31

ചി​ന്താ​വി​ഷ​യം

നൂ​റു​ക​ണ​ക്കി​നു കി​ലോ​മീ​റ്റ​ർ താ​ണ്ടി ഒ​രു യു​വാ​വ് യാ​ത്ര ചെ​യ്യു​ന്ന​താ​യി സ​ങ്ക​ല്പി​ക്കു​ക. ലോ​ക പ്ര​ശ​സ്ത​മാ​യ ഒ​രു വി​ദ്യാ​കേ​ന്ദ്ര​ത്തി​ൽ പ​ഠി​ക്കു​ക എ​ന്ന​താ​ണ് ല​ക്ഷ്യം. മാ​സ​ങ്ങ​ൾ നീ​ണ്ട ആ ​യാ​ത്ര​യ്ക്കൊ​ടു​വി​ൽ അ​വ​ൻ ആ ​മ​ഹാ​വി​ദ്യാ​ല​യ​ത്തി​ന്‍റെ ക​വാ​ട​ത്തി​ലെ​ത്തു​ന്നു. വ​ർ​ഷ​ങ്ങ​ളാ​യി മ​ന​സി​ൽ സൂ​ക്ഷി​ച്ച സ്വ​പ്നം സാ​ക്ഷാ​ത്ക​രി​ക്കാ​ൻ ഇ​നി ഏ​താ​നും ചു​വ​ടു​ക​ൾ മാ​ത്രം. പ​ക്ഷേ, ക​വാ​ട​ത്തി​ൽ ഒ​രാ​ൾ കാ​ത്തു​നി​ൽ​പ്പു​ണ്ട്. അ​യാ​ൾ കാ​വ​ൽ​ക്കാ​ര​ന​ല്ല; പ​ണ്ഡി​ത​നാ​ണ്.

അ​ക​ത്തേ​ക്കു ക​ട​ക്ക​ണ​മെ​ങ്കി​ൽ ആ​ദ്യം അ​ദ്ദേ​ഹ​ത്തി​ന്‍റെ ചോ​ദ്യ​ങ്ങ​ൾ​ക്ക് ഉ​ത്ത​രം ന​ൽ​ക​ണം. അ​റി​വും ചി​ന്താ​ശേ​ഷി​യും തെ​ളി​യി​ക്ക​ണം. പ​ണ്ഡി​ത​നു തൃ​പ്തി​യാ​യാ​ൽ മാ​ത്ര​മേ ക​വാ​ടം തു​റ​ന്നു ത​രി​ക​യു​ള്ളൂ. പു​രാ​ത​ന ഇ​ന്ത്യ​യു​ടെ അ​ഭി​മാ​ന​മാ​യി​രു​ന്ന ന​ള​ന്ദ മ​ഹാ​വി​ഹാ​ര​ത്തി​ലെ പ്ര​വേ​ശ​ന രീ​തി​ക​ളി​ലൊ​ന്നാ​യി​രു​ന്നു ഇ​ത്. ഇ​ന്ന​ത്തെ ബി​ഹാ​റി​ൽ സ്ഥി​തി​ചെ​യ്തി​രു​ന്ന ന​ള​ന്ദ യൂ​ണി​വേ​ഴ്സി​റ്റി അ​ഞ്ചാം ശ​ത​കം​മു​ത​ൽ നൂ​റ്റാ​ണ്ടു​ക​ളോ​ളം ഏ​ഷ്യ​യി​ലെ പ്ര​മു​ഖ വി​ജ്ഞാ​ന​കേ​ന്ദ്ര​ങ്ങ​ളി​ലൊ​ന്നാ​യി​രു​ന്നു. ഇ​ന്ത്യ​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്ന് മാ​ത്ര​മ​ല്ല, ചൈ​ന, കൊ​റി​യ, മ​ധ്യേ​ഷ്യ തു​ട​ങ്ങി​യ വി​ദൂ​ര പ്ര​ദേ​ശ​ങ്ങ​ളി​ൽ​നി​ന്നു​പോ​ലും വി​ദ്യാ​ർ​ഥി​ക​ളും പ​ണ്ഡി​ത​രും അ​വി​ടെ എ​ത്തി​യി​രു​ന്നു.

