അഞ്ചുമൂർത്തിമംഗലത്തെ അപകടത്തിൽ തകർന്ന ബസ്
വടക്കഞ്ചേരി: ദേശീയപാത അഞ്ചുമൂർത്തിമംഗലത്ത് ബസിനു പിന്നിൽ ലോറിയിടിച്ച് മൂന്നു വിദ്യാർഥികൾക്ക് പരിക്കേറ്റു. അണക്കപ്പാറ സ്വദേശികളായ മുർഷീന (15), ഫഹദ് (15), മംഗലം അൻവിയ (13) എന്നിവർക്കാണ് പരിക്കേറ്റത്. ഇവരെ ആലത്തൂർ താലൂക്ക് ആശുപത്രിയിൽ പ്രവേശിച്ചു. ആരുടേയും പരിക്ക് സാരമുള്ളതല്ല. ഇന്നലെ വൈകുന്നേരം 4.40നായിരുന്നു അപകടം. പാലക്കാട് ഭാഗത്തേക്കു പോവുകയായിരുന്ന സ്വകാര്യബസ് കൊല്ലത്തറ സ്റ്റോപ്പിൽ നിർത്തിയപ്പോൾ പിറകെ പോയിരുന്ന ലോറി ഇടിക്കുകയായിരുന്നു.
ഇടിയുടെ അഘാതത്തിൽ ലോറിയുടെ മുൻഭാഗവും ബസിന്റെ പിൻഭാഗവും തകർന്നു.ലോറി ഡ്രൈവർ പരിക്കേൽക്കാതെ രക്ഷപ്പെട്ടു. കനത്തമഴയിൽ ദേശീയപാതയിൽ വാഹനങ്ങൾ ബ്രേക്ക് ചെയ്യുമ്പോൾ തെന്നി നിയന്തണം തെറ്റുന്ന സ്ഥിതിയുണ്ട്. ഒരാഴ്ച മുമ്പാണ് ഇവിടെ അടുത്തുതന്നെ പാതയോരത്ത് നിർത്തിയ കാറിനു പിന്നിൽ പാർസൽ ലോറിയിടിച്ച് തമിഴ്നാട് സ്വദേശിയായ യുവാവ് മരിച്ചത്.
Tags : Nattuvishesham District news