23

എ​ല്ലാ​വ​രും ജ​യി​ക്കാ​ന്‍​വേ​ണ്ടി മ​ത്സ​രി​ക്കു​മ്പോ​ള്‍ തോ​ല്‍​ക്കാ​ന്‍​വേ​ണ്ടി മാ​ത്രം മ​ത്സ​രി​ച്ച് "ഇ​ല​ക്‌​ഷ​ന്‍ കിം​ഗ്' എ​ന്ന റെ​ക്കോ​ര്‍​ഡ് നേ​ടി​യ ഒ​രാ​ളു​ണ്ട്. ത​മി​ഴ്‌​നാ​ട് സേ​ലം മേ​ട്ടൂ​ര്‍ ഡാ​മി​ന് സ​മീ​പ​ത്തെ ഡോ. ​കെ. പ​ത്മ​രാ​ജ​ന്‍.

തോ​ല്‍​വി ച​രി​ത്ര​ത്തി​ന്‍റെ ത​നി​യാ​വ​ര്‍​ത്ത​ന​ത്തി​നാ​യി 23ന് ​ത​മി​ഴ്‌​നാ​ട്ടി​ല്‍ ന​ട​ക്കു​ന്ന തെ​ര​ഞ്ഞെ​ടു​പ്പി​ല്‍ സ്വ​ന്തം മ​ണ്ഡ​ല​മാ​യ മേ​ട്ടൂ​രി​ല്‍ മ​ത്സ​രി​ക്കാ​നാ​യി 253-ാമ​ത്തെ പ​ത്രി​ക​യും ടി​വി​കെ നേ​താ​വും സി​നി​മാ താ​ര​വു​മാ​യ വി​ജ​യ്‌​ക്കെ​തി​രെ ചെ​ന്നൈ​യി​ലെ പെ​ര​മ്പൂ​രി​ല്‍ സ്വ​ത​ന്ത്ര സ്ഥാ​നാ​ര്‍​ഥി​യാ​യു​ള്ള 254-ാമ​ത്തെ നാ​മ​നി​ര്‍​ദേ​ശ പ​ത്രി​ക​കൂ​ടി ന​ല്‍​കി​യി​രി​ക്കു​ക​യാ​ണി​ദ്ദേ​ഹം.

ഇ​തോ​ടെ ഇ​ദ്ദേ​ഹ​ത്തി​ന്‍റെ 254-ാം തെ​ര​ഞ്ഞെ​ടു​പ്പ് മ​ത്സ​രം കൂ​ടി​യാ​ണി​പ്പോ​ള്‍ ന​ട​ക്കു​ന്ന​ത്. രാ​ഷ്‌​ട്ര​പ​തി​ക്കും പ്ര​ധാ​ന മ​ന്ത്രി​മാ​ര്‍​ക്കും മു​ഖ്യ​മ​ന്ത്രി​മാ​ര്‍​ക്കു​മെ​തി​രെ​യു​ള്ള മ​ത്സ​ര​ത്തി​ലൂ​ടെ ശ്ര​ദ്ധേ​യ​നാ​യ പ​ത്മ​രാ​ജ​ന്‍ ഇ​ക്കു​റി ടി​വി​കെ നേ​താ​വ് വി​ജ​യു​മാ​യാ​ണ് മ​ത്സ​രി​ക്കു​ന്ന​ത്.

ത​മി​ഴ്‌​നാ​ട് തെ​ര​ഞ്ഞെ​ടു​പ്പി​ല്‍ ഇ​ക്കു​റി വി​ജ​യ് ആ​ണ് ശ്ര​ദ്ധി​ക്ക​പ്പെ​ടു​ന്ന താ​രം എ​ന്ന​തി​നാ​ലാ​ണ് പ​ത്മ​രാ​ജ​ന്‍ വി​ജ​യ്‌​ക്കെ​തി​രെ മ​ത്സ​രി​ക്കാ​ന്‍ തീ​രു​മാ​നി​ച്ച​ത്. എ​ല്ലാ തെ​ര​ഞ്ഞെ​ടു​പ്പി​ലും തോ​ല്‍​വി ഉ​റ​പ്പാ​യ​തി​നാ​ല്‍ എ​റ്റ​വും കൂ​ടു​ത​ല്‍ തെ​ര​ഞ്ഞെ​ടു​പ്പു​ക​ളി​ല്‍ തോ​റ്റ​യാ​ളെ​ന്ന റെ​ക്കോ​ര്‍​ഡ് കൈ​വി​ടാ​തി​രി​ക്കു​ക​യാ​ണ് ല​ക്ഷ്യം.

