23

എ​ന്‍റെ കു​ട്ടി​ക്കാ​ല​ത്ത് ഓ​ണ​ത്തി​നാ​ണ് പൊ​തു​വേ പു​തി​യ ഷ​ര്‍​ട്ടും ട്രൗ​സ​റു​മൊ​ക്കെ ല​ഭി​ക്കു​ന്ന​ത്. അ​ച്ഛ​നു​മ​മ്മ​യും മാ​ത്ര​മ​ല്ല, അ​മ്മാ​വ​നും മ​റ്റ് ബ​ന്ധു​ക്ക​ളും ഓ​ണ​ക്കോ​ടി വാ​ങ്ങി​ത്ത​രും. പു​തി​യ തു​ണി​ത്ത​ര​ങ്ങ​ളു​ടെ ഒ​രു സു​ഗ​ന്ധ​മു​ണ്ട​ല്ലോ, ഓ​ണ​ക്കോ​ടി​യു​ടെ ആ ​ഗ​ന്ധ​മാ​ണ് എ​ന്‍റെ ഓ​ണ​സ്മ​ര​ണ​ക​ളി​ല്‍ ആ​ദ്യം ക​ട​ന്നു​വ​രു​ന്ന​ത്. ഇ​ന്ന​ത്തെ​പോ​ലെ ഇ​ഷ്്ടം​പോ​ലെ ടെ​ക്സ്റ്റൈ​ല്‍​സും റെ​ഡി​മെ​യ്ഡ് തു​ണി​ത്ത​ര​ങ്ങ​ളും ഉ​ള്ള കാ​ല​മ​ല്ല. ഷ​ര്‍​ട്ടി​നും മ​റ്റു​മു​ള്ള തു​ണി​ത്ത​ര​ങ്ങ​ള്‍ എ​ടു​ത്ത് ത​യ്യ​ല്‍​ക്ക​ട​യി​ല്‍ കൊ​ടു​ക്കു​ക​യാ​ണ് പ​തി​വ്. പി​ന്നീ​ട് ഈ ​ഓ​ണ​ക്കോ​ടി​ക്കു വേ​ണ്ടി​യു​ള്ള നീ​ണ്ട കാ​ത്തി​രി​പ്പാ​ണ്.

ഓ​ണ​ക്കാ​ല​ത്ത് ത​യ്യ​ല്‍​ക്ക​ട​യി​ലൊ​ക്കെ ന​ല്ല തി​ര​ക്കാ​ണ്. അ​തു​കൊ​ണ്ട് ഓ​ണം ക​ഴി​ഞ്ഞാ​വും ചി​ല​പ്പോ​ള്‍ പു​തി​യ ഉ​ടു​പ്പ് ത​യ്ച്ചു കി​ട്ടു​ക! അ​ന്ന് ത​യ്യ​ല്‍​ക്ക​ട​ക​ളും കു​റ​വാ​ണ്. ത​മ്പു​രാ​ന്‍​മു​ക്ക് റോ​ഡി​ല്‍ ശേ​ഖ​ര​ന്‍റെ ഒ​രു ത​യ്യ​ല്‍​ക്ക​ട​യു​ണ്ട്. അ​താ​ണ് ഞ​ങ്ങ​ളു​ടെ ത​യ്യ​ല്‍​ക്ക​ട. ആ ​സ്ഥ​ല​ത്തി​ന്‍റെ ഭൂ​മി​ശാ​സ്ത്രം ത​ന്നെ ഇ​പ്പോ​ള്‍ മാ​റി​ക്ക​ഴി​ഞ്ഞു. വ​ലി​യ വീ​ടു​ക​ളും ക​ട​ക​ളു​മൊ​ക്കെ​യാ​യി.