ഏ​ഴാം നൂ​റ്റാ​ണ്ടി​ൽ ഇ​ന്ത്യ​യി​ൽ എ​ത്തി​യ ചൈ​നീ​സ് ബു​ദ്ധ​സ​ന്യാ​സി​യും പ​ണ്ഡി​ത​നു​മാ​യ ഹു​യാ​ൻ​സാ​ങ് ന​ള​ന്ദ​യി​ലെ പ​ഠ​ന​രീ​തി​ക​ളെ​ക്കു​റി​ച്ച് വി​ല​പ്പെ​ട്ട വി​വ​ര​ണ​ങ്ങ​ൾ ന​ൽ​കി​യി​ട്ടു​ണ്ട്. അ​ദ്ദേ​ഹ​ത്തി​ന്‍റെ വി​വ​ര​ണ​മ​നു​സ​രി​ച്ച്, പു​റ​ത്തു​നി​ന്നെ​ത്തു​ന്ന വി​ദ്യാ​ർ​ഥി​ക​ൾ​ക്കും പ​ണ്ഡി​ത​ർ​ക്കും ന​ള​ന്ദ​യി​ലെ ഉ​ന്ന​ത​മാ​യ ബൗ​ദ്ധി​ക​ച​ർ​ച്ച​ക​ളി​ൽ ഏ​ർ​പ്പെ​ടു​ന്ന​തി​നു​മു​ന്പ് ക​ഠി​ന​മാ​യ ചോ​ദ്യ​ങ്ങ​ളെ നേ​രി​ടേ​ണ്ടി​യി​രു​ന്നു.

ക​വാ​ട​ത്തി​ൽ ഉ​ണ്ടാ​യി​രു​ന്ന പ​ണ്ഡി​ത​ൻ ദ്വാ​ര​പ​ണ്ഡി​ത​ൻ എ​ന്നാ​ണ് അ​റി​യ​പ്പെ​ട്ടി​രു​ന്ന​ത്. അ​പേ​ക്ഷ​ക​രു​മാ​യി അ​ദ്ദേ​ഹം സം​വാ​ദ​ത്തി​ലും വാ​ദ​പ്ര​തി​വാ​ദ​ത്തി​ലും ഏ​ർ​പ്പെ​ടും. പ​ത്തി​ൽ ര​ണ്ടോ മൂ​ന്നോ പേ​ർ മാ​ത്ര​മാ​ണ് വി​ജ​യി​ച്ചി​രു​ന്ന​തെ​ന്ന് ഹു​യാ​ൻ​സാ​ങ് സാ​ക്ഷ്യ​പ്പെ​ടു​ത്തി​യി​ട്ടു​ണ്ട്. എ​ത്ര ക​ഠി​ന​മാ​യ പ്ര​വേ​ശ​ന​പ​രീ​ക്ഷ​യാ​യി​രു​ന്നു അ​ത് !

ന​ള​ന്ദ​യു​ടെ ക​വാ​ടം വി​ദ്യാ​ർ​ഥി​ക​ളെ പു​റ​ത്തു​നി​ര്‌​ത്താ​ൻ വേ​ണ്ടി​യു​ള്ള​താ​യി​രു​ന്നി​ല്ല. അ​ക​ത്തു​ള്ള വി​ജ്ഞാ​ന​ലോ​ക​ത്തെ നേ​രി​ടാ​ൻ അ​വ​ർ സു​സ​ജ്ജ​രാ​ണോ എ​ന്നു പ​രി​ശോ​ധി​ക്കാ​നു​ള്ള​താ​യി​രു​ന്നു അ​ത്. സം​വാ​ദ​ങ്ങ​ളും വാ​ദ​പ്ര​തി​വാ​ദ​ങ്ങ​ളും നി​റ​ഞ്ഞ​താ​യി​രു​ന്നു ന​ള​ന്ദ​യി​ലെ പ​ഠ​ന​രീ​തി. ത​ന്മൂ​ലം, ആ ​ക​വാ​ടം ഒ​രു ത​ട​സം മാ​ത്ര​മാ​യി​രു​ന്നി​ല്ല. പ്ര​ത്യു​ത, അ​തു നി​ല​വാ​ര​ത്തി​ന്‍റെ പ്ര​തീ​കം കൂ​ടി​യാ​യി​രു​ന്നു.

