Movies
നടന് ഭരത് ഗോപിയുടെ ഭാര്യ എസ്.വി. ജയലക്ഷ്മി (83) അന്തരിച്ചു. തിരുവനന്തപുരം ശ്രീകാര്യത്തെ വസതിയിലായിരുന്നു അന്ത്യം.
മക്കള്: നടനും തിരക്കഥാകൃത്തുമായ മുരളി ഗോപി, ഡോ. മിനു ഗോപി (അസി. പ്രൊഫസര്, ശ്രീഗോകുലം മെഡിക്കല് കോളജ്). സംസ്കാരം വ്യാഴാഴ്ച ഉച്ചയ്ക്ക് ഒരുമണിക്ക് ശാന്തി കവാടത്തില്.
Kerala
കണ്ണൂർ: മട്ടന്നൂരിൽ അമ്മയേയും മകനേയും വീട്ടിൽ കുത്തേറ്റ് മരിച്ച നിലയിൽ കണ്ടെത്തി. ലയൺസ് ക്ലബ് റോഡിലെ നന്ദനത്തിൽ ജ്യോതി (56), മകൻ നവീൻ കൃഷ്ണ (21) എന്നിവരാണ് മരിച്ചത്.
പുറത്തുപോയിരുന്ന ജ്യോതിയുടെ ഭർത്താവ് ജയകൃഷ്ണൻ തിരിച്ചെത്തിയപ്പോഴാണ് രക്തത്തിൽ കുളിച്ച നിലയിൽ ഇരുവരേയും കണ്ടത്. മട്ടന്നൂർ പൊലിസ് സ്ഥലത്തെത്തി മൃതദേഹങ്ങൾ ആസ്പത്രിയിലേക്ക് മാറ്റി.
Movies
സൂര്യയ്ക്കൊപ്പമുള്ള വിജയ്യുടെ അമ്മ ശോഭ ചന്ദ്രശേഖറിന്റെ ചിത്രം വൈറലാകുന്നു. ഒരു സ്വകാര്യ ചടങ്ങിനെത്തിയപ്പോഴാണ് ഇരുവരും ഒന്നിച്ചുള്ള ചിത്രം പുറത്തുവന്നത്. സൂര്യയ്ക്കൊപ്പം നടി ജ്യോതികയും ഉണ്ടായിരുന്നു.
വിജയ്യുടെ ബന്ധുവും മേക്കപ്പ് ആർട്ടിസ്റ്റുമായ കീർത്തന സുന്ദർ ആണ് ചിത്രം പുറത്തുവിട്ടത്. മറ്റൊരു ചിത്രത്തിൽ സൂര്യയ്ക്കും ജ്യോതികയ്ക്കുമൊപ്പം നിൽക്കുന്ന ശോഭയെയും കാണാം.
എല്ലാ ചിത്രങ്ങളിലും സൂര്യയെ സ്വന്തം മകനെപ്പോലെ ചേർത്തുപിടിച്ചു നിൽക്കുന്ന ശോഭയെയാണ് കാണാനാകുക. എന്തായാലും ചിത്രം നിമിഷ നേരം കൊണ്ടാണ് തരംഗമായി മാറിയത്.
Leader Page
നമ്മെ ഓരോരുത്തരെയും വ്യക്തിപരമായി അറിയുന്ന നമ്മുടെ സ്ന്ഹപിതാവാണ് ദൈവം എന്ന് കണ്ണുംപൂട്ടി വിശ്വസിക്കുകയും ആ വിശ്വാസം വീരോചിതമായി ജിവിച്ചു കാണിച്ചുതന്നുകൊണ്ട് ദൈവപരിപാലനയുടെ അത്ഭുതസാക്ഷ്യമായി മാറുകയും ചെയ്ത ജിവതമാണ് മദർ മേരി ലിറ്റിയുടേത്. എല്ലാംദൈവം തരും മഠം, ചങ്ങനാശേരി എന്ന് കത്തയച്ചാൽ അതു മദർ ലിറ്റിക്കു കിട്ടിയിരുന്ന നാളുകൾ കേരളത്തിന്റെ ചരിത്രത്തിൽ ഉണ്ടായിരുന്നു. അത്ര പ്രസിദ്ധമായിരന്നു അമ്മയുടെ ദൈവാശ്രയ സാക്ഷ്യം.
തിരുവനന്തപുരം ജില്ലയിലെ കിള്ളിയിൽ, ഭിന്നശേഷിക്കാരായ കുട്ടികൾക്ക് അഭയം കൊടുക്കാൻ ഒരു കന്യാസ്ത്രി വാടക വീടെടുത്ത് പ്രവർത്തിക്കുന്നു എന്നു കേട്ടാണ് വർഷങ്ങൾക്കു മുമ്പ് ഞാൻ അവിടെ ചെന്നത്. അന്ന് ഞാൻ ദീപികയുടെ തിരുവനന്തപുരം ബ്യൂറോചീഫ് ആയിരുന്നു. അവിടെ കണ്ടത് ഒന്നിനും കൊള്ളാ ത്തവരെന്ന് ലോകം കരുതുന്ന ഏതാനും കുട്ടികൾ, സംസാരിക്കാനെന്നല്ല തല പൊക്കാൻപോലും ആകാത്തവർ. ഭവനത്തിലാകെ നല്ല വൃത്തിയും വെടിപ്പും. മദർ അവിടെ ഉണ്ടായിരുന്നില്ല. മൂന്നു സിസ്റ്റേഴ്സ് ഉണ്ടായിരുന്നു. അവരുടെ മുഖത്തെല്ലാം നല്ല പ്രസരിപ്പും സന്തോഷവും. അവിടിരുന്ന് സംസാരിക്കുന്പോഴാണ് മദർ ലിറ്റി എന്ന അവരുടെ സ്ഥാപകയെക്കുറിച്ച് ആദ്യം കേൾക്കുന്നത്. എല്ലാം പ്രത്യാശയുടെ വാക്കുകൾ. അത്താഴത്തിന് വകയില്ലെങ്കിലും അതിഥികളെ സത്കരിക്കണം എന്നാണ് മദറിന്റെ നിർദേശമെന്നുകൂടി അവർ പറഞ്ഞു.
ഇവിടെ എങ്ങനെ കഴിയുന്നു. ഞാൻ അവരോടു തെരക്കി. ഒന്നിനും മുട്ടില്ല. എല്ലാം ഈശോ ക്രമീകരിക്കുന്നു. പലപ്പോഴും ഭക്ഷണം മിച്ചമാണ്. നല്ലമനസുകൾ കൊണ്ടുവന്നു തരുന്നത് സൂക്ഷിച്ചുവയ്ക്കാൻ ഫ്രിഡ്ജില്ലാത്തതുകൊണ്ട് പാഴായിപ്പോകും. അതു ഞങ്ങൾക്കു വലിയ സങ്കടമാണ്. ഒരു മണി ചോറുപോലും പാഴക്കരുതെന്ന് അമ്മ പറയാറുണ്ട്. ഫ്രിഡ്ജ് വാങ്ങാൻ വല്ല പാരിപാടിയുമുണ്ടോയെന്നു ഞാൻ ചോദിച്ചു. അറിയില്ല. അവർ പറഞ്ഞു. അന്നു വൈകുന്നേരം ലൂർദ് പള്ളിയിൽ ഉദ്യോഗസ്ഥക്കൂട്ടായ്മയുടെ കോർ ഗ്രൂപ്പുണ്ടായിരുന്നു. ആറു പേരുള്ള ചെറിയ സംഘം. കഥകളൊക്കെ ഞാൻ വിവരിച്ചു. ഒടുവിൽ ഞങ്ങള് കുറച്ചുപേർ ചേർന്ന് 7000 രൂപ സ്വരൂപിച്ച് അവർക്ക് ഫ്രിഡ്ജ് വാങ്ങി നൽകി.
പിന്നീട് കിള്ളിയിലെ ദൈവ പരിപാലനയുടെ കഥകൾ കേൾക്കുന്പോൾ മദർ ലിറ്റിയോടുള്ള ആദരം പെരുകുകയായിരുന്നു. പണത്തിനു വേണ്ടി മനുഷ്യൻ എന്തും ചെയ്യുന്ന കാലത്ത് പണമല്ല പ്രധാന വിഷയം എന്ന് ജീവിതത്തിലൂടെ കാണിച്ചു കൊടുക്കുന്ന ഈ അമ്മ ഞങ്ങൾക്കെല്ലാം മുന്പിൽ അത്ഭുതമായി. പരിചയപ്പെട്ടപ്പോൾ ആദ്യം ചോദിച്ച ചോദ്യവും ഇതാണ്. മദർ ലിറ്റിക്ക് എങ്ങനെ ഇത്രയും ധൈര്യം കിട്ടി? അമ്മ പറഞ്ഞു തന്നു അത് ഒരു അനുഭവത്തിൽ നിന്നാണ്. 1957ലാണ് സംഭവം. അമ്മ ഡോക്ടറാകാൻ ഇറ്റലിയിൽ പഠിക്കുന്നു. ഒരു ദിവസം അവിടെ ടൂറിനിൽ വിശുദ്ധ ജോസഫ് കൊത്തലംഗോ സ്ഥാപിച്ച ദൈവപരിപാലനയുടെ ചെറുഭവനം സന്ദർശിക്കാൻ പോയി. അവിടത്തെ പ്രവർത്തനങ്ങൾ അമ്മയെ വല്ലാതെ അത്ഭുതപ്പെടുത്തി.ആയിരങ്ങൾക്കാണ് അവിടെ ദിവസവും സൗജന്യഭക്ഷണം കൊടുക്കുന്നത്. ആ ഭവനത്തിൽ ഒരു ദിവസം കിട്ടുന്നതെല്ലാം അന്നുതന്നെ വിതരണം ചെയ്തു തീരും. അല്ലെങ്കിൽ തീർക്കും. പിറ്റേന്നത്തേക്ക് ഒന്നും ബാക്കി വയ്ക്കില്ല. പിറ്റേന്നത്തേക്ക് ഈശോ തരണമെങ്കിൽ അങ്ങനെ വേണം.
അവിടത്തെ അത്ഭുതകരമായ ദൈവപരിപാലന മദറിന്റെ അന്തരംഗത്തിൽ മുഴങ്ങി ‘എന്തുകൊണ്ട് നിനക്കും പാവങ്ങൾക്കു വേണ്ടി ജീവിതം സമർപ്പിച്ചു കൂടാ?’ മദറിനെ സമർപ്പണ ജീവിതത്തിലേക്ക് തെരഞ്ഞെടുക്കുകയും ഇറ്റലിയിൽ ഡോക്ടർ പഠനത്തിനു വിടുകയും ചെയ്ച ധർമഗിരി സന്യാസ സഭയിൽനിന്നു പുറത്തിറങ്ങി വ്യത്യസ്തമായി ജീവിതം നയിക്കണം എന്ന ഈശോയുടെ വിളിയോടു പ്രത്യുത്തരം കൊടുക്കാൻ തടസങ്ങൾ ഏറെയായിരുന്നു. ഒടുവിൽ 1973ൽ മദർ ലിറ്റിക്ക് സഭയുടെ അനുവാദം കിട്ടി. പരമദരിദ്രർക്കു വേണ്ടിയുള്ള പടയോട്ടത്തിന് തുടക്കം കുറിക്കാൻ മദർ ലിറ്റി മുക്കുരിലെത്തി.
അവിടെ ഡോട്ടേഴ്സ് ഓഫ് സെന്റ് ജോസഫ്സ് എന്ന മഠത്തിൽ താമസിച്ച് ഒരുക്കങ്ങളാരംഭിച്ചു. പിന്നീട് ചങ്ങനാശേരി ആർച്ച്ബിഷപ്പായിരുന്ന മാർ ആന്റണി പടിയറയുടെ അനുമതിയോടെ 1978 ജനുവരി 17ന് ഒരു രോഗിയുമായി മദർ ലിറ്റി കുന്നന്താനത്തെ ഐക്കുഴിയിൽ വാടക വീട്ടിൽ ‘ലിറ്റിൽ സേർവന്റ്സ് ഓഫ് ഡിവൈൻ പ്രൊവിഡൻസ്’ എന്ന ഇന്നത്തെ സന്യാസിനീ സമുഹത്തിന് തുടക്കം കുറിച്ചു. അമ്മയുടെ പദ്ധതികൾ കേൾക്കുന്ന പടിയറപ്പിതാവ് എന്നും ചോദിച്ചതു ഇതിനുള്ള വരുമാനം എങ്ങനെ കണ്ടെത്തും? ദൈവം തരും അതായിരുന്നു മദർ ലിറ്റിയിടെ സ്ഥിരം മറുപടി. പിന്നീട് മദറിന്റെ ജീവിതത്തിലും ലിറ്റിൽ സേർവന്റ്സ് ഓഫ് ഡിവൈൻ പ്രൊവിഡൻസ് സന്യാസിനീ സമുഹത്തിലും ദൈവം എല്ലാം നൽകിയെന്നതാണ് ചരിത്രം.
1935 ഓഗസ്റ്റ് രണ്ടിന് കോതമംഗലം രൂപതയിലെ സന്പന്ന കടുംബമായ ഓലിയപ്പുറത്ത് ജോസഫിന്റെയും ബ്രിജിത്തയുടെയും ഏഴു മക്കളിൽ ഏറ്റവും ഇളയമകളായി പിറന്നു. കൊച്ചുത്രേസ്യ എന്നായിരുന്നു പേര്. കോതമംഗലം സെന്റ് അഗസ്റ്റിൻസ് സ്കുളിലും ചങ്ങനാശേരി അസംപ്ഷൻ കോളജിലും പഠിച്ച ശേഷം 1955ൽ ധർമഗിരി സന്യാസിനി സമുഹത്തിൽ ചേർന്നു. പ്രഥമ വ്രതവാഗ്ദാനത്തിനുശേഷം റോമിൽ എംഡിക്കു പഠിക്കാൻ പോയി. ഐർലണ്ടിലും ഇംഗ്ലണ്ടിലും ഏതാനും വർഷം സേവനം നടത്തി. നാട്ടിൽ തിരിച്ചെത്തി സന്യാസസമുഹത്തിന്റെ വിവിധ ആശുപത്രികളിൽ ജോലി ചെയ്തു. അപ്പോഴാണ് വിളിക്കുള്ളിലെ വിളി സ്വീകരിച്ച് ദൈവപരിപാലയനയിൽ മാത്രം ആശ്രയിച്ച് ആർക്കും വേണ്ടാത്തവർക്കായി ശുശ്രൂഷ ആരംഭിച്ചത്. 2016 നവംബർ അഞ്ചിന് അമ്മ ഈ ലോകവാസം വിടുന്പോൾ ലിറ്റിൽ സേർവന്റ്സ് ഓഫ് ഡിവൈൻ പ്രൊവിഡൻസിന് 16 ഭവനങ്ങളും 162 സഹോദരികളും 2000 അന്തേവാസികളും ഉണ്ടായിരുന്നു.
Kerala
കൊച്ചി: ഫോർട്ട് കൊച്ചിയിൽ മദ്യലഹരിയിൽ മകൻ അമ്മയെ ചവിട്ടിക്കൊന്നു. അമരാവതി വിശാലാശി-പറമ്പിൽ താമസിക്കുന്ന ലക്ഷ്മി ആണ് കൊല്ലപ്പെട്ടത്.
സംഭവത്തിൽ മകൻ കണ്ണനെ പൊലിസ് അറസ്റ്റുചെയ്തു. മദ്യപിക്കാൻ പണം നൽകിയില്ലെന്ന പേരിലായിരുന്നു ക്രൂരമായ കൊലപാതകം.
പ്രതി സ്ഥിരമായി മദ്യപിക്കാൻ വേണ്ടി പണം ആവശ്യപ്പെടുകയും കൊടുക്കാതിരിക്കുമ്പോൾ അമ്മയെ മർദിക്കാറുണ്ടെന്നുമാണ് വിവരം. ശനിയാഴ്ച രാവിലെ പണം ചോദിച്ചപ്പോൾ ലക്ഷ്മി കൊടുത്തില്ല,
തുടർന്ന് വൈകുന്നേരം മദ്യപിച്ച് വന്ന കണ്ണൻ അമ്മയെ മർദിക്കുകയായിരുന്നു. ലക്ഷ്മിയുടെ മൃതദേഹം എറണാകുളം ജനറൽ ഹോസ്പിറ്റലിൽ സൂക്ഷിച്ചിരിക്കുകയാണ്.
