1

അ​യോ​ധ്യ: രാ​ജ്യ​വ്യാ​പ​ക​മാ​യി വ​ലി​യ ജ​ന​ശ്ര​ദ്ധ​യാ​ക​ർ​ഷി​ച്ച അ​യോ​ധ്യ രാ​മ​ക്ഷേ​ത്ര കാ​ണി​ക്ക വ​ഞ്ച​നാ​ക്കേ​സി​ൽ പ്ര​തി​ക​ളെ ചോ​ദ്യം ചെ​യ്ത​തി​ൽ നി​ന്നും ഞെ​ട്ടി​ക്കു​ന്ന വി​വ​ര​ങ്ങ​ൾ പു​റ​ത്ത്. കേ​സി​ൽ അ​റ​സ്റ്റി​ലാ​യ എ​ട്ട് പ്ര​തി​ക​ളി​ൽ ഒ​രാ​ളാ​യ അ​വി​നാ​ഷ് ശു​ക്ല​യെ അ​യോ​ധ്യ പോ​ലീ​സ് ര​ണ്ട് മ​ണി​ക്കൂ​റോ​ളം ജ​യി​ലി​ൽ വെ​ച്ച് ചോ​ദ്യം ചെ​യ്ത​പ്പോ​ഴാ​ണ് ത​ങ്ങ​ൾ പ​ണം ക​ട​ത്തി​യ​തി​ന്‍റെ​യും സു​ര​ക്ഷാ സം​വി​ധാ​ന​ങ്ങ​ളി​ലെ പാ​ളി​ച്ച​ക​ൾ മു​ത​ലെ​ടു​ത്ത​തി​ന്‍റെ​യും പൂ​ർ​ണ വി​വ​ര​ങ്ങ​ൾ വെ​ളി​പ്പെ​ടു​ത്തി​യ​ത്. ക്ഷേ​ത്ര സ​മു​ച്ച​യ​ത്തി​ലെ സി​സി​ടി​വി ക്യാ​മ​റ​ക​ളു​ടെ സ്ഥാ​നം കൃ​ത്യ​മാ​യി പ​ഠി​ച്ച പ്ര​തി​ക​ൾ, പ​ണം താ​ത്കാ​ലി​ക​മാ​യി ബാ​ത്റൂ​മു​ക​ളി​ൽ ഒ​ളി​പ്പി​ച്ചാ​ണ് പു​റ​ത്തേ​ക്ക് ക​ട​ത്തി​യി​രു​ന്ന​ത്.

പോ​ലീ​സ് വൃ​ത്ത​ങ്ങ​ൾ ന​ൽ​കു​ന്ന വി​വ​ര​ങ്ങ​ൾ പ്ര​കാ​രം വ​ള​രെ ആ​സൂ​ത്രി​ത​മാ​യാ​ണ് പ്ര​തി​ക​ൾ കോ​ടി​ക്ക​ണ​ക്കി​ന് രൂ​പ​യു​ടെ കാ​ണി​ക്ക​പ്പ​ണം ചോ​ർ​ത്തി​യ​ത്. ക്ഷേ​ത്ര സ​മു​ച്ച​യ​ത്തി​ൽ എ​വി​ടെ​യൊ​ക്കെ​യാ​ണ് സി​സി​ടി​വി ക്യാ​മ​റ​ക​ൾ സ്ഥാ​പി​ച്ചി​ട്ടു​ള്ള​തെ​ന്ന് പ്ര​തി​ക​ൾ​ക്ക് കൃ​ത്യ​മാ​യ ധാ​ര​ണ​യു​ണ്ടാ​യി​രു​ന്നു. ക്യാ​മ​റ​ക​ളു​ടെ നി​രീ​ക്ഷ​ണ പ​രി​ധി​യി​ൽ വ​രാ​ത്ത ഇ​ട​ങ്ങ​ൾ നോ​ക്കി​യാ​ണ് ഇ​വ​ർ നീ​ങ്ങി​യി​രു​ന്ന​ത്. ചി​ല സ​മ​യ​ങ്ങ​ളി​ൽ ക്യാ​മ​റ​ക​ൾ​ക്ക് മു​ന്നി​ൽ മ​നു​ഷ്യ​ക​വ​ചം തീ​ർ​ത്തും ക​റു​ത്ത ബാ​ഗു​ക​ൾ ഉ​പ​യോ​ഗി​ച്ച് കാ​ഴ്ച മ​റ​ച്ചു​മാ​ണ് പ​ണം മോ​ഷ്ടി​ച്ചി​രു​ന്ന​ത്.

