ഉ​ത്സ​വ​കാ​ല​ത്തി​ന്‍റെ വ​ർ​ണ​ങ്ങ​ളെ​ല്ലാം ചേ​ർ​ന്ന് ഒ​രു ന​ഗ​ര​ത്തെ ആ​ക​ർ​ഷ​ക​മാ​ക്കാ​ൻ ശ്ര​മി​ക്കു​മ്പോ​ൾ, ചി​ല​പ്പോ​ൾ അ​തൊ​രു ദു​ര​ന്ത​ത്തി​ന്‍റെ വ​ക്കി​ലെ​ത്തി നി​ൽ​ക്കാ​റു​ണ്ട്.

പ​ശ്ചി​മ ബം​ഗാ​ളി​ലെ പ്ര​മു​ഖ ഉ​ത്സ​വ​മാ​യ ദു​ർ​ഗാ പൂ​ജ​യോ​ട​നു​ബ​ന്ധി​ച്ച് കോ​ൽ​ക്ക​ത്ത​യി​ലെ ചീം​ഗ്രി​ഘാ​ട ഫ്ലൈ​ഓ​വ​ർ വി​വി​ധ നി​റ​ങ്ങ​ളി​ൽ പെ​യി​ന്‍റ​ടി​ച്ച് മ​നോ​ഹ​ര​മാ​ക്കി​യി​രു​ന്നു.

കാ​ഴ്ച​യി​ൽ മ​നോ​ഹ​ര​മാ​യി​രു​ന്ന ആ ​വ​ർ​ണ​പ്പൊ​ലി​മ പ​ക്ഷേ, പി​ന്നീ​ട് വ​ലി​യൊ​രു ആ​ശ​ങ്ക​യാ​യി മാ​റു​ന്ന​താ​ണ് ന​ഗ​ര​വാ​സി​ക​ൾ ക​ണ്ട​ത്. ഫ്ലൈ​ഓ​വ​റി​ലെ ഒ​രു പ്ര​ധാ​ന വ​ള​വി​ലൂ​ടെ ക​ട​ന്നു​പോ​യ മൂ​ന്ന് മോ​ട്ടോ​ർ​സൈ​ക്കി​ളു​ക​ൾ ഒ​ന്നി​നു​പു​റ​കെ ഒ​ന്നാ​യി നി​യ​ന്ത്ര​ണം വി​ട്ട് തെ​ന്നി വീ​ഴു​ന്ന​തി​ന്‍റെ ഭ​യ​പ്പെ​ടു​ത്തു​ന്ന ദൃ​ശ്യ​ങ്ങ​ൾ ഒ​രു കാ​റി​ലെ ഡാ​ഷ്‌​ക്യാ​മി​ൽ പ​തി​ഞ്ഞു.

ഭാ​ഗ്യ​വ​ശാ​ൽ യാ​ത്ര​ക്കാ​ർ​ക്ക് വ​ലി​യ പ​രി​ക്കു​ക​ൾ ഒ​ന്നും പ​റ്റി​യി​ല്ലെ​ങ്കി​ലും, യാ​തൊ​രു മു​ന്നൊ​രു​ക്ക​വു​മി​ല്ലാ​തെ റോ​ഡു​ക​ളി​ൽ ന​ട​ത്തു​ന്ന ഇ​ത്ത​രം അ​ല​ങ്കാ​ര​പ്പ​ണി​ക​ൾ എ​ത്ര​ത്തോ​ളം അ​പ​ക​ട​ക​ര​മാ​ണെ​ന്ന വ​ലി​യ ചോ​ദ്യ​മാ​ണ് ഈ ​ദൃ​ശ്യ​ങ്ങ​ൾ ഉ​യ​ർ​ത്തി​യി​രി​ക്കു​ന്ന​ത്.