National
ഭോപ്പാൽ: കടയിൽ അമ്മയുടെ കൈയിലിരുന്ന എട്ടുമാസം പ്രായമുള്ള കുഞ്ഞിന്റെ കഴുത്തിലെ സ്വർണ ലോക്കറ്റ് ബ്ലേഡ് ഉപയോഗിച്ച് അറുത്തെടുത്ത് മോഷ്ടിച്ചു. നിഷാത്പുര സ്വദേശി ജ്യോതിയുടെ കുഞ്ഞിന്റെ ലോക്കറ്റാണ് കവർന്നത്. ഭോപ്പാലിലെ ചൗക്ക് ബസാറിലെ ഒരു കോസ്മെറ്റിക്സ് കടയിലാണ് സംഭവം നടന്നത്. സംഭത്തിന്റെ ദൃശ്യങ്ങൾ കടയിലെ സിസിടിവി കാമറകളിൽ പതിഞ്ഞിട്ടുണ്ട്.
തിരക്കേറിയ കടയ്ക്കുള്ളിൽ ജ്യോതി സാധനങ്ങൾ വാങ്ങുന്നതിനിടെ അക്രമിയായ പ്രതി ഇവരുടെ അടുത്തേക്ക് എത്തുകയും കുഞ്ഞിന്റെ കഴുത്തിലുണ്ടായിരുന്ന കറുത്ത ചരട് ബ്ലേഡ് ഉപയോഗിച്ച് മുറിച്ച് ഏകദേശം മൂന്ന് ഗ്രാം വരുന്ന സ്വർണ ലോക്കറ്റുമായി കടന്നുകളയുകയുമായിരുന്നു.
കടയിൽ നിന്ന് പുറത്തിറങ്ങിയ ശേഷമാണ് ലോക്കറ്റ് നഷ്ടപ്പെട്ട വിവരം ജ്യോതി അറിയുന്നത്. യുവതിയുടെ പരാതിയുടെ അടിസ്ഥാനത്തിൽ പ്രതിയെ കണ്ടെത്താനായി സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം നടന്നുവരികയാണ്.
National
ജയ്പൂർ: രാജസ്ഥാനിലെ ഡീഗ് ജില്ലയിൽ അമ്മയുടെ പ്രണയബന്ധത്തെ എതിർത്ത 13 വയസുകാരനായ ഇരട്ടക്കുട്ടികളെ കൊല്ലപ്പെട്ട നിലയിൽ കണ്ടെത്തി. സംഭവത്തിൽ കുട്ടികളുടെ അമ്മയായ പ്രീതി, കാമുകൻ, കൊലപാതകത്തിൽ പങ്കാളിയായ 16 വയസുകാരനായ മൂത്ത മകൻ എന്നിവരെ പൊലിസ് കസ്റ്റഡിയിലെടുത്തു. വിനയ്, വിഷ്ണു ചൗധരി എന്നീ ഇരട്ടക്കുട്ടികളാണ് കൊല്ലപ്പെട്ടത്.
ഉത്തർപ്രദേശ് സ്വദേശി നിരഞ്ജൻ സിംഗുമായി 20 വർഷം മുമ്പായിരുന്നു പ്രീതിയുടെ വിവാഹം. ഭർത്താവിന്റെ മരണശേഷം പ്രീതിയും മക്കളും സ്വന്തം നാടായ ഡീഗിലെ ബഡേസ്രയിലെ വീട്ടിലേക്ക് താമസം മാറുകയാണുണ്ടായത്. ചൊവ്വാഴ്ച രാവിലെ വീടിന് സമീപത്തുള്ള ഒഴിഞ്ഞ സ്ഥലത്താണ് കുട്ടികളുടെ മൃതദേഹങ്ങൾ കണ്ടെത്തിയത്. കുട്ടികളെ കാണാതായതിനെ തുടർന്ന് ബന്ധു നടത്തിയ തെരച്ചിലിനൊടുവിലാണ് കൊലപാതക വിവരം പുറത്തുവന്നത്.
കുട്ടികളുടെ കഴുത്തറുക്കുകയും തലയിലും ശരീരത്തിലും മാരകമായി പരിക്കേൽപ്പിക്കുകയും ചെയ്തിരുന്നു. പ്രീതിയും അതേ ഗ്രാമത്തിലുള്ള കാമുകനും തമ്മിലുള്ള ബന്ധത്തെ ഇരട്ടക്കുട്ടികൾ എതിർത്തിരുന്നു. ഈ ബന്ധത്തിന് കുട്ടികൾ തടസമായതോടെയാണ് അമ്മ കാമുകനുമായി ചേർന്ന് കൊലപാതകം ചെയ്തത്.
പ്രീതിയുടെ ആവശ്യപ്രകാരം കാമുകൻ വീട്ടിലെത്തുകയും ഇയാളും പ്രീതിയുടെ മൂത്ത മകനും ചേർന്ന് കുട്ടികളെ കൊലപ്പെടുത്തുകയുമായിരുന്നു. എന്നാൽ ഇളയ കുട്ടികളുടെ എതിർപ്പിനെതിരെ മൂത്ത മകൻ അമ്മയെ പിന്തുണച്ചിരുന്നു. പ്രതികളെ കസ്റ്റഡിയിൽ എടുത്ത പൊലിസ് ചോദ്യം ചെയ്തുവരികയാണെന്നും കൂടുതൽ അന്വേഷണം നടന്നു വരികയാണെന്നും അധികൃതർ അറിയിച്ചു.
Kerala
കൊച്ചി: നെടുമ്പാശേരി മിനി കൂപ്പർ അപകടത്തിൽ പ്രതികരണവുമായി പ്രതി സുഹൈൽ സജീവിന്റെ അമ്മയും സംരംഭകയുമായ നൂഹ സജീവ്. നഷ്ടപ്പെട്ടത് വിലപ്പെട്ട മൂന്ന് ജീവനുകളാണെന്നും മക്കളെ നഷ്ടപ്പെടുന്നതിന്റെ വേദന ചിന്തിക്കാനാവില്ലെന്നും നൂഹ സോഷ്യൽ മീഡിയയിൽ പങ്കുവച്ച വീഡിയോയിൽ പറഞ്ഞു.
മൂന്നു കുഞ്ഞുങ്ങളുടെ വിലപ്പെട്ട ജീവനുകളാണ് നഷ്ടപ്പെട്ടത്. അതിൽ അനുശോചനം അറിയിക്കുന്നു. സ്നേഹത്തോടെ വളർത്തി വലുതാക്കിയ മക്കളെ നഷ്ടപ്പെടുന്ന വേദന ചിന്തിക്കാൻ കഴിയുന്നതിന് അപ്പുറമാണ്. തന്റെ വാക്കുകൾ അവരുടെ ദുഖത്തിന് കുറവാവില്ലെന്ന് അറിയാമെന്നും താൻ മരണപ്പെട്ടവരുടെ കുടുംബങ്ങൾക്ക് ഒപ്പമുണ്ടാകുമെന്നും നൂഹ കൂട്ടിച്ചേർത്തു.
അപകടവുമായി ബന്ധപ്പെട്ട് നിയമം നിയമപരമായി മുന്നോട്ടുപോകട്ടെ. സത്യമായ വാർത്ത മാത്രം പുറത്തുവരട്ടെ. സോഷ്യൽ മീഡിയയിൽ ഇക്കാര്യം ഒരുപാട് ചർച്ച ചെയ്യപ്പെടുന്നുണ്ടെന്ന് അറിയാം. എല്ലാവർക്കും തങ്ങളോട് ദേഷ്യവും വിദ്വേഷവും തോന്നുമെന്ന് അറിയാം. ഇത്രയും ദുഷ്കരമായ സാഹചര്യത്തിൽ തനിക്കും തന്റെ കുടുംബത്തിനും കുറച്ച് സ്വകാര്യത നൽകണമെന്ന് അഭ്യർഥിക്കുന്നുവെന്നും നൂഹ പറഞ്ഞു.
തങ്ങളും സാധാരണ മനുഷ്യരാണ്. പല കാര്യങ്ങളും ചർച്ച ചെയ്യപ്പെടുമ്പോഴും അടിസ്ഥാനരഹിതമായ വാർത്തകളും പ്രചരിക്കുകയാണ്. താനും ഒരമ്മയാണെന്ന കാര്യം പരിഗണിക്കണം. തന്റെ കുഞ്ഞിനെ ഓർത്തുള്ള ആശങ്ക ഒരുവശത്തുണ്ട്, അതേപോലെ മൂന്നു കുഞ്ഞുങ്ങളുടെ ജീവിതം നഷ്ടപ്പെട്ടതോർത്ത് വിഷമമുണ്ട്. താൻ രണ്ടിനുമിടയിലൂടെ കടന്നുപോകുന്നത്. എന്താണ് ചെയ്യേണ്ടതെന്ന് അറിയില്ല. ഇത്രയും ദിവസം എഴുന്നേറ്റ് ഇരിക്കാൻ പോലും പറ്റാത്ത അവസ്ഥയായിരുന്നുവെന്നും അവർ പറഞ്ഞു.
അമ്മ എന്ന നിലയിലും സംരംഭക എന്ന നിലയിലും മരണപ്പെട്ടവരുടെ കുടുംബത്തിന് പിന്തുണ അറിയിക്കുകയാണ്. തങ്ങൾ ഉള്ളിടത്തോളം കാലം അവർക്ക് പിന്തുണ നൽകുമെന്നും നൂഹ സജീവ് കൂട്ടിച്ചേർത്തു.
Kerala
തിരുവനന്തപുരം: നെയ്യാറ്റിൻകരയിൽ ആറു വയസുകാരിക്ക് അമ്മയുടെ ക്രൂരമർദനം. ഉദിയൻകുളങ്ങര സ്വദേശി വിഷ്ണുവിന്റെ മകൾ വിഷ്ണു നന്ദയ്ക്കാണ് മർദനമേറ്റത്.
ഫോണിലെ വാട്സാപ്പ് ഡിലീറ്റ് ചെയ്തതിനാണ് ക്രൂരമായി പരിക്കേൽപ്പിച്ചത്. സംഭവവുമായി ബന്ധപ്പെട്ട് കുട്ടിയുടെ അമ്മ കസ്റ്റഡിയിലായി.
കട്ടിലിൽ നിന്ന് വീണ് മുഖത്ത് പരുക്കേറ്റ് എന്നു പറഞ്ഞായിരുന്നു കുട്ടിയെ ജനറൽ ആശുപത്രിയിൽ അമ്മയും അമ്മൂമ്മയും ചേർന്ന് എത്തിച്ചത്. മുഖത്തെയും കാലിലെയും പരിക്ക് ശ്രദ്ധയിൽപ്പെട്ട ആശുപത്രി അധികൃതർ പൊലീസിൽ വിവരം അറിയിക്കുകയായിരുന്നു.
തടികഷ്ണം കൊണ്ടാണ് മർദിച്ചത്. ഇന്ന് ഉച്ചയോട് കൂടിയായിരുന്നു സംഭവം. ഉദിയൻകുളങ്ങര സ്വദേശികളായ വിഷ്ണു-ശോഭ ദമ്പതികളുടെ ഇളയ മകൾ വിഷ്ണു നന്ദക്കാണ് മർദനമേറ്റത്.
NRI
സൗത്ത് കരോളിന: ലഡ്സണില് പട്ടിണിയും നിർജലീകരണവും കാരണം രണ്ട് കുട്ടികൾ മരിച്ചു. രണ്ട് വയസുകാരി എമറി, ഒരു വയസുകാരി ഹാർലി എന്നിവരാണ് മരിച്ചത്.
സംഭവം അറിഞ്ഞെത്തിയ പൊലിസിനോട് രണ്ടു ആഴ്ചകളായി താൻ കുട്ടികൾക്ക് ഭക്ഷണം നൽകിയിരുന്ന കാര്യം ഓർക്കുന്നില്ലെന്നാണ് അമ്മ ജസ്റ്റിൻ മേ മൊഴി നൽകിയത്.
കുട്ടികളെ പട്ടിണിക്കിട്ടത് ഗുരുതരമായ വീഴ്ചയാണെന്ന് അറിയാമായിരുന്നെന്നും ഇവർ സമ്മതിച്ചു. കൊലപാതക കുറ്റം ചുമത്തി പൊലിസ് ഇവരുടെ അറസ്റ്റ് രേഖപ്പെടുത്തി.
മാനസിക ബുദ്ധിമുട്ടുകൾ നേരിട്ടിരുന്ന ജസ്റ്റിൻ മേ വൈദ്യ സഹായം തേടണമെന്ന് കുട്ടികളുടെ പിതാവും ബന്ധുക്കളും നിരന്തരം അഭ്യർഥിച്ചിരുന്നതായിട്ടാണ് റിപ്പോർട്ടുകൾ.
National
റാഞ്ചി: ജാർഖണ്ഡ് മുഖ്യമന്ത്രി ഹേമന്ത് സോറന്റെ അമ്മ രൂപി സോറനെക്കുറിച്ച് അപകീർത്തികരമായ പരാമർശം നടത്തിയ ബിജെപി എംഎൽഎ സത്യേന്ദ്ര നാഥ് തിവാരിക്കെതിരേ കേസെടുത്തു.
രൂപി സോറനെ അധിക്ഷേപിക്കുന്ന പരാമർശങ്ങൾ അടങ്ങിയ വീഡിയോ സമൂഹമാധ്യമങ്ങളിൽ പ്രചരിച്ചതിനെത്തുടർന്ന് ശ്രാവൺ സിംഗ് കാർവാർ എന്നയാൾ പൊലിസിൽ പരാതിപ്പെടുകയായിരുന്നു.
പട്ടികജാതി/പട്ടികവർഗ നിയമം ഉൾപ്പടെ ചേർത്താണ് എംഎൽഎക്കെതിരേ കേസെടുത്തതെന്ന് പൊലിസ് അറിയിച്ചു.
International
കയ്റോ: ഇസ്രേലി സേന ഗാസയിൽ നടത്തിയ വ്യോമാക്രമണത്തിൽ ക്രൈസ്തവരായ അമ്മയും മകളും അടക്കം അഞ്ചു പേർ കൊല്ലപ്പെട്ടു.
ശനിയാഴ്ച പുലർച്ചെ ഗാസ സിറ്റിയുടെ പടിഞ്ഞാറ് ബഹുനിലക്കെട്ടിടത്തെ ലക്ഷ്യമിട്ടായിരുന്നു ആക്രമണം. മരിച്ചവരിൽ നാലു പേരും സ്ത്രീകളാണ്. നിരവധിപ്പേർക്കു പരിക്കേറ്റു.
മെയ്സ ദാവൂദ്, ഇവരുടെ മകൾ മേരി എന്നിവരാണ് കൊല്ലപ്പെട്ട ക്രൈസ്തവർ.ഇസ്രേലി സേന സംഭവത്തിൽ പ്രതികരിക്കാൻ തയാറായില്ലെന്നും പ്രാഥമിക റിപ്പോർട്ടുകളിൽ പറയുന്നു. ആക്രമണത്തിൽ പാർപ്പിടസമുച്ചയം തകരുകയും തീപിടിത്തമുണ്ടാവുകയും ചെയ്തു.
അമേരിക്കൻ മധ്യസ്ഥതയിൽ ഹമാസും ഇസ്രേലി സേനയും തമ്മിൽ കഴിഞ്ഞ വർഷം വെടിനിർത്തലുണ്ടാക്കിയശേഷം ഗാസയിൽ 1400 പലസ്തീനികൾ കൊല്ലപ്പെട്ടിട്ടുണ്ട്. ഇതേ കാലയളവിൽ ഇസ്രയേലിന്റെ ഭാഗത്ത് നാലു സൈനികരും കൊല്ലപ്പെട്ടു.
NRI
ഫിലഡൽഫിയ: കോതമംഗലം മാർ അത്തനേഷ്യസ് ആർട്സ് ആൻഡ് സയൻസ് കോളജ് അലുംനി യുഎസ്എയുടെ പൂർവ വിദ്യാർഥി കുടുംബ സംഗമം ഫിലഡൽഫിയയിൽ നവംബർ 13 മുതൽ 15 വരെ നടത്തുന്നു.
മാർ അത്തനേഷ്യസ് കോളജിൽ നിന്ന് വിവിധ കാലഘട്ടങ്ങളിൽ പഠിച്ചിറങ്ങിയ പൂർവ വിദ്യാർഥികൾക്ക് തങ്ങളുടെ സഹപാഠികളെയും സമകാലികരെയും കണ്ടുമുട്ടുന്നതിനും ജീവിതാനുഭവങ്ങൾ പങ്കിടുന്നതിനും ലഭിക്കുന്ന അസുലഭ സന്ദർഭമായിരിക്കും ഈ സംഗമം.
മാർ അത്തനേഷ്യസ് ആർട്സ് ആൻഡ് സയൻസ് കോളേജ് മുൻ പ്രിൻസിപ്പാളും നിലവിൽ മാർ അത്തനേഷ്യസ് കോളജ് അസോസിയേഷൻ സെക്രട്ടറിയുമായ ഡോ. വിന്നി വർഗീസ്, കോളജിന്റെ പ്രിൻസിപ്പാൾ ഡോ. മഞ്ജു കുര്യൻ എന്നിവർ മുഖ്യാതിഥികളായി കുടുംബസമേതം ഈ അപൂർവ സംഗമത്തിൽ പങ്കെടുക്കുന്നു.
