31

ന​ദി​ക​ള്‍ മാ​ലി​ന്യം ത​ള്ളാ​നു​ള്ള ഇ​ട​മാ​ണെ​ന്ന് ധ​രി​ക്കു​ന്ന​വ​ര്‍ മേ​ഘാ​ല​യ​ത്തി​ലെ ഉം​ഗോ​ട്ട് ന​ദി ഒ​രി​ക്ക​ലെ​ങ്കി​ലും സ​ന്ദ​ര്‍​ശി​ക്ക​ണം. ഒ​രാ​ള്‍​പ്പോ​ലും ന​ദി​യി​ല്‍ മാ​ലി​ന്യം നി​ക്ഷേ​പി​ക്കി​ല്ലെ​ന്നു മാ​ത്ര​മ​ല്ല ഒ​രാ​ള്‍​ക്കും അ​തി​ന് അ​വ​സ​രം ന​ല്‍​കു​ക​യു​മി​ല്ല. ഇ​ന്ത്യ​യി​ലെ ഏ​റ്റ​വും ശു​ദ്ധ​മാ​യ ജ​ല​പ്ര​വാ​ഹ​മു​ള്ള ന​ദി എ​ന്നാ​ണ് ഉം​ഗോ​ട്ട് അ​റി​യ​പ്പെ​ടു​ന്ന​ത്.

മു​പ്പ​ത് അ​ടി​വ​രെ ആ​ഴ​ത്തി​ല്‍ ക​ണ്ണാ​ടി പോ​ലെ തെ​ളി​ഞ്ഞ​തും സ്ഫ​ടി​ക​തു​ല്യ​വു​മാ​യ വെ​ള്ള​മാ​ണ് ന​ദി​യു​ടെ ഏ​റ്റ​വും വ​ലി​യ പ്ര​ത്യേ​ക​ത. മേ​ഘാ​ല​യ​യി​ലെ വെ​സ്റ്റ് ജ​യ​ന്തി​യാ ഹി​ല്‍​സ് ജി​ല്ല​യി​ലെ ഡൗ​കി​യി​ലൂ​ടെ​യാ​ണ് ഉം​ഗോ​ട്ട് ന​ദി ഒ​ഴു​കു​ന്ന​ത്. ഖാ​സി, ജ​യ​ന്തി​യ മ​ല​നി​ര​ക​ളെ ഈ ​ന​ദി വേ​ര്‍​തി​രി​ക്കു​ന്നു. ‍ ആ​വ​ശ്യ​മു​ള്ള വെ​ള്ളം പാ​ത്ര​ത്തി​ല്‍ കോ​രി​യെ​ടു​ത്ത് കു​ളി​ക്കു​ക​യും വ​സ്ത്രം ക​ഴു​കു​ക​യും ചെ​യ്യ​ണ​മെ​ന്നാ​ണ് ഇ​വി​ട​ത്തെ ത​ദ്ദേ​ശി​യ​രാ​യ ഗോ​ത്ര​വാ​സി​ക​ളു​ടെ പൊ​തു​വാ​യ നി​ര്‍​ദേ​ശം.

