31

സ്വാ​ത​ന്ത്ര്യ​ദി​ന​ത്തി​ന്‍റെ പി​റ്റേ​ന്ന് വാ​ര​ണാ​സി വി​മാ​ന​ത്താ​വ​ള​ത്തി​ല്‍ പൊ​ട്ടി​യ ഒ​രു തോ​ക്കി​നെ​പ്പ​റ്റി​യാ​ണ്. മും​ബൈ​യി​ല്‍ ഹോ​ട്ട​ല്‍ ബി​സി​ന​സ് ന​ട​ത്തു​ന്ന, ശി​വ​സേ​ന​യു​ടെ (ഷി​ന്‍​ഡെ വി​ഭാ​ഗം) മു​ന്‍ കൗ​ണ്‍​സി​ല​ര്‍ ക​മ​ലേ​ഷ് കേ​ദാ​ര്‍​നാ​ഥ് റാ​യി (55) വാ​ര​ണാ​സി​യി​ല്‍​നി​ന്ന് മും​ബൈ​ക്ക് രാ​വി​ലെ ഒ​ന്‍​പ​ത​ര​യ്ക്കു​ള്ള എ​യ​ര്‍ ഇ​ന്ത്യ എ​ക്സ്പ്ര​സ് ഫ്ളൈ​റ്റ് ഐ​എ​ക്സ് 1810ന് ​പോ​കാ​ന്‍ എ​ത്തി​യ​താ​യി​രു​ന്നു, ലാ​ല്‍ ബ​ഹാ​ദു​ര്‍ ശാ​സ്ത്രി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ല്‍.

ക​മ​ലേ​ഷ്, ഭാ​ര്യ സു​ഷ​മ​യു​മൊ​ത്ത് ല​ഗേ​ജ് ചെ​ക്കി​ന്‍ ചെ​യ്യാ​ന്‍ നി​ല്‍​ക്കു​ക​യാ​യി​രു​ന്ന കൗ​ണ്ട​റി​ന് അ​ടു​ത്തു​നി​ന്ന് പെ​ട്ടെ​ന്നാ​ണ് വെ​ടി​പൊ​ട്ടി​യ​ത്. വെ​ടി​യൊ​ച്ച​യു​ടെ പി​ന്നാ​ലെ നി​ല​വി​ളി​യും ആ​ള്‍​ക്കൂ​ട്ട​വും ബ​ഹ​ള​വും സി​ഐ​എ​സ്എ​ഫി​ന്‍റെ പാ​ച്ചി​ലും പൊ​ലീ​സി​ന്‍റെ വ​ര​വും ക​മ​ലേ​ഷി​നെ​യും ഭാ​ര്യ​യെും ചോ​ദ്യം ചെ​യ്യാ​നാ​യി നീ​ക്കു​ന്ന​തും ഇ​തി​നി​ടെ വി​മാ​നം ക​മ​ലേ​ഷി​ല്ലാ​തെ പ​റ​ന്നു​പോ​കു​ന്ന​തും എ​ല്ലാം ക​ഴി​യു​മ്പോ​ഴേ​ക്കാ​ണ് സം​ഭ​വം വ്യ​ക്ത​മാ​യി​ത്തു​ട​ങ്ങു​ന്ന​ത്.

