ആലപ്പുഴ: മനുഷ്യാവകാശ കമ്മീഷൻ ഇടപെട്ടതിനെത്തുടർന്ന് മൂലം വള്ളംകളിയിൽ അപകടം ഒഴിവാക്കാൻ ജില്ലാ ഭരണകൂടം നിർദേശം നൽകി.
29ന് നടക്കുന്ന ചമ്പക്കുളം മൂലം വള്ളംകളിയിൽ ശാസ്ത്രീയമായ മത്സരക്രമവും കളിവള്ളങ്ങൾ അപകടത്തിൽപ്പെടുന്നതും ഒഴിവാക്കാനുള്ള കർശന നിർദേശങ്ങൾ ജില്ലാ ഭരണകൂടം നൽകിയതായി കുട്ടനാട് തഹസിൽദാർ മനുഷ്യാവകാശ കമ്മീഷനെ അറിയിച്ചു.
കമ്മീഷൻ അംഗം വി. ഗീതയുടെ നിർദേശാനുസരണമാണ് നടപടി. 2023 ജൂൺ നാലിന് നടന്ന ചമ്പക്കുളം മൂലം വള്ളംകളിയിൽ 21 വനിതകൾ തുഴഞ്ഞ തെക്കനോടി വള്ളം മറിഞ്ഞ് അപകടമുണ്ടായ സംഭവത്തിന്റെ അടിസ്ഥാനത്തിൽ ഇത്തരം അപകടങ്ങൾ ആവർത്തിക്കാതിരിക്കാൻ നടപടിയെടുക്കണമെന്നാവശ്യപ്പെട്ട് സമർപ്പിച്ച പരാതിയിലാണ് കമ്മീഷൻ ഇടപെട്ടത്.
പൊതുപ്രവർത്തകനായ അഡ്വ. വി. ദേവദാസ് സമർപ്പിച്ച പരാതിയിലാണ് നടപടി.
Tags : danger Nattuvishesham District news