4

ഛത്തി​സ്ഗ​ഡി​ലെ റാ​യ്പു​റി​ൽ പെ​ട്രോ​ൾ പ​മ്പി​ൽ സി​ഗ​ര​റ്റ് വ​ലി​ക്കു​ന്ന​ത് വി​ല​ക്കി​യ​തി​ൽ പ്ര​കോ​പി​ത​നാ​യ യു​വാ​വ് ഇ​ന്ധ​ന പൈ​പ്പി​ന് തീ​യി​ട്ടു. വ്യാ​ഴാ​ഴ്ച വൈ​കു​ന്നേ​രം ധ​ർ​മ്മേ​ന്ദ്ര ഖ​ത്രി, ഇ​മ്രാ​ൻ എ​ന്നി​വ​ർ ബൈ​ക്കി​ൽ ഇ​ന്ധ​നം നി​റ​യ്ക്കാ​നാ​യി പ​മ്പി​ലെ​ത്തി​യ​പ്പോ​ഴാ​ണ് സം​ഭ​വം ന​ട​ന്ന​ത്.

ബൈ​ക്കി​ന് പി​ന്നി​ലി​രു​ന്ന ധ​ർ​മ്മേ​ന്ദ്ര സി​ഗ​ര​റ്റ് വ​ലി​ക്കാ​ൻ ശ്ര​മി​ച്ച​ത് സു​ഹൃ​ത്തും പ​മ്പ് ജീ​വ​ന​ക്കാ​ര​നും ത​ട​ഞ്ഞു. ഇ​തി​ൽ പ്ര​കോ​പി​ത​നാ​യ ഇ​യാ​ൾ ക​യ്യി​ലു​ണ്ടാ​യി​രു​ന്ന ലൈ​റ്റ​ർ ഉ​പ​യോ​ഗി​ച്ച് ഇ​ന്ധ​ന പൈ​പ്പി​ന് തീ ​കൊ​ളു​ത്തു​ക​യാ​യി​രു​ന്നു.

നി​മി​ഷ​ങ്ങ​ൾ​ക്കു​ള്ളി​ൽ തീ ​ആ​ളി​ക്ക​ത്തു​ക​യും ബൈ​ക്കി​ന്‍റെ ടാ​ങ്കി​ലേ​ക്കും പ​മ്പി​ലെ മെ​ഷീ​നി​ലേ​ക്കും തീ ​പ​ട​രു​ക​യും ചെ​യ്തു. എ​ന്നാ​ൽ, പ​മ്പ് ജീ​വ​ന​ക്കാ​ര​ൻ ന​ട​ത്തി​യ സ​മ​യോ​ചി​ത​മാ​യ ഇ​ട​പെ​ട​ൽ വ​ലി​യൊ​രു ദു​ര​ന്തം ഒ​ഴി​വാ​ക്കി.

ഇ​യാ​ൾ ഉ​ട​ൻ ത​ന്നെ ഇ​ന്ധ​ന പൈ​പ്പ് ടാ​ങ്കി​ൽ നി​ന്ന് മാ​റ്റു​ക​യും പ്ര​ധാ​ന സ്വി​ച്ച് ഓ​ഫ് ചെ​യ്ത ശേ​ഷം ഫ​യ​ർ എ​ക്സ്റ്റിം​ഗു​യി​ഷ​ർ ഉ​പ​യോ​ഗി​ച്ച് തീ​യ​ണ​യ്ക്കു​ക​യും ചെ​യ്തു.

സം​ഭ​വ​ത്തി​ന് പി​ന്നാ​ലെ ര​ക്ഷ​പ്പെ​ടാ​ൻ ശ്ര​മി​ച്ച ധ​ർ​മ്മേ​ന്ദ്ര​യെ​യും സു​ഹൃ​ത്തി​നെ​യും ജീ​വ​ന​ക്കാ​ർ പി​ടി​കൂ​ടി പോ​ലീ​സി​ൽ ഏ​ൽ​പ്പി​ച്ചു. സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച പോ​ലീ​സ് പൊ​തു​ജ​ന​ങ്ങ​ളു​ടെ ജീ​വ​ൻ അ​പ​ക​ട​ത്തി​ലാ​ക്കി​യ​തി​ന് ഇ​രു​വ​ർ​ക്കു​മെ​തി​രെ കേ​സെ​ടു​ത്ത് അ​റ​സ്റ്റ് രേ​ഖ​പ്പെ​ടു​ത്തി.

Tags : BreakingNews ViralVideo ShockingIncident NearMiss CCTVFootage