23

ചിന്താവിഷയം

ആ​രും കാ​ണാ​ത്ത​പ്പോ​ള്‍ ന​മ്മ​ള്‍ എ​ങ്ങ​നെ​യു​ള്ള​വ​രാ​ണ്? അ​ല്പം അ​സ്വ​സ്ഥ​ത​യു​ണ്ടാ​ക്കു​ന്ന ചോ​ദ്യ​മാ​ണി​ത്. മ​റ്റു​ള്ള​വ​ര്‍ കാ​ണു​മ്പോ​ള്‍ ന​മ്മു​ടെ പ്രവൃത്തികളെ​ക്കു​റി​ച്ച് നാം ​പൊ​തു​വേ ശ്ര​ദ്ധാ​ലു​ക്ക​ളാ​ണ്. സ​ത്യ​സ​ന്ധ​നും വി​ശ്വ​സ്ത​നും ന​ല്ല​വ​നു​മാ​യി മ​റ്റു​ള്ള​വ​ര്‍ ന​മ്മെ കാ​ണ​ണ​മെ​ന്നു നാം ​ആ​ഗ്ര​ഹി​ക്കു​ന്നു. എ​ന്നാ​ല്‍, ആ​രും കാ​ണാ​നി​ല്ലാ​ത്ത​പ്പോ​ള്‍, ചോ​ദ്യം ചെ​യ്യാ​ന്‍ മേ​ലു​ദ്യോ​ഗ​സ്ഥ​ന്‍ ഇ​ല്ലാ​ത്ത​പ്പോ​ള്‍, നി​രീ​ക്ഷി​ക്കാ​ന്‍ കാ​മ​റ​യി​ല്ലാ​ത്ത​പ്പോ​ള്‍, തെ​റ്റു ചെ​യ്താ​ലും പി​ടി​ക്ക​പ്പെ​ടാ​ന്‍ സാ​ധ്യ​ത​യി​ല്ലാ​ത്ത​പ്പോ​ള്‍, നാം ​എ​ങ്ങ​നെ​യാ​ണ് പ്ര​വ​ര്‍​ത്തി​ക്കു​ക? സ​ത്യ​സ​ന്ധ​ത മ​റ്റു​ള്ള​വ​രെ കാ​ണി​ക്കാ​നു​ള്ള ഒ​രു മു​ഖം​മൂ​ടി​യാ​ണോ അ​തോ ന​മ്മു​ടെ വ്യ​ക്തി​ത്വ​ത്തി​ന്‍റെ ഭാ​ഗ​മാ​യി​ത്തീ​ര്‍​ന്നി​ട്ടു​ണ്ടോ എ​ന്നും വെ​ളി​പ്പെ​ടു​ന്ന​ത് അ​ത്ത​രം നി​മി​ഷ​ങ്ങ​ളി​ലാ​ണ്.

