ന്യൂഡൽഹി: ബിജെപി വിട്ട് പുതിയ രാഷ്ട്രീയ പാർട്ടി രൂപീകരിക്കുമെന്ന് അഭ്യൂഹങ്ങൾക്കിടെ പ്രതികരണവുമായി തമിഴ്നാട് ബിജെപി മുൻ അ​ധ്യ​ക്ഷ​നും മു​ൻ ഐ​പി​എ​സ് ഉ​ദ്യോ​ഗ​സ്ഥ​നു​മാ​യ കെ. അണ്ണാമലൈ. പുതിയ പാർട്ടിയെക്കുറിച്ചുള്ള മാധ്യമങ്ങളുടെ ചോദ്യത്തിന്, ദയവായി കാത്തിരിക്കൂ, നമുക്ക് രണ്ട് ദിവസത്തിനുള്ളിൽ ഇരുന്ന് സംസാരിക്കാം എന്ന് അണ്ണാമലൈ മറുപടി നൽകി.‌‌‌

ജൂ​ൺ നാലിന് ​ത​ന്‍റെ ജ​ന്മ​ദി​ന​ത്തി​ന് തൊ​ട്ടു​പി​ന്നാ​ലെ പു​തി​യ സം​ഘ​ട​ന​യു​ടെ പ്ര​ഖ്യാ​പ​നം ഉ​ണ്ടാ​കു​മെ​ന്നാ​ണ് അണ്ണാമലൈയുമായി അ​ടു​ത്ത വൃ​ത്ത​ങ്ങ​ൾ ന​ൽ​കു​ന്ന സൂ​ച​ന. 'മ​ക്ക​ൾ ശ​ക്തി ഇ​യ​ക്കം' എ​ന്നാ​യി​രി​ക്കും പു​തി​യ സം​ഘ​ട​ന​യു​ടെ പേ​രെ​ന്നും, ഇ​ത് ഭാ​വി​യി​ൽ ഒ​രു പു​തി​യ രാ​ഷ്ട്രീ​യ പാ​ർ​ട്ടി​യാ​യി മാ​റാ​ൻ സാ​ധ്യ​ത​യു​ണ്ടെ​ന്നും ച​ർ​ച്ച​ക​ൾ സ​ജീ​വ​മാ​ണ്.

ക​ർ​ണാ​ട​ക കേ​ഡ​ർ ഐ​പി​എ​സ് ഉ​ദ്യോ​ഗ​സ്ഥ​നാ​യി​രു​ന്ന കാ​ല​ത്ത് 'സി​ങ്കം' എ​ന്ന വി​ളി​പ്പേ​ര് നേ​ടി​യ അ​ണ്ണാ​മ​ലൈ, എ​ൻ​ജി​നീ​യ​റിംഗ് ബി​രു​ദ​ത്തി​നും ഐ​ഐ​എം ലക്നോ​വി​ലെ എം​ബി​എ പ​ഠ​ന​ത്തി​നും ശേ​ഷ​മാ​ണ് സി​വി​ൽ സ​ർ​വീ​സി​ലേ​ക്ക് എ​ത്തി​യ​ത്.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യി​ൽ നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട് 2020-ലാ​ണ് അ​ദ്ദേ​ഹം ബി​ജെ​പി​യി​ൽ ചേ​ർ​ന്ന​ത്. തൊ​ട്ട​ടു​ത്ത വ​ർ​ഷം എ​ൽ. മു​രു​ഗ​ൻ കേ​ന്ദ്ര​മ​ന്ത്രി​യാ​യ​തോ​ടെ ത​മി​ഴ്‌​നാ​ട് ബി​ജെ​പി​യു​ടെ അ​മ​ര​ത്തേ​ക്ക് അ​ണ്ണാ​മ​ലൈ നി​യോ​ഗി​ക്ക​പ്പെ​ട്ടു.

പി​ൽ​ക്കാ​ല​ത്ത് പാ​ർ​ട്ടി​യി​ൽ നി​ന്ന് ത​ഴ​യ​പ്പെ​ട്ടെ​ങ്കി​ലും ഫീ​നി​ക്സ് പ​ക്ഷി​യെ​പ്പോ​ലെ അ​ണ്ണാ​മ​ലൈ മ​ട​ങ്ങി​വ​രു​മെ​ന്നാ​ണ് അ​ദ്ദേ​ഹ​ത്തെ അ​നു​കൂ​ലി​ക്കു​ന്ന​വ​ർ വി​ശ്വ​സി​ക്കു​ന്ന​ത്.

Tags : k Annamalai talk rumours BJP