വാ​ഹ​ന​ങ്ങ​ളു​ടെ ട​യ​റു​ക​ൾ​ക്ക് റോ​ഡി​ൽ ല​ഭി​ക്കേ​ണ്ട സ്വാ​ഭാ​വി​ക​മാ​യ ഗ്രി​പ്പി​നെ പെ​യി​ന്‍റ് പാ​ളി​ക​ൾ പ്ര​തി​കൂ​ല​മാ​യി ബാ​ധി​ക്കു​ന്നു​ണ്ട്. പ്ര​ത്യേ​കി​ച്ച് ഇ​രു​ച​ക്ര വാ​ഹ​ന​ങ്ങ​ൾ വേ​ഗ​ത കു​റ​ച്ചോ കൂ​ടി​യോ വ​ള​വു​ക​ൾ തി​രി​യു​മ്പോ​ൾ ട​യ​റി​ന്‍റെ പി​ടി​വി​ട്ടു​പോ​കു​ന്ന​ത് നി​മി​ഷ​നേ​രം​കൊ​ണ്ട് അ​പ​ക​ട​ങ്ങ​ൾ​ക്ക് വ​ഴി​യൊ​രു​ക്കാം.

ഇ​തി​നി​ട​യി​ൽ ചെ​റി​യൊ​രു മ​ഴ​യോ ഈ​ർ​പ്പ​മോ കൂ​ടി ഉ​ണ്ടാ​യാ​ൽ റോ​ഡ് പൂ​ർ​ണ​മാ​യും ഒ​രു വ​ഴു​ക്കു​ന്ന പ്ര​ത​ല​മാ​യി മാ​റും. ഉ​ത്സ​വ​ങ്ങ​ൾ ന​ഗ​ര​ത്തി​ന് സ​മ്മാ​നി​ക്കു​ന്ന ആ​ഘോ​ഷ​ങ്ങ​ൾ​ക്കി​ട​യി​ൽ ദി​നം​പ്ര​തി ആ​യി​ര​ക്ക​ണ​ക്കി​ന് യാ​ത്രി​ക​ർ ക​ട​ന്നു​പോ​കു​ന്ന പാ​ത​ക​ളി​ൽ യാ​ത്ര​ക്കാ​രു​ടെ സു​ര​ക്ഷ​യ്ക്ക് പ്ര​ഥ​മ പ​രി​ഗ​ണ​ന ന​ൽ​ക​ണ​മെ​ന്നാ​ണ് സ​മൂ​ഹ​മാ​ധ്യ​മ​ങ്ങ​ളി​ൽ ഉ​യ​രു​ന്ന പ്ര​ധാ​ന ആ​വ​ശ്യം.

കെ​ട്ടി​ട​ങ്ങ​ളു​ടെ ചു​മ​രു​ക​ളോ പാ​ല​ത്തി​ന്‍റെ തൂ​ണു​ക​ളോ കൈ​വ​രി​ക​ളോ അ​ല​ങ്ക​രി​ക്കു​ന്ന​തി​ൽ തെ​റ്റി​ല്ലെ​ന്നും, വാ​ഹ​ന​ങ്ങ​ൾ സ​ഞ്ച​രി​ക്കു​ന്ന റോ​ഡി​ന്‍റെ പ്ര​ത​ലം ത​ന്നെ പെ​യി​ന്‍റ​ടി​ക്കു​ന്ന​ത് വ​ൻ അ​പ​ക​ട​ങ്ങ​ൾ​ക്ക് കാ​ര​ണ​മാ​കു​മെ​ന്നും യാ​ത്രി​ക​ർ ചൂ​ണ്ടി​ക്കാ​ണി​ക്കു​ന്നു.

ചെ​റി​യൊ​രു മ​ഴ പെ​യ്താ​ൽ പോ​ലും ഈ ​റോ​ഡു​ക​ളി​ൽ വ​ലി​യ ഗ​താ​ഗ​ത​ക്കു​രു​ക്കും അ​പ​ക​ട​ങ്ങ​ളും ഉ​ണ്ടാ​കു​മെ​ന്ന ആ​ശ​ങ്ക​യി​ലാ​ണ് ഇ​പ്പോ​ൾ യാ​ത്ര​ക്കാ​ർ.

Tags : Kolkata ChingrighataFlyover RoadSafety KolkataNews DurgaPuja