ഇ​ന്ത്യ​യു​ടെ സ്വാ​ത​ന്ത്ര്യ ച​രി​ത്ര​ത്തി​ലും സ്വാ​ത​ന്ത്ര്യാ​ന​ന്ത​ര ച​രി​ത്ര​ത്തി​ലും പ​ല കാ​ര്യ​ങ്ങ​ളി​ലും പ്ര​ഥ​മ​വ​നി​ത എ​ന്ന സ്ഥാ​നം അ​ല​ങ്ക​രി​ക്കു​ന്ന ഒ​രു മ​ഹ​നീ​യ വ്യ​ക്തി. തി​രു-​കൊ​ച്ചി​യി​ലെ പ​റ​വൂ​ർ ടി.​കെ. നാ​രാ​യ​ണ​പി​ള്ള മ​ന്ത്രി​സ​ഭ​യി​ൽ അം​ഗ​മാ​യി​രി​ക്കേ ഭ​ര​ണ​പ​ക്ഷ​ത്തി​ന്‍റെ​ത​ന്നെ ജ​ന​ദ്രോ​ഹ ന​ട​പ​ടി​ക​ളി​ൽ പ്ര​തി​ഷേ​ധി​ച്ചു മ​ന്ത്രി​സ്ഥാ​നം ഉ​പേ​ക്ഷി​ച്ച ഒ​രു ധീ​ര​വ​നി​ത. "തി​രു​വി​താം​കൂ​റി​ന്‍റെ ഝാ​ൻ​സി റാ​ണി'' എ​ന്നു മ​ള്ളു​ർ ഗോ​വി​ന്ദ​പ്പി​ള്ള വി​ശേ​ഷി​പ്പി​ച്ച ആ​നി മ​സ്ക്രീ​ൻ എ​ന്ന സ്വാ​ത​ന്ത്ര്യ​സ​മ​ര പോ​രാ​ളി.

ആ​ദ്യ വ​നി​താ എം​പി, സ്വാ​ത​ന്ത്ര്യ​സ​മ​ര പോ​രാ​ളി, പാ​ർ​ല​മെ​ന്‍റി​ലേ​ക്കു തി​രു​ക്കൊ​ച്ചി​യി​ൽ​നി​ന്ന് ആ​ദ്യ​മാ​യി തെ​ര​ഞ്ഞെ​ടു​ക്ക​പ്പെ​ട്ട വ​നി​ത എ​ന്നി​ങ്ങ​നെ സ​മാ​ന​ത​ക​ളി​ല്ലാ​ത്ത നേ​തൃ​ഗു​ണ​വും പ്ര​വ​ർ​ത്ത​ന​വീ​ര്യ​വും ഒ​ന്നു​ചേ​ർ​ന്ന ആ​നി മ​സ്ക്രീ​ന്‍റെ പേ​ര് നി​ര​വ​ധി വി​ശേ​ഷ​ണ​ങ്ങ​ളോ​ടു​കൂ​ടി​യാ​ണ് ഇ​ന്ത്യ​യു​ടെ സ്വാ​ത​ന്ത്ര്യ​സ​മ​ര ച​രി​ത്ര​ത്തി​ലും കേ​ര​ള ച​രി​ത്ര​ത്തി​ലും രേ​ഖ​പ്പെ​ടു​ത്തി​യി​രി​ക്കു​ന്ന​ത്. ഭീ​ഷ​ണി​യും മ​ർ​ദ​ന​വും ജ​യി​ൽ​വാ​സ​വും ഈ ​സ്ത്രീ​ര​ത്ന​ത്തി​ന്‍റെ പോ​രാ​ട്ട​വീ​ര്യ​ത്തെ കൂ​ടു​ത​ൽ ബ​ല​പ്പെ​ടു​ത്തി എ​ന്ന​താ​ണ് യാ​ഥാ​ർ​ഥ്യം.

