13

നി​ല​മ്പൂർ: ചാ​ലി​യാ​ർ പ​ഞ്ചാ​യ​ത്തി​ലെ പെ​രു​ന്പ​ത്തൂ​ർ ആ​ലോ​ടി​യി​ൽ ചു​ള്ളി​ക്കൊ​ന്പ​ൻ വീ​ടി​ന്‍റെ ഗേ​റ്റും മ​തി​ലും ത​ക​ർ​ത്തു. നാ​ല​ക​ത്ത് ഹൈ​ദ​രാ​ലി​യു​ടെ വീ​ടി​ന്‍റെ മ​തി​ലും ഗേ​റ്റു​മാ​ണ് വ്യാ​ഴാ​ഴ്ച പു​ല​ർ​ച്ചെ കാ​ട്ടാ​ന ത​ക​ർ​ത്ത​ത്.

വീ​ട്ടു​വ​ള​പ്പി​ലെ ക​മു​ക്, വാ​ഴ ഉ​ൾ​പ്പെ​ടെ​യു​ള്ള കൃ​ഷി​യും ന​ശി​പ്പി​ച്ചു. വീ​ടി​ന്‍റെ മു​റ്റ​ത്തെ​ത്തി​യ കാ​ട്ടാ​ന ഏ​റെ നേ​രം വി​ടെ നി​ല​യു​റ​പ്പി​ച്ചു. ആ​റ് മാ​സം മു​ന്പ് ഇ​തേ ചു​ള്ളി​ക്കൊ​ന്പ​ൻ ഹൈ​ദ​രാ​ലി​യു​ടെ വീ​ടി​ന്‍റെ മ​തി​ലും ഗേ​റ്റും ത​ക​ർ​ത്തി​രു​ന്നു. എ​ന്നാ​ൽ ന​ഷ്ട​പ​രി​ഹാ​രം ക​ണ​ക്കാ​ക്കേ​ണ്ട വി​ഷ​യ​ത്തി​ൽ വ​നംവ​കു​പ്പും പ​ഞ്ചാ​യ​ത്തും ത​മ്മി​ലു​ള്ള ത​ർ​ക്കം മൂ​ലം ഇ​തു​വ​രെ തു​ക ല​ഭി​ച്ചി​ട്ടി​ല്ല.

ഇ​തി​നി​ട​യി​ലാ​ണ് ഹൈ​ദ​രാ​ലി പു​ന​ർ​നി​ർ​മി​ച്ച വീ​ടി​ന്‍റെ മ​തി​ലും ഗേ​റ്റും വീ​ണ്ടും കാ​ട്ടാ​ന ച​വി​ട്ടി ത​ക​ർ​ത്ത​ത്. കാ​ന​കു​ത്ത് വ​ന​മേ​ഖ​ല​യി​ൽനി​ന്ന് കാ​ഞ്ഞി​ര​പ്പു​ഴ നീ​ന്തിക്ക​ട​ന്നാ​ണ് ജ​ന​വാ​സമേ​ഖ​ല​യി​ൽ രാ​ത്രി​യോ​ടെ കാ​ട്ടാ​ന​ക​ൾ എ​ത്തു​ന്ന​ത്.

ക​ഴി​ഞ്ഞ ദി​വ​സം പ്ര​ദേ​ശ​ത്തെ സോ​ളാ​ർ വൈ​ദ്യു​ത തൂ​ക്കുവേ​ലി ത​ക​ർ​ത്ത് കാ​ട്ടാ​ന​ക​ൾ വ്യാ​പ​ക​മാ​യി കൃ​ഷി ന​ശി​പ്പി​ച്ചി​രു​ന്നു. ചാ​ലി​യാ​ർ പ​ഞ്ചാ​യ​ത്തി​ലെ മൈ​ലാ​ടി, മ​ണ്ണു​പ്പാ​ടം, കോ​രം​ക്കോ​ട് ഭാ​ഗ​ങ്ങ​ളി​ലും കാ​ട്ടാ​ന​ക​ൾ മ​തി​ൽ ത​ക​ർ​ത്തി​രു​ന്നു. മ​ഴ ശ​ക്ത​മാ​യ​തോ​ടെ കാ​ട്ടാ​ന​ക​ൾ വ്യാ​പ​ക​മാ​യി കൃ​ഷി​യി​ട​ങ്ങ​ളി​ലേ​ക്ക് എ​ത്തു​ക​യാ​ണ്. മേ​ഖ​ല​യി​ൽ രാ​ത്രി​യാ​യാ​ൽ പു​റ​ത്തി​റ​ങ്ങാ​ൻ ക​ഴി​യാ​ത്ത അ​വ​സ്ഥ​യി​ലാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

Tags : Local News Nattuvishesham Malappuram