കുവൈറ്റ് സിറ്റി: മിഷൻ മദർ മേരി ഗ്രൂപ്പിന്റെ ലോഗോ പ്രകാശനം ചെയ്തു. ഹോളി ഫാമിലി കോ കത്തീഡ്രലിൽ നടന്ന ചടങ്ങിൽ നോർത്തേൺ അറേബ്യ അപ്പസ്തോലിക് വികാരി എച്ച്ഇ ബിഷപ്പ് ആൾദോ ബെറാർഡി ഒഎസ്എസ്ടി നിർവഹിച്ചു.
2023ൽ ബിഷപ് ആൾദോയുടെ ആശീർവാദത്തോടെ കുവൈറ്റിൽ ആരംഭിച്ച മിഷൻ ഇപ്പോൾ കുവൈറ്റ്, ഇന്ത്യ, ന്യൂസിലൻഡ്, യുഎസ്എ, ഒമാൻ, യുഎഇ, അയർലൻഡ് എന്നീ രാജ്യങ്ങളിൽ പ്രവർത്തിക്കുന്നു.

പരിശുദ്ധ കന്യാമറിയത്തിലൂടെ യേശു ക്രിസ്തുവിലേക്ക് എന്ന് ലക്ഷ്യത്തെ മുൻനിർത്തിയാണ് മിഷൻ പ്രവർത്തനങ്ങൾ നടക്കുന്നത്. അതിന്റെ ഭാഗമായി വിശ്വാസികൾ ജപമാലയും കന്യാമറിയത്തിന്റെ പ്രത്യക്ഷീകരണ പ്രാർഥനകളും അതോടൊപ്പം പ്രേഷിത കാരുണ്യ പ്രവൃത്തികളും എറ്റെടുത്തു നടത്തുന്നു.
ഇന്ത്യയിൽ ഭക്ഷണ വിതരണം, രോഗികൾക്കുള്ള ചികിത്സാ സഹായം, കുട്ടികൾക്കുള്ള സൗജന്യ പഠന കിറ്റ് വിതരണം, ഭവന നിർമാണം ഉൾപ്പെടെയുള്ള സഹായങ്ങളും മിഷൻ ഗ്രൂപ്പിൽ അംഗമായ കുടുംബങ്ങൾ ചെയ്യുന്നു.

ഒക്ടോബർ മാസത്തിൽ ആദ്യമായി അറേബ്യൻ മാതാവിന്റെ മൈനർ ബസിലിക്കയിലേക്ക് മരിയൻ തീർഥാടന അഖണ്ഡ ജപമാല റാലിയും സംഘടിപ്പിച്ചിരുന്നു.
ചടങ്ങിൽ മിഷൻ സ്ഥാപക കോഓർഡിനേറ്റർ ബാബു ഫ്രാൻസീസ്, സെക്രട്ടറി പ്രിൻസ് കൊല്ലപ്പിള്ളിൽ, കോർ കമ്മിറ്റി അംഗങ്ങളായ മരിയ ലോറൻസ്, ജോഷി കുര്യൻ, ഷീബ ജോബി, പ്രിൻസി പ്രിൻസ്, സുമ ലോറസ് സിമി ജിജു, ഗ്രെറ്റി ജിൻസോ എന്നിവരും രാജീവ് ജോൺ, ബിട്ടു അബ്രഹാം, ഷെറി വർഗ്ഗീസ്എന്നിവരും പങ്കെടുത്തു.

മൂന്ന് വർഷത്ത മിഷന്റെ പ്രവർത്തനങ്ങളെ ബിഷപ് അഭിനന്ദിക്കുകയും പ്രാർഥനാശംസകൾ നേരുകയും ചെയ്തു.
Tags : Mission Mother Mary Logo Unveiled