ഇ​ന്ത്യ ക​ണ്ട ഏ​റ്റ​വും പ്ര​തി​ഭാ​ശാ​ലി​ക​ളാ​യ എ​ന്‍​ജി​നിയ​ര്‍​മാ​രി​ല്‍ ഒ​രാ​ളാ​യ സ​ര്‍ മോ​ക്ഷ​ഗു​ണ്ടം വി​ശ്വേ​ശ്വ​ര​യ്യ​യു​ടെ ജീ​വി​തം ഈ ​സ​ത്യ​ത്തി​ന്‍റെ ഉദാഹ​ര​ണ​മാ​ണ്. 1860 സെ​പ്റ്റം​ബ​ര്‍ 15നു ​ക​ര്‍​ണാ​ട​ക​യി​ലെ മു​ദ്ദേ​ന​ഹ​ള്ളി എ​ന്ന ഗ്രാ​മ​ത്തി​ലാ​ണ് അ​ദ്ദേ​ഹം ജ​നി​ച്ച​ത്. സം​സ്കൃ​ത​പ​ണ്ഡി​ത​നാ​യി​രു​ന്ന ശ്രീ​നി​വാ​സ ശാ​സ്ത്രി​യു​ടെ​യും വെ​ങ്ക​ട​ല​ക്ഷ്മി​യ​മ്മ​യു​ടെ​യും മ​ക​നാ​യി​രു​ന്നു അ​ദ്ദേ​ഹം. ചെ​റു​പ്പ​ത്തി​ല്‍​ത്ത​ന്നെ പി​താ​വ് മ​രി​ച്ച​തോ​ടെ കു​ടും​ബം സാ​മ്പ​ത്തി​ക പ്ര​തി​സ​ന്ധി​യി​ലാ​യി. എ​ന്നാ​ല്‍, ദാ​രി​ദ്ര്യം അ​ദ്ദേ​ഹ​ത്തി​ന്‍റെ പ​ഠ​ന​മോ​ഹ​ത്തെ ത​ള​ര്‍​ത്തി​യി​ല്ല. ബാം​ഗ്ലൂ​രി​ലെ സെ​ന്‍​ട്ര​ല്‍ കോ​ള​ജി​ല്‍ പ​ഠി​ക്കു​മ്പോ​ള്‍ കു​ട്ടി​ക​ള്‍​ക്ക് ട്യൂ​ഷ​നെ​ടു​ത്താ​ണ് സ്വ​ന്തം ചെ​ല​വി​ന് ഒ​രു ഭാ​ഗം വി​ശ്വേ​ശ്വ​ര​യ്യ ക​ണ്ടെ​ത്തി​യ​ത്. പി​ന്നീ​ട് പൂ​നയി​ല്‍ സി​വി​ല്‍ എ​ൻജിനിയറിം​ഗ് പ​ഠി​ച്ച് അ​ദ്ദേ​ഹം മി​ക​ച്ച വി​ജ​യം നേ​ടി.

ബോം​ബെ പ്ര​സി​ഡ​ന്‍​സി​യു​ടെ പൊ​തു​മ​രാ​മ​ത്ത് വ​കു​പ്പി​ല്‍ ജോ​ലി​യി​ല്‍ പ്ര​വേ​ശി​ച്ച് അ​ദ്ദേ​ഹം ജ​ല​സേ​ച​നം, കു​ടി​വെ​ള്ള വി​ത​ര​ണം, വെ​ള്ള​പ്പൊ​ക്ക നി​യ​ന്ത്ര​ണം തു​ട​ങ്ങി​യ മേ​ഖ​ല​ക​ളി​ലെ വൈ​ദ​ഗ്ധ്യ​ത്തി​ലൂ​ടെ വ​ള​രെ​വേ​ഗം പ്ര​ശ​സ്ത​നാ​യി. ജ​ല​സം​ഭ​ര​ണി​ക​ളി​ലെ നൂ​ത​ന​മാ​യ ഓ​ട്ടോ​മാ​റ്റി​ക് ഗേ​റ്റു​ക​ളു​ടെ രൂ​പ​ക​ല്പ​ന ഉ​ള്‍​പ്പെ​ടെ നി​ര​വ​ധി എ​ഞ്ചി​നിയ​റിം​ഗ് സം​ഭാ​വ​ന​ക​ള്‍ അ​ദ്ദേ​ഹ​ത്തി​ന്‍റേ​താ​യി​ട്ടു​ണ്ട്. പി​ന്നീ​ട് മൈ​സൂ​രി​ല്‍ ചീ​ഫ് എ​ഞ്ചി​നിയ​റാ​യും 1912 മു​ത​ല്‍ 1918 വ​രെ ദി​വാ​നാ​യും സേ​വ​ന​മ​നു​ഷ്ഠി​ച്ചു.