പ​രാ​ജ​യ​പ്പെ​ടു​ന്ന വി​ദ്യാ​ർ​ഥി​ക​ളു​ടെ മു​ന്പി​ൽ ര​ണ്ട് വ​ഴി​ക​ളു​ണ്ടാ​യി​രു​ന്നു. ഒ​ന്നു​ങ്കി​ൽ, ചോ​ദ്യ​ങ്ങ​ൾ വ​ള​രെ ക​ഠി​ന​മാ​യി​രു​ന്നു എ​ന്ന് പ​റ​ഞ്ഞു മ​ട​ങ്ങി​പ്പോ​കും. അ​ല്ലെ​ങ്കി​ൽ, കു​റ​വു​ക​ൾ തി​രി​ച്ച​റി​ഞ്ഞ് അ​തു പ​രി​ഹ​രി​ക്കും. ചി​ന്താ​ശേ​ഷി വ​ള​ർ​ത്താം. പി​ന്നീ​ട്, വീ​ണ്ടും ക​വാ​ട​ത്തി​ൽ മു​ട്ടാം. ന​മ്മു​ടെ​യും ജീ​വി​ത​ത്തി​ലെ സ്ഥി​തി ഏ​താ​ണ്ട് ഇ​തു​പോ​ലെ​യാ​ണ്. ന​മ്മു​ടെ മു​ന്പി​ൽ അ​നേ​കം ക​വാ​ട​ങ്ങ​ളു​ണ്ട്. ആ ​ക​വാ​ട​ങ്ങ​ൾ​ക്ക​പ്പു​റ​ത്തു​ള്ള ന​ന്മ​ക​ളെ​ല്ലാം ന​മു​ക്കു​വേ​ണം. പ​ക്ഷേ, ആ ​ക​വാ​ട​ങ്ങ​ളി​ലൂ​ടെ ക​ട​ക്കാ​നു​ള്ള വി​ല ന​ൽ​കാ​ൻ നാം ​ത​യാ​റാ​ണോ എ​ന്ന​താ​ണ് പ്ര​സ​ക്ത​മാ​യ ചോ​ദ്യം.

അ​റി​വി​ന് ഒ​രു ക​വാ​ട​മു​ണ്ട്- നി​ര​ന്ത​ര​മാ​യ പ​ഠ​നം. മി​ക​വി​ന് ഒ​രു ക​വാ​ട​മു​ണ്ട് - അ​ച്ച​ട​ക്കം. വി​ശ്വാ​സ​ത്തി​ന് ഒ​രു ക​വാ​ട​മു​ണ്ട് - സ​ത്യ​സ​ന്ധ​ത. സൗ​ഹൃ​ദ​ത്തി​ന് ഒ​രു ക​വാ​ട​മു​ണ്ട് - വി​ശ്വ​സ്ത​ത. സ​ന്തോ​ഷ​ക​ര​മാ​യ ദാ​ന്പ​ത്യ​ജീ​വി​ത​ത്തി​നും ഒ​രു ക​വാ​ട​മു​ണ്ട് - ത്യാ​ഗ​മ​ന​സ്ഥി​തി. വ​ലി​യ നേ​ട്ട​ങ്ങ​ളി​ലേ​ക്ക് ഒ​രു ക​വാ​ട​മു​ണ്ട് - സ്ഥി​രോ​ത്സാ​ഹം.

