ചെങ്ങന്നൂർ നഗരസഭ 25-ാം വാർഡിൽ നിരോധിത പുകയില ഉത്പന്നങ്ങൾ വില്പന നടത്തുന്ന കടകളിൽ സീനിയർ പബ്ലിക് ഹെൽത്ത് ഇൻസ്പെക്ടർ സി. നിഷയുടെ നേതൃത്വത്തിൽ പരിശോധന
ചെങ്ങന്നൂർ: നഗരസഭാ പരിധിയിൽ നിരോധിത പുകയില ഉത്പന്നങ്ങൾ വിൽക്കുന്നവർക്കെതിരേ നഗരസഭാ ആരോഗ്യവിഭാഗം സ്ക്വാഡ് കർശന നടപടി സ്വീകരിച്ചു. 25-ാം വാർഡിൽ റോഡരികിൽ പുകയില ഉത്പന്നങ്ങൾ വില്പന നടത്തിയിരുന്ന മൂന്നു കടകൾ നഗരസഭ പൊളിച്ചുമാറ്റുകയും ഉത്പന്നങ്ങൾ പിടിച്ചെടുക്കുകയും ചെയ്തു. സീനിയർ പബ്ലിക് ഹെൽത്ത് ഇൻസ്പെക്ടർ സി. നിഷ, പബ്ലിക് ഹെൽത്ത് ഇൻസ്പെക്ടർ സി. മനോജ് എന്നിവരുടെ നേതൃത്വത്തിലായിരുന്നു പരിശോധന.
വാർഡ് കൗൺസിലർ സിനി ബിജു നൽകിയ പരാതിയെത്തുടർന്നാണ് നഗരസഭ ഉദ്യോഗസ്ഥർ സ്ഥലത്തെത്തി നടപടിയെടുത്തത്.
വരും ദിവസങ്ങളിലും നഗരസഭാ പരിധിയിൽ വ്യാപക പരിശോധന തുടരുമെന്നും നിയമലംഘകർക്കെതിരേ കർശനമായ നിയമനടപടികൾ സ്വീകരിക്കുമെന്നും പൊളിച്ചുനീക്കിയത്. സീനിയർ പബ്ലിക്ക് ഹെൽത്ത് ഇൻസ്പെക്ടർ സി. നിഷ പറഞ്ഞു.