വ്യ​വ​സാ​യം, ബാ​ങ്കിം​ഗ്, സാ​ങ്കേ​തി​ക വി​ദ്യാ​ഭ്യാ​സം, പൊ​തു​സ്ഥാ​പ​ന​ങ്ങ​ള്‍ എ​ന്നി​വ വ​ള​ര്‍​ത്തി ആ​ധു​നി​ക മൈ​സൂ​റി​ന്‍റെ നി​ര്‍​മാ​ണ​ത്തി​ല്‍ നി​ര്‍​ണാ​യ​ക പ​ങ്കു​വ​ഹി​ച്ചു. 1915ല്‍ ​ബ്രി​ട്ടീ​ഷ് സ​ര്‍​ക്കാ​ര്‍ അ​ദ്ദേ​ഹ​ത്തി​ന് ‘സ​ര്‍’ പ​ദ​വി ന​ല്‍​കി. 1955ല്‍ ​സ്വ​ത​ന്ത്ര ഇ​ന്ത്യ പ​ര​മോ​ന്ന​ത സി​വി​ലി​യ​ന്‍ ബ​ഹു​മ​തി​യാ​യ ഭാ​ര​ത​ര​ത്നം ന​ല്‍​കി വി​ശ്വേ​ശ്വ​ര​യ്യ​യെ ആ​ദ​രി​ച്ചു. അ​ദ്ദേ​ഹ​ത്തി​ന്‍റെ ജ​ന്മ​ദി​ന​മാ​യ സെ​പ്റ്റം​ബ​ര്‍ 15 ഇ​ന്ത്യ​യി​ല്‍ എ​ൻജിനിയേഴ്സ് ഡേ ​ആ​യി ആ​ച​രി​ക്ക​പ്പെ​ടു​ന്നു.

എ​ന്നാ​ല്‍, വി​ശ്വേ​ശ്വ​ര​യ്യ​യു​ടെ എ​ന്‍​ജി​നി​യ​റിം​ഗ് നേ​ട്ട​ങ്ങ​ളെ​ക്കാ​ള്‍ ന​മ്മെ ആ​ക​ര്‍​ഷി​ക്കു​ന്ന മ​റ്റൊ​രു കാ​ര്യ​മു​ണ്ട്: അ​ദ്ദേ​ഹ​ത്തി​ന്‍റെ മി​ക​ച്ച വ്യ​ക്തി​ത്വം. കൃ​ത്യ​നി​ഷ്ഠ​യും സ​മ​യ​നി​ഷ്ഠ​യും പൊ​തു​മു​ത​ലി​നോ​ടു​ള്ള ഉ​ത്ത​ര​വാ​ദി​ത്വ​വും അ​ദ്ദേ​ഹ​ത്തി​ന്‍റെ ജീ​വി​ത​ത്തി​ന്‍റെ മു​ഖ​മു​ദ്ര​ക​ളാ​യി​രു​ന്നു. പ​ണ​വും സ​മ​യ​വും അ​ധി​കാ​ര​വും പൊ​തു​സ​മ്പ​ത്തു​മെ​ല്ലാം വ്യ​ക്തി​പ​ര​മാ​യ സൗ​ക​ര്യ​ത്തി​നു​ള്ള​വ​യ​ല്ല, പ്ര​ത്യു​ത വി​ശ്വ​സ്ത​ത​യോ​ടെ കൈ​കാ​ര്യം ചെ​യ്യേ​ണ്ട കാ​ര്യ​ങ്ങ​ളാ​ണെ​ന്ന് അ​ദ്ദേ​ഹം വി​ശ്വ​സി​ച്ചു.