ഓ​ണ​ക്ക​ളി​ക​ളു​ടെ ഹ​ര്‍​ഷാ​ര​വം

ഗൗ​രീ​ശ​പ​ട്ട​ത്തു​ള്ള എ​ന്‍റെ വീ​ടി​ന്‍റെ (കീ​ഴ​തി​ല്‍ വീ​ട്) മു​ന്നി​ല്‍ അ​ന്ന് നി​റ​യെ നെ​ല്‍​വ​യ​ലാ​ണ്. ക​ണ്ണെ​ത്താ​ദൂ​ര​ത്ത് പ​ര​ന്നു കി​ട​ക്കു​ന്ന പാ​ട​ങ്ങ​ള്‍. ഓ​ണ​ക്ക​ളി​ക​ളെ​ല്ലാം പ്ര​ധാ​ന​മാ​യും ഈ ​പാ​ട​ങ്ങ​ളി​ലാ​ണ്. കി​ളി​ത്ത​ട്ട്, കു​ട്ടി​യും കോ​ലും, നാ​ട​ന്‍ പ​ന്തു​ക​ളി, ഊ​ഞ്ഞാ​ലാ​ട്ടം, വ​ടം​വ​ലി, ക​ബ​ഡി തു​ട​ങ്ങി​യ നാ​ട​ന്‍ ക​ളി​ക​ളാ​ണ് ആ​ണ്‍​കു​ട്ടി​ക​ള്‍ കൂ​ടു​ത​ലും ക​ളി​ക്കു​ക. എ​ന്‍റെ അ​യ​ല്‍​ക്കാ​രും ക​ളി​ക്കൂ​ട്ടു​കാ​രു​മാ​യ കൃ​ഷ്ണ​ന്‍​കു​ട്ടി, സു​കു​മാ​ര​ന്‍, അ​പ്പു, ത​ങ്ക​പ്പ​ന്‍, ഗോ​വി​ന്ദ​ന്‍​കു​ട്ടി എ​ന്നി​വ​രു​മാ​യി ചേ​ര്‍​ന്നാ​ണ് എ​ന്‍റെ ഓ​ണ​ക്ക​ളി​ക​ള്‍.

ഇ​തി​നി​ട​യി​ല്‍ പ​റ​ഞ്ഞോ​ട്ടെ, തി​രു​വ​ന​ന്ത​പു​രം ന​ഗ​ര​ത്തി​ന്‍റെ ഭാ​ഗ​മാ​ണ് എ​ന്‍റെ ജ​ന്മ​നാ​ടാ​യ ഗൗ​രീ​ശ​പ​ട്ടം. എ​ന്നാ​ല്‍ എ​ന്‍റെ കു​ട്ടി​ക്കാ​ല​ത്തൊ​ന്നും നാ​ട്ടി​ല്‍ ടാ​റി​ട്ട റോ​ഡ് വ​ന്നി​ട്ടി​ല്ല. ചെ​മ്മ​ണ്‍ പാ​ത​യാ​ണ്. വൈ​ദ്യു​തി​യും എ​ത്തി​യി​രു​ന്നി​ല്ല. സ​ന്ധ്യ​യാ​വു​മ്പോ​ള്‍ ഞ​ങ്ങ​ളു​ടെ വീ​ടി​നു മു​ന്നി​ലെ പോ​സ്റ്റി​ലെ മ​ണ്ണെ​ണ്ണ വി​ള​ക്കി​ല്‍ മ​ണ്ണെ​ണ്ണ ഒ​ഴി​ച്ച് വി​ള​ക്കു ക​ത്തി​ക്കാ​നാ​യി ഒ​രാ​ള്‍ ഏ​ണി​യു​മാ​യി വ​രു​ന്ന​ത് ഓ​ര്‍​ക്കു​ന്നു. അ​തു​പോ​ലെ വീ​ടി​നു മു​ന്നി​ലെ ചെ​മ്മ​ണ്‍​വ​ഴി​യി​ല്‍ ര​ണ്ടു​നേ​ര​വും വെ​ള്ളം ചീ​റ്റി​ക്കു​ന്ന രം​ഗ​വും മ​റ​ന്നി​ട്ടി​ല്ല. പൊ​ടി പ​റ​ക്കാ​തി​രി​ക്കാ​ന്‍ വേ​ണ്ടി​യാ​ണി​ത്. മ​ണ്ണും ക​ല്ലും നി​റ​ഞ്ഞ ഈ ​വ​ഴി​യി​ലാ​ണ് ഞാ​നും അ​യ​ല്‍​ക്കാ​രാ​യാ​യ എ​ന്‍റെ കൂ​ട്ടു​കാ​രും ചേ​ര്‍​ന്ന് ഫു​ട്ബോ​ള്‍ ക​ളി​ക്കു​ന്ന​ത് !