മ​ത്സ്യ​ബ​ന്ധ​ന​മാ​ണ് പ്ര​ദേ​ശ​വാ​സി​ക​ളു​ടെ പ്ര​ധാ​ന തൊ​ഴി​ല്‍. വ​ള്ള​ങ്ങ​ളി​ലും ച​ങ്ങാ​ട​ങ്ങ​ളി​ലും സ​ഞ്ച​രി​ച്ചു​ള്ള മീ​ന്‍​പി​ടി​ത്ത​മ​ല്ലാ​തെ ഇ​തി​നാ​യി യ​ന്ത്ര​വ​ത്കൃ​ത ബോ​ട്ടു​ക​ള്‍ അ​നു​വ​ദ​നീ​യ​മ​ല്ല. അ​തി​നാ​ല്‍ ഡീ​സ​ൽ ഉ​ള്‍​പ്പെ​ടെ മാ​ലി​ന്യ​ങ്ങ​ൾ ‍ ന​ദി​യി​ല്‍ ക​ല​രു​ന്നി​ല്ല. തീ​ര​ങ്ങ​ളി​ലെ വ​ന​വും പാ​റ​ക​ളും അ​തേ രീ​തി​യി​ല്‍ സം​ര​ക്ഷി​ക്കു​ന്ന​തി​നാ​ല്‍ മ​ണ്ണി​ടി​ച്ചി​ല്‍ മൂ​ലം ന​ദി മ​ലി​ന​മാ​കു​ന്നി​ല്ല. ഇ​ന്ത്യ​യും ബം​ഗ്ലാ​ദേ​ശും ത​മ്മി​ലു​ള്ള അ​തി​ര്‍​ത്തി കൂ​ടി​യാ​ണി​ത്. ഡൗ​കി ഗ്രാ​മം ര​ണ്ടു രാ​ജ്യ​ങ്ങ​ളും ത​മ്മി​ലു​ള്ള പ്ര​ധാ​ന വ്യാ​പാ​ര പാ​ത​യാ​യി പ്ര​വ​ര്‍​ത്തി​ക്കു​ന്നു. ഈ ​ന​ദി​ക്കു കു​റു​കെ ബ്രി​ട്ടീ​ഷു​കാ​ര്‍ 1932ല്‍ ​നി​ര്‍​മി​ച്ച തൂ​ക്കു​പാ​ലം സ​ഞ്ചാ​രി​ക​ളെ ആ​ക​ര്‍​ഷി​ക്കു​ന്ന പ്ര​ധാ​ന നി​ര്‍​മി​തി​യാ​ണ്.

രാ​ജ്യ​ത്തി​നു​ത​ന്നെ മാ​തൃ​ക​യാ​യ ഈ ​ന​ദീ​സം​ര​ക്ഷ​ണ​ത്തി​ന് വെ​ല്ലു​വി​ളി ഉ​യ​ര്‍​ത്തി കൂ​റ്റ​ന്‍ അ​ണ​ക്കെ​ട്ട് നി​ര്‍​മി​ച്ച് വൈ​ദ്യു​തി ഉ​ത്പാ​ദി​പ്പി​ക്കാ​നു​ള്ള മേ​ഘാ​ല​യ എ​ന​ര്‍​ജി കോ​ര്‍​പ​റേ​ഷ​ന്‍റെ നീ​ക്ക​ത്തി​നെ​തി​രേ പ​ര​ക്കെ പ്ര​തി​ഷേ​ധം ഉ​യ​രു​ക​യാ​ണ്. 600 കോ​ടി രൂ​പ ചെ​ല​വി​ല്‍ 210 മെ​ഗാ​വാ​ട്ട് വൈ​ദ്യു​തി ഉ​ത്പാ​ദ​ന​മാ​ണ് പ​ദ്ധ​തി​യി​ല്‍ ല​ക്ഷ്യ​മി​ടു​ന്ന​ത്. സം​സ്ഥാ​ന​ത്തെ വൈ​ദ്യു​തി ക്ഷാ​മ​ത്തി​ന് പ​രി​ഹാ​രം ഇ​തു മാ​ത്ര​മാ​ണെ​ന്ന നി​ല​പാ​ടി​ലാ​ണ് സം​സ്ഥാ​ന സ​ര്‍​ക്കാ​ര്‍. ഇ​ങ്ങ​നെ​യെ​ങ്കി​ല്‍ ലോ​ക​ത്തി​ലെ ത​ന്നെ ഏ​റ്റ​വും ശു​ദ്ധ​മാ​യ ജ​ല​പ്ര​വാ​ഹ​മു​ള്ള ഉം​ഗോ​ട്ട് ന​ദി എ​ന്നേ​ക്കു​മാ​യി വി​സ്മൃ​തി​യി​ലാ​കും.

Tags : River Sunday Deepika