ഇ​വി​ടെ​യാ​ണ് എ​ന്‍​ജി​നിയ​റിം​ഗി​നും മ​നു​ഷ്യ​ജീ​വി​ത​ത്തി​നു​മി​ട​യി​ല്‍ മ​നോ​ഹ​ര​മാ​യ ഒ​രു സാ​മ്യം കാ​ണാ​നാ​വു​ന്ന​ത്. ഒ​രു വ​ലി​യ പാ​ലം കാ​ണു​മ്പോ​ള്‍ അ​തി​ന്‍റെ തൂ​ണു​ക​ളും വ​ള​വു​ക​ളും മ​നോ​ഹാ​രി​ത​യും നാം ​ശ്ര​ദ്ധി​ക്കും. ഒ​രു ബ​ഹു​നി​ല​ക്കെ​ട്ടി​ടം കാ​ണു​മ്പോ​ള്‍ അ​തിന്‍റെ ഉയരം ന​മ്മെ വി​സ്മ​യി​പ്പി​ക്കും. എ​ന്നാ​ല്‍, അ​വ​യു​ടെ ക​രു​ത്തി​ന്‍റെ ര​ഹ​സ്യം പ​ല​പ്പോ​ഴും ന​മ്മു​ടെ ക​ണ്ണു​ക​ള്‍​ക്ക് കാ​ണാ​വാ​ത്ത അ​ടി​ത്ത​റ​യി​ലാ​ണ്. കൊ​ടുങ്കാറ്റിലും പ്ര​ള​യ​ത്തി​ലും അ​വ​യെ താ​ങ്ങി​നി​റു​ത്തു​ന്ന​ത് ആ ​മ​റ​ഞ്ഞി​രി​ക്കു​ന്ന അ​ടി​ത്ത​റ​യി​ലാ​ണ്.

മ​നു​ഷ്യ​വ്യ​ക്തി​ത്വ​ത്തി​നും അ​ത്ത​ര​മൊ​രു അ​ടി​ത്ത​റ​യു​ണ്ട്. പ്ര​ശ​സ്തി മ​റ്റു​ള്ള​വ​ര്‍ ന​മ്മെ​ക്കു​റി​ച്ച് ചി​ന്തി​ക്കു​ന്ന​താ​ണ്. എ​ന്നാ​ല്‍, സ്വ​ഭാ​വം എ​ന്ന​ത് ആ​രും കാ​ണാ​ത്ത​പ്പോ​ള്‍ നാം ​ആ​രാ​ണ് എ​ന്ന​താ​ണ്. പി​ടി​ക്ക​പ്പെ​ടു​മെ​ന്ന ഭ​യ​ത്താ​ല്‍ മാ​ത്രം സ​ത്യ​സ​ന്ധ​നാ​യി​രി​ക്കു​ന്ന​വന്‍റെ സ​ത്യ​സ​ന്ധ​ത​യ്ക്ക് വ​ലി​യ വി​ല​യി​ല്ല. ക​ണ​ക്കു​ക​ള്‍ പ​രി​ശോ​ധി​ക്ക​പ്പെ​ടു​മെ​ന്ന​തി​നാ​ല്‍ മാ​ത്രം പ​ണം കൃ​ത്യ​മാ​യി കൈ​കാ​ര്യം ചെ​യ്യു​ന്ന​തും യ​ഥാ​ര്‍​ഥ സ​ത്യ​സ​ന്ധ​ത​യ​ല്ല. തെ​റ്റു ചെ​യ്താ​ല്‍ ആ​രും അ​റി​യു​ക​യി​ല്ലെ​ന്നും ഉ​റ​പ്പു​ള്ള​പ്പോ​ഴും ശ​രി​യാ​യ​ത് തെ​ര​ഞ്ഞെ​ടു​ക്കു​ന്ന​തി​ലു​മാ​ണ് വ്യ​ക്തി​ത്വ​ത്തി​ന്‍റെ യ​ഥാ​ര്‍​ഥ മാ​റ്റ് അ​ട​ങ്ങി​യി​രി​ക്കു​ന്ന​ത്.