NRI
ഹൂസ്റ്റൺ: ഹൂസ്റ്റണിൽ നാല് വയസുകാരിയായ മകളെ വെടിവച്ചു കൊലപ്പെടുത്തിയ ശേഷം അമ്മ ജീവനൊടുക്കി. മെമ്മോറിയൽ ഏരിയയിലെ ഒരു വീട്ടിലാണ് സംഭവം നടന്നത്.
നാല് വയസുള്ള വിവിയൻ സവെല്ല എന്ന കുട്ടിയെ അമ്മ വെടിവച്ചു കൊലപ്പെടുത്തുകയായിരുന്നു. തുടർന്ന് ഇവർ ജീവനൊടുക്കാൻ ശ്രമിക്കുകയും പിന്നീട് ബുധനാഴ്ച ആശുപത്രിയിൽ വച്ച് മരിക്കുകയും ചെയ്തു.
കുട്ടിയുടെ മാതാപിതാക്കൾ തമ്മിൽ കസ്റ്റഡി കേസ് നിലവിലുണ്ടായിരുന്നു. സംഭവത്തിന് തൊട്ടുമുമ്പ്, കുട്ടിയുടെ വിദ്യാഭ്യാസവും ആരോഗ്യകാര്യങ്ങളും തീരുമാനിക്കാനുള്ള താത്കാലിക പ്രത്യേക അവകാശം കോടതി പിതാവായ ആരോൺ സവെല്ലയ്ക്ക് അനുവദിച്ചിരുന്നു.
അമ്മയ്ക്ക് കോടതിയുടെ മേൽനോട്ടത്തിൽ മാത്രമേ കുട്ടിയെ കാണാൻ അനുവാദമുണ്ടായിരുന്നുള്ളൂ. വെടിവയ്പ് നടക്കുന്ന സമയത്ത് കുട്ടിയുടെ രണ്ടാനച്ഛനും ബേബി സിറ്ററും വീട്ടിലുണ്ടായിരുന്നു. വൈകുന്നേരം ആറിന് തൊട്ടുമുമ്പ് വെടിയൊച്ച കേട്ടാണ് സംഭവം പുറത്തറിയുന്നത്.
National
ന്യൂഡൽഹി: പ്രായപൂർത്തിയാകാത്ത മകനെ ഉപയോഗിച്ച് കഞ്ചാവ് വിതരണവും വിൽപനയും നടത്തിയ സ്ത്രീ ഡൽഹിയിൽ അറസ്റ്റിൽ. ചാപ്യക്യപുരി സ്വദേശി പിങ്കിയാണ് (39) പിടിയിലായത്.
സെപ്റ്റംബർ 28-ന് പൊലിസ് പട്രോളിംഗിനിടെ 14 വയസുകാരനായ കുട്ടിയുടെ കൈവശം കഞ്ചാവ് അടങ്ങിയ ആറ് പൊതികൾ കണ്ടെത്തി. തുടർന്ന് നടത്തിയ ചോദ്യം ചെയ്യലിൽ പൊതികൾ വിൽപനയ്ക്കായി നൽകിയത് അമ്മയാണെന്ന് കുട്ടി പൊലിസിനോട് പറഞ്ഞു.
പിന്നീട് പൊലിസ് നടത്തിയ പരിശോധനയിൽ പിങ്കിയുടെ കൈവശത്തുനിന്ന് കഞ്ചാവ് അടങ്ങിയ 37 പൊതികൾ കണ്ടെടുത്തു. കുട്ടിയുടെ പക്കൽ നിന്നും അമ്മയുടെ പക്കൽ നിന്നുമായി ആകെ 43 പൊതികളാണ് പൊലിസ് പിടിച്ചെടുത്തത്. പരിശോധനയിൽ പിടിച്ചെടുത്ത വസ്തു ലഹരിമരുന്നാണെന്ന് സ്ഥിരീകരിച്ചിട്ടുണ്ട്.
പ്രതിയായ പിങ്കിക്കെതിരെ നേരത്തെയും രണ്ട് കേസുകൾ രജിസ്റ്റർ ചെയ്തിട്ടുണ്ടെന്ന് പൊലിസ് അന്വേഷണത്തിൽ വ്യക്തമായി. ഈ വർഷം ലഹരിമരുന്ന് കേസുകളിൽ പിടിയിലാകുന്നത് മൂന്നാം തവണയാണ്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് പൊലിസ് അറിയിച്ചു.
Kerala
പാലക്കാട്: കൊഴിഞ്ഞാമ്പാറയിൽ സഹോദരങ്ങളായ രണ്ടു കുട്ടികളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ കുട്ടികളുടെ അമ്മയെ കസ്റ്റഡിയിലെടുത്ത് പൊലിസ്. മാതാവ് നിവേദ്യയെ ആണ് പോലിസ് കസ്റ്റഡിയിലെടുത്ത് ചോദ്യംചെയ്യുന്നത്.
കുട്ടികളെ കൊലപ്പെടുത്തിയെന്ന സംശയത്തെത്തുടർന്നാണ് മാതാവിനെ കസ്റ്റഡിയിൽ എടുത്തത്. വടകരപ്പതി പഴണിയാർപാളയം മണൽക്കാട് ജോൺകുമാറിന്റെയും നിവേദ്യയുടെയും മക്കളായ ജെനിഫർ ജൂലിയറ്റ് (അഞ്ച്), റോബിൻ ക്രിസ്റ്റിഫർ (മൂന്ന്) എന്നിവരാണ് മരിച്ചത്.
കൊലപാതകമാണെന്നാണ് നിഗമനം. നാട്ടുകാരുടെ പരാതിയിലാണ് നിവേദ്യയെ പൊലിസ് കസ്റ്റിഡയിലെടുത്തത്. ചൊവ്വാഴ്ച രാവിലെ 10.30-ന് മേനോൻപാറ കൂരാങ്കാട്ടിലെ വാടകവീട്ടിലാണ് സംഭവം. വിറകുവെട്ടു തൊഴിലാളിയായ ജോൺകുമാറും കുടുംബവും രണ്ടുമാസം മുൻപാണ് കൂരാങ്കാട്ടിൽ താമസത്തിനെത്തിയത്. ചൊവ്വാഴ്ച രാവിലെ ജോൺകുമാർ പണിക്കുപോയി. നിവേദ്യയും മക്കളും മാത്രമാണ് വീട്ടിലുണ്ടായിരുന്നത്.
വീടിനു മുൻവശത്ത് പണിചെയ്തുകൊണ്ടിരുന്ന നിവേദ്യ ഏറെ നേരമായി കുട്ടികളുടെ ശബ്ദം കേൾക്കാതിരുന്നതിനെത്തുടർന്ന് അന്വേഷിച്ചു. സമീപവീടുകളിലുൾപ്പെടെ പോയി നോക്കിയെങ്കിലും കണ്ടെത്താനായില്ല. തുടർന്ന് വീട്ടുമുറ്റത്തെ കുളിമുറിയിൽ നോക്കിയപ്പോഴാണ് ഇരുവരും തൊട്ടിയിലെ വെള്ളത്തിൽ ചലനമറ്റു കിടക്കുന്നതു കണ്ടതെന്നാണ് പോലീസിനോട് പറഞ്ഞത്.
നിവേദ്യയുടെ ബഹളം കേട്ട് ഓടിക്കൂടിയ നാട്ടുകാർ നാട്ടുകല്ലിലെ സ്വകാര്യ ആശുപത്രിയിലെത്തിച്ചെങ്കിലും കുട്ടികൾ മരിച്ചു. മേനോൻപാറ ഗവ. യു.പി. സ്കൂളിലെ എൽകെജി വിദ്യാർഥിനിയായ ജെനിഫർ ജൂലിയറ്റ് കഴിഞ്ഞ രണ്ടുദിവസമായി സ്കൂളിൽ പോയിരുന്നില്ല.
Kerala
വൈപ്പിന്: വീട്ടമ്മയെ മകന്റെ സുഹൃത്തുക്കളായ രണ്ടംഗ സംഘം വീടുകയറി ആക്രമിച്ചതായി പരാതി. മുളവുകാട് തോപ്പില്പറമ്പില് അംബികയെ (60) ആണ് ആക്രമിച്ചത്. കുട കൊണ്ടു കുത്തിയതിനെ തുടര്ന്ന് മുന്വശത്തെ പല്ലിനും മറ്റും പരിക്കേറ്റ ഇവര് എറണാകുളം ജനറല് ചികിത്സയിലാണ്.
വീടിന്റെ ജനല് ചില്ല് അടിച്ചു പൊളിക്കുകയും തന്നെ തള്ളിയിടുകയും കുറ്റകരമായ രീതിയില് ബലമായി പിടിക്കുകയും ചെയ്തതായി ഇവര് പൊലിസിന് മൊഴി നല്കിയിട്ടുണ്ട്.
പ്രതികള് കടമായി വാങ്ങിയ 20,000 രൂപ തിരികെ ചോദിച്ചിട്ട് നല്കാതിരുന്നതിനെ തുടര്ന്ന് പൊലിസില് പരാതി നല്കിയതിന്റെ വൈരാഗ്യമാണ് ആക്രമത്തിന് കാരണം. സംഭവത്തില് മുളവുകാട് സ്വദേശികളായ അനു ആന്റണി (45), ജോസ് മൈജോ (36) എന്നിവര്ക്കെതിരെ മുളവുകാട് പൊലിസ് കേസ് എടുത്തു.
National
ഭോപ്പാൽ: മധ്യപ്രദേശിലെ രേവ ജില്ലയിൽ പ്രസവത്തിനിടെ അമ്മയും കുഞ്ഞും മരിച്ചു. സംഭവത്തെ തുടർന്ന് രണ്ട് ഡോക്ടർമാരെ സസ്പെൻഡ് ചെയ്തു. ഗൈനക്കോളജി വിഭാഗത്തിലെ ഡ്യൂട്ടി ഡോ. സോണൽ അഗർവാൾ, അനസ്തേഷ്യ വിഭാഗത്തിലെ ഡോ. നിധി പാണ്ഡെ എന്നിവരെയാണ് സസ്പെൻഡ് ചെയ്തത്. കൽപ്പന മിശ്രയും കുഞ്ഞുമാണ് മരിച്ചത്. കൽപ്പനയുടെ ബന്ധുക്കളോട് മോശമായി പെരുമാറിയതിനെ തുടർന്ന് രണ്ട് നഴ്സുമാർക്കെതിരെയും നടപടിയെടുത്തിട്ടുണ്ട്. സംഭവത്തെക്കുറിച്ച് അന്വേഷിക്കാൻ ഉപമുഖ്യമന്ത്രി രാജേന്ദ്ര ശുക്ല അറിയിച്ചു.
ഓഗസ്റ്റ് 26-ന് പുലർച്ചെയാണ് കൽപ്പനയെ ഗാന്ധി മെമ്മോറിയൽ ആശുപത്രിയിൽ പ്രവേശിപ്പിച്ചത്. അന്ന് രാത്രി പ്രസവത്തിനിടെ കൽപ്പനയും കുഞ്ഞും മരണത്തിന് കീഴടങ്ങുകയായിരുന്നു. ഉയർന്ന രക്തസമ്മർദവും കരളിന്റെ പ്രവർത്തനത്തിലെ വ്യതിയാനങ്ങളുമാണ് യുവതിയുടെ ആരോഗ്യനില വഷളാക്കിയതായി മെഡിക്കൽ രേഖകൾ വ്യക്തമാക്കുന്നു.
ചികിത്സയിലെ അനാസ്ഥയാണ് മരണത്തിന് കാരണമെന്ന് ആരോപിച്ച് ബന്ധുക്കൾ ആശുപത്രിയിൽ പ്രതിഷേധിച്ചു. സംഭവത്തിൽ കേസെടുത്ത് പോലീസ് അന്വേഷണം ആരംഭിച്ചു. റിപ്പോർട്ട് ലഭിച്ച ശേഷം തുടർനടപടികൾ സ്വീകരിക്കുമെന്നു മധ്യപ്രദേശ് ഉപമുഖ്യമന്ത്രി രാജേന്ദ്ര ശുക്ല പറഞ്ഞു.
Movies
കൊച്ചി: കുട്ടിക്കാലത്തെ ഓണഘോഷ ഓര്മ്മകള് പങ്കുവച്ച് നടി മാല പാര്വതി. എട്ടു വയസുവരെ ഓണം ഗംഭീരമായി ആഘോഷിച്ചിരുന്നെങ്കിലും അച്ഛമ്മയ്ക്ക് സ്ട്രോക്ക് വന്ന ശേഷം അങ്ങനെയൊരു ഓണാഘോഷം ഉണ്ടായിട്ടില്ല. ഗൈനക്കോളജിസ്റ്റ് ആയ അമ്മയ്ക്ക് ഓണക്കാലത്ത് കൂടുതല് ജോലിയാകും. അമ്മയുടെ ഡെഡിക്കേഷന് ആണ് ഓണമെന്ന് അച്ഛന് പറഞ്ഞു തന്നിട്ടുണ്ടെന്ന് മാല പാര്വതി പറഞ്ഞു.
കരുനാഗപ്പള്ളി വവ്വക്കാവിടുത്ത് ചെറിയ ഗ്രാമത്തിലാണ് അച്ഛന്റെ വീട്. കുട്ടിക്കാലത്ത് അച്ഛന്റെ അമ്മയ്ക്കും അച്ഛനുമൊപ്പം എട്ടു വയസു വരെ അവിടെയാണ് ഓണം ഗംഭീരമായി ആഘോഷിച്ചത്. ഓരോ ദിവസവും ഓരോ പലഹാരമുണ്ടാക്കും. വലിയ വാര്പ്പില് കറുത്ത അലുവ മണിക്കൂറുകള് എടുത്ത് ഉണ്ടാക്കുന്നത് തന്നെ വലിയ ചടങ്ങാണ്. സ്ത്രീകളടക്കം ചില്ലിയാട്ടം പെറുക്കും. ഞങ്ങളുടെ നാട്ടില് സരസമ്മ എന്ന പെങ്കൊച്ചാണ് എപ്പോഴും ജയിക്കുക.
പുലികളിയും കുടമൂത്തും തുമ്പിതുള്ളലും ഒക്കെയുള്ള ഓണക്കാലം. അച്ഛമ്മയ്ക്ക് സ്ട്രോക്ക് വന്ന ശേഷം അങ്ങനെയൊരു ഓണം ഞങ്ങളുടെ ഓര്മ്മയില് ഇല്ല. എസ്ഐടിയില് ഗൈനക്കോളജിസ്റ്റ് ആയ അമ്മയ്ക്ക് ഓണക്കാലത്ത് കൂടുതല് ജോലിയാകും. ചിലപ്പോള് ഹോട്ടലിലാകും സദ്യ.
അമ്മ ആശുപത്രിയിലേക്ക് ഓടുമ്പോള്, അച്ഛന് പറഞ്ഞു തന്നിട്ടുണ്ട്, അമ്മയുടെ ഡെഡിക്കേഷന് ആണ് ഓണം എന്ന്. ആ സത്യസന്ധതയാണ് വേറെ ഒന്നുമല്ല ഓണം എന്ന് അച്ഛന് പറഞ്ഞു തരാറുണ്ട്. അമ്മ വന്നിട്ട് മാത്രം ഭക്ഷണം കഴിക്കുന്ന അച്ഛനെയാണ് കണ്ടിട്ടുള്ളത്. അതിന് ശേഷം ഒരിക്കലും ഒരു ഓണത്തിന് സദ്യ വേണമെന്നോ ആഘോഷം വേണമെന്നോ ആഗ്രഹിച്ചിട്ടില്ല എന്ന് മാല പാര്വതി പറഞ്ഞു.
International
ദമാം: അമ്മയെ വെടിവെച്ചുകൊന്ന സൗദി പൗരന്റെ വധശിക്ഷ കിഴക്കൻ പ്രവിശ്യയിൽ നടപ്പാക്കിയതായി സൗദി ആഭ്യന്തര മന്ത്രാലയം അറിയിച്ചു.
സൗദി വനിതയായ ഫത്മാ ബിൻത് സ്വലാഹ് ഗുവൈനം അൽമുദൈബരിയെ കൊലപ്പെടുത്തിയ കേസിൽ നാസിർ ബിൻ ഈദ് ബിൻ അവാദ് അൽമുദൈബരിയുടെ ശിക്ഷയാണ് നടപ്പാക്കിയത്.
