പാ​ട്ടി​നെ​ക്കു​റി​ച്ചു പ​റ​യു​ന്നി​ട​ത്തു പാ​ത​ക​ത്തി​നെ​ന്തു കാ​ര്യ​മെ​ന്നു തോ​ന്നാം. എ​ന്നാ​ല്‍, ശാ​സ്ത്രീ​യ സം​ഗീ​ത​ജ്ഞ​നാ​യി തു​ട​ക്ക​മി​ട്ട് ത​മി​ഴി​ലെ ആ​ദ്യ​ത്തെ സൂ​പ്പ​ര്‍ സ്റ്റാ​റാ​യി ഉ​യ​ര്‍​ന്ന​യാ​ള്‍ ആ ​കൊ​ല​ക്കേ​സി​ല്‍ അ​റ​സ്റ്റി​ലാ​യി​രു​ന്നു എ​ന്ന​റി​യു​മ്പോ​ള്‍ സം​ശ​യ​മ​ക​ലും. ആ ​കേ​സ് അ​ദ്ദേ​ഹ​ത്തി​ന്‍റെ ക​രി​യ​റും ജീ​വി​തം​ത​ന്നെ​യും തു​ല​ച്ചു​വെ​ന്നു കേ​ള്‍​ക്കു​മ്പോ​ള്‍ വി​ധി​യെ​ന്നു ദീ​ര്‍​ഘ​ശ്വാ​സ​മെ​ടു​ക്കും. അ​താ​ണ് എം.​കെ. ത്യാ​ഗ​രാ​ജ ഭാ​ഗ​വ​ത​രു​ടെ ക​ഥ, അ​മ്പ​ര​പ്പി​ക്കു​ന്ന ജീ​വി​ത​ക​ഥ. 1910 മാ​ര്‍​ച്ച് ഒ​ന്നി​ന് പ​ഴ​യ ത​ഞ്ചാ​വൂ​ര്‍ ജി​ല്ല​യി​ലെ മ​യി​ലാ​ടും​തു​റൈ​യി​ലാ​ണ് (അ​ന്ന​ത്തെ മാ​യാ​വാ​രം) അ​ദ്ദേ​ഹ​ത്തി​ന്‍റെ ജ​ന​നം.

സ്വ​ര്‍​ണ​പ്പ​ണി​ക്കാ​ര​നാ​യി​രു​ന്ന കൃ​ഷ്ണ​സ്വാ​മി ആ​ചാ​രി​യു​ടെ മൂ​ത്ത മ​ക​ന്‍. പി​താ​വി​ന്‍റെ മ​ര​ണ​ശേ​ഷം കു​ടും​ബം തി​രു​ച്ചി​റ​പ്പ​ള്ളി​യി​ലേ​ക്കു മാ​റി. അ​വി​ടെ ഒ​രു സ്‌​കൂ​ളി​ല്‍ ചേ​ര്‍​ത്തെ​ങ്കി​ലും ത്യാ​ഗ​രാ​ജ​ന് പ​ഠി​പ്പി​നു പ​ക​രം പാ​ട്ടി​നോ​ടാ​യി​രു​ന്നു ക​മ്പം. പ​ഠി​ക്കാ​ന്‍ ഇ​ഷ്ട​മി​ല്ലാ​ഞ്ഞും പാ​ടു​മ്പോ​ള്‍ പി​താ​വ് ശാ​സി​ക്കു​ന്ന​തു ഭ​യ​ന്നും വീ​ട്ടി​ല്‍​നി​ന്ന് ഓ​ടി​പ്പോ​യ ച​രി​ത്രം​ത​ന്നെ​യു​ണ്ട് മു​മ്പ്. അ​ന്നു പി​താ​വ് ക​ണ്ടു​പി​ടി​ച്ചു തി​രി​ച്ചെ​ത്തി​ക്കു​ക​യാ​യി​രു​ന്നു. അ​ദ്ദേ​ഹം അ​ന്വേ​ഷി​ച്ചു ചെ​ല്ലു​മ്പോ​ള്‍ ക​ഡ​പ്പ പ​ട്ട​ണ​ത്തി​ല്‍ തെ​ലു​ങ്ക​രാ​യ ഒ​രു കൂ​ട്ടം ശ്രോ​താ​ക്ക​ള്‍​ക്കു​മു​ന്നി​ലി​രു​ന്നു പാ​ടു​ക​യാ​ണ് ത്യാ​ഗ​രാ​ജ​ന്‍.