വ​ലി​യ ധാ​ര്‍​മി​ക ത​ക​ര്‍​ച്ച​ക​ള്‍ സാ​ധാ​ര​ണ​യാ​യി വ​ലി​യ കു​റ്റ​ങ്ങ​ളി​ലൂ​ടെ​യ​ല്ല ആ​രം​ഭി​ക്കു​ന്ന​ത്. നി​സാ​ര​മെ​ന്നു ക​രു​തു​ന്ന ചെ​റി​യ വി​ട്ടു​വീ​ഴ്ച​ക​ളി​ലാ​ണ് അ​വ​യു​ടെ തു​ട​ക്കം. ആ​രെ​യും ബാ​ധി​ക്കി​ല്ലെ​ന്നു ക​രു​തു​ന്ന ഒ​രു ചെ​റി​യ നു​ണ, ചെ​ല​വു​ക​ണ​ക്കി​ല്‍ അ​ല്പം കൂ​ട്ടി എ​ഴു​തു​ന്ന​ത്, മ​റ്റൊ​രാ​ളു​ടെ അ​ധ്വാ​ന​ത്തി​ന്‍റെ അം​ഗീ​കാ​രം സ്വ​ന്ത​മാ​ക്കു​ന്ന​ത്, ന​മു​ക്ക് അ​നു​കൂ​ല​മാ​യി സം​ഭ​വി​ച്ച ഒ​രു തെ​റ്റ് അ​റി​ഞ്ഞി​ട്ടും അ​ത് തി​രു​ത്താ​തി​രി​ക്കു​ന്ന​ത്, എ​ല്ലാ​വ​രും ചെ​യ്യു​ന്ന​ത​ല്ലേ എ​ന്നു പ​റ​ഞ്ഞു ന്യാ​യീ​ക​രി​ക്കു​ന്ന ചെ​റി​യ വ​ഞ്ച​ന​ക​ള്‍, ആ​രും ക​ണ്ടി​ല്ലെ​തി​നാ​ല്‍ കി​ട്ടി​യ സാ​ധ​നം സ്വ​ന്ത​മാ​ക്കു​ന്ന​ത്, ഇ​വ​യോ​രോ​ന്നും നി​സാ​ര​മാ​യി തോ​ന്നാം.

എ​ന്നാ​ല്‍, ഒ​രു വ​ലി​യ കെ​ട്ടി​ടം ഓ​രോ ക​ല്ലാ​യി ഉ​യ​രു​ന്ന​തു​പോ​ലെ, ന​മ്മു​ടെ വ്യ​ക്തി​ത്വ​വും ഓ​രോ തീ​രു​മാ​ന​ത്തി​ലൂ​ടെ​യാ​ണ് രൂ​പ​പ്പെ​ടു​ന്ന​ത്. ഓ​രോ സ​ത്യ​സ​ന്ധ​മാ​യ തീ​രു​മാ​ന​വും ന​മ്മു​ടെ വ്യ​ക്തി​ത്വ​ത്തി​ന്‍റെ അ​ടി​ത്ത​റ​യെ ശ​ക്ത​മാ​ക്കു​ന്നു. ഓ​രോ വി​ട്ടു​വീ​ഴ്ച​യും അ​തി​നെ ദു​ര്‍​ബ​ല​മാ​ക്കു​ന്നു.

സ​ത്യ​സ​ന്ധ​ത രാ​ഷ്്‌ട്രീയ​ക്കാ​ര്‍​ക്കും ന്യാ​യാ​ധി​പ​ന്മാ​ര്‍​ക്കും ഉ​ദ്യോ​ഗ​സ്ഥ​ര്‍​ക്കും വ്യ​വ​സാ​യി​ക​ള്‍​ക്കും വ്യാ​പാ​രി​ക​ള്‍​ക്കും മാ​ത്രം ഉ​ണ്ടാ​യി​രി​ക്കേ​ണ്ട ഒ​രു ഗു​ണ​മ​ല്ല. അ​ത് ന​മ്മു​ടെ വീ​ടു​ക​ളി​ലും ഓ​ഫീ​സു​ക​ളി​ലും ക​ട​ക​ളി​ലും വി​ദ്യാ​ല​യ​ങ്ങ​ളി​ലും ഒ​ക്കെ ഉ​ണ്ടാ​യി​രി​ക്ക​ണം. കൊ​ടു​ത്ത വാ​ക്കു പാ​ലി​ക്കു​ന്ന​തി​ലും ഏ​ല്‍​പ്പി​ച്ച ജോ​ലി​ക​ള്‍ ആ​ത്മാ​ര്‍​ഥ​മാ​യി ചെ​യ്യു​ന്ന​തി​ലും ക​ടം തി​രി​ച്ചു​കൊ​ടു​ക്കു​ന്ന​തി​ലും മ​റ്റു​ള്ള​വ​രു​ടെ അ​വ​കാ​ശം മാ​നി​ക്കു​ന്ന​തി​ലും നു​ണ പ​റ​ഞ്ഞാ​ല്‍ ര​ക്ഷ​പ്പെ​ടാ​മെ​ന്നി​രി​ക്കേ സ​ത്യം പ​റ​യു​ന്ന​തി​ലു​മൊ​ക്കെ​യാ​ണ് അ​ത് അ​ട​ങ്ങി​യി​രി​ക്കു​ന്ന​ത്.

