ആ ​പാ​ട്ടോ​ടെ, ആ ​സൗ​ഹൃ​ദം...
ന​ല്ല സു​ഹൃ​ത്തു​ക്ക​ളി​ല്ലാ​ത്ത​വ​ർ നി​ർ​ഭാ​ഗ്യ​വാന്മാ​രാ​ണ്- വ്യ​ക്തി​ജീ​വി​ത​ത്തി​ലാ​യാ​ലും ഒൗ​ദ്യോ​ഗി​ക​രം​ഗ​ത്താ​യാ​ലും. സൗ​ഹൃ​ദ​മെ​ന്ന് ഉ​റ​പ്പി​ച്ചു​പ​റ​യാ​നാ​കി​ല്ലെ​ങ്കി​ലും ന​ല്ല ബ​ന്ധ​ങ്ങ​ളി​ല്ലെ​ങ്കി​ൽ എ​ള​പ്പ​ത്തി​ൽ പി​ന്ത​ള്ള​പ്പെ​ട്ടു​പോ​കാ​വു​ന്ന ഒ​രി​ട​മാ​ണ് സി​നി​മാ മേ​ഖ​ല. ഒ​രു​കാ​ല​ത്ത് രാ​ജ​പ്ര​താ​പി​യാ​യി​രു​ന്നെ​ങ്കി​ലും, അ​ങ്ങ​നെ ബ​ന്ധ​ങ്ങ​ൾ മു​റി​ഞ്ഞു​വീ​ണ​തു​മൂ​ലം സിം​ഹാ​സ​ന​ത്തി​ൽ​നി​ന്നു നി​ഷ്കാ​സി​ത​നാ​കേ​ണ്ടി​വ​ന്ന പ്ര​തി​ഭ​യാ​ണ് ഓം​പ്ര​കാ​ശ് ന​യ്യാ​ർ എ​ന്ന ഒ.​പി. ന​യ്യാ​ർ. സൂ​പ്പ​ർ​ഹി​റ്റു​ക​ളും അ​തി​ലൂ​ടെ ട്രെ​ൻ​ഡു​ക​ളും സൃ​ഷ്ടി​ക്ക​പ്പെ​ട്ട അ​ത്ത​ര​മൊ​രു കൂ​ട്ടു​കെ​ട്ടു പി​രി​ഞ്ഞ​തി​ന്‍റെ 45-ാം വാ​ർ​ഷി​ക​മാ​ണി​ത്. ആ ​അ​വ​സാ​ന​ചി​ത്ര​ത്തി​ലെ ഒ​രു മ​നോ​ഹ​ര​ഗാ​നം ഇ​ത്ത​വ​ണ കേ​ൾ​ക്കാം.

തൊ​പ്പി​വ​ച്ച ധി​ക്കാ​രി

തീ​ർ​ത്തും ഒ​ര​സാ​ധാ​ര​ണ​ക്കാ​ര​നാ​യി​രു​ന്നു ഒ.​പി. ന​യ്യാ​ർ. അ​തി​രാ​വി​ലെ​പ്പോ​ലും സ്യൂ​ട്ടും തൊ​പ്പി​യും ധ​രി​ച്ചേ അ​ദ്ദേ​ഹം ആ​ളു​ക​ളെ കാ​ണാ​റു​ള്ളൂ. ചെ​യ്തി​ക​ൾ അ​ദ്ദേ​ഹ​ത്തെ ഒ​രു ധി​ക്കാ​രി​യാ​യി തോ​ന്നി​പ്പി​ച്ചു. വ​ലി​യൊ​ര​ള​വു​വ​രെ അ​ദ്ദേ​ഹം അ​ങ്ങ​നെ​യാ​യി​രു​ന്നു താ​നും. വ​ള​രെ​ക്കു​റ​ച്ചു സു​ഹൃ​ത്തു​ക്ക​ളേ അ​ദ്ദേ​ഹ​ത്തി​നു​ണ്ടാ​യി​രു​ന്നു​ള്ളൂ. ഗീ​താ ദ​ത്ത്, ആ​ഷാ ഭോ​സ്ലേ, മു​ഹ​മ്മ​ദ് റ​ഫി എ​ന്നി​വ​രോ​ടൊ​പ്പ​മാ​ണ് അ​ദ്ദേ​ഹം കൂ​ടു​ത​ലും പാ​ട്ടു​ക​ൾ ചെ​യ്ത​ത്. പ്ര​ത്യേ​കി​ച്ച് ആ​ഷ​യോ​ടൊ​പ്പം. അ​വ​രി​ലെ ഗാ​യി​ക​യു​ടെ മി​ക​വു രൂ​പ​പ്പെ​ടു​ത്തി​യ​ത് ഒ.​പി. ന​യ്യാ​ർ ആ​ണെ​ന്നു പ​റ​യാം. ആ​ഷ എ​ത്തി​യ​തോ​ടെ ഗീ​താ ദ​ത്തി​നെ​യും ഷം​ഷാ​ദ് ബീ​ഗ​ത്തെ​യും അ​വ​ഗ​ണി​ച്ചു. ഗീ​താ ദ​ത്ത് പ​ണ​ത്തി​നു​വേ​ണ്ടി ക​ഷ്ട​പ്പെ​ട്ട സ​മ​യ​ത്തു​പോ​ലും അ​വ​ർ​ക്ക് അവസം കൊടുത്തില്ല.