ക​വാ​ട​ങ്ങ​ൾ ഒ​ഴി​വാ​ക്കി അ​വ​യ്ക്ക് അ​പ്പു​റ​ത്തു​ള്ള​തു സ്വ​ന്ത​മാ​ക്കാ​നാ​ണ് ചി​ല​പ്പോ​ൾ ന​മ്മു​ടെ ശ്ര​മം. പ​ഠി​ക്കാ​തെ പാ​സാ​ക​ണം. പ​രി​ശീ​ല​ന​മി​ല്ലാ​തെ മി​ക​വ് വേ​ണം. സ​ത്യ​സ​ന്ധ​ത​യി​ല്ലാ​തെ മ​റ്റു​ള്ള​വ​ർ​ക്ക് ന​മ്മി​ൽ വി​ശ്വാ​സം വേ​ണം. വി​ശ്വ​സ്ത​ത​യി​ല്ലാ​തെ ന​ല്ല സു​ഹൃ​ത്തു​ക്ക​ളെ വേ​ണം. വി​ട്ടു​വീ​ഴ്ച​യും ക്ഷ​മ​യും കൂ​ടാ​തെ സ​ന്തോ​ഷ​ക​ര​മാ​യ കു​ടും​ബ​ജീ​വി​തം വേ​ണം. അ​ധ്വാ​ന​വും പ​രാ​ജ​യ​വും ഒ​ഴി​വാ​ക്കി വ​ലി​യ വി​ജ​യം വേ​ണം.

എ​ന്നാ​ൽ, ന​മ്മു​ടെ ജീ​വി​തം അ​ങ്ങ​നെ​യ​ല്ല സു​ഗ​മ​മാ​യി മു​ന്നോ​ട്ടു പോ​കു​ന്ന​ത്. വ​ർ​ഷ​ങ്ങ​ൾ നീ​ണ്ടു​നി​ൽ​ക്കു​ന്ന പ​രി​ശീ​ല​ന​മി​ല്ലാ​തെ ഒ​രു സം​ഗീ​ത​ജ്ഞ​ൻ വി​ജ​യ​ത്തി​ലെ​ത്തു​ന്നി​ല്ല. നി​ര​ന്ത​ര​മാ​യ പ​ഠ​ന​വും പ​രാ​ജ​യ​പ്പെ​ട്ട പ​രീ​ക്ഷ​ണ​ങ്ങ​ളും കൂ​ടാ​തെ ഒ​രു ശാ​സ്ത്ര​ജ്ഞ​ൻ വ​ലി​യ ക​ണ്ടു​പി​ടി​ത്ത​ങ്ങ​ളു​ടെ ഉ​ട​മ​യാ​കു​ന്നി​ല്ല. വി​ജ​യി​ക്കു​ന്ന​വ​രു​ടെ കി​രീ​ട​ങ്ങ​ൾ നാം ​കാ​ണു​ന്നു. എ​ന്നാ​ൽ, അ​തി​ലേ​ക്കു​ള്ള ക​വാ​ട​ത്തി​നു മു​ന്പി​ൽ അ​വ​ർ ചെ​ല​വ​ഴി​ച്ച വ​ർ​ഷ​ങ്ങ​ൾ പ​ല​പ്പോ​ഴും നാം ​കാ​ണാ​തെ പോ​കു​ന്നു.

