ഡാ​ള​സി​ൽ ഇ​ന്ത്യ​ൻ ക്രി​സ്ത്യ​ൻ ദി​നാ​ച​ര​ണം സം​ഘ​ടി​പ്പി​ച്ചു
Monday, August 25, 2025 3:25 PM IST
ഡാ​ള​സ്: യേ​ശു​ക്രി​സ്തു​വി​ന്‍റെ ശി​ഷ്യ​നാ​യ തോ​മ​സ് അ​പ്പൊ​സ്ത​ല​ൻ ഇ​ന്ത്യ​യി​ലേ​ക്ക് വ​ന്ന​തി​ന്‍റെ സ്മ​ര​ണ‌​യ്ക്കാ​യി ആ​ച​രി​ക്കു​ന്ന ഇ​ന്ത്യ​ൻ ക്രി​സ്ത്യ​ൻ ഡേ ​ശ്ര​ദ്ധേ​യ​മാ​യി.

ക​രോ​ൾ​ട്ട​ൻ സി​റ്റി​യി​ൽ ദ ​ച​ർ​ച്ച് ഓ​ഫ് ദ ​ബേ ഓ​ഡി​റ്റോ​റി​യ​ത്തി​ൽ ന​ട​ന്ന സ​മ്മേ​ള​ന​ത്തി​ൽ മാ​ർ​ത്തോ​മ്മാ, യാ​ക്കോ​ബാ​യ, ഓ​ർ​ത്ത​ഡോ​ക്സ്, ക്നാ​നാ​യ, ബ്ര​ദ​റ​ൻ, സി​എ​സ് ഐ, ​ക​ത്തോ​ലി​ക്കാ, ഐ​പി​സി, ച​ർ​ച്ച് ഓ​ഫ് ഗോ​ഡ്, സ്വ​ത​ന്ത്ര സ​ഭ​ക​ൾ, മെ​ത​ഡി​സ്റ്റ്, നോ​ൺ ഡി​നോ​മി​നേ​ഷ​ൻ തു​ട​ങ്ങി​യ സ​ഭ​ക​ളി​ൽ നി​ന്നു​ള്ള സ​ഭാ​ശു​ശ്രൂ​ഷ​ക​രും മ​ത നേ​താ​ക്ക​ന്മാ​രും വി​ശ്വാ​സി​ക​ളും സാം​സ്കാ​രി​ക, രാ​ഷ്രീ​യ പ്ര​വ​ർ​ത്ത​ക​രും പ​ങ്കെ​ടു​ത്തു.

കേ​ര​ളം, ത​മി​ഴ്നാ​ട്, ക​ർ​ണാ​ട​ക, തെ​ലു​ങ്കാ​ന, ഗു​ജ​റാ​ത്ത് എ​ന്നീ സം​സ്ഥാ​ന​ങ്ങ​ളി​ൽ നി​ന്നു​ള്ള പ്ര​വാ​സി​ക​ളും സ​മ്മേ​ള​ന ന​ഗ​രി​യി​ൽ ഒ​ത്തു​കൂ​ടി.



ഇ​ന്ത്യ​ക്ക് വി​ദേ​ശ മി​ഷ​ന​റി​മാ​രി​ൽ നി​ന്ന് വി​വി​ധ മേ​ഖ​ല​ക​ളി​ൽ ല​ഭി​ച്ച അ​മൂ​ല്യ സം​ഭാ​വ​ന​ക​ൾ, സു​വി​ശേ​ഷ​ത്തി​നു വേ​ണ്ടി ജീ​വി​ൻ ബ​ലി​യ​ർ​പ്പി​ച്ച​വ​രു​ടെ ജീ​വി​താ​നു​ഭ​വ​ങ്ങ​ൾ എ​ന്നി​വ​യെ​ല്ലാം ഈ ​സ​മ്മേ​ള​ത്തി​ലെ പ്ര​ധാ​ന ച​ർ​ച്ചാ വി​ഷ​യ​ങ്ങ​ൾ ആ​യി​രു​ന്നു.

ക​രോ​ൾ​ട്ട​ൻ പ്രോ ​മേ​യ​ർ (ഡ്‌​യ​സി പ​ലാ​മോ), മ​ർ​ഫി പ്രോ ​മേ​യ​ർ (എ​ലി​സ​ബ​ത്ത് ഏ​ബ്ര​ഹാം), ഗാ​ർ​ല​ൻ​ഡ് അ​ഡ്വൈ​സ​റി അം​ഗം പി.​സി. മാ​ത്യു തു​ട​ങ്ങി​യ​വ​ർ പ്ര​സം​ഗി​ച്ചു. പ്ര​ഫ.​സ​ണ്ണി മാ​ത്യു മു​ഖ്യ സ​ന്ദേ​ശം ന​ൽ​കി.

ഡാ​ള​സ് ഫോ​ർ​ട്ട് വ​ർ​ത്ത് സി​റ്റി ബൈ​ഡ് പ്ര​യ​ർ ഫെ​ലോ​ഷി​പ്പ് കോ​ഓ​ർ​ഡി​നേ​റ്റ​ർ പാ​സ്റ്റ​ർ മാ​ത്യു ശ​മൂ​വേ​ൽ, പാ​സ്റ്റ​ർ ജോ​ൺ എ​ള്ള​മ്പ​ള്ളി, പോ​ൾ ഗു​രു​പ്പ് തു​ട​ങ്ങി​യ​വ​രാ​ണ് സ​മ്മേ​ള​ന​ത്തി​ന്‍റെ മു​ഖ്യ സം​ഘാ​ട​ക​ർ.
">