അ​ക്കാ​ല​ത്ത് ബ​സു​ക​ളൊ​ന്നും ഉ​ണ്ടാ​യി​രു​ന്നി​ല്ല. കാ​ള​വ​ണ്ടി​യും സൈ​ക്കി​ളും, ലോ​റി​യും, അ​പൂ​ര്‍​വം ചി​ല കാ​റു​ക​ളും ക​ട​ന്നു​പോ​കും. വാ​ഹ​ന​ങ്ങ​ള്‍ പോ​കു​ന്ന വ​ഴി​യി​ലാ​ണ് ഞ​ങ്ങ​ളു​ടെ പ​ന്തു​ക​ളി. എ​ന്നാ​ല്‍ ഞ​ങ്ങ​ള്‍ കു​ട്ടി​ക​ള്‍​ക്ക് അ​തൊ​രു ത​ട​സ​മേ ആ​യി​രു​ന്നി​ല്ല. ഞ​ങ്ങ​ളു​ടെ പ​ന്തു​ക​ളി​യ്ക്ക​നു​സ​രി​ച്ച് വാ​ഹ​ന​ങ്ങ​ള്‍ വേ​ഗ​ത കു​റ​ച്ചും, നി​ര്‍​ത്തി​യും ചി​ല​പ്പോ​ള്‍ ബ്രേ​ക്കി​ട്ടു​മൊ​ക്കെ ക​ട​ന്നു​പോ​വു​ക​യാ​യി​രു​ന്നു പ​തി​വ്.

എ​ന്നെ പ​ഠി​പ്പി​ച്ച് എ​ൻ​ജി​നി​യ​റാ​ക്ക​ണ​മെ​ന്ന് ആ​ഗ്ര​ഹി​ച്ചി​രു​ന്ന​യാ​ളാ​ണ് അ​ച്ഛ​ന്‍. സ്വ​ത​വേ ക​ര്‍​ക്ക​ശ​ക്കാ​ര​നാ​യി​രു​ന്ന അ​ച്ഛ​ന് (തി​രു​വ​ന​ന്ത​പു​രം മു​ന്‍ മേ​യ​ര്‍ ആ​ര്‍. പ​ര​മേ​ശ്വ​ര​ന്‍ പി​ള്ള) എ​ന്‍റെ ആ​ഘോ​ഷ​പ​രി​പാ​ടി​ക​ള്‍ തീ​രെ ഇ​ഷ്ട​മാ​യി​രു​ന്നു​മി​ല്ല. പ​ല​പ്പോ​ഴും ഓ​ണ​ക്ക​ളി​ക​ള്‍ ക​ഴി​ഞ്ഞെ​ത്തു​മ്പോ​ള്‍ അ​ച്ഛ​ന്‍റെ കൈ​യി​ല്‍​നി​ന്നു ന​ല്ല ത​ല്ലും കി​ട്ടി​യി​രു​ന്നു. എ​ങ്കി​ലും നീ​ണ്ടു​കി​ട​ക്കു​ന്ന പാ​ട​ത്തും വ​ഴി​യി​ലു​മെ​ല്ലാം അ​ടു​ത്ത ദി​വ​സ​വും ഓ​ണ​ക്ക​ളി തു​ട​രും. ‘അ​ച്ഛ​ന്‍ അ​ടി​ച്ചാ​ലെ​ന്താ, ഓ​ണം ന​ന്നാ​യി ആ​ഘോ​ഷി​ച്ച​ല്ലോ’ എ​ന്ന ചി​ന്ത​യാ​യി​രു​ന്നു അ​ന്ന് ഉ​ണ്ടാ​യി​രു​ന്ന​ത്.