ഇ​ന്ന​ത്തെ വി​ദ്യാ​ഭ്യാ​സ​രം​ഗ​ത്തും ന​ള​ന്ദ​യു​ടെ പ​ഴ​യ ക​വാ​ട​ത്തി​ന് വ​ലി​യൊ​രു സ​ന്ദേ​ശ​മു​ണ്ട്. അ​റി​വ് ഇ​ത്ര എ​ളു​പ്പ​ത്തി​ൽ ല​ഭ്യ​മാ​യി​രു​ന്ന മ​റ്റൊ​രു കാ​ലം മ​നു​ഷ്യ​ച​രി​ത്ര​ത്തി​ൽ ഉ​ണ്ടാ​യി​ട്ടി​ല്ല. ഏ​താ​നും നി​മി​ഷ​ങ്ങ​ൾ​ക്കൊ​ണ്ട് ഇ​ന്‍റ​ർ​നെ​റ്റും ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സും ന​മു​ക്കു വ​ലി​യ അ​ള​വി​ൽ ഇ​ന്ന് വി​വ​ര​ങ്ങ​ൾ ന​ൽ​കു​ന്നു. എ​ന്നാ​ൽ, വി​വ​ര​ങ്ങ​ൾ കൈ​വ​ശ​മു​ണ്ടാ​യി​രി​ക്കു​ന്ന​തും വി​ദ്യാ​സ​ന്പ​ന്ന​രാ​യി​രി​ക്കു​ന്ന​തും ഒ​ന്ന​ല്ല. സാ​ങ്കേ​തി​ക​വി​ദ്യ ന​മു​ക്ക് ഉ​ത്ത​ര​ങ്ങ​ൾ ന​ൽ​കാം. എ​ന്നാ​ൽ, ചി​ന്തി​ക്കാ​നും വി​ല​യി​രു​ത്താ​നും ശ​രി​യാ​യ​തു തെ​ര​ഞ്ഞെ​ടു​ക്കാ​നും അ​തു ജീ​വി​ത​ത്തി​ൽ പ്രാ​യോ​ഗി​ക​മാ​ക്കാ​നും പ​ഠി​ക്കേ​ണ്ട​തു ന​മ്മ​ൾ​ത​ന്നെ​യാ​ണ്.

മാ​താ​പി​താ​ക്ക​ൾ​ക്കും ന​ള​ന്ദ​യു​ടെ ക​വാ​ടം ഒ​രു പാ​ഠം ന​ൽ​കു​ന്നു. മ​ക്ക​ളോ​ടു​ള്ള സ്നേ​ഹം​കൊ​ണ്ട് അ​വ​രു​ടെ വ​ഴി​യി​ലെ എ​ല്ലാ ബു​ദ്ധി​മു​ട്ടു​ക​ളും നീ​ക്കി​ക്കൊ​ടു​ക്കാ​ൻ നാം ​ശ്ര​മി​ച്ചേ​ക്കാം. എ​ന്നാ​ൽ, എ​ല്ലാ ത​ട​സ​ങ്ങ​ളും നീ​ക്കി​ക്കൊ​ടു​ക്കു​ന്ന​ത് എ​ല്ലാ​യ്പ്പോ​ഴും സ​ഹാ​യ​ക​മാ​ക​ണ​മെ​ന്നി​ല്ല. പ​രാ​ജ​യം അ​നു​ഭ​വി​ക്കാ​ത്ത കു​ട്ടി വീ​ണ്ടും എ​ഴു​ന്നേ​ൽ​ക്കാ​ൻ പ​ഠി​ക്കു​മോ? എ​ല്ലാ വാ​തി​ലു​ക​ളും മ​റ്റു​ള്ള​വ​ർ തു​റ​ന്നു കൊ​ടു​ത്താ​ൽ സ്വ​ന്തം കൈ​ക​ൾ കൊ​ണ്ട് വാ​തി​ൽ തു​റ​ക്കാ​നു​ള്ള ക​രു​ത്ത് അ​വ​ർ​ക്കു പി​ൽ​ക്കാ​ല​ത്തു​ണ്ടാ​കു​മോ ? ദൈ​വ​പു​ത്ര​നാ​യ യേ​ശു​വി​ന്‍റെ ഉ​പ​ദേ​ശം ഇ​വി​ടെ പ്ര​സ​ക്ത​മാ​ണ്: "ഇ​ടു​ങ്ങി​യ വാ​തി​ലി​ലൂ​ടെ പ്ര​വേ​ശി​ക്കു​വി​ൻ' (മ​ത്താ​യി 7:19). ഏ​റ്റ​വും എ​ളു​പ്പ​മു​ള്ള വ​ഴി​യ​ല്ല എ​പ്പോ​ഴും ഏ​റ്റ​വും ന​ല്ല ല​ക്ഷ്യ​ത്തി​ലേ​ക്ക് എ​ത്തി​ക്കു​ന്ന​തെ​ന്ന വ​ലി​യ ജീ​വി​ത​സ​ത്യ​മാ​ണ് ഈ ​ദൈ​വ​വ​ച​നം ന​മ്മെ അ​നു​സ്മ​രി​പ്പി​ക്കു​ന്ന​ത്. ‌