ല​ക്നോ​വി​ൽ നി​ന്നും പു​റ​ത്തു​വ​രു​ന്ന റി​പ്പോ​ർ​ട്ടു​ക​ൾ പ്ര​കാ​രം, എ​ണ്ണ​ൽ മു​റി​യി​ൽ നി​ന്നും മാ​റ്റു​ന്ന പ​ണം ആ​രു​ടേ​യും ശ്ര​ദ്ധ​യി​ൽ​പ്പെ​ടാ​തി​രി​ക്കാ​ൻ ക്ഷേ​ത്ര​ത്തി​നു​ള്ളി​ലെ ബാ​ത്റൂ​മു​ക​ളി​ലാ​ണ് താ​ത്കാ​ലി​ക​മാ​യി ഒ​ളി​പ്പി​ച്ചി​രു​ന്ന​ത്. പി​ന്നീ​ട് അ​നു​കൂ​ല​മാ​യ സാ​ഹ​ച​ര്യം ല​ഭി​ക്കു​മ്പോ​ൾ ചെ​റി​യ അ​ള​വു​ക​ളാ​യി ഇ​വ പു​റ​ത്തേ​ക്ക് ക​ട​ത്തു​ക​യാ​യി​രു​ന്നു.

കാ​ണി​ക്ക എ​ണ്ണു​ന്ന മു​റി​യു​ടെ ര​ണ്ട് താ​ക്കോ​ലു​ക​ളി​ൽ ഒ​ന്ന് ബാ​ങ്ക് ഉ​ദ്യോ​ഗ​സ്ഥ​രു​ടെ പ​ക്ക​ലും ര​ണ്ടാ​മ​ത്തേ​ത് കേ​സി​ൽ പ്ര​തി​യാ​യ രാ​മ​ശ​ങ്ക​ർ യാ​ദ​വ് എ​ന്ന ടി​ന്നു യാ​ദ​വി​ന്‍റെ കൈ​വ​ശ​വു​മാ​യി​രു​ന്നു. ട്ര​സ്റ്റി​ലെ പ്ര​മു​ഖ​രു​മാ​യി അ​ടു​ത്ത ബ​ന്ധ​മു​ണ്ടാ​യി​രു​ന്ന​തി​നാ​ൽ പ്ര​തി​ക​ളെ ആ​രും സം​ശ​യി​ച്ചി​രു​ന്നി​ല്ല. മോ​ഷ്ടി​ച്ച പ​ണം ഉ​പ​യോ​ഗി​ച്ച് പ്ര​തി​ക​ൾ പ​ല​യി​ട​ങ്ങ​ളി​ലും ഭൂ​മി​യും വീ​ടും വാ​ങ്ങി​യ​താ​യി സ​മ്മ​തി​ച്ചി​ട്ടു​ണ്ട്. ഇ​വ​രു​ടെ ബാ​ങ്ക് അ​ക്കൗ​ണ്ടു​ക​ളും സാ​മ്പ​ത്തി​ക ഇ​ട​പാ​ടു​ക​ളും പോ​ലീ​സ് ഇ​പ്പോ​ൾ സൂ​ക്ഷ്മ​മാ​യി പ​രി​ശോ​ധി​ച്ചു വ​രി​ക​യാ​ണ്.

അ​വി​നാ​ഷ് ശു​ക്ല​യു​ടെ വീ​ട്ടി​ൽ നി​ന്നും എ​ഫ്ഐ​ആ​ർ ര​ജി​സ്റ്റ​ർ ചെ​യ്യു​ന്ന​തി​ന് മു​ൻ​പ് ത​ന്നെ ട്ര​സ്റ്റ് ഭാ​ര​വാ​ഹി​ക​ൾ 58 ല​ക്ഷം രൂ​പ ക​ണ്ടു​കെ​ട്ടി​യി​രു​ന്ന​താ​യും ബാ​ക്കി തു​ക ബാ​ങ്ക് ട്രാ​ൻ​സ്ഫ​ർ വ​ഴി തി​രി​കെ ന​ൽ​കി​യ​താ​യും വി​വ​ര​മു​ണ്ട്. അ​ത്ര​ത്തോ​ളം സു​ര​ക്ഷ​യു​ള്ള ക്ഷേ​ത്ര സ​മു​ച്ച​യ​ത്തി​ൽ ഇ​ത്ര​യും ദീ​ർ​ഘ​കാ​ലം എ​ങ്ങ​നെ മോ​ഷ​ണം തു​ട​രാ​ൻ ക​ഴി​ഞ്ഞു എ​ന്ന​തി​നെ​ക്കു​റി​ച്ചും കൂ​ടു​ത​ൽ ആ​ളു​ക​ൾ ഇ​തി​ൽ ഉ​ൾ​പ്പെ​ട്ടി​ട്ടു​ണ്ടോ എ​ന്നും പ്ര​ത്യേ​ക അ​ന്വേ​ഷ​ണ സം​ഘം അ​ന്വേ​ഷി​ക്കു​ന്നു​ണ്ട്. കേ​സി​നെ​ത്തു​ട​ർ​ന്ന് ക​ഴി​ഞ്ഞ​യാ​ഴ്ച രാ​മ​ജ​ന്മ​ഭൂ​മി തീ​ർ​ത്ഥ​ക്ഷേ​ത്ര ട്ര​സ്റ്റ് ഭാ​ര​വാ​ഹി​ക​ളാ​യ ച​മ്പ​ത് റാ​യി​യും അ​നി​ൽ മി​ശ്ര​യും ത​ങ്ങ​ളു​ടെ സ്ഥാ​ന​ങ്ങ​ൾ രാ​ജി​വ​ച്ചി​രു​ന്നു.

Tags : Ram Mandir Donation Theft Latest News SIT UP