5

മ​റ​യൂ​ർ: മ​ഞ്ഞ​പ്പെ​ട്ടി ഭാ​ഗ​ത്ത് പോ​ണ്ടി​ച്ചേ​രി​യി​ൽനി​ന്നെ​ത്തി​യവർ സ​ഞ്ച​രി​ച്ച ട്ര​ക്കിം​ഗ് ജീ​പ്പ് നി​യ​ന്ത്ര​ണംവി​ട്ടു മ​റി​ഞ്ഞ് അ​ഞ്ചു​പേ​ർ​ക്ക് പ​രി​ക്ക്. ഇ​തി​ൽ ര​ണ്ടു​പേ​രു​ടെ നി​ല ഗു​രു​ത​രം.

ശ​നി​യാ​ഴ്ച രാ​വി​ലെ പത്തിന് മൂ​ന്നാ​ർ - മ​റ​യൂ​ർ അ​ന്ത​ർസം​സ്ഥാ​ന പാ​ത​യി​ലെ മ​ഞ്ഞ​പ്പെ​ട്ടി​യി​ലെ കൊ​ടും​വ​ള​വി​ന് മു​ക​ളി​ലാ​ണ് അ​പ​ക​ട​മു​ണ്ടാ​യ​ത്. പോ​ണ്ടി​ച്ചേ​രി സ്വ​ദേ​ശി​ക​ളാ​യ 12 അം​ഗ സം​ഘം ര​ണ്ട് ജീ​പ്പു​ക​ളി​ലാ​യി മ​റ​യൂ​ർ - കാ​ന്ത​ല്ലൂ​ർ മേ​ഖ​ല​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്ക് പോ​കു​ക​യാ​യി​രു​ന്നു. മ​ഞ്ഞ​പ്പെ​ട്ടി​യി​ലെ വ​ള​വി​ൽ നി​യ​ന്ത്ര​ണം വി​ട്ട ജീ​പ്പ് ത​ല​കു​ത്തി എ​തി​ർ​ദി​ശ​യി​ലേ​ക്ക് മ​റി​യു​ക​യാ​യി​രു​ന്നു.

ജീ​പ്പ് ഡ്രൈ​വ​ർ മ​റ​യൂ​ർ നാ​ച്ചി​വ​യ​ൽ സ്വ​ദേ​ശി സ​ഞ്ജ​യ് (22), പോ​ണ്ടി​ച്ചേ​രി സ്വ​ദേ​ശി​ക​ളാ​യ കു​മാ​ർ (54), ഗം​ഗാ​ധ​ര​ൻ (48), രാം​കു​മാ​ർ (43), ഡോ. ​സു​രേ​ഷ് എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​വ​രെ മ​റ​യൂ​ർ കു​ടും​ബാ​രോ​ഗ്യ കേ​ന്ദ്ര​ത്തി​ൽ എ​ത്തി​ച്ച് പ്രാ​ഥ​മി​ക ചി​കി​ത്സ ന​ൽ​കി. ഡ്രൈ​വ​ർ സ​ഞ്ജ​യ്‌യു​ടെ​യും കു​മാ​റി​ന്‍റെ​യും പ​രി​ക്കു​ക​ൾ ഗു​രു​ത​ര​മാ​യ​തി​നാ​ൽ ഉ​ദുമ​ൽ​പ്പേ​ട്ട​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

മ​റ്റ് വാ​ഹ​ന​ങ്ങ​ളി​ലെ​ത്തി​യ​വ​രു​ടെ സ​ഹാ​യ​ത്തോ​ടെ ജീ​പ്പ് ഉ​യ​ർ​ത്തി പ​രി​ക്കേ​റ്റ​വ​രെ പു​റ​ത്തെ​ടു​ത്ത് ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. മ​റ​യൂ​ർ പോ​ലീ​സ് ​സ്ഥ​ല​ത്തെ​ത്തി മേ​ൽ​ന​ട​പ​ടി​ക​ൾ സ്വീ​ക​രി​ച്ചു.

Tags : Nattuvishesham District news