അ​ത്ത​പ്പൂ​ക്ക​ള​മൊ​രു​ക്ക​ലും കു​റ​ച്ച് കു​റു​മ്പു​ക​ളും

മു​റ്റ​ത്ത് അ​ത്ത​പ്പൂ​ക്ക​ള​മൊ​രു​ക്കു​ക, ഊ​ഞ്ഞാ​ലാ​ടു​ക തു​ട​ങ്ങി​യ​വ​യാ​ണ് അ​ന്ന് പെ​ണ്‍​കു​ട്ടി​ക​ളു​ടെ ആ​ഘോ​ഷ​ങ്ങ​ള്‍. പെ​ണ്‍​കു​ട്ടി​ക​ള്‍​ക്ക് പൂ​ക്ക​ളം തീ​ര്‍​ക്കാ​നു​ള്ള പൂ​ക്ക​ള്‍ ശേ​ഖ​രി​ച്ചു കൊ​ടു​ക്കു​ന്ന​ത് ഞ​ങ്ങ​ള്‍ ആ​ണ്‍​കു​ട്ടി​ക​ളു​ടെ ജോ​ലി​യാ​യി​രു​ന്നു. പൂ​ക്ക​ള​ത്തി​നു​ള്ള പൂ​ക്ക​ള്‍ വീ​ട്ടു​പ​റ​മ്പി​ല്‍ നി​ന്നും പ​റി​ച്ചെ​ടു​ത്തി​ട്ടും തി​ക​യാ​തെ വ​രു​മ്പോ​ള്‍ അ​ടു​ത്ത വീ​ടു​ക​ളി​ല്‍ നി​ന്നെ​ല്ലാം പു​ഷ്പ​ങ്ങ​ള്‍ ശേ​ഖ​രി​ക്കും. ഇ​വി​ടെ ര​സ​ക​ര​മാ​യ ചി​ല സം​ഭ​വ​ങ്ങ​ള്‍ കൂ​ടി അ​ര​ങ്ങേ​റും.

പൂ​ക്ക​ള്‍ പ​റി​ച്ചെ​ടു​ക്കാ​നാ​യി ഞ​ങ്ങ​ള്‍ ക​യ​റു​ന്ന​ത് തീ​രെ ഇ​ഷ്‌​ട​പ്പെ​ടാ​ത്ത അ​യ​ല്‍​ക്കാ​രു​മു​ണ്ട്. അ​വ​രെ കു​റ്റ​പ്പെ​ടു​ത്താ​നും ക​ഴി​യി​ല്ല. ദി​വ​സ​വും വെ​ള്ളം ന​ന​ച്ചും വ​ള​മി​ട്ടു​മെ​ല്ലാം പ​രി​പാ​ലി​ച്ചു​പോ​ന്ന ചെ​ടി​ക​ളി​ലെ പൂ​ക്ക​ള്‍ ഞ​ങ്ങ​ള്‍ കു​ട്ടി​ക​ള്‍ നി​ര്‍​ദാ​ക്ഷി​ണ്യം അ​ട​ര്‍​ത്തു​ക്കു​ന്ന​ത് അ​വ​ര്‍​ക്ക് സ​ഹി​ക്കാ​ന്‍ ക​ഴി​യു​മാ​യി​രു​ന്നി​ല്ല. അ​തു​കൊ​ണ്ടു​ത​ന്നെ കു​ട്ടി​ക​ള്‍ ക​യ​റാ​തി​രി​ക്കാ​നാ​യി ചി​ല അ​യ​ല്‍ വീ​ട്ടു​കാ​ര്‍ വീ​ടി​ന്‍റെ ഗേ​റ്റ് ഭ​ദ്ര​മാ​യി പൂ​ട്ടി​വ​യ്ക്കും. അ​ത്ത​രം വീ​ടു​ക​ളു​ടെ മ​തി​ല്‍ ചാ​ടി​ക്ക​ട​ന്നാ​ണ് ഞ​ങ്ങ​ള്‍ പൂ​ക്ക​ള്‍ പ​റി​ച്ചെ​ടു​ക്കു​ക.

