31

അ​തി​രു​ക​ളി​ല്ലാ​ത്ത ക​രു​ണ​യു​ടെ​യും ദൃ​ഢ​നി​ശ്ച​യ​ത്തി​ന്‍റെ​യും ക​ഥ​ക​ൾ ലോ​ക​ത്തി​ന് എ​പ്പോ​ഴും പു​തി​യ വെ​ളി​ച്ച​മാ​ണ് ന​ൽ​കു​ന്ന​ത്. ആ​ഡം​ബ​ര​ത്തി​ന്‍റെ​യും കോ​ർ​പ​റേ​റ്റ് പ്രൗ​ഢി​യു​ടെ​യും കൊ​ടു​മു​ടി​യി​ൽ​നി​ന്ന്, ഒ​ന്നു​മി​ല്ലാ​ത്ത​വ​രു​ടെ ജീ​വി​ത​ത്തി​ലേ​ക്ക് പെ​യ്തി​റ​ങ്ങി​യ ഒ​രു സ്വി​സ് യു​വ​തി​യു​ടെ ക​ഥ ബം​ഗാ​ളി​ലെ ഉ​ൾ​നാ​ട​ൻ ഗ്രാ​മ​ങ്ങ​ൾ​ക്ക് ഇ​ക്കാലത്ത് വെ​റു​മൊ​രു അ​ദ്ഭു​ത​മ​ല്ല, മ​റി​ച്ച് ജീ​വ​ശ്വാ​സ​മാ​ണ്.

സാ​ന്ദ്ര ലാ​വി ഗോ​ജ്കോ​വി​ച്ച് എ​ന്ന ജീ​വ​കാ​രു​ണ്യ പ്ര​വ​ർ​ത്ത​ക സ്വി​റ്റ്‌​സ​ർ​ല​ൻ​ഡി​ലെ സു​ഖ​സൗ​ക​ര്യ​ങ്ങ​ൾ ഉ​പേ​ക്ഷി​ച്ച് പ​ശ്ചി​മ​ബം​ഗാ​ളി​ലെ സു​ന്ദ​ർ​ബ​ൻ​സി​ലു​ള്ള സാ​ഗ​ർ ദ്വീ​പി​ൽ എ​ത്തു​മ്പോ​ൾ അ​വ​രു​ടെ കൈ​യി​ൽ വ​ൻ​കി​ട പ​ദ്ധ​തി​ക​ളു​ടെ ബ്ലൂ​പ്രി​ന്‍റു​ക​ളോ കോ​ടി​ക​ളു​ടെ നി​ക്ഷേ​പ​മോ ഉ​ണ്ടാ​യി​രു​ന്നി​ല്ല. ഉ​ണ്ടാ​യ​തൊ​ന്നു മാ​ത്രം. മ​റ്റു​ള്ള​വ​രു​ടെ സ​ങ്ക​ട​ങ്ങ​ൾ കേ​ൾ​ക്കാ​നും അ​വ​രെ ചേ​ർ​ത്തു​പി​ടി​ക്കാ​നു​മു​ള്ള തെ​ളി​ഞ്ഞ മ​ന​സും ഒ​രു മ​നഃ​സ​മാ​ധാ​ന​വു​മി​ല്ലാ​ത്ത കോ​ർ​പ​റേ​റ്റ് ലോ​ക​ത്തോ​ടു​ള്ള വി​ട​പ​റ​യ​ലും.