പ​ത്മ​രാ​ജ​ന്‍ ചെ​റി​യ മീ​ന​ല്ല

പ​ത്മ​രാ​ജ​ന്‍ ജ​നി​ച്ച​തും വ​ള​ര്‍​ന്ന​തു​മെ​ല്ലാം സേ​ല​ത്താ​ണ്. ഇ​ദ്ദേ​ഹ​ത്തി​ന്‍റെ മാ​താ​പി​താ​ക്ക​ളു​ടെ നാ​ടാ​ണ് പ​യ്യ​ന്നൂ​രി​ന് സ​മീ​പ​ത്തെ കു​ഞ്ഞി​മം​ഗ​ലം. കു​ഞ്ഞി​മം​ഗ​ല​വു​മാ​യു​ള്ള ഈ ​വേ​രോ​ട്ട​മാ​ണ് ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ല്‍ മ​ത്സ​രി​ക്കു​ന്ന​തി​നാ​യി കു​ഞ്ഞി​മം​ഗ​ലം പ​ഞ്ചാ​യ​ത്തി​ലെ ഒ​ന്നാം വാ​ര്‍​ഡി​ല്‍ നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കാ​നു​ള്ള കാ​ര​ണ​മാ​യ​ത്.

ഇ​ത്ത​വ​ണ ന​ട​ന്ന കേ​ര​ള നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ മ​ത്സ​രി​ക്കാ​നാ​യി നാ​മ​നി​ര്‍​ദേ​ശ പ​ത്രി​ക​യു​ടെ ഫോ​മു​ക​ൾ വാ​ങ്ങി​യെ​ങ്കി​ലും പ​ത്രി​ക സ​മ​ര്‍​പ്പി​ക്കാ​നാ​യി​ല്ല. തു​ട​ര്‍​ന്നാ​ണ് ത​മി​ഴ​നാ​ട് തെ​ര​ഞ്ഞെ​ടു​പ്പി​ല്‍ ര​ണ്ടി​ട​ങ്ങ​ളി​ലാ​യി പ​ത്രി​ക ന​ല്‍​കി​യ​ത്. 1988ല്‍ ​തു​ട​ങ്ങി​യ​താ​ണ് ഇ​ദ്ദേ​ഹ​ത്തി​ന്‍റെ തോ​ല്‍​വി​ക്കു വേ​ണ്ടി​യു​ള്ള മ​ത്സ​രം.

ഇ​തു​വ​രെ വാ​ജ്‌​പേ​യ്, ജ​യ​ല​ളി​ത, ക​രു​ണാ​നി​ധി, വ​യ​ലാ​ര്‍ ര​വി, എ.​കെ. ആ​ന്‍റ​ണി, യ​ദൂ​ര​പ്പ, ബം​ങ്കാ​ര​പ്പ, എ​സ്.​എം. കൃ​ഷ്ണ, വി​ജ​യ് മ​ല്യ, പി​ണ​റാ​യി വി​ജ​യ​ന്‍, പ്രി​യ​ന്‍​കാ ഗാ​ന്ധി, എ​ട​പ്പാ​ടി പ​ഴ​നി​സ്വാ​മി തു​ട​ങ്ങി ഉ​പ​രാ​ഷ്‌​ട്ര​പ​തി ടി.​പി. രാ​ധാ​കൃ​ഷ്ണ​ന്‍ വ​രേ​യു​ള്ള​വ​ര്‍​ക്കെ​തി​രെ മ​ത്സ​രി​ക്കാ​ന്‍ നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ച്ചി​രു​ന്നു. ലോ​ക​സ​ഭ, രാ​ജ്യ​സ​ഭ, രാ​ഷ്‌​ട്ര​പ​തി, ഉ​പ​രാ​ഷ്‌​ട്ര​പ​തി, പ​ഞ്ചാ​യ​ത്ത് എ​ന്നി​ങ്ങ​നെ എ​ല്ലാ ത​ല​ങ്ങ​ളി​ലും മ​ത്സ​രി​ച്ചി​രു​ന്നു.

