31

aമു​ത്ത​ങ്ങ: ദേ​ശീ​യ​പാ​ത​യി​ല്‍ ബ​ന്ദി​പ്പു​ര വ​ന​മേ​ഖ​ല​യി​ല്‍ കാ​ട്ടാ​ന ആ​ക്ര​മ​ണ​ത്തി​ല്‍​നി​ന്നു ര​ക്ഷ​പ്പെ​ട്ട​തി​ന്‍റെ ആ​ശ്വാ​സ​ത്തി​ല്‍ തൃ​ക്കൈ​പ്പ​റ്റ സെ​ന്‍റ് തോ​മ​സ് പ​ള്ളി വി​കാ​രി ഫാ.​റെ​ജി പോ​ളും കു​ടും​ബ​വും.

ക​ഴി​ഞ്ഞ​ദി​വ​സം വൈ​കു​ന്നേ​രം നാ​ല​ര​യോ​ടെ ഗു​ണ്ട​ല്‍​പേ​ട്ട​യി​ല്‍​നി​ന്നു മ​ട​ങ്ങു​ന്ന​തി​നി​ടെ​യാ​ണ് വൈ​ദി​ക​നും കു​ടും​ബ​വും സ​ഞ്ച​രി​ച്ച കാ​റി​നു​നേ​രേ ആ​ന പാ​ഞ്ഞ​ടു​ത്ത​ത്. കാ​റി​ന് തൊ​ട്ട​ടു​ത്ത് എ​ത്തി​യ ആ​ന പ​രാ​ക്ര​മം കാ​ട്ടി​യെ​ങ്കി​ലും പി​ന്തി​രി​ഞ്ഞു. ദൈ​വാ​ധീ​നം ഒ​ന്നു​കൊ​ണ്ടു​മാ​ത്ര​മാ​ണ് ആ​പ​ത്ത് ഒ​ഴി​വാ​യ​തെ​ന്ന് വൈ​ദി​ക​ന്‍ പ​റ​ഞ്ഞു.

മൂ​ന്ന് ആ​ന​ക​ള്‍ ദേ​ശീ​യ​പാ​ത മു​റി​ച്ചു​ക​ട​ക്കു​ന്ന​തു​ക​ണ്ട് വാ​ഹ​ന​ങ്ങ​ള്‍ നി​ര്‍​ത്തി​യി​ട്ടി​രു​ന്നു. വൈ​ദി​ക​ന്‍ സ​ഞ്ച​രി​ച്ച വാ​ഹ​ന​ത്തി​ന് തൊ​ട്ടു​മു​ന്നി​ല്‍ മ​റ്റൊ​രു കാ​റും അ​തി​നു മു​മ്പി​ല്‍ ട്രാ​വ​ല​റു​മാ​ണ് ഉ​ണ്ടാ​യി​രു​ന്ന​ത്. ആ​ന​ക​ള്‍ വ​ന​ത്തി​ലേ​ക്ക് ക​ട​ന്ന​പ്പോ​ള്‍ ട്രാ​വ​ല​ര്‍ മു​മ്പോ​ട്ട് എ​ടു​ത്ത​ശേ​ഷം നി​ര്‍​ത്തി. അ​തി​ലു​ണ്ടാ​യി​രു​ന്ന യാ​ത്ര​ക്കാ​രി​ല്‍ ചി​ല​ര്‍ ആ​ന​ക​ളു​ടെ ചി​ത്രം പ​ക​ര്‍​ത്തി.

ഈ ​സ​മ​യം ട്രാ​വ​ല​റി​ന് തൊ​ട്ടു​പി​ന്നി​ലു​ണ്ടാ​യി​രു​ന്ന വാ​ഹ​നം ഓ​ടി​ച്ച​യാ​ള്‍ ഹോ​ണ്‍ മു​ഴ​ക്കി. ഇ​തു​കേ​ട്ട് റോ​ഡി​ല്‍ തി​രി​ച്ചെ​ത്തി​യ ആ​ന​ക​ളി​ലൊ​ന്ന് വൈ​ദി​ക​നും കു​ടും​ബ​വും സ​ഞ്ച​രി​ച്ച കാ​റി​നു​നേ​രേ തി​രി​യു​ക​യാ​യി​രു​ന്നു. അ​പ്പോ​ഴേ​ക്കും ട്രാ​വ​ല​റും ഹോ​ണ്‍ മു​ഴ​ക്കി ആ​ന​ക​ള്‍​ക്ക് അ​ലോ​സ​ര​മു​ണ്ടാ​ക്കി​യ വാ​ഹ​ന​വും ഓ​ടി​ച്ചു​പോ​യി​രു​ന്നു.

Tags : Nattuvishesham DistrictNews DeepikaNews wild elephant