വി​പ്ല​വ​ക​ര​മാ​യ മാ​റ്റം

സ്വി​റ്റ്‌​സ​ർ​ല​ൻ​ഡി​ൽ വ​ള​ർ​ന്ന്, ഉ​ന്ന​ത​വി​ദ്യാ​ഭ്യാ​സം നേ​ടി സൂ​റി​ച്ചി​ലും ദു​ബാ​യി​ലു​ം പ്ര​ശ​സ്ത​മാ​യ കോ​ർ​പ​റേ​റ്റ് സ്ഥാ​പ​ന​ത്തി​ൽ ഉ​യ​ർ​ന്ന ശ​മ്പ​ള​ത്തി​ലും ആ​ഡം​ബ​ര കാ​റി​ലു​മൊ​ക്കെ​ തി​ള​ങ്ങി​നി​ന്ന കാ​ല​ത്താ​ണ് സാ​ന്ദ്ര​യു​ടെ ഉ​ള്ളി​ൽ ചോ​ദ്യ​ങ്ങ​ൾ അ​ല​യ​ടി​ക്കാ​ൻ തു​ട​ങ്ങി​യ​ത്. ലോ​ക​ത്തി​ൽ കോ​ടി​ക്ക​ണ​ക്കി​ന് മ​നു​ഷ്യ​ർ ഒ​രു​നേ​ര​ത്തെ ആ​ഹാ​ര​ത്തി​നും അ​ടി​സ്ഥാ​ന അ​വ​കാ​ശ​ങ്ങ​ൾ​ക്കു​മാ​യി നെ​ട്ടോ​ട്ട​മോ​ടു​മ്പോ​ൾ ത​നി​ക്കു മാ​ത്രം എ​ന്തി​നാ​ണ് ഇ​ത്ര​യ​ധി​കം ആ​നു​കൂ​ല്യ​ങ്ങ​ളും അ​വ​സ​ര​ങ്ങ​ളും ല​ഭി​ക്കു​ന്ന​ത് എ​ന്ന തി​രി​ച്ച​റി​വാ​ണ് അ​വ​രു​ടെ ജീ​വി​ത​ത്തി​ന്‍റെ ഗ​തി മാ​റ്റി​യ​ത്. നേ​ട്ട​ങ്ങ​ൾ സൗ​ക​ര്യ​ങ്ങ​ൾ ത​ന്നേ​ക്കാം, എ​ന്നാ​ൽ അ​തു ജീ​വി​ത​ത്തി​ന് യ​ഥാ​ർ​ഥ അ​ർ​ഥം ന​ൽ​കി​ല്ലെ​ന്നു തി​രി​ച്ച​റി​ഞ്ഞ സാ​ന്ദ്ര, വെ​റും ര​ണ്ടു ജോ​ഡി വ​സ്ത്ര​ങ്ങ​ളു​മാ​യി ഇ​ന്ത്യ​യി​ലേ​ക്കു വി​മാ​നം ക​യ​റി.

ആ​ദ്യ​കാ​ല​ങ്ങ​ളി​ൽ ത​ന്‍റെ സ​മ്പാ​ദ്യം സ​ന്ന​ദ്ധ​സം​ഘ​ട​ന​ക​ൾ​ക്കു ന​ൽ​കി മ​ട​ങ്ങാ​നാ​ണ് അ​വ​ർ ഉ​ദ്ദേ​ശി​ച്ചി​രു​ന്ന​ത്. എ​ന്നാ​ൽ, അ​നു​ഭ​വ​ങ്ങ​ൾ അ​വ​രെ മ​റ്റൊ​രു പാ​ഠം പ​ഠി​പ്പി​ച്ചു. സു​താ​ര്യ​ത​യി​ല്ലാ​യ്മ​യും പ്രാ​ദേ​ശി​ക ആ​വ​ശ്യ​ങ്ങ​ളെ​ക്കാ​ൾ സ്വ​ന്തം അ​ജ​ൻ​ഡ​ക​ൾ​ക്ക് മു​ൻ​ഗ​ണ​നയും ന​ൽ​കു​ന്ന സം​ഘ​ട​ന​ക​ളു​ടെ ശൈ​ലി​യും ക​ണ്ട​പ്പോ​ൾ സ്വ​ന്ത​മാ​യി രം​ഗ​ത്തി​റ​ങ്ങാ​ൻ അ​വ​ർ തീ​രു​മാ​നി​ച്ചു. ഭി​ന്ന​ശേ​ഷി​യു​ള്ള കു​ട്ടി​ക​ളു​ടെ വ​സ്ത്ര​ങ്ങ​ൾ കൈ​കൊ​ണ്ട് ക​ഴു​കു​ന്ന​തു​ മു​ത​ൽ ഡ​ൽ​ഹി​യി​ലെ​യും മും​ബൈ​യി​ലെ​യും തെ​രു​വു​ക​ളി​ൽ സ​ന്ന​ദ്ധ​സേ​വ​നം ന​ട​ത്തു​ന്ന​തു​വ​രെ അ​പ​രി​ചി​ത​മാ​യ നാ​ടി​ന്‍റെ ഉ​ള്ള​റ​ക​ളെ മ​ന​സി​ലാ​ക്കാ​ൻ അ​വ​ർ ത​യാ​റാ​യി.