1951ൽ ​ന​ട​ന്ന ആ​ദ്യ ലോ​ക്സ​ഭാ തെ​ര​ഞ്ഞെ​ടു​പ്പി​ൽ തി​രു​വ​ന​ന്ത​പു​ര​ത്തു​നി​ന്നു സ്വ​ത​ന്ത്ര​യാ​യി മ​ത്സ​രി​ച്ച ആ​നി മ​സ്ക്രീ​ൻ പ​രാ​ജ​യ​പ്പെ​ടു​ത്തി​യ​ത് താ​ൻ മ​ന്ത്രി​യാ​യി​രു​ന്ന മ​ന്ത്രി​സ​ഭ​യു​ടെ ത​ല​വ​നാ​യി​രു​ന്ന പ​റ​വൂ​ർ ടി.​കെ. നാ​രാ​യ​ണ​പി​ള്ള​യെ​ത​ന്നെ ആ​യി​രു​ന്നു. പ​റ​വൂ​ർ ടി.​കെ. നാ​രാ​യ​ണ​പി​ള്ള​യ്ക്ക് 48,500 വോ​ട്ടു​ക​ൾ ല​ഭി​ച്ച​പ്പോ​ൾ ആ​നി മ​സ്ക്രീ​ന്‍റെ വോ​ട്ടു​ക​ളു​ടെ എ​ണ്ണം 1,16,617 ആ​യി​രു​ന്നു.

ഇ​തി​ൽ​നി​ന്ന് അ​വ​ർ​ക്കു​ണ്ടാ​യി​രു​ന്ന ജ​ന​പി​ന്തു​ണ​യു​ടെ ആ​ഴം മ​ന​സി​ലാ​ക്കാം. കേ​ര​ള​ത്തി​ൽ​നി​ന്ന് ആ​ദ്യ​മാ​യും അ​വ​സാ​ന​മാ​യും ഒ​രു വ​നി​ത സ്വ​ത​ന്ത്ര സ്ഥാ​നാ​ർ​ഥി​യാ​യി മ​ത്സ​രി​ച്ചു വി​ജ​യി​ച്ചു ലോ​ക്സ​ഭ​യി​ൽ എ​ത്തി​യ​ത് ആ​നി മ​സ്ക്രീ​ൻ മാ​ത്ര​മാ​ണ്. ഇ​ന്ത്യ​ൻ ഭ​ര​ണ​ഘ​ട​ന​യു​ടെ ക​ര​ടു​രേ​ഖ​യി​ൽ ഒ​പ്പു​വ​ച്ച എ​ക ദ​ക്ഷി​ണേ​ന്ത്യ​ൻ വ​നി​ത എ​ന്ന പ്ര​ത്യേ​ക​ത​യും കേ​ര​ള​ത്തി​ന്‍റെ ആ​നി മ​സ്ക്രീ​ന് മാ​ത്രം അ​വ​കാ​ശ​പ്പെ​ട്ട​താ​ണ്.

1949ൽ ​തി​രു​വി​താം​കൂ​ർ നി​യ​മ​സ​ഭ​യി​ൽ​നി​ന്നു കോ​ൺ​സ്റ്റി​റ്റ്യു​വ​ന്‍റ് അ​സം​ബ്ലി​യി​ലേ​ക്കു തെ​ര​ഞ്ഞെ​ടു​ക്ക​പ്പെ​ട്ട അ​വ​ർ 1952 വ​രെ അ​തി​ൽ അം​ഗ​മാ​യി​രു​ന്നു. ഭാ​ര​ത​ത്തി​ന്‍റെ ഭ​ര​ണ​ഘ​ട​ന രൂ​പ​പ്പെ​ടു​ത്തു​ന്ന​തി​ൽ ആ​നി മ​സ്ക്രീ​നും ത​ന്‍റേ​താ​യ പ​ങ്ക് വ​ഹി​ച്ചി​രു​ന്നു​വെ​ന്ന​ത് ഓ​രോ മ​ല​യാ​ളി​ക്കും ഓ​രോ മ​ല​യാ​ളി സ്ത്രീ​ക്കും അ​ഭി​മാ​നം ന​ൽ​കു​ന്ന വ​സ്തു​ത​യാ​ണ്.