ലൈ​സ​ന്‍​സു​ള്ള ഒ​രു തോ​ക്ക് വ​ര്‍​ഷ​ങ്ങ​ളാ​യി സ​ദാ കൊ​ണ്ടു​ന​ട​ക്കു​ന്ന ക​മ​ലേ​ഷ്, മു​മ്പ് പ​ല യാ​ത്ര​ക​ളി​ലും ചെ​യ്തി​ട്ടു​ള്ള​തു​പോ​ലെ, ചെ​ക്കി​ന്‍ കൗ​ണ്ട​റി​ല്‍ തോ​ക്കി​ന്‍റെ കാ​ര്യം പ​റ​ഞ്ഞു. തോ​ക്കി​ന്‍റെ ലൈ​സ​ന്‍​സി​ന്‍റെ കോ​പ്പി കൗ​ണ്ട​റി​ല്‍ കൊ​ടു​ത്തു. വി​മാ​ന​ത്താ​വ​ള സു​ര​ക്ഷാ ചു​മ​ത​ല​യു​ള്ള സി​ഐ​എ​സ്എ​ഫ് ‍ തോ​ക്ക് പ​രി​ശോ​ധി​ച്ച്, എ​യ​ര്‍​പോ​ര്‍​ട്ട്സ് അ​ഥോ​റി​ട്ടി ഓ​ഫ് ഇ​ന്ത്യ കാ​ര്‍​ഗോ ലോ​ജി​സ്റ്റി​ക്സ് ആ​ന്‍​ഡ് അ​ല​യ്ഡ് ക​മ്പ​നി​യു​ടെ (എ​എ​ഐ​സി​എ​ല്‍​എ​സി) ജീ​വ​ന​ക്കാ​ര്‍​ക്ക് കൈ​മാ​റാ​ന്‍ എ​ത്തി. ക​മ​ലേ​ഷ് തോ​ക്കി​ല്‍​നി​ന്ന് എ​ല്ലാ​വ​രും കാ​ണ്‍​കെ തി​ര​ക​ളെ​ടു​ത്തു മാ​റ്റി. എ​ല്ലാം സു​ര​ക്ഷി​ത​മാ​യി എ​ന്നു തെ​ളി​യി​ക്കാ​ന്‍ കാ​ഞ്ചി വ​ലി​ച്ചു. വെ​ടി പൊ​ട്ടി.

ഭാ​ഗ്യ​ത്തി​ന് തോ​ക്ക് ലേ​ശം മാ​റ്റി താ​ഴ്ത്തി പി​ടി​ച്ചി​രു​ന്ന​തു​കൊ​ണ്ട്, തി​ര ആ​ദ്യം കൊ​ണ്ട​ത് ഭി​ത്തി​യി​ലാ​ണ്. അ​വി​ടെ​നി​ന്ന് തി​രി​കെ തെ​റി​ച്ചു വ​ന്ന് ജീ​വ​ന​ക്കാ​രി സു​മ​ന്‍ കു​മാ​രി​യു​ടെ കാ​ലി​ല്‍ ത​റ​ച്ചു. തി​ര, രോ​ഹി​ത് രാ​ജ് എ​ന്ന ജീ​വ​ന​ക്കാ​ര​ന്‍റെ കൈ​യോ​ടു​ചേ​ര്‍​ന്ന് പാ​ഞ്ഞു​പോ​കു​ന്ന​തി​നി​ടെ വി​ര​ലു​ക​ള്‍ ഉ​ര​ഞ്ഞു മു​റി​ഞ്ഞു. സു​മ​നും രോ​ഹി​തും ആ​ശു​പ​ത്രി​യി​ലും ക​മ​ലേ​ഷ് പൊ​ലീ​സ് ക​സ്റ്റ​ഡി​യി​ലു​മാ​യി. സം​ഭ​വം, ഇ​ന്ത്യ​യി​ല്‍ തോ​ക്കു​മാ​യി യാ​ത്ര ചെ​യ്യു​ന്ന​തി​നു​ള്ള ച​ട്ട​ങ്ങ​ളി​ലേ​ക്ക് ഒ​രി​ക്ക​ല്‍​ക്കൂ​ടി ശ്ര​ദ്ധ തി​രി​ച്ചി​ട്ടു​ണ്ട്.

തോ​ക്കി​ന് ലൈ​സ​ന്‍​സ് വേ​ണ​മെ​ന്ന​താ​ണ്, സി​ഐ​എ​സ്എ​ഫ് ച​ട്ട​ങ്ങ​ളി​ല്‍ ഒ​ന്നാ​മ​ത്തേ​ത്. ചെ​ക്കി​ന്‍ ചെ​യ്യാ​നെ​ത്തി ല​ഗേ​ജ് കൈ​മാ​റും​മു​മ്പ് തോ​ക്കി​ന്‍റെ കാ​ര്യം യാ​ത്ര​ക്കാ​ര​ന്‍ പ​റ​യു​ക​യും രേ​ഖാ​മൂ​ലം അ​റി​യി​ക്കു​ക​യും വേ​ണം. ലൈ​സ​ന്‍​സി​നൊ​പ്പം മേ​ശ​പ്പു​റ​ത്തു വ​യ്ക്കു​ന്ന തോ​ക്ക് സി​ഐ​എ​സ്എ​ഫ്്‍ പ​രി​ശോ​ധി​ക്ക​ണം. തോ​ക്കി​ല്‍​നി​ന്ന് തി​ര​ക​ളെ​ല്ലാം മാ​റ്റി​യി​ട്ടു​ണ്ടെ​ന്ന് ഉ​റ​പ്പാ​ക്കി തോ​ക്കും തി​ര​യും വെ​വ്വേ​റെ സു​ര​ക്ഷി​താ​യി പാ​യ്ക്കു​ചെ​യ്ത് ചെ​ക്കി​ന്‍ ചെ​യ്ത ല​ഗേ​ജു​ക​ള്‍​ക്കൊ​പ്പം വി​മാ​ന​ത്തി​ന്‍റെ കാ​ര്‍​ഗോ ഹോ​ള്‍​ഡി​ലേ​ക്ക് വി​ട​ണം. വി​മാ​ന കാ​ബി​നി​ല്‍ തോ​ക്കും തി​ര​ക​ളും ക​യ​റ്റാ​നേ പാ​ടി​ല്ല.

