തിരുവനന്തപുരം: വയലാർ രാമവർമ സാംസ്കാരിക വേദിയും ചെമ്പൈ മെമ്മോറിയൽ ട്രസ്റ്റും സംയുക്തമായി നടത്തുന്ന പഞ്ചദിന വയലാർ രാമവർമ കർണാടക സംഗീതോത്സവം 15 മുതൽ 19 വരെ ശ്രീവരാഹം അയോദ്ധ്യ നഗർ ചെമ്പൈ മെമ്മോറിയൽ ഹാളിൽ നടക്കും.
15ന് വൈകുന്നേരം 5.30ന് നടക്കുന്ന ഉദ്ഘാടന സമ്മേളനം തിരുവിതാംകൂർ ദേവസ്വം ബോർഡ് ചെയർമാൻ കെ. ജയകുമാർ, റിട്ട. ചീഫ് സെക്രട്ടറി ആർ. രാമചന്ദ്രൻ നായർ, ഡോ. ജോർജ് ഓണക്കൂർ, പത്മശ്രീ കെ. ഓമനക്കുട്ടി എന്നിവർ ചേർന്ന് ഉദ്ഘാടനം ചെയ്യും. വയലാർ രാമവർമ സാംസ്കാരിക വേദി പ്രസിഡന്റ് ഡോ. ജി. രാജ്മോഹൻ അധ്യക്ഷത വഹിക്കും.
16ന് വൈകുന്നേരം 5.30ന് നടക്കുന്ന സാംസ്കാരിക സമ്മേളനം മന്ത്രി സി.പി. ജോൺ ഉദ്ഘാടനം ചെയ്യും. ഡോ. ജി. രാജ്മോഹൻ അധ്യക്ഷനാകും. സി. നീലകണ്ഠൻ സ്വാഗതം പറയും. മുൻ മേയർ അഡ്വ. കെ. ചന്ദ്രിക മുഖ്യപ്രഭാഷണം നടത്തും. വൈകുന്നേരം 6.15ന് ഡി.ആർ. ഭരത്കൃഷ്ണന്റെ സംഗീതക്കച്ചേരിയുണ്ടാകും.
17ന് വൈകുന്നേരം 5.30ന് നടക്കുന്ന സാംസ്കാരിക സമ്മേളനം ജി.ആർ. അനിൽ എംഎൽഎ ഉദ്ഘാടനം ചെയ്യും. പ്രശസ്ത സംഗീതജ്ഞ അരുന്ധതി മുഖ്യപ്രഭാഷണം നടത്തും. 6.15ന് കുമാരി രേവതി എസ്. ശർമയുടെ സംഗീതക്കച്ചേരി നടക്കും.
18ന് വൈകുന്നേരം 5.30ന് നടക്കുന്ന സാംസ്കാരിക സമ്മേളനം ഭാഷാ ഇൻസ്റ്റിറ്റ്യൂട്ട് മുൻ ഡയറക്ടർ ഡോ. എം.ആർ. തമ്പാൻ ഉദ്ഘാടനം ചെയ്യും. സാഹിത്യകാരി ഗിരിജ സേതുനാഥ് മുഖ്യപ്രഭാഷണം നടത്തും. 6.15ന് കുമാരി അരുണിമ അശോക് നയിക്കുന്ന സംഗീതക്കച്ചേരിയുണ്ടാകും.
19ന് വൈകുന്നേരം 5.30ന് സമാപന സമ്മേളനം മന്ത്രി പി.സി. വിഷ്ണുനാഥ് ഉദ്ഘാടനം ചെയ്യും. ഡോ. ജി. രാജ്മോഹൻ അധ്യക്ഷനാകും. മന്ത്രി കെ. മുരളീധരൻ വയലാർ രാമവർമ കർണ്ണാടക സംഗീത പുരസ്കാരം പ്രഫ. വൈക്ക വേണുഗോപാലിനു സമർപ്പിക്കും.