ല​താ മ​ങ്കേ​ഷ്ക​ർ​ക്ക് അ​ദ്ദേ​ഹം പാ​ട്ടു​ന​ൽ​കി​യി​ല്ല. ല​ത​യ്ക്കു​വേ​ണ്ടി ഒ​രു പാ​ട്ടു​ണ്ടാ​ക്കി റെ​ക്കോ​ർ​ഡിം​ഗി​നു വി​ളി​ച്ച​താ​യി ഒ​രു ക​ഥ​യു​ണ്ട്. ത​ന്‍റെ ഫെ​യ്മ​സ് സ്റ്റു​ഡി​യോ​യി​ലേ​ക്ക് ല​ത വൈ​കി​യെ​ത്തി​യ​തി​നാ​ൽ പാ​ടി​ക്കാ​തെ തി​രി​ച്ച​യ​യ്ക്കു​ക​യാ​യി​രു​ന്ന​ത്രേ.

ഒ​ട്ടേ​റെ പാ​ട്ടു​ക​ൾ ഒ​രു​മി​ച്ചു ചെ​യ്തെ​ങ്കി​ലും പെ​ട്ടെ​ന്നൊ​രി​ക്ക​ൽ മു​ഹ​മ്മ​ദ് റ​ഫി​യി​ൽ​നി​ന്ന് ഒ.​പി. ന​യ്യാ​ർ സ്വ​യം അ​ക​ലം​പാ​ലി​ച്ചു. മ​റ്റൊ​ര​വ​സ​ര​ത്തി​ൽ കി​ഷോ​ർ​കു​മാ​റി​ന്‍റെ ആ​ലാ​പ​ന​ത്തെ പ​ര​സ്യ​മാ​യി വി​മ​ർ​ശി​ക്കു​ക​യും ചെ​യ്തു. ആ​ഷാ ഭോ​സ്ലേ​യു​മാ​യി തെ​റ്റി​പ്പി​രി​ഞ്ഞ​താ​ണ് ആ ​പ​ര​ന്പ​ര​യി​ലെ അ​വ​സാ​ന​ത്തേ​ത്.

വ്യ​ക്തി​ക​ളി​ൽ​നി​ന്നു​മാ​ത്ര​മ​ല്ല, സ്വ​ന്തം സൃ​ഷ്ടി​ക​ളി​ൽ​നി​ന്നു​പോ​ലും താ​ൻ ദൂ​രെ​യാ​ണെ​ന്ന ചി​ന്ത അ​ദ്ദേ​ഹ​ത്തി​നു​ണ്ടാ​യി​രു​ന്നു. ഇ​ട​യ്ക്കി​ടെ അ​ദ്ദേ​ഹം പ​റ​യു​മാ​യി​രു​ന്ന​ത്രേ:
ഈ ​പാ​ട്ടു​ക​ളെ​ല്ലാം ഞാ​നു​ണ്ടാ​ക്കി​യ​താ​ണെ​ന്ന് എ​നി​ക്കു വി​ശ്വ​സി​ക്കാ​നേ ക​ഴി​യു​ന്നി​ല്ല.