ഒ​രു യാ​ത്ര​ക്കാ​ര​ന് എ​ത്ര തോ​ക്കും തി​ര​ക​ളും കൊ​ണ്ടു​പോ​കാ​മെ​ന്നും ബ്യൂ​റോ ഓ​ഫ് സി​വി​ല്‍ ഏ​വി​യേ​ഷ​ന്‍ സെ​ക്യൂ​രി​റ്റി വ്യ​ക്ത​ത വ​രു​ത്തി​യി​ട്ടു​ണ്ട്. ലൈ​സ​ന്‍​സു​ള്ള റി​വോ​ള്‍​വ​റോ, പി​സ്റ്റ​ളോ, ഷോ​ട്ട്ഗ​ണ്ണോ ഒ​രെ​ണ്ണ​വും അ​തി​ന്‍റെ തി​ര​ക​ളും. ഒ​രോ വി​മാ​ന​ക്ക​മ്പ​നി​ക​ളും അ​വ​രു​ടേ​താ​യ ഉ​പ​നി​ബ​ന്ധ​ന​ക​ളും ഇ​തി​ല്‍ കൂ​ട്ടി​ച്ചേ​ര്‍​ക്കാ​റു​മു​ണ്ട്. ഭാ​രം അ​ഞ്ചു കി​ലോ​യി​ല്‍ ക​വി​യാ​ന്‍ പാ​ടി​ല്ലെ​ന്ന് എ​യ​ര്‍ ഇ​ന്ത്യ എ​ക്സ്പ്ര​സ് പ​റ​യു​ന്ന​ത് ഉ​ദാ​ഹ​ര​ണം. തി​ര​ക​ളു​ടെ എ​ണ്ണം അ​ന്‍​പ​തി​ല്‍ ക​വി​യ​രു​തെ​ന്ന് എ​യ​ര്‍ ഇ​ന്ത്യ​യും സ്പൈ​സ്ജെ​റ്റും നി​ഷ്ക​ര്‍​ഷി​ക്കു​ന്നു.

ഇ​ന്ത്യ​യി​ല്‍, 2016ല്‍ ​പ​രി​ഷ്ക​രി​ച്ച ആം​സ് റൂ​ള്‍​സി​ലെ നി​യ​മം 99 ആ​ണ് ഇ​തേ​പ്പ​റ്റി​യു​ള്ള പൊ​തു​വാ​യ രേ​ഖ. തോ​ക്കു​മാ​യി വി​മാ​ന​ത്തി​ല്‍ പോ​കാ​ന്‍ ലൈ​സ​ന്‍​സ് മാ​ത്രം പോ​രാ, ഡി​ജി​സി​എ​യു​ടെ അ​നു​മ​തി​യും നേ​ടി​യി​രി​ക്ക​ണ​മെ​ന്ന് നി​യ​മം എ​ടു​ത്തു പ​റ​യു​ന്നു​ണ്ട്. എ​ന്നാ​ല്‍, വി​മാ​ന​ത്താ​വ​ള​ത്തി​ലെ​ത്തി, കൈ​വ​ശം തോ​ക്കു​ണ്ടെ​ന്ന് എ​യ​ര്‍​ലൈ​നി​ന്‍റെ ‍ മാ​നേ​ജ​ര്‍​ക്ക് എ​ഴു​തി​ക്കൊ​ടു​ക്കു​ന്ന​തി​ലൂ​ടെ കി​ട്ടു​ന്ന അ​നു​മ​തി ത​ത്വ​ത്തി​ല്‍ ഡി​ജി​സി​എ​യു​ടെ അ​നു​മ​തി​യാ​ണ് എ​ന്നാ​ണ് സ​ങ്ക​ല്‍​പ്പം.

