22

ന്യൂഡൽഹി: ചോ​ദ്യ​പേ​പ്പ​ർ ചോ​ർ​ച്ചാ വി​ഷ​യ​ത്തി​ൽ കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി​ക്കെ​തി​രെ രൂ​ക്ഷ വി​മ​ർ​ശ​ന​വു​മാ​യി കേ​ന്ദ്ര​മ​ന്ത്രി ജെ.​പി ന​ഡ്ഡ. ചോ​ദ്യ​പേ​പ്പ​ർ ചോ​ർ​ച്ച​യു​മാ​യി ബ​ന്ധ​പ്പെ​ട്ട് രാ​ഹു​ൽ ഗാ​ന്ധി രാ​ഷ്ട്രീ​യ ല​ക്ഷ്യ​ങ്ങ​ളോ​ടെ തെ​ര​ഞ്ഞെ​ടു​ത്ത പ്ര​തി​ക​ര​ണ​ങ്ങ​ളാ​ണ് ന​ട​ത്തു​ന്ന​തെ​ന്ന് ഡൽഹി‍യിലെ ബിജെപി ആസ്ഥാനത്ത് നടത്തിയ പത്ര സമ്മേളനത്തിൽ അദ്ദേഹം കുറ്റപ്പെടുത്തി. പ്ര​തി​പ​ക്ഷ ക​ക്ഷി​ക​ൾ ഭ​രി​ക്കു​ന്ന സം​സ്ഥാ​ന​ങ്ങ​ളി​ലും വിവിധ മത്സര പരീക്ഷകളിൽ ചോദ്യ പേപ്പർ ചോർച്ച റിപ്പോർട്ട് ചെ‍യ്തിട്ടുണ്ട്. 

എ​ന്നാ​ൽ രാ​ഹു​ൽ ഗാ​ന്ധി ഇ​ത്ത​രം വി​ഷ​യ​ങ്ങ​ളി​ൽ മൗ​നം പാ​ലി​ക്കു​ക‍യും നീറ്റ് ചോദ്യ പേപ്പർ ചോർച്ചയുമായി ബന്ധപ്പെട്ട വിഷയങ്ങൾ രാഷ്ട്രീ‍യ ആയുധമാക്കുകയുമാണെന്ന് നഡ്ഡ കുറ്റപ്പെടുത്തി.  

പ​രീ​ക്ഷാ സം​വി​ധാ​ന​ങ്ങ​ളി​ലെ പ്ര​ശ്ന​ങ്ങ​ളും ചോ​ദ്യ​പേ​പ്പ​ർ ചോ​ർ​ച്ചാ വി​ഷ​യ​വും പാ​ർ​ല​മെ​ന്‍റി​ൽ ച​ർ​ച്ച ചെ​യ്യാ​ൻ സ​ർ​ക്കാ​ർ പൂ​ർ​ണ​മാ​യും ത​യ്യാ​റാ​ണെ​ന്നും ജെ.​പി ന​ഡ്ഡ ആ​വ​ർ​ത്തി​ച്ചു. എ​ന്നാ​ൽ പ്ര​തി​പ​ക്ഷം സ​ഭ​യി​ലെ ന​ട​പ​ടി​ക​ൾ ത​ട​സപ്പെ​ടു​ത്താ​നാ​ണ് ശ്ര​മി​ക്കു​ന്ന​തെ​ന്നും അ​ദ്ദേ​ഹം പറഞ്ഞു.

ചോദ്യപേപ്പർ ചോർച്ച വിവാദത്തെ തുടർന്നുള്ള സിജെപിയുടെ പാർലമെന്‍റ് മാർച്ചനെതിരെ ഡൽഹി പോലീസ്‌ നടത്തിയ അതിക്രമങ്ങളെ അപലപിച്ച് കോൺഗ്രസ് നേതാവ് രാഹുൽ ഗാന്ധിയും ഇന്ന് ഡൽഹിയിലെ എഐസിസി ആസ്ഥാനമായ ഇന്ദിരാ ഭവനിൽ പത്ര സമ്മേളനം നടത്തിയിരുന്നു. ഇതിന് പിന്നാലെ‍യാണ് രാഹുൽ ഗാന്ധിയുടെ ആരോപണങ്ങൾ നിഷേധിച്ച് ബിജെപി മുൻ അധ്യക്ഷൻ ജെ.പി നഡ്ഡയും പത്രസമ്മേളനം നടത്തിയത്. 

വി​ദ്യാ​ഭ്യാ​സ മ​ന്ത്രി ധ​ർ​മേന്ദ്ര പ്ര​ധാ​ന്‍റെ രാ​ജി, വി​ദ്യാ​ർ​ത്ഥി​ക​ളു​ടെ കു​ടും​ബ​ങ്ങ​ൾ​ക്ക് ന​ഷ്ട​പ​രി​ഹാ​രം തു​ട​ങ്ങി​യ ആ​വ​ശ്യ​ങ്ങ​ൾ അം​ഗീ​ക​രി​ക്കു​ന്ന​ത് വ​രെ സ​മ​രം തു​ട​രു​മെ​ന്ന നി​ല​പാ​ടി​ലാ​ണ് സി​ജെ​പി. 

വി​ദ്യാ​ർ​ത്ഥി​ക​ൾ​ക്കെ​തി​രെ പ്ര​തി​കാ​ര ന​ട​പ​ടി​ക​ൾ ഉ​ണ്ടാ​കി​ല്ലെ​ന്ന് ഉ​റ​പ്പു​ന​ൽ​കി​യാ​ൽ നി​രാ​ഹാ​രം അ​വ​സാ​നി​പ്പി​ക്കാ​ൻ ത​യ്യാ​റാ​ണെ​ന്ന് സോ​നം വാം​ഗ്ചു​ക്ക് അ​റി​യി​ച്ചി​ട്ടു​ണ്ട്.

Tags : Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash