നി​യ​മവി​രു​ദ്ധ​മാ​യി വൈ​ദ്യു​തി ക​ണ​ക‌്ഷ​ന്‍ ന​ല്‍​കാ​ന്‍ ശ്ര​മി​ച്ച സം​ഭ​വം; ക​ളക്ട​റു​ടെ ഉ​ത്ത​ര​വി​ല്ലെ​ന്ന് വി​വ​രാ​വ​കാ​ശരേ​ഖ
Friday, July 18, 2025 3:24 AM IST
മുഹ​മ്മ: കാ​യി​പ്പു​റം തോ​ട്ടു​ങ്ക​ല്‍ വീ​ട്ടി​ല്‍ വി​ലാ​സ​ന്‍റെ പു​ര​യി​ട​ത്തി​ലൂ​ടെ വൈ​ദ്യു​തി ലൈ​ന്‍ വ​ലി​ക്കു​ന്ന​തി​ന് ജി​ല്ലാ ക​ള​ക്ട​റു​ടെ​യും ആ​ര്‍​ഡി​ഒ​യു​ടെ​യും കോ​ട​തി​യു​ടെ​യും ഉ​ത്ത​ര​വു​ണ്ടെ​ന്ന് കെഎ​സ്ഇ​ബി പ​റ​ഞ്ഞ​ത് ക​ള​വാ​ണെ​ന്ന് വി​വ​രാ​വ​കാ​ശ രേ​ഖ.

മു​ഹ​മ്മ ഇ​ല​ക്ട്രി​ക്ക​ല്‍ സെ​ക‌്ഷ​ന്‍ ഓ​ഫീ​സ് അ​ധി​കൃ​ത​ര്‍​ക്ക് വി​ലാ​സ​ന്‍ ന​ല്‍​കി​യ വി​വ​രാ​വ​കാ​ശ അ​പേ​ക്ഷ​യ്ക്കു​ള്ള മ​റു​പ​ടി​യി​ലാ​ണ് വൈ​ദ്യു​തി ലൈ​ന്‍ വ​ലി​ക്കാ​ന്‍ ക​ള​ക്ട​റു​ടെ​യും ആ​ര്‍​ഡി​ഒ​യു​ടെ​യും അ​നു​മ​തി​യി​ല്ല എ​ന്ന മ​റു​പ​ടി ല​ഭി​ച്ച​ത്. സ്ഥ​ലം ഉ​ട​മ​യു​ടെ അ​നു​മ​തി​പ​ത്രം ഇ​ല്ലാ​തെ പു​ര​യി​ട​ത്തി​ലൂ​ടെ വൈ​ദ്യു​തി ലൈ​ന്‍ വ​ലി​ക്കാ​ന്‍ സ​ര്‍​ക്കാ​ര്‍ ച​ട്ട​ങ്ങ​ള്‍ അ​നു​വ​ദി​ക്കു​ന്നു​ണ്ടോ എ​ന്ന ചോ​ദ്യ​ത്തി​നും ഇ​ല്ലാ എ​ന്ന മ​റു​പ​ടി​യാ​ണ് ല​ഭി​ച്ച​ത്.

അ​നു​മ​തി​ പ​ത്ര​മി​ല്ലാ​തെ കെഎ​സ്ഇബി ത​ന്‍റെ പു​ര​യി​ട​ത്തി​ലൂ​ടെ വൈ​ദ്യു​തി ലൈ​ന്‍ വ​ലി​ക്കാ​ന്‍ ശ്ര​മി​ക്കു​ന്ന​താ​യി കാ​ണി​ച്ച് ആ​ല​പ്പു​ഴ ആ​ര്‍​ഡി​ഒ കോ​ട​തി​ക്ക് വി​ലാ​സ​ന്‍ നേ​ര​ത്തെ പ​രാ​തി ന​ല്‍​കി​യി​രു​ന്നു. ഈ ​പ​രാ​തി​യി​ല്‍ തീ​ര്‍​പ്പു​ണ്ടാ​കു​ന്ന​തി​ന് മു​ന്‍​പാ​ണ് പോ​ലീസ് സ​ന്നാ​ഹ​ത്തോ​ടെ ക​ഴി​ഞ്ഞ 23ന് ​കെ​എ​സ്ഇ​ബി മു​ഹ​മ്മ സെ​ക‌്ഷ​ന്‍ ഓ​ഫീ​സ് അ​ധി​കാ​രി​ക​ള്‍ ബ​ല​പ്ര​യോ​ഗ​ത്തി​ലൂ​ടെ വൈ​ദ്യു​തി ലൈ​ന്‍ വ​ലി​ക്കാ​ന്‍ ശ്ര​മി​ച്ച​ത്.

ക​ളക്ട​റു​ടെ​യും ആ​ര്‍ഡിഒയു​ടെ​യും ഉ​ത്ത​ര​വ് കാ​ണി​ക്കാ​ന്‍ വീ​ട്ടു​കാ​ര്‍ ആ​വ​ശ്യ​പ്പെ​ട്ടെ​ങ്കി​ലും കാ​ണി​ച്ചി​ല്ല. ഉ​ത്ത​ര​വു​ണ്ടെ​ന്ന നി​ല​പാ​ട് ആ​വ​ര്‍​ത്തി​ച്ച് കു​ടും​ബ​ത്തെ ഭീ​തി​യി​ലാ​ഴ്ത്തു​ക​യാ​യി​രു​ന്നു. നി​യ​മവി​രു​ദ്ധ​മാ​യ ന​ട​പ​ടി പാ​ടി​ല്ലെ​ന്ന നി​ല​പാ​ട് വി​ലാ​സ​ന്‍ സ്വീ​ക​രി​ച്ച​തോ​ടെ​യാ​ണ് കെ​എ​സ്ഇ​ബി പി​ന്‍​വാ​ങ്ങി​യ​ത്.
Copyright @ 2018 , Rashtra Deepika Ltd.