എ​ന്നാ​ല്‍, നേ​ര​ത്തേ പ​റ​ഞ്ഞ നി​ബ​ന്ധ​ന​യി​ല്‍​നി​ന്നു വ്യ​ത്യ​സ്ത​മാ​യി ഒ​ന്നി​ല്‍ കൂ​ടു​ത​ല്‍ തോ​ക്കു​ണ്ടെ​ങ്കി​ല്‍ ഡി​ജി​സി​എ​യു​ടേ നേ​രി​ട്ടു​ള്ള അ​നു​മ​തി വേ​ണ​മെ​ന്ന കൃ​ത്യ​മാ​യ നി​ഷ്ക​ര്‍​ഷ​യു​മു​ണ്ട്. സ്പോ​ര്‍​ട്സ് മ​ത്സ​ര​ങ്ങ​ള്‍​ക്ക് തോ​ക്കു​മാ​യി പോ​കു​ന്ന​വ​രും ഇ​തേ നി​യ​മ​ങ്ങ​ളാ​ണ് പാ​ലി​ക്കേ​ണ്ട​ത്. ഒ​ന്നി​ല്‍ കൂ​ടു​ത​ല്‍ തോ​ക്കു​ക​ളു​ണ്ടെ​ങ്കി​ലും കൂ​ടു​ത​ല്‌ തി​ര​ക​ളു​ണ്ടെ​ങ്കി​ലും പ്ര​ത്യേ​കം അ​നു​മ​തി ‍ എ​ടു​ക്കു​ക​യും വേ​ണം.

വാ​ര​ണാ​സി സം​ഭ​വ​ത്തി​ല്‍, വെ​ടി പൊ​ട്ടു​ന്ന​തു​വ​രെ നി​യ​മ​ങ്ങ​ളെ​ല്ലാം കൃ​ത്യ​മാ​യി പാ​ലി​ച്ചി​രു​ന്നു​വെ​ന്നു​വേ​ണം ക​രു​താ​ന്‍. തോ​ക്ക് പ​രി​ശോ​ധി​ക്കു​ക​യും തി​ര​ക​ൾ ‍ ‍ ഇ​ല്ലെ​ന്നു​റ​പ്പാ​ക്കു​ക​യും ചെ​യ്യേ​ണ്ട​ത് ആ​ത്യ​ന്തി​ക​മാ​യി സു​ര​ക്ഷാ​വി​ഭാ​ഗ​ത്തി​ന്‍റെ ചു​മ​ത​ല​യാ​ണ്. അ​തി​നു മു​ന്നേ തോ​ക്കി​ല്‍​നി​ന്ന് യാ​ത്ര​ക്കാ​ര​ന്‍​ത​ന്നെ തി​ര​ക​ൾ മാ​റ്റി​യെ​ന്നു തെ​ളി​യി​ക്കാ​ന്‍ വെ​ടി​വ​ച്ചു കാ​ണി​ക്ക​ണ​മെ​ന്ന് ആ​രും എ​വി​ടെ​യും കൃ​ത്യ​മാ​യി പ​റ​ഞ്ഞി​ട്ടി​ല്ല. അ​തു​കൊ​ണ്ട്, ക​മ​ലേ​ഷ് തെ​റ്റു​കാ​ര​നാ​ണോ അ​ല്ല​യോ എ​ന്ന് തെ​ളി​യാ​ന്‍ ബു​ദ്ധി​മു​ട്ടു​ണ്ടാ​കും. വി​മാ​ന​ത്താ​വ​ള​ത്തി​ല്‌ തോ​ക്കും തി​ര​ക​ളും വാ​ര്‍​ത്ത​ക​ളാ​യ സം​ഭ​വ​ങ്ങ​ളി​ല്‍ ഉ​ള്‍​പ്പെ​ട്ടി​ട്ടു​ള്ള​വ​രി​ല്‍ ഏ​റെ​പ്പേ​രും വാ​ര​ണാ​സി സം​ഭ​വ​ത്തി​ലെ ക​മ​ലേ​ഷി​നെ​പ്പോ​ലെ രാ​ഷ്്‌​ട്രീ​യ​ക്കാ​രാ​യി​രു​ന്നു എ​ന്ന​താ​ണ് കൗ​തു​ക കാ​ര്യം.