Kerala
ഇടുക്കി: എഴുകുംവയലില് ദമ്പതികളെ ക്രൂരമായി വെട്ടിക്കൊലപ്പെടുത്തിയ സംഭവത്തിനു പിന്നില് മകന്റെ അമിത ലഹരി ഉപയോഗം. ഇന്നലെ പ്രതിയെ പോലീസ് പിടികൂടുമ്പോഴും ഇയാള് ലഹരിയിലായിരുന്നു. പരസ്പര വിരുദ്ധമായാണ് പ്രതി പോലീസിനോടു സംഭവത്തെക്കുറിച്ച് വിശദീകരിച്ചത്.
എഴുകുംവയല് പാറത്തറയില് അപ്പച്ചന് എന്നു വിളിക്കുന്ന ആന്റണി (55), ഭാര്യ വത്സമ്മ (50 എന്നിവരെയാണ് ഇന്നലെ രാത്രി വീടിനുള്ളില് കൊല്ലപ്പെട്ട നിലയില് കണ്ടെത്തിയത്. സംഭവത്തില് ഇവരുടെ മകന് അജീഷിനെയാണ് പോലീസ് കസ്റ്റഡിയിലെടുത്തത്.
അജീഷ് മാതാപിതാക്കളുമായി വഴക്കിടുകയും പ്രകോപിതനായി ഇരുവരെയും ക്രൂരമായി കൊലപ്പെടുത്തുകയുമായിരുന്നുവെന്നാണ് വിവരം. കാലങ്ങളായി പ്രതി ലഹരിക്കടിമയായിരുന്നെന്നാണ് വിവരം. മാതാപിതാക്കള് ഇത് ചോദ്യം ചെയ്തതിനെ തുടര്ന്ന് വീട്ടില് വഴക്കു പതിവായിരുന്നു.
ക്രൂരമായ കൊലപാതകങ്ങള് നടത്തിയ ശേഷം ദൃശ്യങ്ങള് മൊബൈലില് പകര്ത്തി ബന്ധുവിന് അയച്ചുകൊടുത്തു. തുടര്ന്ന് നെടുങ്കണ്ടം പോലീസ് പ്രതിയെ കസ്റ്റഡിയിലെടുക്കുകയായിരുന്നു. പോലീസ് കസ്റ്റഡിയിലെടുത്ത് കൊണ്ടു പോകുന്നതിനിടെ നാട്ടുകാര് ഇയാളെ കൈയേറ്റം ചെയ്യുകയും ചെയ്തു.
പോലീസ് ചോദ്യം ചെയ്യലിലാണ് ഇയാള് പരസ്പര വിരുദ്ധമായ കാര്യങ്ങള് പറയുന്നത്. അച്ഛനെയും അമ്മയെയും ദൈവസന്നിധിയിലേക്ക് അയയ്ക്കാനാണ് കൃത്യം ചെയ്തതെന്നാണ് ഇയാള് പോലീസിനോടു പറഞ്ഞത്. സംഭവം സമയം വീട്ടില് കൊല്ലപ്പെട്ട ആന്റണിയുടെ മാതാവും ഉണ്ടായിരുന്നു. കൊല നടന്ന വീട്ടില് ഇന്ന് ഉന്നത പോലീസ് ഉദ്യോഗസ്ഥര് പരിശോധന നടത്തി. ഫോറന്സിക് വിദഗ്ധരും സ്ഥലത്തെത്തി തെളിവെടുപ്പു നടത്തി.
നെടുങ്കണ്ടം: മാതൃകാ ദമ്പതികളായിരുന്ന എഴുകുംവയല് പാറത്തറയില് ആന്റണിയും വത്സമ്മയും കൊല ചെയ്യപ്പെട്ടതിന്റെ ഞെട്ടലിലാണ് പ്രദേശവാസികള് . ഇവരുടെ മകന് അജീഷാണ് ഈ ക്രൂരകൃത്യം ചെയ്തതെന്ന് അറിഞ്ഞപ്പോൾ ഇവര്ക്ക് വിശ്വസിക്കാനായില്ല.
സ്വന്തം കൃഷിസ്ഥലത്ത് ജോലിചെയ്തും കന്നുകാലികളെ വളര്ത്തിയും ഉപജീവനം നടത്തിയിരുന്ന ഇരുവരും നാട്ടിലും ഏറെ സ്വീകാര്യരായിരുന്നു.
വെള്ളിയാഴ്ച രാത്രി ഒന്പതരയോടെയാണ് അരുംകൊല നടന്നത്.
പുറത്തറിഞ്ഞത് ഇങ്ങനെ
മാതാപിതാക്കളെ കൊലപ്പെടുത്തിയ ശേഷം ഫോട്ടോയെടുത്ത് എഴുകുംവയല് നിത്യസഹായ മാതാ പള്ളിയിലെ മുന് അസി. വികാരിക്ക് അയച്ചുകൊടുക്കുകയും പാരീസിലുള്ള ഈ വൈദികന് ദൃശ്യങ്ങള് എഴുകുംവയല് പള്ളിയിലെ വികാരിയച്ചന് അയച്ചുനല്കുകയും ചെയ്തതോടെയാണ് ക്രൂരകൃത്യം പുറത്തറിയുന്നത്.
തുടര്ന്ന് പള്ളിവികാരി പോലീസിനെയും പ്രദേശവാസികളെയും വിവരം അറിയിക്കുകയായിരുന്നു.
അരുംകൊലയ്ക്ക് പിന്നില് ലഹരി
പ്രതി വര്ഷങ്ങളായി വിവിധ ലഹരിവസ്തുക്കള്ക്ക് അടിമയായിരുന്നു. മദ്യവും മയക്കുമരുന്നും സ്ഥിരമായി ഉപയോഗിച്ചിരുന്ന ഇയാള് വീട്ടില് പതിവായി പ്രശ്നങ്ങള് ഉണ്ടാക്കിയിരുന്നു. ഇതേത്തുടര്ന്ന് ഇയാളെ പിതാവ് ആന്റണിയും മറ്റുചിലരും ചേര്ന്ന് ലഹരിവിമുക്ത കേന്ദ്രത്തില് എത്തിച്ചിരുന്നു.
ഇവിടെനിന്നും രണ്ടാഴ്ച മുമ്പാണ് ഇയാള് വീട്ടിലെത്തിയത്. തുടര്ന്ന് വീണ്ടും ലഹരിക്ക് അടിമപ്പെടുകയായിരുന്നു. ഇയാളെ ലഹരിവിമുക്ത കേന്ദ്രത്തില് ആക്കിയതിന്റെ വൈരാഗ്യമാണ് കൊലപാതകത്തിനു പിന്നിലെന്നും പറയപ്പെടുന്നു.
സഹോദരനും ഭീഷണി
ജര്മനിയില് ജോലിചെയ്യുന്ന ഏക സഹോദരന് നിതിനെയും പ്രതി ഫോണിലൂടെ ഭീഷണിപ്പെടുത്തിയിരുന്നു. കഴിഞ്ഞയാഴ്ച നിനക്കുള്ള പണി താമസിയാതെ ഞാന് തരുമെന്ന് സഹോദരനോട് പറഞ്ഞിരുന്നു.
Kerala
നെടുങ്കണ്ടം: ഇടുക്കി നെടുങ്കണ്ടം എഴുകുംവയലിൽ അച്ഛനെയും അമ്മയെയും മകൻ കൊലപ്പെടുത്തി. പാറത്തറയിൽ അപ്പച്ചൻ എന്നുവിളിക്കുന്ന ആന്റണി, ഭാര്യ വത്സമ്മ എന്നിവരാണ് കൊല്ലപ്പെട്ടത്.
സംഭവത്തിൽ മകൻ അജീഷിനെ പോലീസ് കസ്റ്റഡിയിലെടുത്തു. ഇയാൾ ലഹരിക്ക് അടിമയാണെന്നും ഡീഅഡിക്ഷൻ സെന്ററിൽ ചികിത്സയിലായിരുന്നുവെന്നും നാട്ടുകാർ പറയുന്നു.
കൊലപാതകത്തിന് പിന്നാലെ അജീഷ് സുഹൃത്തിനെ വിളിച്ച് വിവരം അറിയിക്കുകയായിരുന്നു. പിന്നീട് നാട്ടുകാരും സ്ഥലത്തെത്തി. ഈ സമയത്ത് പ്രതി അക്രമാസക്തനായിരുന്നുവെന്നാണ് നാട്ടുകാർ പറയുന്നത്.
നെടുങ്കണ്ടത്ത് നിന്ന് എത്തിയ പോലീസ് സംഘം അജീഷിനെ കീഴടക്കി കസ്റ്റഡിയിലെടുത്തു. വീട്ടിനുള്ളിൽ നടത്തിയ പരിശോധനയിലാണ് ദമ്പതികളെ വെട്ടേറ്റു മരിച്ച നിലയിൽ കണ്ടെത്തിയത്. പ്രതിയുടെ കൈക്കും പരിക്കേറ്റിട്ടുണ്ട്.
കൊലപാതകത്തിന്റെ കാരണം വ്യക്തമല്ല. പ്രതിക്ക് ചികിത്സ നൽകിയ ശേഷം ചോദ്യം ചെയ്യും. ഫൊറൻസിക് സംഘം സ്ഥലത്തെത്തി പരിശോധന നടത്തും.
National
സിംല: ഹിമാചൽപ്രദേശിലെങ്ങും നാശം വിതച്ച് കനത്ത മഴ. മൂന്നുനിലക്കെട്ടിടം തകർന്നുവീണ് പൂർണഗർഭിണി ഉൾപ്പെടെ രണ്ടു പേർ മരിച്ചു. സിർമൗർ ജില്ലയിലായിരുന്നു സംഭവം.
എട്ടു മാസം ഗർഭിണിയായ പൂജ (32), അമ്മ നിർമല (60) എന്നിവരാണു മരിച്ചത്. രണ്ടു കുട്ടികൾക്കു പരിക്കേറ്റു. കനത്ത മഴയെത്തുടർന്ന് സംസ്ഥാനത്ത് 209 റോഡുകൾ അടച്ചു.
ഈ മാസം 18 വരെ മഴയുണ്ടാകുമെന്നാണു കാലാവസ്ഥാ പ്രവചനം. ജൂൺ 30നു ശേഷം ഹിമാചലിൽ മഴക്കെടുതിയിൽ 75 പേരാണു മരിച്ചത്.
Kerala
കൊച്ചി: മദ്യലഹരിയിൽ മകൻ അമ്മയെ വെട്ടിപ്പരിക്കേൽപ്പിച്ചു. പെരുമ്പാവൂർ രായമംഗലത്താണ് സംഭവം.
മേലേക്കാട്ട് അമ്മിണിക്കാണ് പരിക്കേറ്റത്. മകൻ മഹേഷിനെ കുറുപ്പുംപടി പോലീസ് കസ്റ്റഡിയിലെടുത്തു. അമ്മിണിക്ക് തലയുടെ പിറകിൽ മൂന്ന് സ്റ്റിച്ച് ഉണ്ട്.
Kerala
തിരുവനന്തപുരം: കാലടിയിൽ വയോധികയെ അതിക്രൂരമായി മർദിച്ച കേസിൽ മകനും മരുമകളും അറസ്റ്റിൽ. മധു (40), ഭാര്യ ആതിര (32) എന്നിവരാണ് പിടിയിലായത്.
കാലടി മരുതൂർക്കടവ് കുഞ്ചുവീട് ലെയ്നിൽ താമസിക്കുന്ന സരസ്വതിയെയാണ് (73) ഇളയ മകൻ മധുവും ഭാര്യ ആതിരയും ചേർന്ന് മർദിച്ച് തലയിലും മുഖത്തും പരിക്കേൽപ്പിച്ചത്. മർദനത്തിൽ സരസ്വതിയുടെ ചുണ്ടിലും തലയിലും മുറിവുണ്ട്.
കഴിഞ്ഞ ചൊവ്വാഴ്ചയുണ്ടായ മർദനത്തിനു ശേഷം ഫോർട്ട് പോലീസ് സ്റ്റേഷനിൽ പരാതി നൽകിയപ്പോൾ ഒത്തുതീർപ്പാക്കുകയുമായിരുന്നു. എന്നാൽ മർദന വിവരം വാർത്തയായതോടെ പോലീസ് വീണ്ടും എത്തി സരസ്വതിയുടെ മൊഴിയെടുത്ത് കേസെടുക്കുകയായിരുന്നു.
Kerala
നിലമ്പൂർ: നിലമ്പൂർ അകമ്പാടം സ്വകാര്യ ആശുപത്രിയിൽ നവജാത ശിശുവിനെ ശുചിമുറിയിൽ ഉപേക്ഷിച്ച് അമ്മ മുങ്ങി. ഇന്നലെ രാത്രി പന്ത്രണ്ടോടെയാണ് സംഭവമെന്ന് ആശുപത്രി അധികൃതർ പറയുന്നു.
വയറു വേദനയുമായാണ് ഒരു യുവതി അർധരാത്രി ആശുപത്രിയിൽ എത്തിയത്. പരിശോധന നടത്തിയപ്പോൾ യുവതിക്കു രക്തസ്രാവം ഉണ്ടായിരുന്നു. ഇതിനാൽ അവരോട് അടിയന്തരമായി നിലമ്പൂരിലേക്ക് ആശുപത്രിയിലേക്കു പോകാൻ നിർദേശിച്ചു.
ഇതിനിടയിൽ ബാത്ത് റൂമിൽ പോകണമെന്ന് ഇവർ ആവശ്യപ്പെട്ടു. ബാത്ത്റൂമിൽ പോയ ശേഷം തിരിച്ചെത്തിയ ഇവർ ആംബുലൻസിൽ കയറി പോവുകയും ചെയ്തു. ഇന്നു രാവിലെ ക്ലിനിംഗ് സ്റ്റാഫ് ശുചിമുറി വൃത്തിയാക്കാൻ എത്തിയപ്പോഴാണ് നവജാത ശിശുവിനെ മരിച്ച നിലയിൽ അവിടെ കണ്ടതെന്ന് ആശുപത്രിയിലെ ഡോ.റഫീഖ് പറഞ്ഞു. ആശുപത്രി അധികൃതർ പോലീസിനെ അറിയിച്ചതിനെത്തുടർന്നു പോലീസ് അന്വേഷണം ആരംഭിച്ചിട്ടുണ്ട്. യുവതിയെ കണ്ടെത്താനുള്ള ശ്രമം തുടങ്ങി.
Kerala
തിരുവനന്തപുരം: ആറ്റുകാല് മരുതൂര്കടവില് വമാതാവിനെ മകന് മര്ദിച്ച സംഭവത്തില് എഫ്ഐആര് രജിസ്റ്റര് ചെയ്ത് പോലീസ്. ഫോർട്ട് പോലീസാണ് എഫ്ഐആർ രജിസ്റ്റർ ചെയ്തത്.
മകന് മധുവിനെതിരെ കൂടുതല് വകുപ്പുകള് ചുമത്തി. കുടുംബ വീട്ടില് നിന്ന് ഇയാളെ ഇറക്കുമെന്ന് ഫോര്ട്ട് പോലീസ് വ്യക്തമാക്കി. മർദ്ദനത്തിൽ പരിക്കേറ്റ 73 വയസുകാരിയായ
സരസ്വതി അമ്മയ്ക്ക് തുടര് ചികിത്സ ഉറപ്പാക്കാന് ബന്ധപ്പെട്ട വകുപ്പുകള്ക്ക് മന്ത്രി ബിന്ദു കൃഷ്ണ നിര്ദേശം നല്കിയിരുന്നു.
സരസ്വതി അമ്മയ്ക്ക് മകന്റെ മര്ദ്ദനത്തിൽ ദേഹമാസകലം മുറിവേറ്റെന്ന വാർത്ത ഞായറാഴ്ചയാണ് പുറത്തുവന്നത്. ചുണ്ട് ഇടിച്ച് പൊട്ടിച്ചതിനെ തുടര്ന്ന് എട്ടോളം സ്റ്റിച്ചുകളാണ് ഇട്ടിരിക്കുന്നത്. അമ്മയെ മകന് വീട്ടില് നിന്ന് ഇറക്കി വിട്ടെന്നും പരാതിയുണ്ടായിരുന്നു.
അമ്മയുടെ പേരിലുള്ള വസ്തു വെച്ച് അഞ്ച് ലക്ഷം രൂപയാണ് മകനായ മധു ലോണ് എടുത്തത്. ഈ ലോണ് വയോധികയായ സരസ്വതി അമ്മ വീട്ടുജോലിക്ക് പോയാണ് അടയ്ക്കുന്നതെന്നും പറഞ്ഞിരുന്നു.
വീട് ഒഴിയണമെന്ന ഫോര്ട്ട് പോലീസിന്റെ മുന്നറിയിപ്പും മകന് മധു അവഗണിച്ചെന്നാണ് വിവരം. മധുവിന്റെ ഭാര്യ ആതിരയും അമ്മയെ മര്ദിച്ചതായാണ് പരാതി. ചുണ്ട് ഇടിച്ച് പൊട്ടിച്ചത് മരുമകളാണെന്നാണ് വിവരം. തോളെല്ലിനും പരിക്കേറ്റിട്ടുണ്ട്.