ഓ​മ​നി​ച്ചു​വ​ള​ര്‍​ത്തി​യ റോ​സാ​ച്ചെ​ടി​ക​ളി​ല്‍​നി​ന്നു ന​ല്ല ചു​വ​ന്ന റോ​സാ​പു​ഷ്പ​ങ്ങ​ളും പി​ന്നെ കു​ടം​പോ​ലെ നി​ല്ക്കു​ന്ന മ​ഞ്ഞ ചെ​ത്തി​പ്പൂ​ക്ക​ളും വ​ലി​ച്ചു​പ​റി​ച്ചെ​ടു​ക്കു​ന്ന ഞ​ങ്ങ​ള്‍ കു​റു​മ്പ​ന്മാ​രു​ടെ പി​ന്നാ​ലെ വീ​ട്ടു​കാ​ര്‍ ഓ​ടി വ​രും. ‘ആ​രെ​ടാ....’ എ​ന്നു​ള്ള ആ​ക്രോ​ശം കേ​ള്‍​ക്കു​മ്പോ​ള്‍ പൂ​ക്ക​ളു​മാ​യി ഞ​ങ്ങ​ള്‍ മ​തി​ല്‍ ചാ​ടി ഓ​ടും. ‘ആ​ന ക​രി​മ്പി​ന്‍​കാ​ട്ടി​ല്‍ ക​യ​റി​യ’ മ​ട്ടി​ല്‍ പൂ​ന്തോ​ട്ട​വും ത​ക​ര്‍​ത്ത് ഞ​ങ്ങ​ള്‍ ഓ​ടു​മ്പോ​ള്‍ പു​റ​കി​ല്‍​നി​ന്നും ചി​ല​ര്‍ ക​ല്ലെ​റി​ഞ്ഞി​ട്ടു​മു​ണ്ട്. ക​ല്ലേ​റു കൊ​ള്ളും മു​മ്പേ ഞ​ങ്ങ​ള്‍ ‘ഓ​ണാ​ഘോ​ഷ ക​മ്മി​റ്റി’ ബാ​ല​ന്മാ​ര്‍ വീ​ട്ടി​ല്‍ എ​ത്തി​യി​രി​ക്കും.

അ​തി​വേ​ഗ​ത​യി​ല്‍ മ​തി​ല്‍ ചാ​ടാ​നും ഓ​ടാ​നും എ​ന്‍റെ കൂ​ട്ടു​കാ​ര്‍​ക്കും എ​നി​ക്കും അ​ന്നു ക​ഴി​ഞ്ഞി​രു​ന്നു. കാ​ലം അ​തി​വേ​ഗം ഓ​ടി മ​റ​ഞ്ഞ​പ്പോ​ള്‍ എ​ന്‍റെ ക​ളി​ക്കൂ​ട്ടു​കാ​രി​ല്‍ പ​ല​രും എ​ങ്ങോ മ​റ​ഞ്ഞു. ഗൗ​രീ​ശ​പ​ട്ട​ത്തു​ത​ന്നെ ജീ​വി​ച്ചി​രു​ന്ന ചി​ല​രൊ​ക്കെ മ​ര​ണ​പ്പെ​ട്ടു. മ​റ്റു പ്ര​ദേ​ശ​ങ്ങ​ളി​ലേ​ക്ക് പോ​യ​വ​ര്‍ ഇ​ന്ന് ജീ​വി​ച്ചി​രി​പ്പു​ണ്ടോ എ​ന്ന​റി​യു​ക​യു​മി​ല്ല.