2024 ജൂ​ണ്‍ ര​ണ്ടി​ന് ചെ​ന്നൈ വി​മാ​ന​ത്താ​വ​ള​ത്തി​ല്‍ ഇ​ന്‍​ഡി​ഗോ​യി​ല്‍ തി​രു​ച്ചി​റ​പ്പ​ള്ളി​ക്കു പോ​കാ​ന്‍ വ​ന്ന ത​മി​ഴ് ന​ട​നും മു​ന്‍ എം​എ​ല്‍​എ​യു​മാ​യ ക​രു​ണാ​സ്, ഹാ​ന്‍​ഡ്ബാ​ഗി​ല്‍ ര​ണ്ടു ചെ​റി​യ പെ​ട്ടി​ക​ളി​ലാ​യി 40 തി​ര​ക​ളു​മാ​യി പി​ടി​യി​ലാ​യ​താ​ണ് അ​ടു​ത്ത​കാ​ല​ത്ത്, ഏ​റെ ച​ര്‍​ച്ച​യാ​യ സം​ഭ​വം. 2020 ഡി​സം​ബ​ര്‍ 18ന് ​ക​ര്‍​ണാ​ട​ക എം​എ​ല്‍​എ മ​ന​പ്പ ഡി. ​വ​ജ്ജാ​ല്‍ ബം​ഗ​ളു​രു രാ​ജ്യാ​ന്ത​ര വി​മാ​ന​ത്തി​ല്‍ പെ​ട്ട​ത് പ​തി​നാ​റു തി​ര​ക​ളും ഒ​രു പി​സ്റ്റ​ളും ഹാ​ന്‍​ഡ്ബാ​ഗി​ല്‍ വ​ച്ച് സെ​ക്യൂ​രി​റ്റി ചെ​ക്കി​ല്‍ എ​ത്തി​യ​പ്പോ​ഴാ​ണ്.

സ​മാ​ജ് വാ​ദി പാ​ര്‍​ട്ടി​യു​ടെ യു​പി​യി​ലെ നേ​താ​വ് അ​സം ഖാ​നെ 2014 ഒ​ക്‌​ടോ​ബ​ര്‍ 16ന് ​ഡ​ല്‍​ഹി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ല്‍ സി​ഐ​എ​സ്എ​ഫ് ത​ട​ഞ്ഞു​നി​ര്‍​ത്തി​യ​ത് ബാ​ഗി​ല്‍ നാ​ലു വെ​ടി​യു​ണ്ട​ക​ള്‍ ക​ണ്ട​തു​കൊ​ണ്ടാ​ണ്. ന​ടി രാ​കു​ല്‍ പ്രീ​ത് സിം​ഗി​നെ 2014 ഫെ​ബ്രു​വ​രി​യി​ല്‍ ത​ട​ഞ്ഞു​നി​ര്‍​ത്തി ചോ​ദ്യം ചെ​യ്ത​തും ബാ​ഗി​ല്‍ ഒ​രു തി​ര ക​ണ്ടു​പി​ടി​ച്ച​പ്പോ​ഴാ​ണ്. എ​ന്താ​യാ​ലും മു​മ്പൊ​രി​ക്ക​ല്‍ ന​ട​ന്ന ഒ​രു സി​നി​മാ ഷൂ​ട്ടി​ല്‍ ഉ​പ​യോ​ഗി​ച്ച ഡ​മ്മി ബു​ള്ള​റ്റ് ബാ​ഗി​ല്‍ പെ​ട്ടു​പോ​യ​താ​ണെ​ന്നു പി​ന്നീ​ട് ക​ണ്ടെ​ത്തി. പാ​ല​ക്കാ​ട് ഡി​സി​സി വൈ​സ് പ്ര​സി​ഡ​ന്‍റാ​യി​രു​ന്ന പ​രേ​ത​നാ​യ കെ.​എ​സ്.​ബി.​എ ത​ങ്ങ​ൾ 2022 ജ​നു​വ​രി 14ന് ​കോ​യ​മ്പ​ത്തൂ​ര്‍ വി​മാ​ന​ത്താ​വ​ള​ത്തി​ല്‍ കു​ഴ​പ്പ​ത്തി​ല്‍​പ്പെ​ട്ട​ത് തോ​ക്കും ഏ​ഴു തി​ര​ക​ളും ബാ​ഗി​ല്‍ ക​ണ്ട​തി​നാ​ണ്.