ക​ട​ൽ ക​ട​ന്നെ​ത്തി​യ വെ​ളി​ച്ചം

കോ​ൽ​ക്ക​ത്ത​യി​ൽ​നി​ന്നു ട്രെ​യി​നി​ൽ ര​ണ്ട​ര മ​ണി​ക്കൂ​ർ യാ​ത്ര. അ​തി​നു​ശേ​ഷം വേ​ലി​യേ​റ്റ​വും വേ​ലി​യി​റ​ക്ക​വും നോ​ക്കി ഒ​രു മ​ണി​ക്കൂ​ർ ബോ​ട്ട് യാ​ത്ര... പ്ര​കൃ​തി​ദു​ര​ന്ത​ങ്ങ​ളും ചു​ഴ​ലി​ക്കാ​റ്റു​ക​ളും പ​തി​വാ​യ, മി​ക്ക സ​ന്ന​ദ്ധ​സം​ഘ​ട​ന​ക​ളും കാ​ൽകു​ത്താ​ൻ മ​ടി​ക്കു​ന്ന സു​ന്ദ​ർ​ബ​ൻ​സി​ലെ സാ​ഗ​ർ ദ്വീ​പി​ലേ​ക്കാ​യി​രു​ന്നു ആ ​അ​ന്വേ​ഷ​ണം ഒ​ടു​വി​ലെ​ത്തി​യ​ത്. ബോ​ട്ട് മാ​ർ​ഗം മാ​ത്രം എ​ത്തി​ച്ചേ​രാ​ൻ ക​ഴി​യു​ന്ന ഈ ​ഒ​റ്റ​പ്പെ​ട്ട ദ്വീ​പി​ൽ കാ​ൽകു​ത്തി​യ സാ​ന്ദ്ര ക​ണ്ട​ത്, അ​ടി​സ്ഥാ​ന​ സൗ​ക​ര്യ​ങ്ങ​ൾ പോ​ലു​മി​ല്ലാ​ത്ത മ​നു​ഷ്യ​രെ​യാ​ണ്. ദാ​രി​ദ്ര്യം കാ​ര​ണം അ​വി​ട​ത്തെ കു​ട്ടി​ക​ൾ സ്കൂ​ളി​ൽ പോ​കു​ന്ന​തി​നു പ​ക​രം മാ​താ​പി​താ​ക്ക​ളോ​ടൊ​പ്പം കൂ​ലി​പ്പ​ണി​ക്ക് പോ​കു​ക​യാ​യി​രു​ന്നു.

ഗ്രാ​മീ​ണ​രു​മാ​യി സം​സാ​രി​ച്ച​പ്പോ​ൾ ഉ​യ​ർ​ന്നു​വ​ന്ന പ്ര​ധാ​ന ആ​വ​ശ്യ​മാ​യി​രു​ന്നു കു​ട്ടി​ക​ളു​ടെ വി​ദ്യാ​ഭ്യാ​സം. കൃ​ഷി​പ്പ​ണി​യി​ലും മ​ത്സ്യ​ബ​ന്ധ​ന​ത്തി​ലും കു​ട്ടി​ക​ളെ കൂ​ടെ​ക്കൂ​ട്ടി​യി​രു​ന്ന മാ​താ​പി​താ​ക്ക​ൾ​ക്കു ത​ങ്ങ​ളു​ടെ മ​ക്ക​ളു​ടെ ഭാ​വി അ​നി​ശ്ചി​ത​ത്വ​ത്തി​ലാ​ണെ​ന്ന് ന​ന്നാ​യി അ​റി​യാ​മാ​യി​രു​ന്നു. അ​ങ്ങ​നെ, അ​വി​ടെ​ത്ത​ന്നെ പ്ര​വ​ർ​ത്തി​ക്കാ​ൻ സാ​ന്ദ്ര തീ​രു​മാ​നി​ച്ചു. 15 വ​ർ​ഷം മു​ന്പ് ഒ​രു ചെറിയ പ്രൈ​മ​റി സ്കൂ​ൾ സ്ഥാ​പി​ച്ചു​ സാ​ന്ദ്ര ത​ന്‍റെ ച​രി​ത്ര​പ​ര​മാ​യ ദൗ​ത്യ​ത്തി​ന് തു​ട​ക്ക​മി​ട്ടു.