Kerala
കൊല്ലം: കുളത്തൂപ്പുഴയിൽ അമ്മയുടെ മൃതദേഹം വീട്ടിൽ സൂക്ഷിച്ച് പൂജ നടത്തിയ മകനെതിരെ കേസെടുത്ത് പോലീസ്. കുളത്തൂപ്പുഴ ആർപിഎൽ 2എഫ് കോളനിയിൽ താമസിക്കുന്ന ചിന്നത്താമ്മയുടെ (80) മൃതദേഹമാണ് മകൻ കൃഷ്ണസ്വാമി മൂന്ന് ദിവസത്തോളം വീട്ടിൽ സൂക്ഷിച്ചത്. മാനസികാസ്വാസ്ഥ്യമുള്ളയാളാണ് കൃഷ്ണസ്വാമിയെന്ന് നാട്ടുകാർ പറയുന്നു.
മൂന്ന് ദിവസം മുൻപാണ് ചിന്നത്താമ്മ മരണപ്പെട്ടത്. അന്ത്യകർമ്മങ്ങൾ നടത്തുന്നതിനായി തമിഴ്നാട്ടിൽ നിന്ന് ഒരാളെ വിളിച്ചിരുന്നതായും, അയാൾ എത്താൻ വൈകിയതുകൊണ്ടാണ് മൃതദേഹം സംസ്കരിക്കാതെ വീട്ടിൽ സൂക്ഷിച്ചതെന്നുമാണ് കൃഷ്ണസ്വാമിയുടെ മൊഴി.
കൃഷ്ണസ്വാമിയുടെ മകൾ അച്ഛനെ കാണാൻ വീട്ടിലെത്തിയപ്പോഴാണ് വിവരം പുറത്തറിയുന്നത്. മുത്തശ്ശിയെക്കുറിച്ച് അന്വേഷിച്ച മകളോട് "മുറിയിൽ കട്ടിലിൽ കിടത്തിയിരിക്കുകയാണ്, മൂന്ന് ദിവസമായി മരിച്ചിട്ട്' എന്നായിരുന്നു ഇയാൾ നൽകിയ മറുപടി. തുടർന്ന് മകൾ ഉടൻ തന്നെ പഞ്ചായത്ത് മെമ്പറെ വിവരം അറിയിക്കുകയും, മെമ്പർ നൽകിയ വിവരത്തിന്റെ അടിസ്ഥാനത്തിൽ പോലീസ് സ്ഥലത്ത് എത്തി പരിശോധന നടത്തുകയും ചെയ്തു.
പോലീസ് സ്ഥലത്തെത്തി തുടർനടപടികൾ സ്വീകരിക്കുകയും, മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കുകയും ചെയ്തു. സംഭവത്തിൽ കൃഷ്ണസ്വാമിയെ അറസ്റ്റ് ചെയ്തിട്ടില്ലെന്നും, ഇത് സംബന്ധിച്ച് വിശദമായ അന്വേഷണം നടക്കുകയാണെന്നും പോലീസ് വ്യക്തമാക്കി.
Kerala
കോഴിക്കോട്: മെഡിക്കൽ കോളജ് ആശുപത്രിയിൽ പ്രസവിച്ച 16 ദിവസം മാത്രം പ്രായമുള്ള പെൺകുഞ്ഞിനെ ഉപേക്ഷിച്ച് മാതാവ് കടന്നുകളഞ്ഞു. വെള്ളിയാഴ്ച വൈകീട്ടോടെയാണ് സംഭവം നടക്കുന്നത്. വയനാട് സ്വദേശിനിയായ ഷാഹിന എന്ന യുവതിയാണ് താൻ പ്രസവിച്ച കുഞ്ഞിനെ അപരിചിതയായ മറ്റൊരു സ്ത്രീയെ ഏൽപ്പിച്ച ശേഷം സ്ഥലംവിട്ടത്.
കുഞ്ഞുമായി അപരിചിതയായ സ്ത്രീ മെഡിക്കൽ കോളജ് പോലീസ് സ്റ്റേഷനിൽ എത്തിയതോടെയാണ് ഈ വിവരം പുറത്തറിയുന്നത്. ഇതോടെ കുഞ്ഞിനെ വനിതാ പോലീസിന്റെ സംരക്ഷണയിൽ ഉടൻതന്നെ കോഴിക്കോട് മെഡിക്കൽ കോളജ് മാതൃശിശു സംരക്ഷണ കേന്ദ്രത്തിൽ പ്രവേശിപ്പിച്ചു. അവിടെ ആവശ്യമായ മെഡിക്കൽ പരിശോധനകൾ പൂർത്തിയാക്കി ആരോഗ്യാവസ്ഥ തൃപ്തികരമാണെന്ന് ഉറപ്പുവരുത്തിയ ശേഷം കുഞ്ഞിനെ തിരികെ സ്റ്റേഷനിലേക്ക് എത്തിച്ചു.
കുഞ്ഞുമായി സ്റ്റേഷനിലെത്തിയ സ്ത്രീയെ പോലീസ് നിലവിൽ വിശദമായി ചോദ്യം ചെയ്തുവരികയാണ്. മാതാവ് ആശുപത്രിയിൽ നൽകിയിരുന്ന ഫോൺ നമ്പറിൽ ബന്ധപ്പെടാൻ ശ്രമിച്ചെങ്കിലും മൊബൈൽ ഫോൺ സ്വിച്ച് ഓഫ് ചെയ്ത നിലയിലാണ്.
സംഭവത്തിൽ മെഡിക്കൽ കോളജ് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. കുഞ്ഞിന്റെ മാതാവിനെ എത്രയും വേഗം കണ്ടെത്താനുള്ള നടപടികൾ പോലീസിന്റെ നേതൃത്വത്തിൽ ഊർജ്ജിതമായി പുരോഗമിക്കുകയാണ്.
Kerala
തൃശൂര്: കുടുംബത്തിനെതിരെ മന്ത്രവാദം ചെയ്തെന്ന് ആരോപിച്ച് അമ്മയെ ആക്രമിച്ച് കൈ തല്ലിയൊടിച്ച കേസില് മകന് അറസ്റ്റില്. ഏങ്ങണ്ടിയൂര് ചേറ്റുവ സ്വദേശി മനോജ് (46) ആണ് അറസ്റ്റിലായത്.
അമ്മ തുളസി (71)യാണ് ആക്രമണത്തിനിരയായത്. ഈ മാസം ആറാം തീയതി രാത്രി പത്തോടെയായിരുന്നു സംഭവം. മനോജിന്റെ കുടുംബത്തിന് ഉണ്ടായ ദുരിതങ്ങള്ക്ക് കാരണം അമ്മയായ തുളസി മന്ത്രവാദം ചെയ്തതാണെന്ന് ആരോപിച്ചായിരുന്നു ആക്രമണം.
ചേറ്റുവയിലുള്ള തറവാട് വീട്ടില് കസേരയില് ഇരിക്കുകയായിരുന്ന തുളസിയെ മകന് ബലംപ്രയോഗിച്ച് താഴെയിടുകയും കൈകള്കൊണ്ട് മര്ദ്ദിക്കുകയും കാലുകൊണ്ട് ചവിട്ടുകയും ചെയ്തു. ഇടത് കൈ പിടിച്ചു തിരിച്ച് ഒടിക്കുകയും അരയില് കരുതിയിരുന്ന കത്തി ഉപയോഗിച്ച് കഴുത്തില് കുത്തിക്കൊല്ലാന് ശ്രമിക്കുകയും ചെയ്തു.
മനോജ് 2025 ല് വീട്ടില് വച്ച് ഭാര്യയെ കുത്തിക്കൊല്ലാന് ശ്രമിച്ച കേസ്സിലും 2024 ല് വാര്ഡ് മെമ്പറെ ആക്രമിച്ച് പരിക്കേല്പ്പിച്ച കേസിലും പ്രതിയാണ്.
Special News
തമിഴ്നാട്ടിൽ, അടുത്തിടെ, വീട്ടിൽ വച്ചുള്ള പ്രസവത്തിൽ ഒരു യുവതി രക്തം വാർന്നു മരിച്ചു. ആശുപത്രിയിൽ നിന്നുള്ള അവരുടെ ആദ്യത്തെ പ്രസവത്തിൽ ആരോഗ്യമുള്ള ഒരു പെൺകുഞ്ഞിന് ജന്മം നൽകിയെങ്കിലും രണ്ടാമത്തെ പ്രസവം വീട്ടിൽ വച്ച് യൂട്യൂബിന്റെ സഹായത്തോടെ നടത്താൻ ഭർത്താവും അമ്മായിയമ്മയും തീരുമാനിക്കുകയായിരുന്നു.
കുഞ്ഞ് ജീവനോടെ പുറത്തു വന്നെങ്കിലും നിലക്കാത്ത രക്തസ്രാവത്തിൽ അമ്മ മരിക്കുകയും അച്ഛൻ പോലീസ് കസ്റ്റഡിയിലാവുകയും രണ്ടു കുഞ്ഞുങ്ങൾ അനാഥരാവുകയും ചെയ്തു. കേരളത്തിലും ഇത്തരം സംഭവങ്ങൾ കൂടി വരികയാണ്.
ആശുപത്രികളും ഡോക്ടർമാരും സുഖപ്രസവത്തിനനുവദിക്കില്ല എന്നും ഗർഭിണിക്കുള്ള സ്കാനിങ്ങും മൾട്ടി വൈറ്റമിനുകളുമെല്ലാം അനാവശ്യമാണെന്നുമുള്ള ഗൂഡാലോചനാ സിദ്ധാന്തങ്ങളും വർധിച്ചു വരുന്ന കപടചികിത്സകരും ഇതിനു പിന്നിലുണ്ട്.
വീട്ടിൽ പ്രസവം പ്രൊമോട്ട് ചെയ്യുന്നവർ മൾട്ടി സ്പെഷ്യാലിറ്റി ആശുപത്രികൾ പണം പിടുങ്ങി അപകടപ്പെടുത്തുമെന്നും വാക്സിൻ കുഞ്ഞുങ്ങൾക്ക് ഓട്ടിസം പോലെയുള്ള പ്രശ്നങ്ങൾ ഉണ്ടാക്കുമെന്നും പ്രചരിപ്പിക്കുന്നതായി കാണാം.
ഇത്തരം വിശ്വാസം പുലർത്തിയിരുന്ന കപട ചികിത്സകയായ ഒരമ്മ, കഴിഞ്ഞ വർഷം ഗുരുതരമായ മഞ്ഞപ്പിത്തം ബാധിച്ച തന്റെ ഒരു വയസായ കുഞ്ഞിനെ മോഡേൺ മെഡിസിൻ ചികിത്സ നിഷേധിച്ച് കൊന്നു.
ഇവരുടെ കബളിപ്പിക്കലിനും നരഹത്യക്കും ഇരയാവുന്നവരിൽ ഏറിയ പങ്കും സ്ത്രീകളും കുഞ്ഞുങ്ങളുമാകുകയും, അവ വൈദ്യസഹായത്തോടെ ഒഴിവാക്കാമായിരുന്ന മരണങ്ങളായിരിക്കുകയും ചെയ്യുമ്പോൾ തന്നെ, അതത്ര യാദൃശ്ചികമായ ചോയിസ് അല്ല എന്ന് മനസിലാക്കേണ്ടതുണ്ട്.
ഗൂഢാലോചനാ സിദ്ധാന്തങ്ങൾ
വൈദ്യരംഗത്തെ വളർച്ചയും മികച്ച വൈദ്യ പരിചരണവുമെല്ലാം ഗർഭവും പ്രസവവും നവജാത ശിശുപരിചരണവുമൊക്കെ കുറച്ചു കൂടി ആയാസരഹിതവും അപകടമുക്തവുമാക്കിയെങ്കിലും അതുവഴി മാതൃ ശിശു മരണ നിരക്കുകൾ വലിയതോതിൽ കുറഞ്ഞെങ്കിലും കഴിഞ്ഞ കുറച്ചു നാളുകളായി കണ്ടുവരുന്ന വീട്ടിലെ പ്രസവവും അശാസ്ത്രീയ പരിചരണവും ജീവനെടുക്കുന്ന അമ്മമാരുടേയും കുഞ്ഞുങ്ങളുടേയും കണക്കുകൾ ആശങ്ക വർധിപ്പിക്കുന്നു.
കുടുംബം മുതൽ മതം വരെ പല ശ്രേണികളിൽ നിന്നും കുത്തിവയ്ക്കുന്ന ലിംഗ അസമത്വവും അവഗണയും മനുഷ്യാവകാശ ലംഘനവും ഇതിനു പിറകിലുണ്ട്. എത്ര എമെർജൻസി ആണെന്ന് പറഞ്ഞു മനസിലാക്കാൻ ശ്രമിച്ചാലും സിസേറിയൻ നടത്താൻ സമ്മതിക്കാത്ത കുടുംബങ്ങൾ ഇന്നുമുണ്ട്.
അങ്ങനെ സ്വന്തം ശരീരത്തിനു മേൽ അവകാശമില്ലാതെ മരിച്ചു പോയ അമ്മമാരും ഗർഭസ്ഥശിശുക്കളുമുണ്ട്. ഒരു റിയാലിറ്റി ഷോ വിജയി സമീപകാലത്തു നടത്തിയ വിവാദ പ്രസ്താവന പോലെ പ്രസവത്തെ സംബന്ധിച്ചുള്ള അസംബന്ധ വാചാടോപങ്ങൾ ഒരുപാട് സ്ത്രീകളുടേയും കുഞ്ഞുങ്ങളുടേയും ജീവൻ അപകടത്തിലാക്കുമെന്നു മനസിലാക്കുക.
പറഞ്ഞു തിരുത്താൻ ശ്രമിച്ചാൽ പോലും ഇത്തരം കാര്യങ്ങളിൽ ഡോക്ടറിന്റെ ഉപദേശമോ ശാസ്ത്രീയ വശങ്ങളോ അംഗീകരിക്കാത്തവരുണ്ട്.
അന്ധവിശ്വാസങ്ങളും അശാസ്ത്രീയ പരിചരണ രീതികളും
ഒരു കുഞ്ഞ് അമ്മയുടെ ഉദരത്തിൽ ജന്മം കൊള്ളുമ്പോൾ മുതൽ അതിനു ചുറ്റും മിഥ്യാധാരണകളുടെ ഒരു വലിയ ചക്രവ്യൂഹം കെട്ടിപ്പടുത്തു തുടങ്ങുകയാണ്. ഗർഭിണി ഉറക്കത്തിൽ തിരിഞ്ഞാൽ കുഞ്ഞിന്റെ കഴുത്തിൽ പൊക്കിൾകൊടി കുരുങ്ങും, സ്കാൻ ചെയ്താൽ കുഞ്ഞിന് കേടാണ്, അമ്മ പകലുറങ്ങിയാൽ കുഞ്ഞിന് അംഗവൈകല്യം സംഭവിക്കും, അമ്മ ഭക്ഷണം എണ്ണയിൽ വറുത്താൽ കുഞ്ഞിന് പൊള്ളും, സന്ധ്യ കഴിഞ്ഞു പുറത്തിറങ്ങിയാൽ പേടി തട്ടും, വൈകിട്ട് തുണിയലക്കിയാൽ കുഞ്ഞിനാപത്തുണ്ടാകും, അയൺ ടാബ്ലറ്റ് കഴിച്ചാൽ കുഞ്ഞു കറുത്തു പോകും തുടങ്ങി നിരവധി അന്ധവിശ്വാസങ്ങളുള്ള നാടാണ് നമ്മുടേത്.
അമ്മയെ വീടിനു പുറത്തു കണ്ടാൽ കണ്ണേറ് കിട്ടും, മുലപ്പാൽ മറ്റാരെങ്കിലും കണ്ടാൽ പാൽ വറ്റിപ്പോകും, അമ്മയുടെ തലയിലെ എണ്ണ കഴുകിക്കളയരുത്, കുഞ്ഞു രാത്രി കരഞ്ഞാൽ തലയിണക്കടിയിൽ ഇരുമ്പു വക്കണം, നല്ല ആകൃതി വരാൻ കുഞ്ഞിനെ ഞെക്കി ഉരുട്ടി കുളിപ്പിക്കണം, പ്രസവത്തിന്റെ മുറിവുകൾ പെട്ടെന്നുണങ്ങാൻ കെെയിൽ കാർക്കിച്ചു തുപ്പണം, മുടി മറച്ചിരിക്കണം, ചൂടത്തും കമ്പിളിയിൽ പുതച്ചു മൂടി കിടക്കണം, കാലുകൾ തമ്മിൽ ചേർത്തു വച്ച് അനങ്ങാതെ കിടന്നില്ലെങ്കിൽ വയറ്റിൽ കാറ്റു കയറി വയർ വീർക്കും തുടങ്ങി എത്രയോ അസംബന്ധങ്ങൾ! മിക്കതും അമ്മയ്ക്കും കുഞ്ഞിനും അപകടകരവും.