ദൈ​വ​വ​ച​നം പ​റ​യു​ന്നു: “​സ​ത്യ​സ​ന്ധ​ന്‍റെ മാ​ര്‍​ഗം സു​ര​ക്ഷി​ത​മാ​ണ്.’’(​സു​ഭാ​ഷി​ത​ങ്ങ​ള്‍ 10:9). സ​ത്യ​സ​ന്ധ​ത ന​ല്‍​കു​ന്ന വ​ലി​യൊ​രു സ​മ്മാ​നം മ​ന​ഃസ​മാധാ​ന​മാ​ണ്. സ​ത്യം പ​റ​യു​ന്ന​വ​ന് ആ​രോ​ട് എ​ന്തു നു​ണ പ​റ​യു​ന്നു​വെ​ന്ന് ഓ​ര്‍​ത്തു​വ​യ്ക്കേ​ണ്ട​തി​ല്ല. സ​ത്യ​സ​ന്ധ​മാ​യി ജീ​വി​ക്കു​ന്ന​വ​നു ര​ഹ​സ്യം പു​റ​ത്തു​വ​രു​മോ എ​ന്ന് ഭ​യ​പ്പെ​ടേ​ണ്ട​തി​ല്ല. പൊ​തു​ജീ​വി​ത​ത്തി​ലും സ്വ​കാ​ര്യ​ജീ​വി​ത​ത്തി​ലും ഒ​രേ മൂ​ല്യ​ങ്ങ​ള്‍ പാ​ലി​ക്കു​ന്ന​വ​ന് വ്യ​ത്യ​സ്ത അ​വ​സ​ര​ങ്ങ​ളി​ല്‍ വ്യ​ത്യ​സ്ത മു​ഖം​മൂ​ടി​ക​ള്‍ ധ​രി​ക്കേ​ണ്ടി വ​രി​ക​യി​ല്ല.

101 വ​ര്‍​ഷം നീ​ണ്ട ജീ​വി​ത​ത്തി​നു​ശേ​ഷം 1962 ഏ​പ്രി​ല്‍ 14ന് ​വി​ശ്വേ​ശ്വ​ര​യ്യ അ​ന്ത​രി​ച്ചു. അ​ദ്ദേ​ഹം രൂ​പ​ക​ല്പ​ന ചെ​യ്ത പ​ദ്ധ​തി​ക​ളും വ​ള​ര്‍​ത്തി​യ സ്ഥാ​പ​ന​ങ്ങ​ളും ‍ ഇ​ന്നും നി​ല​നി​ല്‍​ക്കു​ന്നു. എ​ന്നാ​ല്‍, കോ​ണ്‍​ക്രീ​റ്റ് ഒ​രി​ക്ക​ല്‍ ക്ഷ​യി​ക്കും; യ​ന്ത്ര​ങ്ങ​ള്‍ കാ​ല​ഹ​ര​ണ​പ്പെ​ടും; സാ​ങ്കേ​തി​ക​വി​ദ്യ​ക​ള്‍ മാ​റും. അ​പ്പോ​ഴും, അ​ദ്ദേ​ഹ​ത്തി​ന്‍റെ ന​ല്ല വ്യ​ക്തി​ത്വം അ​വ​യേക്കാ​ള്‍ ദീ​ര്‍​ഘ​കാ​ലം നി​ല​നി​ല്‍​ക്കു​ന്ന സ്മാ​ര​ക​മാ​യി​രി​ക്കും എ​ന്ന​തി​ല്‍ സം​ശ​യം വേ​ണ്ട.