എ​ന്നാ​ൽ, ഒ​രു വി​ദേ​ശവ​നി​ത​യെ പെ​ട്ടെ​ന്ന് വി​ശ്വ​സി​ക്കു​ക​യെ​ന്ന​തു ഗ്രാ​മ​വാ​സി​ക​ൾ​ക്ക് എ​ളു​പ്പ​മാ​യി​രു​ന്നി​ല്ല. അ​വ​ർ പ്ര​ദേ​ശ​വാ​സി​ക​ളാ​യ സ​ഹ​പ്ര​വ​ർ​ത്ത​ക​രു​ടെ സ​ഹാ​യ​ത്തോ​ടെ ഓ​രോ വീ​ടു​ം ക​യ​റി​യി​റ​ങ്ങി മാ​താ​പി​താ​ക്ക​ൾ​ക്കു ബോ​ധ​വ​ത്ക​ര​ണം ന​ൽ​കി. കു​ട്ടി​ക​ൾ സ്കൂ​ളി​ൽ വ​രു​ന്നു​ണ്ടെ​ന്ന് ഉ​റ​പ്പാ​ക്കാ​ൻ അ​ധ്യാ​പ​ക​ർ ദി​വ​സ​വും രാ​വി​ലെ​ അ​വ​രു​ടെ വീ​ടു​ക​ളി​ലെ​ത്തി. പ​തു​ക്കെ സാ​ന്ദ്ര​യു​ടെ സ്ഥി​രോ​ത്സാ​ഹം കാ​ര​ണം ഗ്രാ​മ​വാ​സി​ക​ൾ​ക്ക് വി​ശ്വാ​സ​മാ​യി.

പ്ര​തി​സ​ന്ധി​ക​ളും അ​തി​ജീ​വ​ന​വും

തു​ട​ക്കം ഒ​രി​ക്ക​ലും എ​ളു​പ്പ​മാ​യി​രു​ന്നി​ല്ല. വി​ദേ​ശി​യാ​യ​തു​കൊ​ണ്ട് പ്ര​ദേ​ശ​വാ​സി​ക​ൾ ആ​ദ്യം സം​ശ​യ​ത്തോ​ടെ​യാ​ണ് അ​വ​രെ നോ​ക്കി​ക്ക​ണ്ട​ത്. ക്രി​സ്ത്യ​ൻ മി​ഷ​നറി​യാ​ണെ​ന്ന തെ​റ്റി​ദ്ധാ​ര​ണ​ക​ൾ വ​രെ​യു​ണ്ടാ​യി. എ​ന്നാ​ൽ നി​ഷ്കാ​മ​ ക​ർ​മ​ത്തി​ലൂ​ടെ​യും സ്നേ​ഹ​ത്തി​ലൂ​ടെ​യും സാ​ന്ദ്ര അ​വ​രെ കീ​ഴ​ട​ക്കി. ഇ​ട​യ്ക്ക് ഗു​രു​ത​ര​മാ​യ മ​ലേ​റി​യ ബാ​ധി​ച്ചു ചി​കി​ത്സ​യ്ക്കാ​യി സ്വി​റ്റ്‌​സ​ർ​ല​ൻ​ഡി​ലേ​ക്ക് മ​ട​ങ്ങേ​ണ്ടി​വ​ന്ന​പ്പോ​ഴും ഡോ​ക്‌​ട​ർ​മാ​രു​ടെ വി​ല​ക്കു​ക​ളെ മ​റി​ക​ട​ന്ന്, രോ​ഗ​മു​ക്തി നേ​ടി​യ പി​റ്റേ​ന്നു​ത​ന്നെ അ​വ​ർ ഇ​ന്ത്യ​യി​ലേ​ക്ക് തി​രി​ച്ചെ​ത്തി.

