ്ങി​യ ബെ​ഞ്ച് വി​സ​മ്മ​തി​ച്ചു. എ​ങ്കി​ലും വി​ഷ​യത്തി​ൽ ഇ​ന്ന് വാ​ദം കേ​ൾ​ക്കാ​ൻ കോ​ട​തി തയാ​റാ​യി.

ജ​ന​പ്രാ​തിനി​ധ്യ നി​യ​മ​ത്തി​ലെ വ്യ​വ​സ്ഥ പ്ര​കാ​രം കോ​ട​തി ന​ട​പ​ടി സ്വീ​ക​രി​ച്ച​തും എ​ഫ്ഐ​ആ​ർ ര​ജി​സ്റ്റ​ർ ചെ​യ്തതുമായ കേ​സു​കൾ ഉ​ണ്ടെ​ങ്കിൽ മാ​ത്രം സ​ത്യ​വാ​ങ്മൂ​ല​ത്തി​ൽ പ​രാ​മ​ർ​ശി​ച്ചാ​ൽ മ​തി. മീ​നാ​ക്ഷി ന​ട​രാ​ജ​നെ​തി​രേ ആ​രോ​പ​ണ​മു​ള്ള കേ​സി​ൽ വി​വ​ര​ങ്ങ​ൾ ശേ​ഖ​രി​ക്കു​ന്ന​തി​ന് നോ​ട്ടീ​സ് അ​യ​യ്ക്കു​ക മാ​ത്ര​മാ​ണ് കോ​ട​തി ചെ​യ്ത​തെ​ന്നും അ​തി​നാ​ൽ അ​ക്കാ​ര്യം പ​രാ​മ​ർ​ശി​ക്കേ​ണ്ട​തി​ല്ലെ​ന്നും കോ​ണ്‍ഗ്ര​സ് വാ​ദി​ക്കു​ന്നു.

2003ലെ ​സു​പ്രീം​കോ​ട​തി വി​ധി​യ​നു​സ​രി​ച്ച് സ​ത്യ​വാ​ങ്മൂ​ല​ത്തി​ൽ എ​ന്തെ​ങ്കി​ലും വി​വ​രം ന​ൽ​കി​യി​ല്ലെ​ന്ന കാ​ര​ണ​ത്താ​ൽ പ​ത്രി​ക ത​ള്ളാ​ൻ ക​ഴി​യി​ല്ലെ​ന്ന് വ്യ​ക്ത​മാ​ക്കി​യി​ട്ടു​ള്ള​താ​ണ്. ഇ​തു​ൾ​പ്പെ​ടെ​യു​ള്ള മാ​ർ​ഗ​നി​ർ​ദേ​ശ​ങ്ങ​ൾ കേ​ന്ദ്ര തെ​ര​ഞ്ഞെ​ടു​പ്പ് ക​മ്മീ​ഷ​ൻ ന​ൽ​കി​യി​ട്ടും റി​ട്ടേ​ണിം​ഗ് ഓ​ഫീ​സ​ർ എ​ന്തു​കൊ​ണ്ട് നാ​മ​നി​ർ​ദേ​ശ പ​ത്രി​ക ത​ള്ളി​യെ​ന്നും കോ​ണ്‍ഗ്ര​സ് ചോ​ദി​ക്കു​ന്നു. ഇ​ത​ട​ക്ക​മു​ള്ള വി​ഷ​യം കോ​ണ്‍ഗ്ര​സ് കോ​ട​തി​യി​ൽ ചോ​ദ്യം ചെ​യ്തേ​ക്കും. രാ​ജ്യ​വ്യാ​പ​ക പ്ര​തി​ഷേ​ധ​ത്തി​നും കോ​ണ്‍ഗ്ര​സ് ത​യ്യാ​റെ​ടു​ക്കു​ക​യാ​ണ്.

Tags : Madhya Pradesh Rajya Sabha elections Court decide