നാം ​ആ​രും​ത​ന്നെ ഒ​രു അ​ണ​ക്കെ​ട്ട് രൂ​പ​ക​ല്‍​പ​ന ചെ​യ്യു​ക​യോ പാ​ലം പ​ണി​യു​ക​യോ ഒ​രു സം​സ്ഥാ​ന​ത്തിന്‍റെ ഭ​ര​ണ​ച്ചു​മ​ത​ല വ​ഹി​ക്കു​ക​യോ ചെ​യ്തെ​ന്നു വ​രി​ല്ല. എ​ന്നാ​ല്‍, അ​തി​നേക്കാ​ള്‍ പ്ര​ധാ​ന​പ്പെ​ട്ട ഒ​രു എ​ന്‍​ജി​നി​യ​റിം​ഗ് പ​ദ്ധ​തി നാ​മെ​ല്ലാ​വ​രും ഓ​രോ ദി​വ​സ​വും ന​ട​ത്തി​ക്കൊ​ണ്ടി​രി​ക്കു​ക​യാ​ണ്. അ​താ​യ​ത്, ഓ​രോ ദി​വ​സ​വും നാം ​ന​മ്മെ​ത്ത​ന്നെ നി​ര്‍​മി​ച്ചു​കൊ​ണ്ടി​രി​ക്കു​ക​യാ​ണെ​ന്നു സാ​രം.

നാം ​എ​ടു​ക്കു​ന്ന ഓ​രോ തീ​രു​മാ​ന​വും ആ ​നി​ര്‍​മി​തി​യു​ടെ അ​ടി​ത്ത​റ​യി​ല്‍ പ​തി​യ്ക്കു​ന്ന ഓ​രോ ക​ല്ലാ​ണ്. ആ​രും അ​റി​യു​ക​യി​ല്ലെ​ന്നി​രി​ക്കേ നാം ​പ​റ​യു​ന്ന ഓ​രോ സ​ത്യ​വും അ​തി​നെ ശ​ക്തി​പ്പെ​ടു​ത്തു​ന്നു. ലം​ഘി​ച്ചാ​ലും ആ​രും ചോ​ദി​ക്കി​ല്ലെ​ന്നി​രി​ക്കെ നാം ​പാ​ലി​ക്കു​ന്ന വാ​ക്ക് അ​തി​നെ ഉ​റ​പ്പി​ക്കു​ന്നു. അ​ഭി​ന​ന്ദി​ക്കാ​ന്‍ ആ​രു​മി​ല്ലാ​ത്ത​പ്പോ​ൾ ‍ നാം ​ചെ​യ്യു​ന്ന സ​ത്യ​സ​ന്ധ​മാ​യ പ്ര​വൃത്തി അ​തി​ന്‍റെ ക​രു​ത്ത് വ​ര്‍​ധി​പ്പി​ക്കു​ന്നു.

ഒ​രു കെ​ട്ടി​ട​ത്തി​ന്‍റെ ക​രു​ത്ത് എ​പ്പോ​ഴും കാ​ണു​ന്ന ഭി​ത്തി​ക​ളി​ല​ല്ല. മ​റി​ച്ച്, ആ​രും കാ​ണാ​ത്ത അ​തി​ന്‍റെ അ​ടി​ത്ത​റ​യി​ലാ​ണ്. ന​മ്മു​ടെ മ​ഹ​ത്വവും മ​റ്റു​ള്ള​വ​ര്‍ കാ​ണു​ന്ന ഏ​താ​നും പ്ര​വൃത്തിക​ളി​ല്ല; അ​ത് ആ​രും കാ​ണാ​ത്ത​പ്പോ​ഴും നാം ​ന​ട​ത്തു​ന്ന തെ​ര​ഞ്ഞെ​ടു​പ്പു​ക​ളി​ലാ​ണ്. ഈ ​കാ​ര്യം ന​മു​ക്ക് മ​റ​ക്കാ​തി​രി​ക്കാം.

Tags : Sunday Deepika Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash