പൊൻകുന്നം കർഷക സംഘത്തിന്റെ നേതൃത്വത്തിൽ അവതരിപ്പിക്കുന്ന ‘ജീവന ലഹരി’ നൃത്തസംഗീത സംഘനാടകത്തിൽ നിന്ന്.
പൊൻകുന്നം: കർഷക സംഘത്തിന്റെ നേതൃത്വത്തിൽ നടത്തി വരുന്ന ലഹരി വിരുദ്ധ പ്രവർത്തനങ്ങൾ ഓപ്പറേഷൻ തൂഫാനുമായി കൈക്കോർക്കുന്നു. ആറുമാസത്തിനുള്ളിൽ 25ൽ പരം വേദികളിൽ അവതരിപ്പിച്ച ജീവന ലഹരി എന്ന നൃത്തസംഗീത സംഘനാടകം ആഭ്യന്തര മന്ത്രി രമേശ് ചെന്നിത്തല ഉദ്ഘാടനം ചെയ്ത ഓപ്പറേഷൻ തൂഫാൻ കാഞ്ഞിരപ്പള്ളി നിയോജക മണ്ഡലംതല ഉദ്ഘാടന വേദിയിൽ അവതരിപ്പിച്ച് പ്രേഷക പ്രശംസ നേടിയിരുന്നു.
22 കർഷകരാണ് സംഘാംഗങ്ങൾ. ചെങ്കൽ കപ്പൂച്ചിൻ ആശ്രമാധിപനും ഫിലിം ക്രിട്ടിക്സ് അവാർഡ് ജേതാവും സംവിധായകനുമായ ഫാ.ഡോ. റോയി കാരക്കാട്ടാണ് രചനയും സംവിധാനവും നിർവഹിച്ചിരിക്കുന്നത്. ലഹരിക്കെതിരേ കുട്ടികളെയും സ്ത്രീകളെയും ബോധവത്കരിക്കുകയാണ് നാടകത്തിന്റെ മുഖ്യലക്ഷ്യം.
കേരളത്തിൽ എല്ലായിടങ്ങളിലും നാടകം അവതരിപ്പിക്കുവാനുള്ള അനുമതിക്കായി ആഭ്യന്തരമന്ത്രിക്ക് നിവേദനം നൽകി കാത്തിരിക്കുകയാണ് സംഘാംഗങ്ങൾ.
Tags : Nattuvishesham District news