ഇതിൽ തൊണ്ണൂറു ശതമാനം ഉപദേശവും ഞാൻ തന്നെ പലരിൽ നിന്നായി കേട്ടിട്ടുണ്ട്. മാതൃത്വത്തിന്റെ സന്തോഷങ്ങൾ മുഴുവൻ ഇത്തരം ഉപദേശങ്ങളിൽ മുങ്ങിപ്പോകും. ചിലപ്പോൾ പോസ്റ്റ്പാർട്ടം ഡിപ്രഷൻ പോലെയുള്ള മാനസികപ്രശ്നങ്ങൾക്ക് ആക്കം കൂട്ടും.
പ്രസവ ശേഷം വയർ ചാടാതിരിക്കാനും കുഞ്ഞിനുള്ള പാൽ നേർത്തു പോകാതിരിക്കാനുമായി പണ്ട് സ്ത്രീകൾക്ക് വെള്ളം നിഷേധിച്ചിരുന്നെന്നും താൻ പ്രസവിച്ചു കിടന്ന സമയത്ത് ശൗചാലയത്തിൽ വച്ചിരുന്ന വെള്ളമെടുത്ത് ആരുമറിയാതെ ആർത്തിയോടെ കുടിക്കുമായിരുന്നെന്നും പ്രായമായ ഒരു സ്ത്രീ എന്നോട് പറഞ്ഞിട്ടുണ്ട്. പുതിയ അമ്മമാർ ദിവസവും ധാരാളം വെള്ളം കുടിക്കണമെന്നാണ് വൈദ്യശാസ്ത്രം പറയുന്നതെന്നോർക്കണം.
പരീക്ഷണങ്ങൾക്ക് ജീവന്റെ വിലയുണ്ട്!
ഇത്തരം അപരിഷ്കൃത വിശ്വാസം പുലർത്തുന്ന വലിയൊരു കൂട്ടം മനുഷ്യരിലേക്കാണ്, അപകടസാധ്യതയുടെ പേരിൽ പതിറ്റാണ്ടുകൾക്ക് മുൻപ് അവസാനിപ്പിച്ച വീട്ടിലെ പ്രസവം പോലെയുള്ള ആശയങ്ങളെത്തിച്ചേരുന്നതെന്നോർക്കുക. ആശുപത്രിയിലും മരണങ്ങൾ സംഭവിക്കും. പക്ഷേ, ലഭ്യമായ എന്തെങ്കിലും മാർഗമുണ്ടെങ്കിൽ, അവിടെ ജീവൻ രക്ഷപ്പെടാനുള്ള സാധ്യത വളരെയധികമാണ്.
ഗർഭകാലത്തുള്ള മെഡിക്കൽ ചെക്കപ്പുകളിലൂടെ അമ്മയുടേയും കുഞ്ഞിന്റേയും കണ്ടീഷൻ നിരീക്ഷിച്ചു കൊണ്ടിരിക്കാനും അമ്മക്ക് ഷുഗറോ രക്തസമ്മർദമോ ഉണ്ടെങ്കിൽ മുൻകരുതലെടുക്കാനും, സ്കാനിങ്ങിലൂടെ കുഞ്ഞിനെന്തെങ്കിലും ജനിതകവൈകല്യങ്ങളോ മെഡിക്കൽ കണ്ടീഷനോ ഉണ്ടെങ്കിൽ നേരത്തേ ചികിത്സകളാരംഭിക്കാനും, പ്ലാസന്റ പ്രീവിയ പോലത്തെ അവസ്ഥകളിൽ ബെഡ് റെസ്റ്റും സിസേറിയനും മുൻകൂട്ടി കാണാനും കഴിയുന്നത് രണ്ടു ജീവന് സുരക്ഷ ഒരുക്കലാണ്.
അതിനു പകരം, സുഖപ്രസവമാകാൻ കുഞ്ഞിന്റെ ഭാരം നോമ്പെടുത്ത് കുറച്ച്, ഉച്ചഭക്ഷണത്തിനുള്ള മത്തി പൊരിച്ചെടുത്തതിന് ശേഷം പോയിക്കിടന്നു പ്രസവിക്കുന്ന കഥകൾ കേട്ട് കുളിരു കോരി സ്ത്രീകളുടേയും കുഞ്ഞുങ്ങളുടേയും ജീവൻ കൊണ്ട് പന്താടുന്നത് പരിഷ്കൃത സമൂഹത്തിനു ചേർന്നതല്ല.
Kerala
തിരുവനന്തപുരം: അമ്പൂരിയിൽ മൂന്നു വയസുകാരി ഋതുവേദ വാഹനം കയറി മരിച്ച സംഭവത്തിനു പിന്നാലെ കുഞ്ഞിന്റെ അമ്മ ആത്മഹത്യയ്ക്കു ശ്രമിച്ചു. ആര്യങ്കോട് സ്വദേശി നിഷയാണ് ജീവനൊടുക്കാൻ ശ്രമിച്ചത്.
നിഷയെ സ്വകാര്യ ആശുപത്രിയിൽ പ്രവേശിപ്പിച്ചു. കുഞ്ഞിന്റെ പോസ്റ്റുമോർട്ടം നടക്കുന്നതിനിടയാണ് ഇവർ ജീവനൊടുക്കാൻ ശ്രമിച്ചത്.
ഞായറാഴ്ച വൈകുന്നേരമാണ് വിനോദയാത്രയ്ക്കായി പോയ സംഘത്തിലെ മൂന്നു വയസുകാരിയുടെ മുകളിലേക്കു വാഹനം കയറി ഇറങ്ങിയത്. ടെമ്പോ ട്രാവലർ പാർക്ക് ചെയ്ത ശേഷം പാട്ടുവച്ച് ഡാൻസ് കളിക്കുന്നതിനിടെയാണ് ബ്രേക്ക് പോയ വാഹനം മൂന്നു വയസുകാരി ഋതുവേദയുടെ മുകളിലൂടെ കയറി ഇറങ്ങിയത്.
വാഹന അപകടത്തിനു കാരണം ഹാന്റ് ബ്രേക്കിന്റെ കേബിള് പൊട്ടിയതാണെന്നാണ് പ്രാഥമിക നിഗമനം.
(ആത്മഹത്യ ഒരു പ്രശ്നത്തിനും പരിഹാരമല്ല. പ്രതിസന്ധികൾ അത്തരം തോന്നൽ ഉണ്ടാക്കിയാൽ കൗൺസലിംഗ് പിന്തുണക്കായി ഈ നമ്പറുകളിൽ വിളിക്കാം 1056, 0471- 2552056)
Movies
റിയാലിറ്റിഷോ താരവും സോഷ്യൽ മീഡിയ ഇൻഫ്ലുവൻസറുമായ ഡോ. റോബിൻ രാധാകൃഷ്ണന്റെ അമ്മ ബീന രാധാകൃഷ്ണൻ (കൊച്ചുമോളി) അന്തരിച്ചു. ഗർഭാശയ കാൻസറിനെ (എൻഡോമെട്രിയൽ കാർസിനോമ) തുടർന്ന് ചികിത്സയിലായിരുന്നു.
വെള്ളിയാഴ്ച പുലർച്ചെ ഒരു മണിയോടെയായിരുന്നു അന്ത്യം. അമ്മയുടെ വിയോഗവാർത്ത റോബിൻ തന്നെയാണ് തന്റെ സോഷ്യൽ മീഡിയ പേജുകളിലൂടെ പങ്കുവെച്ചത്.
2026 മാർച്ച് 25-നാണ് ഞങ്ങളുടെ പ്രിയപ്പെട്ട അമ്മയ്ക്ക് സ്റ്റേജ് IVB എൻഡോമെട്രിയൽ കാർസിനോമ സ്ഥിരീകരിച്ചത്. അന്നുമുതൽ, ജീവിതം എണ്ണമറ്റ ആശുപത്രി സന്ദർശനങ്ങളും, ചികിത്സകളും, വേദനകളും, അനിശ്ചിതത്വങ്ങളും, പ്രാർഥനകളും നിറഞ്ഞ ഒരു യാത്രയായി മാറി.
എങ്കിൽപ്പോലും ഓരോ പ്രതിസന്ധിയിലും അമ്മ അസാധാരണമായ കരുത്തും ധൈര്യവും അന്തസും പ്രകടിപ്പിച്ചു. തന്റെ രോഗം ഒരിക്കലും സ്വന്തം ആത്മവീര്യത്തെ കീഴടക്കാൻ അനുവദിക്കാതെ, അചഞ്ചലമായ നിശ്ചയദാർഢ്യത്തോടെയാണ് അമ്മ ഈ പോരാട്ടം നയിച്ചത്.
അമ്മയുടെ ഈ സഹിഷ്ണുത ചുറ്റുമുള്ള ഏവർക്കും ഒരു പ്രചോദനമായിരുന്നു. ഏറ്റവും പ്രയാസമേറിയ ദിവസങ്ങളിൽ പോലും, പ്രതീക്ഷയോടും സ്നേഹത്തോടും മികച്ച മാന്യതയോടും കൂടിയാണ് അമ്മ ഓരോ നിമിഷത്തെയും നേരിട്ടത്. ഭയം തോന്നാതിരിക്കുന്നതല്ല, മറിച്ച് ഭയമുണ്ടായിട്ടും മുന്നോട്ട് പോകാൻ തിരഞ്ഞെടുക്കുന്നതാണ് യഥാർഥ ധൈര്യമെന്ന് അമ്മ ഞങ്ങളെ പഠിപ്പിച്ചു.
ധീരവും മറക്കാനാവാത്തതുമായ ഒരു പോരാട്ടത്തിനൊടുവിൽ, 2026 ജൂലൈ മൂന്നിന് ഒരു മണിക്ക് അമ്മ ഞങ്ങളെ വിട്ടുപിരിഞ്ഞു, സമാധാനത്തോടെ വിശ്രമം പൂകി. അർബുദം അമ്മയുടെ ശരീരത്തെ കീഴടക്കിയെങ്കിലും, അമ്മയുടെ കരുത്തിനെയോ സ്നേഹത്തെയോ അമ്മ അവശേഷിപ്പിച്ചു പോകുന്ന പാരമ്പര്യത്തെയോ തോൽപ്പിക്കാൻ അതിനായില്ല.
നിരുപാധികമായ സ്നേഹത്തിന്റെയും സഹിഷ്ണുതയുടെയും സ്വാർത്ഥരഹിതമായ ത്യാഗത്തിന്റെയും പ്രതീകമായി അമ്മ എന്നും ഞങ്ങളുടെ ഹൃദയങ്ങളിൽ ജീവിക്കും. അമ്മയുടെ ഓർമ്മകൾ ഞങ്ങൾക്ക് എന്നും വഴികാട്ടിയായിരിക്കും, അമ്മയുടെ സ്നേഹം ഞങ്ങളുടെ ജീവിതകാലം മുഴുവൻ കൂടെയുണ്ടാകും.
അമ്മയ്ക്ക് നിത്യശാന്തി നേരുന്നു. കൈയിലുള്ള സർവതും നൽകിയാണ് അമ്മ പോരാടിയത്. അമ്മ എന്നും ആഴത്തിൽ സ്നേഹിക്കപ്പെടും, എക്കാലവും ഓർമ്മിക്കപ്പെടും, ഒരിക്കലും മറക്കില്ല.’’
അർബുദം ശരീരത്തെ കീഴടക്കിയെങ്കിലും അമ്മയുടെ സ്നേഹത്തെയോ പാരമ്പര്യത്തെയോ തോൽപ്പിക്കാൻ അതിനായിട്ടില്ലെന്നും, നിരുപാധികമായ സ്നേഹത്തിന്റെയും ത്യാഗത്തിന്റെയും പ്രതീകമായി അമ്മ എന്നും തങ്ങളുടെ ഹൃദയങ്ങളിൽ ജീവിക്കുമെന്നും കുറിച്ചുകൊണ്ടാണ് റോബിൻ കുറിപ്പ് അവസാനിപ്പിച്ചത്.
പുളിവേലിക്കോണം കുടുംബാംഗവും, ഊന്നൻപാറ പരേതനായ ഭാസ്കരൻ വൈദ്യന്റെ ചെറുമകളുമാണ്. ഉച്ചയ്ക്ക് 12 മണിയോടെ ചടങ്ങുകൾ കോവൂരിലെ വീട്ടുവളപ്പിൽ നടത്തും
Kerala
കൊച്ചി: എറണാകുളം മരടില് ചോരക്കുഞ്ഞിനെ തട്ടുകടയില് ഉപേക്ഷിച്ച സംഭവത്തില് അമ്മയുടെ മൊഴി പുറത്ത്. താന് കാന്സര് രോഗിയാണെന്നും കുഞ്ഞിനെ വളര്ത്താന് നിവൃത്തിയില്ലാത്തിനാലാണ് ഉപേക്ഷിക്കുന്നതെന്നുമാണ് ഇടുക്കി സ്വദേശിനിയായ യുവതി മരട് പോലീസിന് മൊഴി നല്കിയത്.
കുഞ്ഞിനെ ഉപേക്ഷിച്ച ശേഷം വിവരം പോലീസിനെ അറിയിക്കാന് സുഹൃത്തായ യുവാവിനെ ചുമതലപ്പെടുത്തിയെന്നും ഇവര് പറയുന്നു. കുഞ്ഞിനെ ഉപേക്ഷിച്ച യുവതിയെ മരട് പോലീസ് ഞായറാഴ്ച കണ്ടെത്തിയിരുന്നു.
ഫോറം മാളിന് സമീപമാണ് കഴിഞ്ഞ ദിവസം ചോരക്കുഞ്ഞിനെ ഉപേക്ഷിച്ച നിലയില് കണ്ടെത്തിയത്. പ്രസവിച്ചു മണിക്കൂറുകള് മാത്രമോ പ്രായമുള്ള ആണ്കുഞ്ഞിനെ കണ്ടെത്തിയ വിവരം തൃപ്പൂണിത്തുറ പുതിയകാവ് സ്വദേശിയായ യുവാവാണ് പോലീസ് കണ്ട്രോള് റൂമിലേക്ക് വിളിച്ച് അറിയിച്ചത്.
പോലീസ് എത്തി കുഞ്ഞിനെ അമ്മത്തൊട്ടിലിലേക്ക് മാറ്റി. കുഞ്ഞിന്റെ ആരോഗ്യനില തൃപ്തികരമാണ്. കുഞ്ഞിന്റെ അമ്മയെ പോലീസ് ആശുപത്രിയിലേക്ക് മാറ്റി. അമ്മയുടെയും സുഹൃത്തിന്റെയും മൊഴി രേഖപ്പെടുത്തിയ ശേഷം നോട്ടീസ് നല്കി വിട്ടയച്ചതായി മരട് പോലീസ് സ്റ്റേഷന് എസ്എച്ച്ഒ പറഞ്ഞു.
Sports
ടെക്സസ്: ഗോള്വലയ്ക്കു മുന്നില് വൊസീഞ്ഞ എന്ന 40കാരനായ ഗോളി നടത്തുന്ന മിന്നും പ്രകടനമാണ് ഗ്രൂപ്പ് ഘട്ടം കടന്ന് നോക്കൗട്ടില് പ്രവേശിക്കാന് കേപ് വെര്ദയ്ക്കു സഹായകമായത്. ഗ്രൂപ്പിലെ മൂന്നു മത്സരങ്ങളിലായി 10 സേവുകളാണ് വൊസീഞ്ഞ നടത്തിയത്.
സൗദി അറേബ്യക്ക് എതിരായ മത്സരത്തിലെ പ്ലെയര് ഓഫ് ദ മാച്ചും ഈ 40കാരന് ആയിരുന്നു. ഗ്രൂപ്പ് ഘട്ടത്തില് പെനാല്റ്റി ഏരിയയില് 96 ഇടപെടലുകളാണ് വൊസീഞ്ഞ നടത്തിയതെന്നതും ശ്രദ്ധേയം.
ഫിഫ ലോകകപ്പ് ചരിത്രത്തില് 40+ വയസുള്ള ഗോള് കീപ്പര്മാര് ഒന്നിലധികം ക്ലീന്ഷീറ്റ് നേടുന്നത് ഇതു മൂന്നാം തവണ. ഗ്രൂപ്പ് ഘട്ടത്തില് സ്പെയിന്, സൗദി അറേബ്യ ടീമുകള്ക്ക് എതിരേ വൊസീഞ്ഞ ഗോള് വഴങ്ങിയില്ല. ഇറ്റാലിയന് മുന് ഗോളി ഡിനോ സോഫ്, ഇംഗ്ലീഷ് മുന് താരം പീറ്റര് ഷില്ട്ടണ് എന്നിവര് മാത്രമാണ് മുമ്പ് ഈ നേട്ടം സ്വന്തമാക്കിയവര്.
