ഇരിങ്ങാലക്കുട സെന്റ് തോമസ് കത്തീഡ്രലിലെ ദുക്റാന തിരുനാളിനോടനുബന്ധിച്ച് നടന്ന ഊട്ടുനേര്ച്ചയുടെ വെഞ്ചരിപ്പ് ഇരിങ്ങാലക്കുട രൂപത ബിഷപ് മാര് പോളി കണ്ണൂക
ഇരിങ്ങാലക്കുട: വിശ്വാസത്തിന്റെ പ്രകാശവും സാഹോദര്യത്തിന്റെ സന്ദേശവും ഒരുമിച്ചുചേര്ന്ന ദുക്റാന തിരുനാളിന് ഇരിങ്ങാലക്കുട സെന്റ് തോമസ് കത്തീഡ്രലില് ഭക്തിസാന്ദ്രമായ സമാപനം. ഊട്ടുസദ്യയില് കാല്ലക്ഷത്തിലധികം വിശ്വാസികള് പങ്കാളികളായി. രാവിലെ 7.30ന് നടന്ന ദിവ്യബലിക്ക് ഇരിങ്ങാലക്കുട ബിഷപ് മാര് പോളി കണ്ണൂക്കാടന് മുഖ്യകാര്മികത്വം വഹിച്ചു. വിശുദ്ധ തോമാശ്ലീഹായുടെ വിശ്വാസസാക്ഷ്യം ഇന്നത്തെ സമൂഹത്തിനും ക്രൈസ്തവജീവിതത്തിനും വഴികാട്ടിയാണെന്ന് അദ്ദേഹം ദിവ്യബലിമധ്യേ നടത്തിയ സന്ദേശത്തില് ഓര്മിപ്പിച്ചു.
ദിവ്യബലിക്കുശേഷം ദുക്റാന ഊട്ടുനേര്ച്ചയുടെ വെഞ്ചരിപ്പുകര്മവും ബിഷപ് മാര് പോളി കണ്ണൂക്കാടന് നിര്വഹിച്ചു. രാവിലെ 10.30ന് നടന്ന ആഘോഷമായ തിരുനാള് ദിവ്യബലിക്ക് ക്രൈസ്റ്റ് എന്ജിനീയറിംഗ് കോളജ് ഡയറക്ടര് ഫാ. ജോണ് പാലിയേക്കര സിഎംഐ മുഖ്യകാര്മികത്വം വഹിച്ചു. ഫാ. ജോബി മേനോത്ത് തിരുനാള്സന്ദേശം നല്കി.
കത്തീഡ്രല് വികാരി ഫാ.ഡോ. ലാസര് കുറ്റിക്കാടൻ, അസിസ്റ്റന്റ് വികാരിമാരായ ഫാ. ലിന്റോ കാരേക്കാടന്, ഫാ. ക്രിസ്റ്റോണ് കൈനാടത്തുപറമ്പിൽ, ഫാ. ജസ്റ്റിന് കളര്പാറ, കൈക്കാരന്മാരായ പി.ടി. ജോര്ജ് പള്ളൻ, സാബു ജോര്ജ് ചെറിയാടൻ, തോമസ് തൊകലത്ത്, അഡ്വ. എം.എം. ഷാജന് മാണിക്കത്തുപറമ്പിൽ, തിരുനാള് ജോയിന്റ് കണ്വീനര്മാരായ ഡേവിസ് ചക്കാലക്കൽ, ജെയ്സണ് പൊന്തോക്കന്, ഷാജു അബ്രാഹം കണ്ടംകുളത്തി, അഡ്വ. ഹോബി ജോളി ആഴ്ചങ്ങാടന് എന്നിവര് നേതൃത്വം നല്കി.
Tags : Nattuvishesham District news