പു​ളി​മ​ര​ത്തി​ലെ ഊ​ഞ്ഞാ​ലാ​ട്ടം

എ​ന്‍റെ വീ​ട്ടു​മു​റ്റ​ത്ത് അ​ന്ന് വ​ലി​യൊ​രു പു​ളി​മ​ര​മു​ണ്ട്. ഓ​ണം വ​രു​മ്പോ​ള്‍ പു​ളി​മ​ര​ത്തി​ല്‍ വ​ടം ഉ​പ​യോ​ഗി​ച്ചാ​ണ് ഊ​ഞ്ഞാ​ല്‍ കെ​ട്ടു​ക. ആ ​പ്ര​ദേ​ശ​ത്ത് ഇ​ത്ത​ര​ത്തി​ലൊ​രു ഊ​ഞ്ഞാ​ല്‍ വേ​റെ ഉ​ണ്ടാ​യി​രു​ന്നി​ല്ല. അ​തു​കൊ​ണ്ടു​ത​ന്നെ അ​ടു​ത്തു​ള്ള കു​ട്ടി​ക​ളൊ​ക്കെ ഞ​ങ്ങ​ളു​ടെ വീ​ട്ടി​ലാ​ണ് ഊ​ഞ്ഞാ​ലാ​ടാ​ന്‍ വ​രി​ക. ‘മാ​വേ​ലി നാ​ടു​വാ​ണീ​ടും കാ​ലം...’ തു​ട​ങ്ങി​യ ഓ​ണ​പ്പാ​ട്ടു​ക​ള്‍ പാ​ടി​യാ​ണ് ഊ​ഞ്ഞാ​ലാ​ട്ടം. ഊ​ഞ്ഞാ​ല്‍​പ്പ​ടി ത​ല​യ്ക്കു​മേ​ല്‍ ഉ​യ​ര്‍​ത്തി കു​ട​മി​ടു​ക എ​ന്ന ഒ​രു അ​ഭ്യാ​സ​മു​ണ്ട്.

എ​ന്‍റെ അ​നി​യ​ത്തി​മാ​രു​ള്‍​പ്പെ​ടെ​യു​ള്ള കു​ട്ടി​ക​ള്‍ കു​ട​മി​ട്ടു​കൊ​ടു​ക്കാ​ന്‍ ആ​വ​ശ്യ​പ്പെ​ടും. ’പാ​വം കു​ട്ടി​ക​ള​ല്ലേ ഒ​ന്നു സ​ഹാ​യി​ക്കാം’ എ​ന്നു ക​രു​തി അ​വ​ര്‍ ഇ​രി​ക്കു​ന്ന ഊ​ഞ്ഞാ​ല്‍​പ്പ​ടി ത​ല​യ്ക്കു മീ​തെ ഉ​യ​ര്‍​ത്തി പി​ടി​ക്കു​മ്പോ​ഴാ​കും അ​വ​ര്‍ ഉ​രു​ണ്ട് താ​ഴെ വീ​ഴു​ക. അ​പ്പോ​ള്‍ ത​ന്നെ നാ​ടു​മു​ഴു​വ​ന്‍ കേ​ള്‍​ക്കെ നി​ല​വി​ളി​ക്കാ​ന്‍ തു​ട​ങ്ങും. ഊ​ഞ്ഞാ​ലി​ല്‍​നി​ന്നും ഞാ​ന്‍ മ​ന:​പൂ​ര്‍​വം അ​വ​രെ ത​ള്ളി​യി​ട്ടു എ​ന്ന് പ​റ​ഞ്ഞാ​വും അ​ല​റി​ക്ക​ര​ച്ചി​ല്‍. അ​തി​നും കി​ട്ടും അ​ച്ഛ​നി​ല്‍​നി​ന്നും ത​ല്ല്. അ​ങ്ങ​നെ ഓ​ണ​ക്ക​ളി​യും ഓ​ണ​ത്ത​ല്ലും നി​റ​ഞ്ഞ​താ​ണ് എ​ന്‍റെ ഓ​ണ​സ്മ​ര​ണ​ക​ള്‍.