തി​രു​വ​ന​ന്ത​പു​ര​ത്ത് 1902 ജൂ​ൺ ആ​റി​ന് തി​രു​വി​താം​കൂ​റി​ലെ ഒ​രു സ​ർ​ക്കാ​ർ ഉ​ദ്യോ​ഗ​സ്ഥ​ന്‍റെ മ​ക​ളാ​യി ജ​നി​ച്ച ആ​നി, തി​രു​വ​ന​ന്ത​പു​രം ഹോ​ളി എ​യ്ഞ്ച​ൽ​സ് സ്കൂ​ൾ, മ​ഹാ​രാ​ജാ​സ് കോ​ള​ജ് (ഇ​പ്പോ​ഴ​ത്തെ യൂ​ണി​വേ​ഴ്സി​റ്റി കോ​ള​ജ്) എ​ന്നി​വി​ട​ങ്ങ​ളി​ൽ പ​ഠി​ച്ച്, ബി​രു​ദാ​ന​ന്ത​ര ബി​രു​ദം നേ​ടി സി​ലോ​ണി​ലെ കോ​ള​ജി​ൽ അ​ധ്യാ​പി​ക​യാ​യി കു​റ​ച്ചു കാ​ലം ജോ​ലി​ചെ​യ്തു. തി​രി​കെ നാ​ട്ടി​ലെ​ത്തി​യ അ​വ​ർ ബി​എ​ൽ പ​ഠി​ച്ചു വി​ജ​യി​ക്കു​ക​യും വ​ഞ്ചി​യൂ​ർ കോ​ട​തി​യി​ൽ സ്വ​ത​ന്ത്ര​മാ​യി പ്രാ​ക്ടീ​സ് ആ​രം​ഭി​ക്കു​ക​യും ചെ​യ്തു.

വ​ള​രെ ചെ​റി​യ കാ​ലം​കൊ​ണ്ടു​ത​ന്നെ ജ​ന​കീ​യ വ​ക്കി​ൽ എ​ന്ന പേ​രു സ​മ്പാ​ദി​ച്ചു. തി​രു​വി​താം​കൂ​ർ സ്റ്റേ​റ്റ് കോ​ൺ​ഗ്ര​സ് രൂ​പീ​കൃ​ത​മാ​യ​പ്പോ​ൾ അ​തി​ൽ അം​ഗ​മാ​യ ആ​ദ്യ വ​നി​ത​ക​ളി​ൽ ഒ​രാ​ൾ ആ​നി മ​സ്ക്രീ​നാ​യി​രു​ന്നു. അ​ക്കാ​മ്മ ചെ​റി​യാ​നൊ​പ്പം സ്റ്റേ​റ്റ് കോ​ൺ​ഗ്ര​സി​ലെ പു​രു​ഷ​മേ​ധാ​വി​ത്വ​ത്തോ​ടു പൊ​രു​തി സ്ത്രീ​ക​ൾ​ക്കു മാ​ന്യ​മാ​യ പ​ദ​വി​ക​ൾ യോ​ഗ്യ​ത​യ്ക്ക് അ​ടി​സ്ഥാ​ന​മാ​യി നേ​ടി​ക്കൊ​ടു​ത്തു. തി​രു​വി​താം​കൂ​ർ സ്റ്റേ​റ്റ് കോ​ൺ​ഗ്ര​സി​ലെ ആ​ദ്യ വ​നി​താ വ​ർ​ക്കിം​ഗ് ക​മ്മി​റ്റി അം​ഗ​വും ആ​നി മ​സ്ക്രീ​ന​ല്ലാ​തെ മ​റ്റാ​രു​മാ​യി​രു​ന്നി​ല്ല.