കു​ടും​ബ​ത്തോ​ടും സു​ഹൃ​ത്തു​ക്ക​ളോ​ടും പ​റ​യാ​തെ ര​ഹ​സ്യ​മാ​യി പ​ണി​തു​യ​ർ​ത്തി​യ ആ ​സ്കൂ​ളി​ന്‍റെ ചു​വ​രു​ക​ളു​ടെ നി​റം നി​ർ​ണ​യി​ക്കു​ന്ന​തു​ മു​ത​ൽ അ​ടു​ക്ക​ള​പ്പാ​ത്ര​ങ്ങ​ൾ വാ​ങ്ങു​ന്ന​തു​വ​രെ സാ​ന്ദ്ര നേ​രി​ട്ടാ​യി​രു​ന്നു. അ​വിട​ത്തെ അ​ധ്യാ​പ​ക​രെ ചേ​ർ​ത്തുപി​ടി​ച്ച് വീ​ടു​ക​ൾ​ തോ​റും ക​യ​റി​യി​റ​ങ്ങി അ​വ​ർ കു​ട്ടി​ക​ളെ സ്കൂ​ളി​ലേ​ക്ക് ആ​ക​ർ​ഷി​ച്ചു.

ഇ​ന്ന് ഈ ​സ്കൂ​ൾ കു​ട്ടി​ക​ൾ​ക്ക് സൗ​ജ​ന്യ​വും ഗു​ണ​നി​ല​വാ​ര​മു​ള്ള​തു​മാ​യ വി​ദ്യാ​ഭ്യാ​സം ന​ൽ​കു​ക മാ​ത്ര​മ​ല്ല പോ​ഷ​കാ​ഹാ​ര​വും ന​ൽ​കു​ന്നു​ണ്ട്. 15 വ​ർ​ഷ​ങ്ങ​ൾ​ക്കി​പ്പു​റം ആ ​ പ്രൈ​മ​റി സ്കൂ​ൾ വ​രു​ത്തി​വ​ച്ച മാ​റ്റ​ങ്ങ​ൾ അ​ത്ഭു​ത​പ്പെ​ടു​ത്തു​ന്ന​താ​ണ്. പ്ര​ദേ​ശ​ത്തെ ബോ​ർ​ഡ് പ​രീ​ക്ഷാ വി​ജ​യ​ശ​ത​മാ​നം 50ൽ​നി​ന്ന് 100 ആ​യി ഉ​യ​ർ​ന്നു.

ജ​ന​കീ​യ പ്ര​സ്ഥാ​ന​ത്തി​ലേ​ക്ക്

സാ​ന്ദ്ര​യു​ടെ ​സ്കൂ​ൾ ഇ​പ്പോ​ൾ അ​ക്ഷ​ര​ങ്ങ​ൾ പ​ഠി​പ്പി​ക്കു​ന്ന​തി​ൽ മാ​ത്രം ഒ​തു​ങ്ങി​നി​ൽ​ക്കു​ന്നി​ല്ല; മ​റി​ച്ച് പ്ര​ദേ​ശ​ത്തെ സാ​മൂ​ഹി​കമാ​റ്റ​ത്തി​ന്‍റെ വ​ലി​യൊ​രു കേ​ന്ദ്ര​മാ​യി മാ​റി​യി​രി​ക്കു​ക​യാ​ണ്. ബാ​ല​വി​വാ​ഹം, മ​നു​ഷ്യ​ക്ക​ട​ത്ത്, ഗാ​ർ​ഹി​ക പീ​ഡ​നം എ​ന്നി​വ​യ്ക്കെ​തി​രേ ശ​ബ്‌​ദ​മു​യ​ർ​ത്താ​നു​ള്ള ധൈ​ര്യം സ്കൂ​ളി​ലെ വി​ദ്യാ​ർ​ഥി​ക​ൾ​ക്ക് ന​ൽ​കു​ന്നു. സ്കൂ​ൾ ഇ​തു​വ​രെ 112 ഗ്രാ​മീ​ണ യു​വാ​ക്ക​ൾ​ക്ക് പ​രി​ശീ​ല​നം ന​ൽ​കി, 30 ഗ്രാ​മ​ങ്ങ​ളി​ലാ​യി ഇരുപതിനായിരത്തോ​ളം ജനങ്ങളി​ലേ​ക്ക് ഈ ​സം​ര​ക്ഷ​ണ​സ​ന്ദേ​ശ​മെ​ത്തി​ച്ചു. ത​യ്യ​ൽ അ​ട​ക്ക​മു​ള്ള തൊ​ഴി​ൽ പ​രി​ശീ​ല​ന​ങ്ങ​ളി​ലൂ​ടെ അ​വി​ട​ത്തെ സ്ത്രീ​ക​ളെ സാ​മ്പ​ത്തി​ക സ്വ​യം​പ​ര്യാ​പ്ത​ത​യി​ലേ​ക്കു ന​യി​ച്ചു.