തോ​ല്‍​വി സ​മ്മാ​നി​ച്ച​ത് നി​ര​വ​ധി റെ​ക്കോ​ര്‍​ഡു​ക​ള്‍

"റെ​ക്കോ​ര്‍​ഡ് തോ​ല്‍​വി'​യെ​ന്ന് ന​മ്മ​ള്‍ കേ​ട്ടി​ട്ടു​ണ്ട്. എ​ന്നാ​ല്‍, "തോ​ല്‍​വി​യി​ല്‍ റെ​ക്കോ​ര്‍​ഡ്' എ​ന്ന​ത് പ​ത്മ​രാ​ജ​ന്‍റെ സം​ഭാ​വ​ന​യാ​ണ്. ഇ​ങ്ങി​നെ തോ​ല്‍​വി​യു​ടെ റെ​ക്കോ​ര്‍​ഡ് കൈ​പ്പി​ടി​യി​ലൊ​തു​ക്കി​യ ക​ഥ ഇ​ദ്ദേ​ഹം വി​വ​രി​ക്കു​ന്ന​തി​ങ്ങ​നെ. "തോ​ല്‍​ക്കു​ക മാ​ത്ര​മാ​ണ് ത​ന്‍റെ ല​ക്ഷ്യം. 1991ല്‍ ​ന​ര​സം​ഹ​റാ​വു​വി​നെ​തി​രെ മ​ത്സ​രി​ച്ച​പ്പോ​ള്‍ ത​ന്നെ കി​ഡ്‌​നാ​പ്പ് ചെ​യ്ത സം​ഭ​വ​മു​ണ്ടാ​യി.

ഒ​രാ​ള്‍ ര​ണ്ടി​ട​ങ്ങ​ളി​ല്‍ മാ​ത്ര​മേ പ​ര​മാ​വ​ധി മ​ത്സ​രി​ക്കാ​ന്‍ പാ​ടു​ള്ളു​വെ​ന്ന നി​ബ​ന്ധ​ന വ​രു​ന്ന​തി​നി​ട​യാ​യ​ത് 1996ല്‍ ​അ​ഞ്ച് സം​സ്ഥ​ന​ങ്ങ​ളി​ലാ​യി എ​ട്ടി​ട​ങ്ങ​ളി​ല്‍ ഞാ​ന്‍ മ​ത്സ​രി​ച്ച​തോ​ടെ​യാ​ണ്. ഇ​തു​വ​രെ കെ​ട്ടി​വ​യ്ക്കാ​നും മ​റ്റു​മാ​യി ഒ​രു കോ​ടി​യി​ലേ​റെ രൂ​പ​യാ​ണ് ചെ​ല​വാ​യ​ത്.

ഗി​ന്ന​സ് വേ​ള്‍​ഡ് റെ​ക്കോ​ര്‍​ഡ്, ലിം​ക ബു​ക്ക് ഓ​ഫ് റെ​ക്കോ​ര്‍​ഡ്, ഏ​ഷ്യ​ന്‍ ബു​ക്ക് ഓ​ഫ് റെ​ക്കോ​ര്‍​ഡ്‌​സ്, ഡ​ല്‍​ഹി ബു​ക്ക് ഓ​ഫ് റെ​ക്കോ​ര്‍​ഡ്‌​സ് എ​ന്നി​വ ഇ​തി​ന​കം നേ​ടി​ക്ക​ഴി​ഞ്ഞു. പ​ത്മ​ശ്രീ നേ​ട​ണ​മെ​ന്ന ആ​ഗ്ര​ഹ​മാ​ണ് മ​ന​സി​ല്‍. 38 വ​ര്‍​ഷ​മാ​യി തു​ട​രു​ന്ന തോ​ല്‍​വി​ക്കു വേ​ണ്ടി​യു​ള്ള ഈ ​യാ​ത്ര തു​ട​രു​മെ​ന്നും പ​ത്മ​രാ​ജ​ന്‍ രാ​ഷ്‌​ട്ര​ദീ​പി​ക​യോ​ട് പ​റ​ഞ്ഞു.