നൂ​റ്റാ​ണ്ടു​ക​ളോ​ളം വി​ജ്ഞാ​ന​ത്തി​ന്‍റെ ദീ​പ​സ്തം​ഭ​മാ​യി നി​ല​കൊ​ണ്ട ന​ള​ന്ദ​യ്ക്ക് ഒ​ടു​വി​ൽ ദു​ര​ന്ത​ത്തെ നേ​രി​ടേ​ണ്ടി വ​ന്നു. പ​ന്ത്ര​ണ്ടാം നൂ​റ്റാ​ണ്ടി​ന്‍റെ അ​വ​സാ​ന​ത്തോ​ടെ ഉ​ത്ത​രേ​ന്ത്യ​യി​ലു​ണ്ടാ​യ രാ​ഷ്്‌​ട്രീ​യ - സൈ​നി​ക ക​ലാ​പ​ങ്ങ​ൾ ന​ള​ന്ദ യൂ​ണി​വേ​ഴ്സി​റ്റി​യു​ടെ ത​ക​ർ​ച്ച​യ്ക്ക് വ​ഴി​യൊ​രു​ക്കി. ഇ​ന്ന​ത്തെ അ​ഫ്ഗാ​നി​സ്ഥാ​ൻ പ്ര​ദേ​ശ​ത്തു​നി​ന്നെ​ത്തി​യ തു​ർ​ക്കി വം​ശ​ജ​നാ​യ സൈ​നി​ക​മേ​ധാ​വി മു​ഹ​മ്മ​ദ് ബ​ക്തി​യാ​ർ ഖ​ൽ​ജി​യു​ടെ ആ​ക്ര​മ​ണ​ങ്ങ​ൾ ന​ള​ന്ദ ഉ​ൾ​പ്പ​ടെ​യു​ള്ള വി​ജ്ഞാ​ന​കേ​ന്ദ്ര​ങ്ങ​ൾ​ക്ക് ക​ന​ത്ത ആ​ഘാ​ത​മേ​ൽ​പ്പി​ച്ച​താ​യാ​ണ് പ​ര​ന്പ​രാ​ഗ​ത ച​രി​ത്ര​വി​വ​ര​ണം. ന​ള​ന്ദ​യു​ടെ നാ​ശ​ത്തി​ൽ അ​ദ്ദേ​ഹ​ത്തി​ന്‍റെ സൈ​ന്യ​ത്തി​നു​ണ്ടാ​യി​രു​ന്ന കൃ​ത്യ​മാ​യ പ​ങ്കി​നെ​ക്കു​റി​ച്ച് ഇ​ന്നും അ​ഭി​പ്രാ​യ​വ്യ​ത്യാ​സ​ങ്ങ​ളു​ണ്ട്.