പ്ര​വ​ചി​ച്ച വേ​ർ​പി​രി​യ​ൽ

ഒ​രു​പ​ക്ഷേ ഹി​ന്ദി ച​ല​ച്ചി​ത്ര​ഗാ​ന​രം​ഗ​ത്ത് ഏ​റ്റ​വു​മ​ധി​കം ആ​ഘോ​ഷി​ക്ക​പ്പെ​ട്ട കം​പോ​സ​ർ- ഗാ​യി​ക കൂ​ട്ടു​കെ​ട്ടാ​ണ് ഒ.​പി. ന​യ്യാ​ർ, ആ​ഷാ ഭോ​സ്ലേ ദ്വ​യ​ത്തി​ന്‍റേ​ത്. ന​യ്യാ​രു​ടെ ഈ​ണ​ത്തി​ൽ ആ​ഷ പാ​ടി​യ മെ​ല​ഡി​ക​ൾ​ക്കു കി​ട​പി​ടി​ക്കു​ന്ന​വ അ​ന്നും ഇ​ന്നും ചു​രു​ക്കം. എ​ന്നാ​ൽ 1974ൽ ​പു​റ​ത്തി​റ​ങ്ങി​യ പ്രാ​ണ്‍ ജാ​യേ പ​ർ വ​ച​ൻ ന ​ജാ​യേ എ​ന്ന ചി​ത്ര​ത്തോ​ടെ ആ ​കൂ​ട്ടു​കെ​ട്ടു പൊ​ളി​ഞ്ഞു. ജ്യോ​തി​ഷ​ത്തി​ൽ വി​ശ്വാ​സ​വും പ​രി​ജ്ഞാ​ന​വു​മു​ണ്ടാ​യി​രു​ന്ന ഒ.​പി. ന​യ്യാ​ർ ആ ​വേ​ർ​പി​രി​യി​ൽ മു​ൻ​കൂ​ട്ടി ക​ണ്ടി​രു​ന്നു​വെ​ന്നു​പ​റ​യു​ന്നു. അ​തു​കൊ​ണ്ടു​ത​ന്നെ അ​തൊ​ഴി​വാ​ക്കാ​ൻ അ​ദ്ദേ​ഹ​ത്തി​ന് ഒ​ന്നും ചെ​യ്യാ​നു​മി​ല്ലാ​യി​രു​ന്ന​ത്രേ.

അ​വ​സാ​ന ചി​ത്ര​ത്തി​ൽ ആ​ഷ ശ​ബ്ദം​ന​ൽ​കി​യ അ​വ​സാ​ന പാ​ട്ട് ചേ​ൻ സെ ​ഹം​കോ ക​ഭീ ബം​ഗാ​ളി ഈ​ണ​ങ്ങ​ളു​ടെ ഛായ​യു​ള്ള​താ​ണ്. പ​തി​ഞ്ഞ തു​ട​ക്ക​മു​ള്ള, അ​ധി​കം ഉ​പ​ക​ര​ണ​ങ്ങ​ളു​ടെ അ​ക​ന്പ​ടി​യി​ല്ലാ​ത്ത പാ​ട്ട് ഒ​രു ന​സ്മ് പോ​ലെ​യാ​ണ് മു​ന്നോ​ട്ടു​പോ​കു​ന്ന​ത്. ത​ന്‍റെ സ്വ​ര​ത്തി​ലെ ബേ​സി​ന്‍റെ സാ​ധ്യ​ത​ക​ളാ​ണ് ഈ ​പാ​ട്ടി​ന് ന​യ്യാ​ർ ഉ​പ​യോ​ഗി​ച്ച​തെ​ന്ന് ആ​ഷ പി​ന്നീ​ട് ഓ​ർ​മി​ച്ചി​ട്ടു​ണ്ട്. എ​സ്.​എ​ച്ച്. ബി​ഹാ​രി​യു​ടെ വ​രി​ക​ൾ​ക്ക് അ​തി​സു​ന്ദ​ര​മാ​യ ഈ​ണ​മാ​ണ് ന​യ്യാ​ർ ഒ​രു​ക്കി​യ​ത്. മ​ന​സു​തൊ​ട്ട് എ​ന്തോ ഒ​ന്ന് പൂ​ർ​ണ​മാ​കാ​തെ​പോ​കു​ന്ന, ന​ഷ്ട​മാ​കു​ന്ന അ​നു​ഭ​വം.

മെ​ല​ഡി ഏ​റെ ശ്ര​ദ്ധി​ക്ക​പ്പെ​ട്ടെ​ങ്കി​ലും സ​ങ്കീ​ർ​ണ​മാ​യ കാ​ര​ണ​ങ്ങ​ളാ​ൽ ഈ ​പാ​ട്ട് സി​നി​മ​യി​ൽ ഉ​ൾ​പ്പെ​ടു​ത്താ​നാ​യി​ല്ല. പ​ക്ഷേ അ​ത് ആ​ഷാ ഭോ​സ്ലേ​ക്ക് അ​ക്കൊ​ല്ല​ത്തെ മി​ക​ച്ച ഗാ​യി​ക​യ്ക്കു​ള്ള ഫി​ലിം​ഫെ​യ​ർ അ​വാ​ർ​ഡ് നേ​ടി​ക്കൊ​ടു​ത്തു. അ​കാ​ല​ത്തി​ൽ ഇ​ല്ലാ​താ​യ, എ​ക്കാ​ല​ത്തെ​യും മ​നോ​ഹ​ര​മാ​യൊ​രു സം​ഗീ​ത​സൗ​ഹൃ​ദ​ത്തി​ന് അ​ങ്ങ​നെ​യൊ​രു പു​ര​സ്കാ​രം അ​നി​വാ​ര്യ​മാ​യി​രു​ന്നി​രി​ക്ക​ണം!.

ഹരിപ്രസാദ്‌


Copyright @ 2022 , Rashtra Deepika Ltd.