ഹൗസ് ക്ലീനിംഗ് ജോലിക്കാരിയാണ് വൊസീഞ്ഞയുടെ അമ്മ അന കാന്ഡിഡ എവോറ. ഗ്രൂപ്പിലെ ആദ്യമത്സരത്തില് സ്പെയിനിനെ ഗോള്രഹിത സമനിലയില് തളച്ചതിലൂടെ സോഷ്യല്മീഡിയയില് വൊസീഞ്ഞ തരംഗമായി.
തന്റെ അമ്മയെ ലോകകപ്പിനു കൊണ്ടുവരാന് മാത്രം സാമ്പത്തിക ഭദ്രതയില്ലാത്തതില് വൊസീഞ്ഞ കണ്ണീര്വാര്ത്തിരുന്നു. വൊസീഞ്ഞയുടെ കണ്ണീര് ഫലം കണ്ടു. വിവിധ ആളുകള് സഹായവുമായി മുന്നോട്ടുവന്നു. അതോടെ കാന്ഡിഡ എവോറ ലോകകപ്പ് വേദിയിലെത്തി.
കേപ് വെര്ദെയുടെ, ഉറുഗ്വെയ്ക്ക് എതിരായ രണ്ടാം മത്സരം മുതല് എവോറ ഗാലറിയില് ഉണ്ട്. മകന്റെയും ടീമിന്റെയും ചരിത്ര നോക്കൗട്ട് പ്രവേശത്തിനും ക്ലീന്ഷീറ്റിനും ആ അമ്മ നേര്സാക്ഷിയായി.
2010നുശേഷം ലോകകപ്പിലെ അരങ്ങേറ്റക്കാര് നോക്കൗട്ടില് പ്രവേശിക്കുന്നത് ഇതാദ്യം. 2010ല് സ്ലോവാക്യയായിരുന്നു നോക്കൗട്ടില് കടന്നത്.
1998നുശേഷം ഗ്രൂപ്പ് ഘട്ടത്തില് ജയമില്ലാതെ നോക്കൗട്ട് കടക്കുന്ന ആദ്യടീമും കേപ് വെര്ദെതന്നെ. ലോകകപ്പ് ചരിത്രത്തില് കേപ് വെര്ദെ അടക്കം ഏഴ് ടീമുകള് ഗ്രൂപ്പ് ഘട്ടത്തില് ജയമില്ലാതെ നോക്കൗട്ടില് പ്രവേശിച്ചിട്ടുണ്ട്.
ഈ ലോകകപ്പില് കേപ് വെര്ദെ ഇതുവരെ നേരിട്ട മൂന്ന് എതിരാളികളില് രണ്ടും മുന് ചാമ്പ്യന്മാരായിരുന്നു (ഉറുഗ്വെ, സ്പെയിന്). ഇനി നോക്കൗട്ടില് നേരിടാനിരിക്കുന്നത് നിലവിലെ ചാമ്പ്യന്മാരെയും (അര്ജന്റീന).
Kerala
കൊച്ചി: പന്ത്രണ്ടു വര്ഷം മുമ്പ് അന്നത്തെ ആഭ്യന്തര മന്ത്രിയായിരുന്ന രമേശ് ചെന്നിത്തലയെ കാണാന് എറണാകുളം ഗസ്റ്റ് ഹൗസില് ഒരമ്മ എത്തി. എറണാകുളം വൈപ്പിന് സ്വദേശിനിയായ മിനി ആന്റണിക്ക് പറയാനുണ്ടായിരുന്നത് ആ ഗ്രാമത്തെ ലക്ഷ്യമിട്ട് നടക്കുന്ന ലഹരി സംഘങ്ങളെക്കുറിച്ചായിരുന്നു. അറിഞ്ഞും അറിയാതെയും ലഹരിയില്പ്പെട്ടു പോകുന്ന കുരുന്നുകള്....
കുട്ടികളെ കുരുക്കാന് നടക്കുന്ന ആ മാഫിയാ സംഘത്തെ നാട്ടില് നിന്ന് തുരത്തണമെന്ന അഭ്യര്ഥനയായിരുന്നു മിനിക്കുണ്ടായിരുന്നത്. ആ അമ്മയുടെ കണ്ണുനീര് കണ്ട മന്ത്രി രമേശ് ചെന്നിത്തല അന്നത്തെ ജില്ലാ കളക്ടര് എം.ജി. രാജമാണിക്യത്തെ വിവരം അറിയിച്ചു. ഇതോടെ പോലീസ് ഉദ്യോഗസ്ഥര് ഉണര്ന്നു. വൈപ്പിന്കരയിലെ ആ ലഹരിസംഘത്തിന്റെ വേര് എന്നന്നേക്കുമായി അറുത്തുമാറ്റി.
വര്ഷങ്ങള്ക്കിപ്പുറം എറണാകുളത്ത് നടന്ന തൂഫാന് പദ്ധതിയുടെ നിയോജക മണ്ഡലാടിസ്ഥാനത്തിലുള്ള പ്രചാരണ പരിപാടികളുടെ ഉദ്ഘാടനത്തിനെത്തിയ മന്ത്രി രമേശ് ചെന്നിത്തലയ്ക്കു മുന്നില് മിനി ആന്റണി എന്ന അമ്മ വീണ്ടുമെത്തി. ഒരു നന്ദി സൂചകമായിട്ടായിരുന്നു ആ വരവ്.
മന്ത്രി അവരെ സദസിനു പരിചയപ്പെടുത്തി. ഓപ്പറേഷന് തൂഫാന്റെ ആദ്യ പോരാളി മിനി ആന്റണി ആണെന്നായിരുന്നു മന്ത്രിയുടെ വാക്കുകള്. അവര് പങ്കുവച്ച കാര്യങ്ങളായിരുന്നു കേരളത്തിലെ അമ്മമാരുടെ കണ്ണീര് തുടയ്ക്കാനുള്ള ഓ്പ്പറേഷന് തൂഫാനായി ആഞ്ഞടിക്കുന്നതെന്നും മന്ത്രി വ്യക്തമാക്കി.
District News
തൃപ്പൂണിത്തുറ: അമ്മയുടെ സംസ്കാര ചടങ്ങുകൾ നടക്കേണ്ട ദിവസം പുലർച്ചെ മകനും മരിച്ചു. മുൻ കൊച്ചിൻ ദേവസ്വം ബോർഡംഗമായിരുന്ന തൃപ്പൂണിത്തുറ വടക്കേക്കോട്ട പാഴൂർ ലൈനിൽ ചിത്രയിൽ പി.കെ. രുഗ്മിണി അമ്മയും(83) മകൻ ഹരിമിത്രയുമാ(51)ണ് രണ്ടു ദിവസത്തെ ഇടവേളയിൽ മരിച്ചത്.
കഴിഞ്ഞ 21ന് അന്തരിച്ച രുഗ്മിണി അമ്മയുടെ സംസ്കാരം 24ന് രാവിലെ വീട്ടുവളപ്പിൽ നടത്താനാണ് നിശ്ചയിച്ചിരുന്നത്. അമ്മയെ പരിചരിക്കാനായി അമേരിക്കയിൽ നിന്നു നാട്ടിലെത്തിയ ഹരിമിത്ര അന്ന് പുലർച്ചെ നാലിന് മരിച്ചു.
രുഗ്മിണി അമ്മയുടെ സംസ്കാരം വീട്ടുവളപ്പിലും ഹരിമിത്രയുടെ സംസ്കാരം ഇരുമ്പനം ശ്മശാനത്തിലും നടത്തി. പരേതനായ ഹരിശർമ്മയാണ് രുഗ്മിണി അമ്മയുടെ ഭർത്താവ്. മറ്റൊരു മകൻ: ഹരികൃഷ്ണ. ഹരിമിത്രയുടെ ഭാര്യ: പാർവതി.
Movies
മുതിർന്ന നടി മല്ലിക സുകുമാരൻ അമ്മ സംഘടനയുടെ പ്രാഥമിക അംഗത്വം രാജിവെച്ചു. സമൂഹമാധ്യമങ്ങളിലൂടെയാണ് അവർ തന്റെ രാജി അറിയിച്ചത്. ശ്വേതയ്ക്ക് പൂർണ പിന്തുണ പ്രഖ്യാപിച്ചാണ് മല്ലിക സുകുമാരൻ രാജി വച്ചിരിക്കുന്നത്.
ഞായറാഴ്ച ചേർന്ന പ്രത്യേക ജനറൽ ബോഡി യോഗത്തിന് പിന്നാലെ ശ്വേതയുടെ നേതൃത്വത്തിലുള്ള ഭരണസമിതി കൂട്ടരാജി പ്രഖ്യാപിക്കുകയും പിന്നാലെ ശ്വേത സംഘടനയുടെ പ്രാഥമിക അംഗത്വവും രാജിവച്ചിരുന്നു. ഇതിന് പിന്നാലെയാണ് ശ്വേതയ്ക്ക് പിന്തുണയുമായി മല്ലികയും രാജി വച്ചിരിക്കുന്നത്.
"സ്നേഹപൂർവം പടിയിറങ്ങുന്നു..... അമ്മയിൽ നിന്നും.... സത്യത്തിനൊപ്പം.. ന്യായത്തിനൊപ്പം... ശ്വേതയ്ക്കൊപ്പം...' മല്ലിക സുകുമാരൻ ഫേസ്ബുക്കിൽ കുറിച്ചു.
കഴിഞ്ഞ ദിവസം നടന്ന യോഗത്തിൽ വാർഷിക കണക്കുകൾ പാസാക്കാൻ കഴിയാത്തതിനെ തുടർന്നുണ്ടായ തർക്കങ്ങളാണ് ഭരണസമിതിയുടെ പതനത്തിന് കാരണമായത്.
National
ഗ്രേറ്റർ നോയിഡ: മാതാവിനെ കുത്തിപ്പരിക്കേൽപ്പിച്ച ശേഷം യുവാവ് കെട്ടിടത്തിൽ നിന്നും ചാടി ജീവനൊടുക്കി. ഗ്രേറ്റർ നോയിഡയിലെ ബിഷ്റാഖ് പോലീസ് സ്റ്റേഷൻ പരിധിയിലാണ് സംഭവം. സാഗർ യാദവ് (21) ആണ് മരിച്ചത്.
സാഗർ മാനസിക രോഗിയാണെന്നും വാക്കുതർക്കത്തെ തുടർന്ന് മാതാവിനെ കുത്തിയതിന് ശേഷമാണ് കെട്ടിടത്തിന്റെ അഞ്ചാം നിലയിൽ നിന്നുംചാടി ജീവനൊടുക്കിയതെന്നും പോലീസ് പറഞ്ഞു.
രാധ സ്കൈ ഗാർഡൻ സൊസൈറ്റിയിലെ താമസക്കാരനായ യാദവ്, മാതാപിതാക്കൾക്കും ഇളയ സഹോദരനുമൊപ്പമാണ് താമസിച്ചിരുന്നത്. കെട്ടിടത്തിൽ നിന്നും ചാടി പരിക്കേറ്റതിന് പിന്നാലെ സാഗറിനെ അടുത്തുള്ള ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
സാഗറിന്റെ മാതാവ് ഗുരുതര പരിക്കുകളോടെ ആശുപത്രിയിൽ ചികിത്സയിലാണ്. സാഗറിന്റെ മൃതദേഹം പോസ്റ്റ്മോർട്ടത്തിന് അയച്ചതായും തുടർനടപടികൾ സ്വീകരിച്ചുവരികയാണെന്നും പോലീസ് പറഞ്ഞു.
National
അമരാവതി: ആന്ധ്രാപ്രദേശിലെ കർണൂൽ ജില്ലയിൽ അവിഹിത ബന്ധം ചോദ്യം ചെയ്ത 15 കാരനെ മാതാവും കാമുകനും ചേർന്ന് കൊലപ്പെടുത്തി. ഗംഗമ്മയുടെ മകൻ വീരേന്ദ്രയാണ് കൊല്ലപ്പെട്ടത്. ഗംഗമ്മയും കാമുകൻ ദർഗപ്പയും ചേർന്നാണ് കൊലപ്പെടുത്തിയത്. കൊലപാതകത്തിന് ശേഷം സംഭവം മൂടിവെക്കാൻ മകനെ കാണാനില്ലെന്ന് കാണിച്ച് ഇവർ പോലീസിൽ വ്യാജ പരാതിയും നൽകിയിരുന്നു. ആഴ്ചകൾ നീണ്ട അന്വേഷണത്തിനൊടുവിലാണ് കൊലപാത വിവരം പുറത്തുവന്നത്.
ഗംഗമ്മയും ദർഗപ്പയും തമ്മിലുള്ള വീരേന്ദ്ര പലതവണ ചോദ്യം ചെയ്യുകയും ബന്ധുക്കൾക്കും ഗ്രാമവാസികൾക്കും മുന്നിൽ ഈ വിവരം തുറന്നുപറയുകയും ചെയ്തു. ഇതേച്ചൊല്ലി വീട്ടിൽ വഴക്കുകൾ പതിവായിരുന്നു. ബന്ധത്തിന് തടസമാകുമെന്ന ഭയത്താൽ ഇവർ കുട്ടിയെ കൊലപ്പെടുത്താൻ തീരുമാനിക്കുകയായിരുന്നു. കൊലപ്പെടുത്തിയ ശേഷം മൃതദേഹം ഗ്രാമത്തിന്റെ അതിർത്തിയുള്ള ഒരു ശ്മശാനത്തിൽ രഹസ്യമായി കുഴിച്ചുമൂടി.
അന്വേഷണം തിരിച്ചുവിടാൻ ഗംഗമ്മ തന്നെയാണ് മകനെ കാണാനില്ലെന്ന് കാണിച്ച് പോലീസിൽ പരാതി നൽകിയത്. അന്വേഷണം വൈകുന്നു എന്ന് ആരോപിച്ച് മകനെ കണ്ടെത്താൻ ഉത്തരവിടണമെന്ന് ആവശ്യപ്പെട്ട് ഹൈക്കോടതിയെ സമീപിക്കുകയും ചെയ്തു.
കോടതി ഇടപെടലിനെ തുടർന്ന് കേസ് വേഗത്തിലാക്കാൻ രൂപീകരിച്ച പ്രത്യേക അന്വേഷണ സംഘം ഗംഗമ്മയെയും ദർഗപ്പയെയും ചോദ്യം ചെയ്തപ്പോഴാണ് ഇവരുടെ മൊഴികളിലെ വൈരുധ്യം ശ്രദ്ധയിൽപ്പെട്ടത്. തുടർന്ന് നടത്തിയ ശാസ്ത്രീയ അന്വേഷണത്തിലും കോൾ റെക്കോർഡുകളും സാക്ഷിമൊഴികളും പരിശോധിച്ചതിലൂടെയും പോലീസിന് ഇവരിൽ സംശയം തോന്നി.
തുടർന്ന് നടത്തിയ വിശദമായ ചോദ്യം ചെയ്യലിൽ പ്രതികൾ കുറ്റം സമ്മതിക്കുകയും മൃതദേഹം കുഴിച്ചുമൂടിയ സ്ഥലം കാണിച്ചു കൊടുക്കുകയും ചെയ്തു. റവന്യൂ ഉദ്യോഗസ്ഥരുടെയും മെഡിക്കൽ സംഘത്തിന്റെയും സാന്നിധ്യത്തിൽ വീരേന്ദ്രയുടെ മൃതദേഹം ശ്മശാനത്തിൽ നിന്നും പുറത്തെടുത്തു. മൃതദേഹാവശിഷ്ടങ്ങൾ പോസ്റ്റ്മോർട്ടം നടപടികൾക്കായി മാറ്റിയിട്ടുണ്ട്. ദർഗപ്പയെ പോലീസ് കസ്റ്റഡിയിൽ എടുത്തിട്ടുണ്ട്. കൂടുതൽ തെളിവുകൾ ശേഖരിക്കുന്നതിനായി പോലീസ് അന്വേഷണം തുടരുകയാണ്.
Kerala
ആലപ്പുഴ: ഹരിപ്പാട് താലൂക്ക് ആശുപത്രി ശുചിമുറിയിൽ പ്രസവിച്ച ശേഷം കുഞ്ഞിനെ ജനലിലൂടെ പുറത്തേക്ക് എറിഞ്ഞ സംഭവത്തിൽ, നവജാത ശിശുവിന്റെ തുടർസംരക്ഷണം ആലപ്പുഴ ശിശുക്ഷേമ സമിതി (സിഡബ്ല്യുസി) ഏറ്റെടുത്തു.