പ​ല​പ്പോ​ഴും ഈ ​സ്കൂ​ളി​ലെ വി​ദ്യാ​ർ​ഥി​ക​ൾത​ന്നെ മു​ൻ​കൈ​യെ​ടു​ത്ത് സ്വ​ന്തം കൂ​ട്ടു​കാ​രു​ടെ ബാ​ല​വി​വാ​ഹ​ങ്ങ​ൾ ത​ട​ഞ്ഞി​ട്ടു​ണ്ട്. "എ​ന്‍റെ പ​ഴ​യ വി​ദ്യാ​ർ​ഥി​ക​ൾ അ​ടു​ത്ത ത​ല​മു​റ​യെ സം​ര​ക്ഷി​ക്കാ​ൻ മു​ന്നോ​ട്ടു​വ​രു​മ്പോ​ൾ, അ​താ​ണ് എ​ന്‍റെ പ്ര​വ​ർ​ത്ത​ന​ത്തി​ന്‍റെ യ​ഥാ​ർ​ഥ വി​ജ​യം" -സാ​ന്ദ്ര അ​ഭി​മാ​ന​ത്തോ​ടെ പ​റ​യു​ന്നു.

­­ക​ഴി​ഞ്ഞ 15 വ​ർ​ഷ​മാ​യി ഗ്രാ​മീ​ണ​മേ​ഖ​ല​യി​ൽ ജീ​വി​ക്കു​ന്ന സാ​ന്ദ്ര​യ്ക്ക് ഇ​തൊ​രു ത്യാ​ഗ​മാ​യി തോ​ന്നു​ന്നി​ല്ല; മ​റി​ച്ച് ത​ന്‍റെ ക​ട​മ​യാ​യി​ട്ടാ​ണ് തോ​ന്നു​ന്ന​ത്. "സ്വി​റ്റ്സ​ർ​ല​ൻ​ഡ് എ​ന്നെ അ​ച്ച​ട​ക്ക​വും ജോ​ലി​ക​ൾ ആസൂത്രണം ചെ​യ്യാ​നും പ​ഠി​പ്പി​ച്ചു, എ​ന്നാ​ൽ ഇ​ന്ത്യ എ​ന്നെ ഒ​രു ന​ല്ല മ​നു​ഷ്യ​വ്യക്തിയാ​ക്കി മാ​റ്റി, ജീ​വി​ക്കാ​ൻ പ​ഠി​പ്പി​ച്ചു. ആ​ളു​ക​ൾ ഗ്രാ​മ​ങ്ങ​ളെ ദാ​രി​ദ്ര്യ​കേ​ന്ദ്ര​മാ​യി മാ​ത്രം കാ​ണു​ന്നു, എ​ന്നാ​ൽ ആ​ധു​നി​ക ന​ഗ​ര​ങ്ങ​ൾ​ക്കു ന​ഷ്‌​ട​പ്പെ​ട്ട സ​മാ​ധാ​ന​വും സ്നേ​ഹ​വും ലാ​ളി​ത്യ​വും ഗ്രാ​മ​ങ്ങ​ൾ എ​നി​ക്കു ന​ൽ​കി’-സാ​ന്ദ്ര വ്യ​ക്ത​മാ​ക്കു​ന്നു.