ഓ​ണ​സ​ദ്യ

എ​ല്ലാ വീ​ടു​ക​ളി​ലും ഉ​ള്ള​തു​പോ​ലെ തി​രു​വോ​ണ​ത്തി​നു വി​ഭ​വ​സ​മൃ​ദ്ധ​മാ​യ സ​ദ്യ ഉ​ണ്ടാ​കും. ഉ​ത്രാ​ടം തു​ട​ങ്ങി ച​ത​യം​വ​രെ നീ​ളു​ന്ന നാ​ല് ഓ​ണ​ത്തി​നും ഓ​ണ​ത്തി​ന്‍റേ​താ​യ വി​ഭ​വ​ങ്ങ​ളൊ​ക്കെ ഉ​ണ്ടാ​വും. ഉ​ത്രാ​ട​ത്തി​ന്‍റെ അ​ന്നാ​ണ് ശ​ര്‍​ക്ക​ര​വ​ര​ട്ടി​യും ഉ​പ്പേ​രി​യും അ​ച്ചാ​റു​ക​ളു​മൊ​ക്കെ ത​യാ​റാ​ക്കു​ന്ന​ത്. പ്ര​ധാ​ന ഓ​ണ​സ​ദ്യ തി​രു​വോ​ണ​നാ​ളി​ല്‍​ത​ന്നെ. അ​ന്ന് വൈ​കി​ട്ടാ​ണ് അ​ത്ത​മി​ള​ക്ക​ലും തു​മ്പി​തു​ള്ള​ലും.

മ​റു​നാ​ട്ടി​ലെ ഓ​ണം

കു​ട്ടി​ക്കാ​ല​ത്തെ​പോ​ലു​ള്ള ഓ​ണ​നാ​ളു​ക​ളി​ലെ തി​മി​ര്‍​പ്പ് മു​തി​രു​മ്പോ​ള്‍ ഉ​ണ്ടാ​വു​ക​യി​ല്ല​ല്ലോ. എ​ന്നാ​ലും ബി​രു​ദ​പ​ഠ​നം ക​ഴി​യും​വ​രെ വീ​ട്ടി​ല്‍ ഓ​ണം സാ​ധാ​ര​ണ​പോ​ലെ ആ​ഘോ​ഷി​ച്ചി​രു​ന്നു. തി​രു​വ​ന​ന്ത​പു​രം യൂ​ണി​വേ​ഴ്സി​റ്റി കോ​ള​ജി​ല്‍​നി​ന്നും ഹി​ന്ദി ബി​എ പാ​സാ​യ​ശേ​ഷം ബ​നാ​റ​സ് ഹി​ന്ദു യൂ​ണി​വേ​ഴ്സി​റ്റി​യി​ലാ​ണ് ഞാ​ന്‍ എം​എ പ​ഠ​നം ന​ട​ത്തി​യ​ത്. പി​ന്നീ​ട് നാ​ഗ​ര്‍​കോ​വി​ല്‍ ഹി​ന്ദു കോ​ള​ജി​ലും തു​ട​ര്‍​ന്ന് നാ​ഗ​ര്‍​കോ​വി​ലി​ലെ​ത​ന്നെ സ്കോ​ട്ട് ക്രി​സ്ത്യ​ന്‍ കോ​ള​ജി​ലും ഹി​ന്ദി അ​ധ്യാ​പ​ക​നാ​യി.

ഇ​ക്കാ​ല​ത്തൊ​ന്നും നാ​ട്ടി​ലെ​ത്തു​വാ​നോ അ​മ്മ (ത​ങ്ക​മ്മ) വ​ച്ചു​വി​ള​മ്പി​യ ഓ​ണ​സ​ദ്യ ഉ​ണ്ണാ​നോ സാ​ധി​ച്ചി​രു​ന്നി​ല്ല. അ​ക്കാ​ല​ഘ​ട്ട​ത്തി​ല്‍ മ​റു​നാ​ടു​ക​ളി​ല്‍ ഇ​ന്ന​ത്തെ​പ്പോ​ലെ സം​ഘ​ട​ന​ക​ളും മ​റ്റും ഓ​ണാ​ഘോ​ഷ​ങ്ങ​ള്‍ ന​ട​ത്തു​ന്ന പ​തി​വു​മു​ണ്ടാ​യി​രു​ന്നി​ല്ല. ഡ​ല്‍​ഹി​യി​ലെ നാ​ഷ​ണ​ല്‍ സ്കൂ​ള്‍ ഓ​ഫ് ഡ്രാ​മ​യി​ല്‍ പ​ഠി​ക്കു​ന്ന അ​വ​സ​ര​ത്തി​ല്‍ മ​ല​യാ​ളി അ​സോ​സി​യേ​ഷ​ന്‍ തു​ട​ങ്ങി​യ സം​ഘ​ട​ന​ക​ള്‍ ഓ​ണാ​ഘോ​ഷം ന​ട​ത്തി​യി​രു​ന്നു. അ​തി​ല്‍ പ​ങ്കെ​ടു​ത്തി​രു​ന്നു. അ​ത്ര​മാ​ത്രം.