പാ​ട്ടു​കാ​ര​നാ​വു​ക​യെ​ന്ന​ത് അ​ന്ന​ത്തെ​ക്കാ​ല​ത്ത് ഒ​രു മാ​ന്യ​ത​യു​ള്ള തൊ​ഴി​ലാ​യി ക​രു​ത​പ്പെ​ട്ടി​രു​ന്നി​ല്ലെ​ങ്കി​ലും പി​താ​വി​ന്‍റെ അ​നു​താ​പ​വും പി​ന്തു​ണ​യും ക്ര​മേ​ണ ത്യാ​ഗ​രാ​ജ​നു കി​ട്ടി. അ​ങ്ങ​നെ ഭ​ജ​നു​ക​ള്‍ പാ​ടി​ത്തു​ട​ങ്ങി.​അ​മ​ച്വ​ര്‍ നാ​ട​ക സം​ഘ​മാ​യ ര​സി​ക ര​ഞ്ജ​ന സ​ഭ​യു​ടെ സ്ഥാ​പ​ക​ന്‍ ന​ടേ​ശ അ​യ്യ​രാ​ണ് ത്യാ​ഗ​രാ​ജ​നെ സ്റ്റേ​ജി​ല്‍ ക​യ​റ്റി​യ​ത്. ഹ​രി​ശ്ച​ന്ദ്ര നാ​ട​ക​ത്തി​ല്‍ ലോ​ഹി​ത​ദാ​സ​ന്‍റെ വേ​ഷ​മാ​യി​രു​ന്നു. നാ​ട​കം വി​ജ​യ​മാ​യി. അ​ഭി​ന​യ​ത്തോ​ടൊ​പ്പം പാ​ട്ടി​ലും ത്യാ​ഗ​രാ​ജ​ന്‍ ശ്ര​ദ്ധ​വ​ച്ചു. വി​ഖ്യാ​ത​നാ​യ വ​യ​ലി​നി​സ്റ്റ് മ​ധു​രൈ പൊ​ന്നു അ​യ്യ​ങ്കാ​റി​ന്‍റെ കീ​ഴി​ല്‍ ആ​റു വ​ര്‍​ഷ​ക്കാ​ലം ക​ര്‍​ണാ​ട​ക സം​ഗീ​തം അ​ഭ്യ​സി​ക്കു​ക​യും ചെ​യ്തു. അ​ങ്ങ​നെ ത്യാ​ഗ​രാ​ജ ഭാ​ഗ​വ​ത​രു​മാ​യി.

സി​നി​മ​യി​ലേ​ക്ക്...

ത്യാ​ഗ​രാ​ജ​ന്‍ അ​ഭി​ന​യി​ച്ച പാ​വ​ല​ക്കോ​ടി എ​ന്ന നാ​ട​കം ക​ണ്ട് ബി​സി​ന​സു​കാ​രാ​യ ല​ക്ഷ്മ​ണ ചെ​ട്ടി​യാ​രും അ​ള​ഗ​പ്പ ചെ​ട്ടി​യാ​രും ക​ഥ അ​തേ പേ​രി​ല്‍ സി​നി​മ​യാ​ക്കാ​ന്‍ തീ​രു​മാ​നി​ച്ചു. കെ. ​സു​ബ്ര​ഹ്മ​ണ്യ​മാ​യി​രു​ന്നു സം​വി​ധാ​യ​ക​ന്‍. ത്യാ​ഗ​രാ​ജ​നു​ത​ന്നെ മു​ഖ്യ​വേ​ഷം. അ​ഡ​യാ​റി​ല്‍ ഷൂ​ട്ട് ചെ​യ്ത സി​നി​മ വ​ന്‍ ജ​ന​പ്രീ​തി നേ​ടി. 1934ല്‍ ​ആ​യി​രു​ന്നു ഇ​ത്. അ​തോ​ടെ ത്യാ​ഗ​രാ​ജ ഭാ​ഗ​വ​ത​രു​ടെ സി​നി​മാ ജീ​വി​ത​ത്തി​നു തു​ട​ക്ക​മാ​യി.