ആദ്യഘട്ടത്തിൽ കുഞ്ഞിനെ വേണ്ടെന്ന് നിലപാടെടുത്ത പത്തൊൻപതുകാരിയായ യുവതി, ഒടുവിൽ കുഞ്ഞിനെ വേണമെന്ന ആവശ്യം ഉന്നയിച്ച പശ്ചാത്തലത്തിലാണ് കുഞ്ഞിന്റെ താത്കാലിക തുടർസംരക്ഷണം സിഡബ്ല്യുസി അധികൃതർ ഏറ്റെടുത്തത്.
കൊല്ലാൻ ശ്രമിച്ച അമ്മയ്ക്കൊപ്പം കുഞ്ഞിനെ വിടുന്നതിന് നിലവിൽ ചില നിയമപരവും സാങ്കേതികവുമായ തടസങ്ങളുണ്ട്. അതിനാൽ അമ്മയ്ക്കൊപ്പം കുഞ്ഞിനെ വിടാൻ പറ്റുന്ന സുരക്ഷിതമായ സാഹചര്യം നിയമപരമായി ഉണ്ടായതിനു ശേഷം മാത്രമേ കുഞ്ഞിനെ അമ്മയ്ക്ക് തിരികെ നൽകുകയുള്ളൂ.
കേരള സംസ്ഥാന ശിശുക്ഷേമ സമിതിയുടെ ആലപ്പുഴ ജില്ലയിലെ അംഗീകൃത ദത്തെടുക്കൽ കേന്ദ്രമായ ശിശു വികാസ് ഭവനിലേക്ക് കുഞ്ഞിനെ മാറ്റിയിട്ടുണ്ട്. നിലവിൽ 29 കുട്ടികളാണ് ഇവിടെ സംരക്ഷണയിലുള്ളത്.
ചൈൽഡ് ലൈൻ കൗൺസിലർമാർ യുവതിയുമായി പലപ്രാവശ്യം സംസാരിച്ചിരുന്നു. ആദ്യദിവസങ്ങളിൽ യുവതി കൗൺസിലിംഗുമായി സഹകരിച്ചിരുന്നില്ലെങ്കിലും പിന്നീട് വിശദമായി സംസാരിച്ചു.
പോലീസിന്റെ റിപ്പോർട്ട് കൂടി പരിഗണിച്ച ശേഷമേ കുഞ്ഞിനെ അമ്മയ്ക്ക് വിട്ടുനൽകുകയുള്ളൂ എന്ന് സിഡബ്ല്യുസി ചെയർപേഴ്സൺ അഡ്വ. ബി.ഗീത പാർഥൻ പറഞ്ഞു. ആറുമാസം വരെ കുഞ്ഞിനെ നിയമപരമായി ആവശ്യപ്പെടാൻ അമ്മയ്ക്ക് കഴിയും, അതിനാലാണ് താത്കാലിക സംരക്ഷണത്തിനായി കുഞ്ഞിനെ ഏറ്റെടുത്തിരിക്കുന്നത്.
കുഞ്ഞിനെ കൊല്ലാൻ ശ്രമിച്ചതിന് യുവതിക്കെതിരെ ഹരിപ്പാട് പോലീസ് വധശ്രമത്തിന് കേസെടുത്തിട്ടുണ്ട്. യുവതി ആശുപത്രി വിട്ടശേഷം ഇവരിൽ നിന്നും പോലീസ് വിശദമായ മൊഴിയെടുക്കും.
വണ്ടാനം മെഡിക്കൽ കോളജ് സൂപ്രണ്ട് ഡോ. ഹരികുമാർ, ഡോ. ലതിക എന്നിവരിൽ നിന്നാണ് സിഡബ്ല്യുസി അധികൃതർ കുഞ്ഞിനെ ഏറ്റുവാങ്ങിയത്. ജില്ലാ ചൈൽഡ് പ്രൊട്ടക്ഷൻ ഓഫീസർ ജിജി ജോൺ, ശിശുവികാസ് ഭവൻ മാനേജർ മിഥുൻ ഷാ, സോഷ്യൽ വർക്കർ പ്രിമ എന്നിവരും സിഡബ്ല്യുസി ചെയർപേഴ്സണൊപ്പം ഉണ്ടായിരുന്നു.
Kerala
ആലപ്പുഴ: ഹരിപ്പാട്ട് പ്രസവത്തിന് പിന്നാലെ മാതാവ് വലിച്ചെറിഞ്ഞ കുഞ്ഞിനെ സിഡബ്ല്യുസി ഏറ്റെടുക്കും. രണ്ടുമാസത്തെ പരിപാലനത്തിനുശേഷം മാതാവിന് മനംമാറ്റം ഉണ്ടായാൽ കുഞ്ഞിനെ വിട്ടു നൽകും.
കുഞ്ഞിനെ വേണ്ടെന്ന് 19 വയസുകാരിയായ അമ്മ പറഞ്ഞു. വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലുള്ള അമ്മ കുഞ്ഞിന് പാല് കൊടുക്കാൻ പോലും തയാറാകുന്നില്ല. ഗർഭിണിയായ വിവരം അറിഞ്ഞില്ലെന്നാണ് പെൺകുട്ടി സിഡബ്ല്യുസിക്ക് നൽകിയ മൊഴി.
സംഭവത്തിൽ അമ്മക്കെതിരെ വധശ്രമത്തിന് പോലീസ് കേസെടുത്തിരുന്നു. അവിവാഹിതയായ പെൺകുട്ടി മാനഹാനി ഭയന്ന് കുഞ്ഞിനെ കൊലപ്പെടുത്താൻ ശ്രമിച്ചെന്നാണ് എഫ്ഐആർ. കടുത്ത വയറു വേദനയേ തുടർന്നായിരുന്നു 19 വയസുകാരി ഹരിപ്പാട് താലൂക്ക് ആശുപത്രിയിൽ ചികിത്സ തേടിയെത്തിയിരുന്നത്.
പുലർച്ചെ ഒന്നോടെ ശുചിമുറിക്കുള്ളിൽ പ്രസവിച്ചു. പൊക്കിൾ കൊടി സ്വയം മുറിച്ചു മാറ്റി കുട്ടിയെ ജനലിലൂടെ പുറത്തേയ്ക്ക് എറിയുകയായിരുന്നു.
കുറ്റിക്കാട്ടിൽ നിന്ന് കുഞ്ഞിനെ ആശുപത്രി ജീവനക്കാരാണ് വീണ്ടെടുത്തത്. നവജാതശിശുവിന്റെ കരച്ചിൽ കേട്ട് ഓടിയെത്തിയ ആശുപത്രി അധികൃതരാണ് കുഞ്ഞിന് ഉടൻ തന്നെ ചികിത്സ ഉറപ്പാക്കിയത്. അമ്മയും കുഞ്ഞും വണ്ടാനം മെഡിക്കൽ കോളജിൽ ചികിത്സയിലാണ്.
National
ചെന്നൈ: തമിഴ് സൂപ്പർതാരം അജിത് കുമാറിന്റെ മാതാവ് മോഹിനി മണി (85) അന്തരിച്ചു. ശനിയാഴ്ച രാവിലെ ചെന്നൈയിൽ വെച്ചായിരുന്നു അന്ത്യം. വാർധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്നു.
മോഹിനി മണിയുടെ വിയോഗത്തിൽ സിനിമാ-രാഷ്ട്രീയ മേഖലകളിലെ പ്രമുഖർ അനുശോചനം രേഖപ്പെടുത്തി. സംസ്കാര ചടങ്ങുകൾ ചെന്നൈയിൽ വെച്ച് നടക്കുമെന്നാണ് കുടുംബാംഗങ്ങളുമായി അടുത്ത വൃത്തങ്ങൾ നൽകുന്ന സൂചന.
നടൻ കമൽഹാസൻ, ഡിഎംകെ അധ്യക്ഷനും തമിഴ്നാട് മുൻ മുഖ്യമന്ത്രിയുമായ എം.കെ.സ്റ്റാലിൻ, ബിജെപി നേതാവ് കെ. അണ്ണാമലൈ തുടങ്ങിയവർ അജിത് കുമാറിനെയും കുടുംബാംഗങ്ങളെയും ആശ്വസിപ്പിച്ചു.
Kerala
കോഴിക്കോട്: പുറത്തിറങ്ങാനാകുമെന്ന യാതൊരു പ്രതീക്ഷയും പതിനെട്ട് വര്ഷംവരെയും ഉണ്ടായിരുന്നില്ലെന്ന് സൗദിയില്നിന്നു ജയില്മോചിതനായി വീട്ടില് എത്തിയ കോഴിക്കോട് രാമനാട്ടുകര കോടമ്പുഴയിലെ അബ്ദുള് റഹീം. ജനങ്ങളുടെയും ആക്ഷന് കമ്മിറ്റിയുടെയുടെയും ഇന്ത്യന് എംബസിയുടെയും നിരന്തര പരിശ്രമം വിജയം കണ്ടു. എല്ലാവരോടും നന്ദിയും കടപ്പാടും ഉണ്ടെന്നും അബ്ദുൾ റഹീം പറഞ്ഞു.
പെരുന്നാള് ദിനത്തില് പുലർച്ചെ റിയാദിൽ നിന്നുള്ള എയർ ഇന്ത്യ വിമാനത്തിലാണ് കരിപ്പൂർ വിമാനത്താവളത്തിൽ എത്തിയത്. റഹീമിനുള്ള എക്സിറ്റ് വീസയില് സൗദി ഭരണകൂടം ഒപ്പുവച്ചതോടെ പെരുന്നാള് ദിനത്തില്തന്നെ റഹീമിനു നാട്ടിലെത്താന് കഴിയുമെന്ന് ഉറപ്പായിരുന്നു. ദയാധനം സ്വീകരിച്ച് സൗദി കുടുംബം മാപ്പു നൽകിയതോടെയാണ് മോചനം സാധ്യമായത്. തന്നെപ്പോലെ നിരപരാധികളായിട്ടും പ്രതികളായിട്ടുള്ള പല രാജ്യക്കാരുണ്ടെന്ന് റഹീം പറയുന്നു.
“സങ്കടങ്ങള് പങ്കുവയ്ക്കും. 28 വര്ഷം വരെയായി ജയിലില് കിടക്കുന്നവരുണ്ട്. പത്തനംതിട്ട സ്വദേശി അവിടെയുണ്ട്. എല്ലാവരുമായും സൗഹൃദമുണ്ടായിരുന്നു. കുടുംബത്തെയായിരുന്നു ഏറ്റവും മിസ് ചെയ്തത്. ഫോണ് വിളിക്കാന് കൊലപാതകക്കേസ് പ്രതികള്ക്ക് 14 മിനിറ്റാണ് സമയം. നാല് നമ്പറില് രജിസ്റ്റര് ചെയ്യണം. മറ്റു കേസുകളില്പ്പെട്ടവര്ക്ക് 10 മണിക്കൂര് വരെ വിളിക്കാമെന്നും റഹീം പറഞ്ഞു. നാടൊക്കെ ഒരുപാട് മാറി. നാടും റോഡുമെല്ലാം മാറി. വിദേശത്തെ റോഡ് പോലെ തന്നെയുണ്ട്’’ റഹീം പറയുന്നു.
സ്പോണ്സറായ സൗദി പൗരന്റെ മകന്റെ മരണവുമായി ബന്ധപ്പെട്ട കേസില് 2006 ഡിസംബര് 24നായിരുന്നു റഹീം റിയാദിലെ ഇസ്കാനിലെ ജയിലിലാകുന്നത്.
സ്പോണ്സറുടെ ആരോഗ്യപ്രശ്നമുള്ള മകന് അനസിന്റെ ശരീരത്തില് ഘടിപ്പിച്ച യന്ത്രത്തില് റഹീമിന്റെ കൈ തട്ടുകയും ബോധരഹിതനായ കുട്ടി മരണപ്പെടുകയുമായിരുന്നു.
സംഭവം നടന്ന് രണ്ടു ദിവസത്തിനുശേഷമാണ് മരണം സംഭവിച്ചതെന്നാണ് മെഡിക്കല് റിപ്പോര്ട്ട്. അവിടത്തെ നിയമത്തിന് മുന്നില് ഞാന് കുറ്റവാളിയായിരുന്നു ഇത്രയും കാലം. വക്കീലായിരുന്നു കാര്യങ്ങള് നീക്കിയതെന്ന് റഹീം പറയുന്നു.
Kerala
ഹരിപ്പാട്: പ്രസവിച്ചയുടൻ നവജാതശിശുവിനെ യുവതി ശുചിമുറിയുടെ ജനലിലൂടെ പുറത്തേക്ക് എറിഞ്ഞു. ആശുപത്രിക്കുപുറത്ത് സെപ്റ്റിക് ടാങ്കിന്റെ കോൺക്രീറ്റ് സ്ലാബുകൾക്കും പൈപ്പുകൾക്കും ഇടയിലേക്കു വീണ പെൺകുഞ്ഞ് അദ്ഭുതകരമായി രക്ഷപ്പെട്ടു.
തിങ്കളാഴ്ച അർധരാത്രി 12 ഓടെ ഹരിപ്പാട് താലൂക്ക് ആശുപത്രിയിലായിരുന്നു മനഃസാക്ഷിയെ ഞെട്ടിച്ച സംഭവം. ക്രൂരത കാട്ടിയ വീയപുരം വെള്ളംകുളങ്ങര സ്വദേശിനിയായ 19കാരിക്കെതിരേ പോലീസ് കേസെടുത്തു. നിലവിൽ പോലീസ് സംരക്ഷണയിൽ വണ്ടാനം മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചിരിക്കുന്ന കുഞ്ഞിന്റെ ആരോഗ്യനില തൃപ്തികരമാണെന്നാണു വിവരം.
തിങ്കളാഴ്ച രാത്രി 9.30 ഓടെ യുവതിയെ ശക്തമായ വയറുവേദനയെത്തുടർന്നാണ് പിതാവും സഹോദരങ്ങളും ചേർന്ന് ആശുപത്രിയിൽ എത്തിച്ചത്. ആർത്തവസംബന്ധമായ നടുവേദനയും വയറുവേദനയുമാണെന്നാണ് യുവതിയും വീട്ടുകാരും ഡോക്ടർമാരോട് പറഞ്ഞത്.
യുവതി പൂർണഗർഭിണിയാണെന്ന വിവരം ഒപ്പമുണ്ടായിരുന്ന വീട്ടുകാർക്ക് അറിയില്ലായിരുന്നുവെന്നാണ് ലഭിക്കുന്ന സൂചന. ആശുപത്രിയിൽ നിരീക്ഷണത്തിൽ കഴിയവെ രാത്രി 12ന് യുവതി ശുചിമുറിയിൽ കയറി.
ഏറെനേരം കഴിഞ്ഞിട്ടും പുറത്തിറങ്ങാത്തതിനെത്തുടർന്ന് സംശയം തോന്നിയ ഡ്യൂട്ടിയിലുണ്ടായിരുന്ന നഴ്സുമാരും ഡോക്ടർമാരും അന്വേഷിച്ചെത്തിയപ്പോഴാണ് ശുചിമുറിയിൽ രക്തവാർച്ച കണ്ടത്. ഇതേസമയംതന്നെ ആശുപത്രി കെട്ടിടത്തിന് പുറകിൽനിന്ന് കുഞ്ഞിന്റെ കരച്ചിലും കേൾക്കുകയായിരുന്നു.
ശുചിമുറിയുടെ ജനലിലൂടെ കുഞ്ഞിനെ യുവതി പുറത്തേക്ക് എറിയുകയായിരുന്നുവത്രെ. വീണ സ്ഥലത്തിന് തൊട്ടടുത്ത് സെപ്റ്റിക് ടാങ്കിന്റെ വലിയ കോൺക്രീറ്റ് സ്ലാബും പിവിസി പൈപ്പുകളുമൊക്കെ ഉണ്ടായിരുന്നെങ്കിലും കുഞ്ഞ് കൃത്യമായി അതിന്റെ നടുവിലുള്ള മണ്ണിലേക്കാണു വീണത്. പ്രസവത്തിനുശേഷം കുഞ്ഞിന് മുലപ്പാൽ നൽകാൻ പോലും അമ്മ തയാറായില്ലെന്ന് ആശുപത്രി അധികൃതർ പറഞ്ഞു.
ആശുപത്രി അധികൃതർ ഉടൻതന്നെ ഹരിപ്പാട് പോലീസിനെയും ചൈൽഡ് വെൽഫെയർ കമ്മിറ്റിയെയും വിവരമറിയിച്ചു. തുടർന്ന് പോലീസ് സംരക്ഷണയിൽ അമ്മയെയും കുഞ്ഞിനെയും വണ്ടാനം മെഡിക്കൽ കോളജ് ആശുപത്രിയിലേക്ക് മാറ്റുകയായിരുന്നു. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.