ഇ​ത്ര​യൊ​ക്കെ ചെ​യ്തി​ട്ടും താ​ൻ പ​ണി​തു​യ​ർ​ത്തി​യ സ്കൂ​ളി​ന് സ്വ​ന്തം പേ​ര് ന​ൽ​കാ​ൻ​പോ​ലും സാ​ന്ദ്ര ത​യാ​റാ​യി​ല്ല. "ഞാ​ൻ ഇ​ന്ത്യ​യി​ലെ ഒ​രു അ​തി​ഥി മാ​ത്ര​മാ​ണ്, പാ​ശ്ചാ​ത്യ ആ​ശ​യ​ങ്ങ​ൾ അ​ടി​ച്ചേ​ൽ​പ്പി​ക്കാ​ന​ല്ല ഞാ​ൻ വ​ന്ന​ത്’- അ​വ​ർ വി​ന​യ​ത്തോ​ടെ പ​റ​യു​ന്നു. പ്രാ​ദേ​ശി​ക​മാ​യ കൂ​ട്ടാ​യ്മ​യ്ക്കാ​ണ് അ​വ​ർ പൂ​ർ​ണ നി​യ​ന്ത്ര​ണ​വും ന​ൽ​കി​യി​രി​ക്കു​ന്ന​ത്.

ഇ​ന്നും സാ​ന്ദ്ര ത​ന്‍റെ സ​മ​യം സ്വി​റ്റ്‌​സ​ർ​ല​ൻ​ഡി​ലും ഇ​ന്ത്യ​യി​ലു​മാ​യി വീ​തി​ച്ചി​രി​ക്കു​ന്നു. സാ​ഗ​ർ ദ്വീ​പി​ലെ പ്ര​വ​ർ​ത്ത​ന​ങ്ങ​ൾ​ക്കു സ്വ​ന്ത​മാ​യി ഫ​ണ്ട് ക​ണ്ടെ​ത്താ​ൻ സാന്ദ്ര സ്വി​റ്റ്‌​സ​ർ​ല​ൻ​ഡി​ൽ ജോ​ലി ചെ​യ്യു​ന്നു. ബാ​ക്കി സ​മ​യം ഗ്രാ​മീ​ണ കു​ട്ടി​ക​ൾ​ക്കാ​യി ഇ​ന്ത്യ​യി​ൽ ചെ​ല​വ​ഴി​ക്കു​ന്നു. ഭൗ​തി​ക ​സ​മ്പാ​ദ്യ​ങ്ങ​ൾ താ​ത്കാ​ലി​ക​മാ​ണെ​ന്നും അ​വ​സ​ര​ങ്ങ​ൾ നി​ഷേ​ധി​ക്ക​പ്പെ​ട്ട​വ​ർ​ക്ക് അ​ത് തു​റ​ന്നു​കൊ​ടു​ക്കു​ന്ന​തി​ലാ​ണ് ജീ​വി​ത​ത്തി​ന്‍റെ യ​ഥാ​ർ​ഥ സ​ഫ​ല​ത​യെ​ന്നും ഈ ​സ്വി​സ് യു​വ​തി ലോ​ക​ത്തോ​ട് വി​ളി​ച്ചു​പ​റ​യു​ന്നു. സാ​ഗ​ർ ദ്വീ​പി​ലെ ​അ​ജ്ഞാ​ത വി​ദ്യാ​ല​യം ഇ​ന്ന് കേ​വ​ലം ഒ​രു കെ​ട്ടി​ട​മ​ല്ല; അ​ത് മ​നു​ഷ്യ​ത്വ​ത്തി​ന്‍റെ​യും അ​തി​രു​ക​ളി​ല്ലാ​ത്ത സ്നേ​ഹ​ത്തി​ന്‍റെ​യും വ​ലി​യൊ​രു ഗോ​പു​ര​മാ​ണ്!

ലോ​ക​ത്തി​ന് സ​ന്ദേ​ശം ന​ൽ​കി​ക്കൊ​ണ്ട് സാ​ന്ദ്ര പ​റ​യു​ന്നു: ‘ലോ​ക​ത്തെ മാ​റ്റാ​ൻ അ​ത്ഭു​ത​ക​ര​മാ​യ വ​ലി​യ കാ​ര്യ​ങ്ങ​ൾ ഒ​ന്നും ചെ​യ്യേ​ണ്ട​തി​ല്ല, ദൈ​നം​ദി​ന ജീ​വി​ത​ത്തി​ൽ മ​റ്റു​ള്ള​വ​രോ​ട് കാ​ണി​ക്കു​ന്ന ദ​യ​യോ​ടെ​യു​ള്ള മ​നോ​ഭാ​വം പോ​ലും ലോ​ക​ത്തെ മ​നോ​ഹ​ര​മാ​ക്കും’.

Tags : Lighthouse love Sagar Island Sunday Deepika