പാ​ടി അ​ഭി​ന​യി​ക്കു​ന്ന സി​നി​മ​ക​ള്‍ വ​ന്നു. 1937 മു​ത​ല്‍ 44 വ​രെ​യു​ള്ള കാ​ലം​കൊ​ണ്ട് ത്യാ​ഗ​രാ​ജ ഭാ​ഗ​വ​ത​ര്‍ താ​ര​പ​ദ​വി​യി​ലേ​ക്ക് ഉ​യ​ര്‍​ന്നു. എം​കെ​ടി എ​ന്ന വി​ളി​പ്പേ​രും കി​ട്ടി. സി​നി​മ​ക​ള്‍ എ​ല്ലാം ഹി​റ്റു​ക​ള്‍. 1944ല്‍ ​പു​റ​ത്തി​റ​ങ്ങി​യ ഹ​രി​ദാ​സ് എ​ന്ന ചി​ത്രം മൂ​ന്നു വ​ര്‍​ഷ​ത്തെ ദീ​പാ​വ​ലി ആ​ഘോ​ഷ​ങ്ങ​ള്‍​ക്കു സാ​ക്ഷ്യം​വ​ഹി​ച്ചാ​ണ് മ​ദ്രാ​സി​ലെ ബ്രോ​ഡ് വേ ​തി​യ​റ്റ​ര്‍ വി​ട്ട​ത്.

അ​ക്കാ​ല​ത്ത് ഏ​റ്റ​വു​മ​ധി​കം പ്ര​തി​ഫ​ലം​പ​റ്റു​ന്ന നാ​യ​ക​നാ​യി​രു​ന്നു ത്യാ​ഗ​രാ​ജ ഭാ​ഗ​വ​ത​ര്‍. നീ​ണ്ട മു​ടി​യും മ​ധു​ര​മാ​യ സ്വ​ര​വും അ​ദ്ദേ​ഹ​ത്തെ വ്യ​ത്യ​സ്ത​നാ​ക്കി​യി​രു​ന്നു.​ര​ച​യി​താ​വ് പാ​പ​നാ​ശം ശി​വ​നു​മാ​യി ചേ​ര്‍​ന്ന് എം​കെ​ടി ഒ​രു​ക്കി​യ ഭ​ക്തി​ഗാ​ന​ങ്ങ​ള്‍ സം​ഗീ​ത​പ്രേ​മി​ക​ള്‍ ഒ​രു​പാ​ടി​ഷ്ട​ത്തോ​ടെ​യാ​ണ് സ്വീ​ക​രി​ച്ച​ത്. ഹി​റ്റ് ഗാ​ന​ങ്ങ​ളു​ടെ നി​ര​ത​ന്നെ അ​ക്കൂ​ട്ട​ത്തി​ലു​ണ്ട്.

കു​രു​ക്കാ​യി കൊ​ല​ക്കേ​സ്

സി​നി​മാ ദൂ​ത് എ​ന്ന പേ​രി​ല്‍ വാ​രി​ക ന​ട​ത്തി​യി​രു​ന്ന കു​പ്ര​സി​ദ്ധ ഫി​ലിം ജേ​ർ​ണ​ലി​സ്റ്റ് സി.​എ​ന്‍. ല​ക്ഷ്മി​കാ​ന്ത​ന്‍റെ കൊ​ല​പാ​ത​ക​വു​മാ​യി ബ​ന്ധ​പ്പെ​ട്ടു ജ​യി​ലി​ല്‍ പോ​കേ​ണ്ടി​വ​ന്ന​ത് ത്യാ​ഗ​രാ​ജ ഭാ​ഗ​വ​ത​രു​ടെ ജീ​വി​ത​ത്തി​ന്‍റെ അ​സ്ത​മ​യ​ത്തി​നു തു​ട​ക്ക​മി​ട്ടു. സി​നി​മാ​ക്കാ​രു​ടെ അ​ണി​യ​റ​ക്ക​ഥ​ക​ളും ഗോ​സി​പ്പു​ക​ളും പ്ര​സി​ദ്ധീ​ക​രി​ച്ചി​രു​ന്ന വാ​രി​ക​യാ​യി​രു​ന്നു സി​നി​മാ ദൂ​ത്. ത​ങ്ങ​ളു​ടെ ക​ഥ​ക​ള്‍ വാ​രി​ക​യി​ല്‍ വ​രാ​തി​രി​ക്കാ​ന്‍ വ​ലി​യ തു​ക ല​ക്ഷ്മി​കാ​ന്തി​നു സി​നി​മാ​ക്കാ​ർ ന​ല്‍​കാ​റു​ണ്ടാ​യി​രു​ന്നു.

