24

പാ​റ​ശാ​ല: ക​ളി​യി​ക്കാ​വി​ള​യി​ലെ​യും പാ​റ​ശാ​ല അ​തി​ര്‍​ത്തി​യി ലെ​യും സ്വ​കാ​ര്യ ഗോ​ഡൗണു​ക​ളി​ല്‍ അ​ന​ധി​കൃ​തമാ​യി സം​ഭ​രി​ച്ചി​രു​ന്ന 25,000 കി​ലോ (500ചാ​ക്ക്) റേ​ഷ​ന​രി സി​വി​ല്‍ സ​പ്ലൈ​സ് ഉ​ദ്യോ​ഗ​സ്ഥ​ര്‍ പി​ടി​കൂ​ടി.​ദേ​ശീ​യ​പാ​ത​യ്ക്ക് സ​മീ​പം ഇ​ഞ്ചി​വി​ള​യിലെ ​ഗോ​ഡൗ​ണു​ക​ളി​ല്‍ ന​ട​ത്തി​യ പ​രി​ശോ​ധ​ന​യിലാ​ണ് ത​മി​ഴ്‌​നാ​ട് റേ​ഷ​ന​രി പി​ടി​ച്ചെ​ടു​ത്തത്.

​നെ​യ്യാ​റ്റി​ന്‍​ക​ര താ​ലൂ​ക്ക് സ​പ്ലൈ ഓ​ഫീ​സ​ര്‍​ക്ക് ല​ഭി​ച്ച​ ര​ഹ​സ്യ​വി​വ​ര​ത്തെ തു​ട​ര്‍​ന്നാ​യി​രു​ന്നു പ​രി​ശോ​ധ​ന. റേ​ഷ​ന​രി​യെ ബ്രാ​ന്‍​ഡ​ഡ് അ​രി​യാ​ക്കി പൊ​തു​മാ​ര്‍​ക്ക​റ്റി​ല്‍ വി​ല്പ​ന​യ്ക്കാ​യി സൂ​ക്ഷി​ച്ചി​രി​ക്കു​ക​യാ​യി​രു​ന്നു. രാ​വി​ലെ മു​ത​ല്‍ ആ​രം​ഭി​ച്ച പ​രി​ശോ​ധ​ന വൈ​കുന്നേരം അഞ്ചുവരെ തുടർന്നു. പ​രി​ശോ​ധ​ന ന​ട​ക്കു​ന്ന അ​വ​സ​ര​ത്തി​ലും ത​മി​ഴ്‌​നാ​ട്ടി​ല്‍നി​ന്ന് ഇ​രു​ച​ക്ര​വാ​ഹ​ന​ത്തി​ല്‍ ഗോ​ഡൗ​ണി​ലേക്ക് റേഷനരി എത്തിച്ചുകൊ ണ്ടിരുന്നു. പി​ന്നാ​ലെ​യെ​ത്തി​യ ത​മി​ഴ്‌​നാ​ട് പോ​ലീ​സും സി​വി​ല്‍ സ​പ്ലൈ​സ് ഉ​ദ്യോ​ഗ​സ്ഥ​രും അ​രി വി​ട്ടു​കി​ട്ട​ണ​മെ​ന്നാ​വ​ശ്യ​പ്പെ​ട്ട് ഗോ​ഡൗ​ണി​ന് മു​ന്നി​ലെ​ത്തി​യെ​ങ്കി​ലും കേ​ര​ള സി​വി​ല്‍ സ​പ്ലൈ​സ് ഉ​ദ്യോ​ഗ​സ്ഥ​ര്‍ ത​യാ​റാ​യി​ല്ല. ജി​ല്ലാ സ​പ്ലൈ ഓ​ഫീ​സ​ര്‍ എ​സ്.​ആ​ര്‍.​ സ്മി​ത​യു​ടെ നേ​തൃ​ത്വ​ത്തി​ല്‍ താ​ലൂ​ക്ക് സ​പ്ലൈ ഓ​ഫീ​സ​ര്‍​മാ​രാ​ണ് പ​രി​ശോ​ധ​ന ന​ട​ത്തി​യ​ത്.​

Tags : ration NattuVishasham DistrictNews