24

ചാ​രും​മൂ​ട്: തെ​രു​വുനാ​യ ശ​ല്യം രൂ​ക്ഷ​മാ​യ ചാ​രും​മൂ​ട് ടൗ​ണി​ൽ വ്യാ​പാ​രി​യ​ട​ക്കം അ​ഞ്ചു പേ​ർ​ക്ക് തെ​രു​വുനാ​യ​യു​ടെ ക​ടി​യേ​റ്റു. ഇ​ന്ന​ലെ രാ​വി​ലെ പ​തി​നൊ​ന്നിനായി​രു​ന്നു സം​ഭ​വം. ടൗ​ണി​ന്‍റെ കി​ഴ​ക്കേ ബ​സ്‌​ സ്റ്റോ​പ്പി​നു സ​മീ​പ​മാ​യി​രു​ന്നു തെ​രു​വു​നാ​യ​യു​ടെ ആ​ക്ര​മ​ണം ഉ​ണ്ടാ​യ​ത്.

വ്യാ​പാ​രി​യാ​യ ഷൗ​ക്ക​ത്തി​ന്‍റെ കാ​ലി​ൽ ക​ടി​ച്ചി​ട്ട് ഓ​ടി​യ നാ​യ യാ​ത്ര​ക്കാ​രി​യാ​യ വ​യോ​ധി​ക​യേ​യും ക​ടി​ച്ചു. തു​ട​ർ​ന്നാ​ണ് ഭ​ക്ഷ​ണ അ​ല​മാ​ര​യി​ൽനി​ന്നും ഭ​ക്ഷ​ണ​പ്പൊ​തി വാ​ങ്ങാ​നെ​ത്തി​യ വ​യോ​ധി​ക​നെ നാ​യ ആ​ക്ര​മി​ച്ച​ത്.

അ​ടു​ത്ത ഷോ​പ്പി​ലേ​ക്ക് വ​ന്ന യു​വ​തി​യെ ആ​ക്ര​മി​ക്കാ​നൊ​രു​ങ്ങി​യ​പ്പോ​ൾ ര​ക്ഷി​ക്കാ​ൻ വ​ന്ന വ​യോ​ധി​ക​നെ നാ​യ ആ​ക്ര​മി​ക്കു​ക​യാ​യി​രു​ന്നു.

ക​ടി​യേ​റ്റി​ട്ടും ഇ​ദ്ദേ​ഹം നാ​യ​യെ പി​ടി​ച്ചു നി​റു​ത്തി. ഇ​തു ക​ണ്ട് വ​ടിക​ളു​മാ​യി ഓ​ടി​വ​ന്ന യാ​ത്ര​ക്കാ​രി​ൽ ചി​ല​ർ നാ​യ​യെ അ​ടി​ച്ചി​ട്ട​തോ​ടെ​യാ​ണ് വ​യോ​ധി​ക​നെ ര​ക്ഷി​ക്കാ​നാ​യ​ത്. നാ​ട്ടു​കാ​ർ അ​ടി​ച്ചുവീ​ഴ്ത്തി​യ നാ​യ പി​ന്നീ​ട് ച​ത്തു.

നാ​യ​യു​ടെ ക​ടി​യേ​റ്റ് പ​രി​ക്കേ​റ്റ മൂ​ന്നു പേ​രെ അ​ടൂ​ർ താ​ലൂ​ക്ക് ആ​ശു​പ​ത്രി​യി​ലും ഒ​രാ​ളെ നൂ​റ​നാ​ട് കെ​സി​എം ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. ഒ​രാ​ൾ സാ​നി​ട്ടോ​റി​യം ആ​ശു​പ​ത്രി​യി​ൽ ചി​കി​ത്സതേ​ടി. ചാ​രും​മൂ​ട് ടൗ​ണി​ൽ തെ​രു​വു​നാ​യ​ക​ളു​ടെ ശ​ല്യം രൂ​ക്ഷ​മാ​യി​ട്ടും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ ന​ട​പ​ടി സ്വീ​ക​രി​ക്കാ​ത്ത​തി​നെ​തി​രേ ജ​ന​ങ്ങ​ളു​ടെ പ്ര​തി​ഷേ​ധം ശ​ക്ത​മാ​ണ്.

Tags : NattuVishesham DistrictNews