പി​ണ​റാ​യി വി​ജ​യ​നും ഇ​തേ​പോ​ലെ വെ​ടി​യു​ണ്ട സം​ഭ​വ​ത്തി​ല്‍ പെ​ട്ട കാ​ര്യം ചി​ല​രെ​ങ്കി​ലും ഓ​ര്‍​ക്കു​ന്നു​ണ്ടാ​വും. ഫെ​ബ്രു​വ​രി 16 ന് ​ചെ​ന്നൈ വി​മാ​ന​ത്താ​ള​ത്തി​ലെ ആ​ഭ്യ​ന്ത​ര ടെ​ര്‍​മി​ന​ലി​ല്‍ നി​ന്ന് ജെ​റ്റ് എ​യ​ര്‍​വേ​യ്സ് വി​മാ​ന​ത്തി​ല്‍ ഡ​ല്‍​ഹി​ക്കു പ​റ​ക്കാ​നെ​ത്തി​യ പി​ണ​റാ​യി​യു​ടെ ഹാ​ന്‍​ഡ് ബാ​ഗ് സ്ക്രീ​ന്‍ ചെ​യ്ത​പ്പോ​ള്‍ ക​ണ്ട​ത് 0.38 കാ​ലി​ബ​റി​ന്‍റെ അ​ഞ്ചു വെ​ടി​യു​ണ്ട​ക​ളാ​യി​രു​ന്നു. കു​റേ നാ​ള്‍ മു​മ്പ്, തോ​ക്ക് ലൈ​സ​ന്‍​സ് പു​തു​ക്കാ​ൻ കൊ​ടു​ത്ത​പ്പോ​ള്‍ നീ​ക്കം ചെ​യ്ത വെ​ടി​യു​ണ്ട​ക​ള്‍ ബാ​ഗി​ല്‍ വ​ച്ചി​രു​ന്ന​ത് എ​ടു​ത്തു​മാ​റ്റാ​ന്‍ മ​റ​ന്നു​പോ​യ​താ​ണ് എ​ന്നാ​യി​രു​ന്നു പി​ണ​റാ​യി​യു​ടെ വി​ശ​ദീ​ക​ര​ണം.

എ​ന്താ​യാ​ലും ആ ​ജെ​റ്റ് എ​യ​ര്‍​വേ​യ്സ് വി​മാ​ന​ത്തി​ല്‍ അ​ന്ന് പി​ണ​റാ​യി​ക്കു പോ​കാ​നാ​യി​ല്ല. പി​റ്റേ മാ​സം മ​റ്റൊ​രു നി​യ​മ​ക്കു​രു​ക്ക് പി​ന്നാ​ലെ എ​ത്തു​ക​യും ചെ​യ്തു. അ​ന്ന് വി​മാ​ന​ത്താ​വ​ള​ത്തി​ല്‍ തോ​ക്കി​ന്‍റെ ശ​രി​ക്കു​ള്ള ലൈ​സ​ന്‍​സി​നു പ​ക​രം പ​ക​ര്‍​പ്പാ​ണ് കൊ​ടു​ത്ത​തെ​ന്നു ചൂ​ണ്ടി​ക്കാ​ട്ടി, എ​യ​ര്‍​ക്രാ​ഫ്റ്റ് ആ​ക്‌​ട് ആ​ന്‍​ഡ് ആം​സ് ആ​ക്‌​ടി​ലെ ച​ട്ട​ങ്ങ​ള്‍ ഉ​ദ്ധ​രി​ച്ച് ത​മി​ഴ്നാ​ട് പൊ​ലീ​സ് ഒ​രു എ​ഫ്ഐ​ആ​ര്‍ ര​ജി​സ്റ്റ​ര്‍ ചെ​യ്തു. അ​തി​ന്‍റെ കാ​ര്യം എ​ന്താ​യി എ​ന്ന് പി​ന്നീ​ട് വാ​ര്‍​ത്ത​ക​ളി​ലൊ​ന്നും ക​ണ്ടി​ല്ല.

Tags : Guns Ammunition Flight Sunday Deepika