അ​തി​നി​ടെ ഭാ​ഗ​വ​ത​രും ഹാ​സ്യ​ന​ട​നാ​യ എ​ന്‍.​എ​സ്. കൃ​ഷ്ണ​നും സം​വി​ധാ​യ​ക​ന്‍ എ​സ്.​എം. ശ്രീ​രാ​മ​ലു നാ​യി​ഡു​വും ല​ക്ഷ്മി​കാ​ന്തി​നെ​തി​രേ അ​ന്ന​ത്തെ ഗ​വ​ര്‍​ണ​റെ സ​മീ​പി​ച്ചി​രു​ന്നു. അ​പ​കീ​ര്‍​ത്തി​ക​ര​മാ​യ വാ​ര്‍​ത്ത​ക​ള്‍ പ്ര​സി​ദ്ധീ​ക​രി​ക്കു​ന്ന വാ​രി​ക​യു​ടെ ലൈ​സ​ന്‍​സ് റ​ദ്ദാ​ക്ക​ണ​മെ​ന്ന​താ​യി​രു​ന്നു ആ​വ​ശ്യം. അ​ങ്ങ​നെ ലൈ​സ​ന്‍​സ് റ​ദ്ദാ​ക്ക​പ്പെ​ട്ടു.

എ​ന്നാ​ൽ, ല​ക്ഷ്മി​കാ​ന്ത​ന്‍ പി​ന്നീ​ടു മ​റ്റൊ​രു മാ​ഗ​സി​ന്‍ തു​ട​ങ്ങി ഭാ​ഗ​വ​ത​രും കൃ​ഷ്ണ​നും അ​ട​ക്ക​മു​ള്ള​വ​രെ​ക്കു​റി​ച്ചു ക​ഥ​ക​ള്‍ ഇ​റ​ക്കി. സ്വ​ന്ത​മാ​യി പ്രി​ന്‍റിം​ഗ് പ്ര​സ് വ​രെ ല​ക്ഷ്മി​കാ​ന്ത​ന്‍ തു​ട​ങ്ങി​യി​രു​ന്നു. 1944 ന​വം​ബ​റി​ല്‍ ല​ക്ഷ്മി​കാ​ന്ത​ന്‍ കു​ത്തേ​റ്റു മ​രി​ച്ചു. ഇ​തു പ്ര​മാ​ദ കേ​സാ​യി മാ​റി. സം​ശ​യ​നി​ഴ​ലി​ല്‍ നി​ന്ന ആ​റു​പേ​രെ പോ​ലീ​സ് അ​റ​സ്റ്റ് ചെ​യ്തു. ത്യാ​ഗ​രാ​ജ ഭാ​ഗ​വ​ത​രും കൃ​ഷ്ണ​നും നാ​യി​ഡു​വും അ​ക്കൂ​ട്ട​ത്തി​ലു​ണ്ടാ​യി​രു​ന്നു.

ജ​യി​ൽ​വാ​സം

ഹ​രി​ദാ​സ് സി​നി​മ​യു​ടെ ഷൂ​ട്ടിം​ഗ് ക​ഴി​ഞ്ഞു​നി​ല്‍​ക്കു​ന്ന സ​മ​യ​മാ​ണ്. 12 സി​നി​മ​ക​ള്‍​ക്കു ക​രാ​റൊ​പ്പി​ടു​ക​യും ചെ​യ്തി​രു​ന്നു. അ​റ​സ്റ്റും തു​ട​ര്‍​ന്നു​ള്ള മൂ​ന്നു വ​ര്‍​ഷ​ത്തെ ജ​യി​ല്‍​വാ​സ​വും ഭാ​ഗ​വ​ത​രു​ടെ ക​രി​യ​റി​നെ​യും ജീ​വി​ത​ത്തെ​യും ത​കി​ടം മ​റി​ച്ചു. കേ​സു ന​ട​ത്താ​നാ​യി സ​മ്പാ​ദ്യ​മെ​ല്ലാം ന​ഷ്ട​പ്പെ​ടു​ത്തേ​ണ്ടി​വ​ന്നു.