സ്വാ​ത​ന്ത്ര്യ​സ​മ​രം അ​തി​ന്‍റെ മൂ​ർ​ധ​ന്യ​ത​യി​ലാ​യി​രു​ന്ന 1939-1947 കാ​ല​ഘ​ട്ട​ത്തി​ൽ നി​ര​വ​ധി ത​വ​ണ അ​വ​ർ അ​റ​സ്റ്റ് ചെ​യ്തു ജ​യി​ലി​ൽ അ​ട​യ്ക്ക​പ്പെ​ട്ടു.​വി​വി​ധ ഇ​ട​ങ്ങ​ളി​ലെ തീ​പ്പൊ​രി പ്ര​സം​ഗ​ങ്ങ​ൾ സ്വാ​ത​ന്ത്ര്യ​സ​മ​ര പോ​രാ​ളി​ക​ളാ​യ അ​ണി​ക​ൾ​ക്ക് ആ​വേ​ശം ന​ല്കി​യ​തോ​ടൊ​പ്പം ആ​നി​ക്കു ജ​യി​ൽ​വാ​സ​വും നേ​ടി​ക്കൊ​ടു​ത്തു. പു​ന്ന​പ്ര വ​യ​ലാ​ർ സ​മ​ര​ത്തെ സ​ർ​ക്കാ​ർ ര​ക്ത​പ​ങ്കി​ല​മാ​ക്കി എ​ന്നു പ​റ​യാ​ൻ അ​വ​ർ മ​ടി കാ​ട്ടി​യി​ല്ല. അ​തി​ന്‍റെ പേ​രി​ലും ജ​യി​ൽ​വാ​സം അ​നു​ഭ​വി​ക്കേ​ണ്ടി വ​ന്നു.

ഭാ​ര​ത​ത്തി​ന്‍റെ അ​ഖ​ണ്ഡ​ത​യ്ക്കും സ്വാ​ത​ന്ത്ര്യ​ത്തി​നും വേ​ണ്ടി​യു​ള്ള ധീ​ര​മാ​യ പോ​രാ​ട്ട​ത്തോ​ടൊ​പ്പം സ്വ​ത​ന്ത്ര രാ​ഷ്‌​ട്ര​മാ​യ ഇ​ന്ത്യ​യി​ൽ തി​രു​വി​താം​കൂ​റി​ന്‍റെ സ്ഥാ​നം സ​മ​ന്വ​യി​പ്പി​ക്കാ​നും ഉ​റ​പ്പി​ക്കാ​നു​മു​ള്ള ഒ​രു പോ​രാ​ട്ടം കൂ​ടി​യാ​ണ് അ​വ​ർ ന​ട​ത്തി​യ​തെ​ന്നു ച​രി​ത്രം വി​ശ​ക​ല​നം ചെ​യ്യു​ന്ന​വ​ർ​ക്കു ബോ​ധ്യ​മാ​കും. അ​ങ്ങ​നെ​യാ​ണ് തി​രു​വി​താം​കൂ​റി​ന്‍റെ ഝാ​ൻ​സി റാ​ണി എ​ന്ന വി​ളി​പ്പേ​രി​ന് അ​വ​ർ അ​ർ​ഹ​യാ​യ​ത്.

1963 ജൂ​ലൈ 19ന് 61-ാം ​വ​യ​സി​ൽ ഈ ​ഭൂ​മി​യി​ലെ സ്വാ​ത​ന്ത്ര്യ പോ​രാ​ട്ടം അ​വ​സാ​നി​പ്പി​ച്ച് അ​വ​ർ മ​ട​ങ്ങി. കേ​ര​ള​ക്ക​ര​യി​ലെ സ്വാ​ത​ന്ത്ര്യ​പ്ര​സ്ഥാ​ന​ങ്ങ​ളി​ലേ​ക്കും രാ​ഷ്‌​ട്രീ​യ പ്ര​സ്ഥാ​ന​ങ്ങ​ളി​ലേ​ക്കും ക​ഴി​ഞ്ഞ നൂ​റ്റാ​ണ്ടി​ൽ കു​റ​ച്ചു വ​നി​ത​ക​ൾ ക​ട​ന്നു​വ​ന്നി​ട്ടു​ണ്ടെ​ങ്കി​ൽ അ​തി​നു പ്ര​ധാ​ന കാ​ര​ണം ആ​നി മ​സ്ക്രി​നെ പോ​ലെ​യു​ള്ള സ്ത്രീ ​നേ​തൃ​ത്വ​ങ്ങ​ളാ​യി​രു​ന്നു എ​ന്ന കാ​ര്യം വി​സ്മ​രി​ക്കാ​തി​രി​ക്കാം.

ആ​ന്‍റ​ണി ആ​റി​ൽ​ചി​റ ച​മ്പ​ക്കു​ളം