നൂ​റ്റാ​ണ്ടു​ക​ളോ​ളം പ​ണ്ഡി​ത​രു​ടെ ശ​ബ്‌​ദം മു​ഴ​ങ്ങി​യി​രു​ന്ന പ​ഠ​ന​കേ​ന്ദ്രം പി​ന്നീ​ട് അ​വ​ശി​ഷ്ട​ങ്ങ​ളാ​യി മാ​റി​യെ​ങ്കി​ലും അ​തി​ന്‍റെ വി​ജ്ഞാ​ന​പാ​ര​ന്പ​ര്യം ച​രി​ത്ര​ത്തി​ൽ​നി​ന്ന് അ​പ്ര​ത്യ​ക്ഷ​മാ​യി​ല്ല. ഇ​ന്നു പു​രാ​ത​ന ന​ള​ന്ദ​യു​ടെ അ​വ​ശി​ഷ്ട​ങ്ങ​ൾ ലോ​ക​പൈ​തൃ​ക​ത്തി​ന്‍റെ ഭാ​ഗ​മാ​യി അ​തി​ന്‍റെ മ​ഹ​ത്താ​യ ഭൂ​ത​കാ​ല​ത്തെ ഓ​ർ​മി​പ്പി​ച്ചു​കൊ​ണ്ടി​രി​ക്കു​ന്നു.

പ​ക്ഷേ, ന​ള​ന്ദ​യു​ടെ ആ ​പ​ഴ​യ ക​വാ​ടം ന​മ്മോ​ട് ചി​ല ചോ​ദ്യ​ങ്ങ​ൾ ഇ​ന്നും ചോ​ദി​ക്കു​ന്നു​ണ്ട്. അ​റി​വ് വേ​ണ​മെ​ങ്കി​ൽ പ​ഠി​ക്കാ​ൻ ത​യാ​റാ​ണോ? മി​ക​വ് വേ​ണ​മെ​ങ്കി​ൽ അ​ച്ച​ട​ക്കം പാ​ലി​ക്കു​മോ ? മ​റ്റു​ള്ള​വ​രു​ടെ വി​ശ്വാ​സം ആ​ർ​ജി​ക്ക​ണ​മെ​ങ്കി​ൽ സ​ത്യ​സ​ന്ധ​ത​യോ​ടെ ജീ​വി​ക്കു​മോ? ന​ല്ല സൗ​ഹൃ​ദം വേ​ണ​മെ​ങ്കി​ൽ വി​ശ്വ​സ്ത​രാ​യി​രി​ക്കു​മോ? വ​ലി​യ സ്വ​പ്ന​ങ്ങ​ളു​ണ്ടെ​ങ്കി​ൽ പ​രാ​ജ​യ​പ്പെ​ട്ടാ​ലും വീ​ണ്ടും പ​രി​ശ്ര​മി​ക്കു​മോ?
ഈ ​ചോ​ദ്യ​ങ്ങ​ൾ​ക്കും ഇ​തു​പോ​ലെ​യു​ള്ള മ​റ്റ് ചോ​ദ്യ​ങ്ങ​ൾ​ക്കും നാം ​ഉ​ത്ത​രം ന​ൽ​കേ​ണ്ട​തു ന​മ്മു​ടെ ജീ​വി​തം​കൊ​ണ്ടാ​ണ്. ത​ന്മൂ​ലം, ന​മ്മു​ടെ മു​ന്പി​ൽ ഒ​രു വാ​തി​ൽ അ​ട​യു​ന്പോ​ൾ നാം ​നി​രാ​ശ​രാ​കേ​ണ്ട​തി​ല്ല. കാ​ര​ണം, അ​ട​ഞ്ഞു​കി​ട​ക്കു​ന്ന എ​ല്ലാ ക​വാ​ട​ങ്ങ​ളും ന​മ്മെ പു​റ​ത്തു നി​ർ​ത്താ​ൻ ഉ​ദ്ദേ​ശി​ച്ചു​ള്ള​വ​യ​ല്ല. പ്ര​ത്യു​ത, അ​വ​യ്ക്ക് അ​പ്പു​റ​ത്തേ​ക്കു​ള്ള ലോ​ക​ത്തി​ലേ​ക്ക് പ്ര​വേ​ശി​ക്കാ​ൻ ന​മ്മെ കൂ​ടു​ത​ൽ യോ​ഗ്യ​രാ​ക്കാ​നാ​ണ്. ഇ​തു ന​മു​ക്ക് മ​റ​ക്കാ​തി​രി​ക്കാം.

Tags : gateway Scholar Sunday Deepika