പ​ത്മ​രാ​ജ​ന്‍റെ ഇ​ഷ്ട​ചി​ഹ്നം ട​യ​ര്‍

വി​ള​ക്ക്, മോ​തി​രം, വ​ള, സൈ​ക്കി​ള്‍ തു​ട​ങ്ങി ട​യ​ര്‍ വ​രെ​യാ​ണ് ഇ​തി​ന​കം ഇ​ദ്ദേ​ഹം തെ​ര​ഞ്ഞെ​ടു​പ്പ് ചി​ഹ്ന​മാ​ക്കി​യ​ത്. മേ​ട്ടൂ​രി​ല്‍ പ​ത്മ ട​യ​ര്‍ വ​ര്‍​ക്‌​സ് എ​ന്ന ട​യ​ര്‍ റീ​സോ​ളിം​ഗ് സ്ഥാ​പ​നം ന​ട​ത്തി​വ​രു​ന്ന ഇ​ദ്ദേ​ഹ​ത്തി​ന്‍റെ ഇ​ഷ്ട​ചി​ഹ്നം ട​യ​റാ​ണ്. തെ​ര​ഞ്ഞെ​ടു​പ്പ് മ​ത്സ​ര​ങ്ങ​ളി​ല്‍ തോ​ല്‍​ക്കാ​നാ​യാ​ണ് മ​ത്സ​രി​ക്കു​ന്ന​തെ​ങ്കി​ലും ജീ​വി​ത മ​ത്സ​ര​ത്തി​ല്‍ വി​ജ​യി​ച്ചു നി​ല്‍​ക്കു​ക​യാ​ണ് ഇ​ദ്ദേ​ഹം.

വി​ദേ​ശ​ത്ത് ജോ​ലി​യു​ള്ള മ​ക്ക​ളു​ള്‍​പ്പെ​ടെ​യു​ള്ള സ​ന്തു​ഷ്ട​മാ​യ കു​ടം​ബ ജീ​വി​ത​മാ​ണ് ഇ​ദ്ദേ​ഹ​ത്തി​ന്‍റേ​ത്. 38 വ​ര്‍​ഷ​ത്തെ തോ​ല്‍​വി ച​രി​ത്ര​ത്തി​ലെ കൗ​തു​ക​വും പു​തു​മ​യു​മാ​ണ് ഇ​ല​ക്‌​ഷ​ന്‍ കിം​ഗെ​ന്ന പേ​ര് സ​മ്മാ​നി​ച്ച​ത്.

അ​റു​പ​ത്താ​റാം വ​യ​സി​ലും തെ​ര​ഞ്ഞെ​ടു​പ്പ് മ​ത്സ​ര​ത്തി​ല്‍​നി​ന്ന് പി​ന്മാ​റാ​ന്‍ കൂ​ട്ടാ​ക്കാ​തെ ആ​വ​ര്‍​ത്തി​ച്ചു​കൊ​ണ്ടി​രി​ക്കു​ന്ന പ​ത്മ​രാ​ജ​ന്‍റെ തോ​ല്‍​വി​ക​ള്‍ മ​റ്റാ​ര്‍​ക്കും മ​റി​ക​ട​ക്കാ​നാ​വാ​ത്ത പു​തി​യ റെ​ക്കോ​ര്‍​ഡു​ക​ളാ​യി മാ​റു​ക​യാ​ണ്.

Tags : Dr. K. Padmarajan Election Vijay