സി​നി​മാ സെ​റ്റി​ലെ ല​ളി​ത​മാ​യ ഓ​ണം

ച​ല​ച്ചി​ത്ര ന​ട​നാ​യ​ശേ​ഷം മി​ക്ക​വാ​റും ഓ​ണം ഷൂ​ട്ടിം​ഗ് ലൊ​ക്കേ​ഷ​നു​ക​ളി​ല്‍ ആ​യി​രു​ന്നു. തി​രു​വോ​ണ​ത്തി​നു സെ​റ്റി​ൽ ഓ​ണ​സ​ദ്യ ഒ​ന്നും ഉ​ണ്ടാ​യി​രി​ക്കി​ല്ല. ഊ​ണി​നൊ​പ്പം മ​ധു​ര​മോ ഒ​രു പാ​യ​സ​മോ കാ​ണും. ആ​ദ്യ​കാ​ല സി​നി​മാ ഷൂ​ട്ടിം​ഗ് ലൊ​ക്കേ​ഷ​നു​ക​ളി​ല്‍ വ​ലി​യ ഓ​ണാ​ഘോ​ഷം ന​ട​ന്ന​താ​യി എ​ന്‍റെ ഓ​ര്‍​മ​യി​ലി​ല്ല.

ഷൂ​ട്ടിം​ഗ് തി​ര​ക്കു​ക​ള്‍ ഉ​ള്ള കാ​ല​ത്തും തി​രു​വോ​ണ​ത്തി​ന് ക​ണ്ണ​മ്മൂ​ല​യി​ലെ എ​ന്‍റെ വ​സ​തി​യാ​യ ശി​വ​ഭ​വ​നി​ല്‍ എ​ത്തു​വാ​ന്‍ പ​ര​മാ​വ​ധി ശ്ര​മി​ച്ചി​രു​ന്നു. ഭാ​ര്യ ത​ങ്കം (ജ​യ​ല​ക്ഷ്മി), ഏ​ക മ​ക​ള്‍ ഉ​മ എ​ന്നി​വ​ര്‍​ക്കൊ​പ്പം ആ​യി​രു​ന്നു തി​രു​വോ​ണ സ​ദ്യ. എ​ന്‍റെ അ​മ്മൂ​മ്മ​യും അ​ച്ഛ​നും അ​മ്മ​യും ജീ​വി​ച്ചി​രു​ന്ന കാ​ലം​വ​രെ തി​രു​വോ​ണ​ത്തി​ന് ഗൗ​രീ​ശ​പ​ട്ട​ത്തെ കു​ടും​ബ​വീ​ട്ടി​ല്‍ പോ​കു​ന്ന പ​തി​വും ഉ​ണ്ടാ​യി​രു​ന്നു. ത​ങ്ക​ത്തി​ന്‍റെ വേ​ര്‍​പാ​ടി​നു​ശേ​ഷം ഇ​പ്പോ​ള്‍ മ​ക​ള്‍ ഉ​മ​യ്ക്കും കു​ടും​ബ​ത്തി​നും ഒ​പ്പ​മാ​ണ് എ​ന്‍റെ ഓ​ണം.

Tags : Sunday Deepika Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash