9

മ​ണ്ണാ​ർ​ക്കാ​ട്: സം​സ്ഥാ​ന​ത്തെ സോ​ളാ​ർ ഫെ​ൻ​സു​ക​ളു​ടെ പ്ര​വ​ർ​ത്ത​നം കൂ​ടു​ത​ൽ കാ​ര്യ​ക്ഷ​മ​മാ​യി നി​രീ​ക്ഷി​ക്കു​ന്ന​തി​നാ​യി വ​നം​വ​കു​പ്പ് പു​തി​യ ഓ​ൺ​ലൈ​ൻ റി​പ്പോ​ർ​ട്ടിം​ഗ് സം​വി​ധാ​ന​വും മോ​ണി​റ്റ​റിം​ഗ് പോ​ർ​ട്ട​ലും വി​ക​സി​പ്പി​ച്ചു.

സം​സ്ഥാ​ന​ത്ത് വ​നം​വ​കു​പ്പ് സ്ഥാ​പി​ച്ച സോ​ളാ​ർ ഫെ​ൻ​സു​ക​ളു​ടെ പ്ര​വ​ർ​ത്ത​ന​ക്ഷ​മ​ത, അ​റ്റ​കു​റ്റ​പ്പ​ണി​ക​ൾ, പ​രി​ശോ​ധ​ന​ക​ൾ എ​ന്നി​വ സം​ബ​ന്ധി​ച്ച വി​വ​ര​ങ്ങ​ൾ ശേ​ഖ​രി​ക്കു​ന്ന​ത് ഇ​തു​വ​രെ സ​മ​യ​മെ​ടു​ക്കു​ന്ന​തും ശ്ര​മ​ക​ര​വു​മാ​യ പ്ര​ക്രി​യ​യാ​യി​രു​ന്നു. ഇ​തു​പ​രി​ഹ​രി​ക്കു​ന്ന​തി​നാ​യാ​ണ് പു​തി​യ ഡി​ജി​റ്റ​ൽ സം​വി​ധാ​നം ഇ​പ്പോ​ൾ സ​ജ്ജ​മാ​ക്കി​യി​രി​ക്കു​ന്ന​ത്.

സം​സ്ഥാ​ന​ത്തെ എ​ല്ലാ ഫോ​റ​സ്റ്റ് സ്റ്റേ​ഷ​ൻ, സെ​ക്്ഷ​ൻ പ​രി​ധി​ക​ളി​ലു​ള്ള സോ​ളാ​ർ ഫെ​ൻ​സു​ക​ളു​ടെ പ്ര​വ​ർ​ത്ത​ന നി​ല ഈ ​ഓ​ൺ​ലൈ​ൻ പോ​ർ​ട്ട​ലി​ലൂ​ടെ റി​പ്പോ​ർ​ട്ട് ചെ​യ്യാ​ൻ സാ​ധി​ക്കും. പ്ര​വ​ർ​ത്തി​ക്കു​ന്ന​തും പ്ര​വ​ർ​ത്തി​ക്കാ​ത്ത​തു​മാ​യ ഫെ​ൻ​സു​ക​ളു​ടെ ദൈ​ർ​ഘ്യം, നാ​ശ​ന​ഷ്ട​ങ്ങ​ൾ, അ​റ്റ​കു​റ്റ​പ്പ​ണി​ക​ൾ, പ​രി​ശോ​ധ​ന രേ​ഖ​ക​ൾ എ​ന്നി​വ ഇ​തി​ൽ ഉ​ൾ​പ്പെ​ടു​ത്തും.

ഫോ​റ​സ്റ്റ് സ്റ്റേ​ഷ​ൻ, സെ​ക്്ഷ​ൻ ത​ല​ങ്ങ​ളി​ൽ നി​ന്ന് റി​പ്പോ​ർ​ട്ട് ചെ​യ്യു​ന്ന വി​വ​ര​ങ്ങ​ൾ ഓ​ൺ​ലൈ​ൻ മോ​ണി​റ്റ​റിം​ഗ് പോ​ർ​ട്ട​ലി​ൽ സ​മാ​ഹ​രി​ച്ച് ഡാ​ഷ് ബോ​ർ​ഡി​ലൂ​ടെ ല​ഭ്യ​മാ​ക്കും.

ഓ​രോ സോ​ളാ​ർ ഫെ​ൻ​സ് സ്ട്രെ​ച്ചി​ന്‍റേ​യും നി​ല​വി​ലെ പ്ര​വ​ർ​ത്ത​ന നി​ല നി​രീ​ക്ഷി​ക്കാ​നും അ​വ​സാ​ന പ​രി​ശോ​ധ​ന​യ്ക്ക് ശേ​ഷം 48 മ​ണി​ക്കൂ​റി​ല​ധി​ക​മാ​യി പ​രി​ശോ​ധി​ക്കാ​ത്ത ഭാ​ഗ​ങ്ങ​ൾ ക​ണ്ടെ​ത്താ​നും ഈ ​സം​വി​ധാ​നം സ​ഹാ​യ​ക​ര​മാ​കും.

ഫെ​ൻ​സു​ക​ൾ നി​ശ്ചി​ത ഇ​ട​വേ​ള​ക​ളി​ൽ പ​രി​ശോ​ധി​ക്ക​പ്പെ​ടു​ന്നു​ണ്ടോ എ​ന്ന് ഉ​റ​പ്പാ​ക്കു​ന്ന​തി​നും പ്ര​വ​ർ​ത്ത​ന​ര​ഹി​ത​മാ​യ ഭാ​ഗ​ങ്ങ​ളി​ൽ ഉ​ട​ൻ അ​റ്റ​കു​റ്റ​പ​ണി ആ​രം​ഭി​ക്കു​ന്ന​തി​നും പോ​ർ​ട്ട​ൽ വ​ഴി​യൊ​രു​ക്കും.

ഒ​രൊ​റ്റ ക്ലി​ക്കി​ൽ സം​സ്ഥാ​ന​ത്തെ എ​ല്ലാ സോ​ളാ​ർ ഫെ​ൻ​സു​ക​ളു​ടെ​യും ത​ത്സ​മ​യ പ്ര​വ​ർ​ത്ത​ന അ​വ​ലോ​ക​നം ല​ഭ്യ​മാ​കു​മെ​ന്ന​താ​ണ് പു​തി​യ സം​വി​ധാ​ന​ത്തി​ന്‍റെ പ്ര​ത്യേ​ക​ത​യെ​ന്നു വ​നം​വ​കു​പ്പ് അ​റി​യി​ച്ചു.

തി​രു​വി​ഴാം​കു​ന്ന് വ​ന​മേ​ഖ​ല​യി​ൽ 2024 ജ​നു​വ​രി ഒ​ന്നു​മു​ത​ൽ 2026 മാ​ർ​ച്ച് 30 വ​രെ 93 ത​വ​ണ കാ​ട്ടാ​ന​ക​ൾ ഫെ​ൻ​സിം​ഗ് ത​ക​ർ​ത്ത വി​വ​രം ക​ഴി​ഞ്ഞ​ദി​വ​സം ക​ണ്ട​മം​ഗ​ലം സ്വ​ദേ​ശി സോ​ണി പ്ലാ​ത്തോ​ട്ട​ത്തി​ൽ ന​ൽ​കി​യ വി​വ​രാ​വ​കാ​ശ​രേ​ഖ​യി​ലൂ​ടെ പു​റ​ത്തു​വ​ന്നി​രു​ന്നു. അ​മ്പ​ല​പ്പാ​റ മു​ത​ൽ മേ​ക്ക​ള​പ്പാ​റ പൊ​തു​വ​പ്പാ​ടം വ​രെ വ​രു​ന്ന 13 കി​ലോ​മീ​റ്റ​ർ ഫെ​ൻ​സിം​ഗ് ആ​ണ് പ​ല​പ്പോ​ഴാ​യി കാ​ട്ടാ​ന​ക​ൾ ത​ക​ർ​ത്ത​ത്. ഇ​ക്കാ​ര്യം വ​നം​വ​കു​പ്പ് അ​റി​യു​ന്ന​തി​നും പ​രി​ഹാ​രം ക​ണ്ടെ​ത്തു​ന്ന​തി​നും സാ​ധി​ച്ചി​രു​ന്നി​ല്ല. ഇ​തോ​ടെ ഈ ​മേ​ഖ​ല​യി​ൽ കാ​ട്ടാ​ന​ക​ൾ ഇ​റ​ങ്ങു​ന്ന​ത് പ​തി​വാ​ണ്. ഇ​ത്ത​ര​ത്തി​ലു​ള്ള വി​ഷ​യ​ങ്ങ​ൾ പു​തി​യ ഡി​ജി​റ്റ​ൽ സം​വി​ധാ​ന​ത്തി​ലൂ​ടെ അ​താ​തു സ​മ​യ​ത്ത് പ​രി​ഹ​രി​ക്ക​പ്പെ​ടാ​ൻ ആ​കു​മെ​ന്നാ​ണ് വ​നം​വ​കു​പ്പ് പ്ര​തീ​ക്ഷി​ക്കു​ന്ന​ത്.

Tags : Nattuvishesham Local News Forest Department