പു​ന​ര്‍​വി​ചാ​ര​ണ​യി​ല്‍ കു​റ്റം ഒ​ഴി​വാ​ക്ക​പ്പെ​ട്ടു ജ​യി​ലി​ല്‍​നി​ന്നു പു​റ​ത്തു​വ​ന്നെ​ങ്കി​ലും കാ​ര്യ​ങ്ങ​ളൊ​ന്നും പ​ഴ​യ​തു​പോ​ലെ ആ​യി​ല്ല. പി​ന്നീ​ട് ഏ​താ​നും സി​നി​മ​ക​ള്‍ അ​ദ്ദേ​ഹ​ത്തി​ന്‍റേ​താ​യി പു​റ​ത്തി​റ​ങ്ങി​യെ​ങ്കി​ലും വി​ജ​യി​ച്ചി​ല്ല. എ​ങ്കി​ലും ക​ച്ചേ​രി​ക​ള്‍​ക്ക് ആ​ളു കൂ​ടു​മാ​യി​രു​ന്നു. അ​ന്ത്യ​നാ​ളു​ക​ള്‍ ഭ​ക്തി​യു​ടെ മാ​ര്‍​ഗ​ത്തി​ലേ​ക്കു തി​രി​ഞ്ഞു. തീ​ര്‍​ഥാ​ട​ന പാ​ത​യി​ലാ​യി​രു​ന്നു പി​ന്നീ​ടു ജീ​വി​തം. ഇ​തി​നി​ടെ, ര​ക്ത​സ​മ്മ​ര്‍​ദ​വും പ്ര​മേ​ഹ​വും അ​ദ്ദേ​ഹ​ത്തെ വ​ല​ച്ചു.

ക​ച്ചേ​രി​ക​ള്‍​ക്കി​ട​യി​ല്‍ ഭാ​ഗ​വ​ത​ര്‍ സ്വ​യം ഇ​ന്‍​സു​ലി​ന്‍ ഇ​ന്‍​ജ​ക്ഷ​ന്‍ എ​ടു​ക്കു​ന്ന​ത് അ​ക്കാ​ല​ത്തു കേ​ള്‍​വി​ക്കാ​ര്‍​ക്ക് അ​ദ്ഭു​ത​മാ​യി​രു​ന്നു. അ​ങ്ങ​നെ​യി​രി​ക്കേ പൊ​ള്ളാ​ച്ചി​യി​ല്‍ ഒ​രു ക​ച്ചേ​രി​യു​ടെ അ​വ​സാ​നം പ്ര​മേ​ഹം മാ​റു​മെ​ന്നു വി​ശ്വ​സി​പ്പി​ച്ചു ഭാ​ഗ​വ​ത​ര്‍​ക്ക് ഒ​രു മ​രു​ന്നു ന​ല്‍​കി. എ​ന്നാ​ല്‍, അ​ത് അ​ദ്ദേ​ഹ​ത്തി​ന്‍റെ ആ​രോ​ഗ്യ​നി​ല വ​ഷ​ളാ​ക്കി.

1959 ന​വം​ബ​ര്‍ ഒ​ന്നി​ന് മ​ദ്രാ​സ് ജ​ന​റ​ല്‍ ആ​ശു​പ​ത്രി​യി​ല്‍​വ​ച്ചു സം​ഭ​വ​ബ​ഹു​ല​മാ​യ ആ ​ജീ​വി​ത​ത്തി​ന് അ​ന്ത്യ​മാ​യി. അ​ഭൂ​ത​പൂ​ര്‍​വ​മാ​യ ജ​ന​ക്കൂ​ട്ട​മാ​ണ് സം​സ്‌​കാ​ര​ച്ച​ട​ങ്ങു​ക​ള്‍​ക്കു സാ​ക്ഷ്യം​വ​ഹി​ക്കാ​നെ​ത്തി​യ​ത്. ര​ണ്ടാ​മ​തൊ​രാ​ള്‍ അ​റി​യാ​തെ ഒ​ട്ടേ​റെ​പ്പേ​ര്‍​ക്കു സ​ഹാ​യ​ങ്ങ​ള്‍ ന​ല്‍​കി​യ വ്യ​ക്തി​യാ​യി​രു​ന്നു അ​ദ്ദേ​ഹം. ക​ടു​ത്ത ദാ​രി​ദ്ര്യം അ​നു​ഭ​വി​ച്ച ശേ​ഷ​മാ​യി​രു​ന്നു മ​ര​ണം. ജീ​വി​തം പ​ഠി​പ്പി​ക്കു​ന്ന പാ​ഠ​ങ്ങ​ള്‍ വി​ചി​ത്രം, അ​ല്ലേ..!
ഹരിപ്രസാദ്‌