18

ചേ​ര്‍​ത്ത​ല: എ​ട്ടു​വ​ർ​ഷം മു​മ്പ് ചേ​ർ​ത്ത​ല​യി​ലെ ബാ​റി​ൽ​വ​ച്ച് ബി​യ​ർ​കു​പ്പി പൊ​ട്ടി​ച്ച് യു​വാ​വി​നെ കു​ത്തി പ​രിക്കേ​ൽ​പ്പി​ച്ച കേ​സി​ലെ ഇതര സംസ്ഥാന തൊഴി​ലാ​ളി​ക​ളാ​യ മൂ​ന്നു പ്ര​തി​ക​ളെ പ​ഞ്ചി​മബം​ഗാ​ൾ അ​തി​ർ​ത്തി​ക​ളി​ൽ സ​ഞ്ച​രി​ച്ച് സി​ലി​ഗു​രി കോ​രി​ഡോ​ർ എ​ന്ന​റി​യ​പ്പെ​ടു​ന്ന ചി​ക്ക​ൻ നെ​ക്കി​ലും ബീ​ർ​പാ​റ പ്ര​ദേ​ശ​ങ്ങ​ളി​ൽനി​ന്നും ചേ​ര്‍​ത്ത​ല പോ​ലീ​സ് അ​റ​സ്റ്റ് ചെ​യ്തു.

വെ​സ്റ്റ് ബം​ഗാ​ൾ ല​ങ്കാ​പു​ര ഹ​ട്ട് ടീ ​ഗാ​ർ​ഡ​ൻ സ്വാ​ദേ​ശി ബി​ക്റാം (29), ത​ൽ​സി​പാ​രാ ടി ​ഗാ​ർ​ഡ​ൻ സ്വ​ദേ​ശി ആ​ഷി​ക് ഒ​റാ​ൻ (33), സാ​ര​വ​ൻ ഒ​റാ​ൻ (27) എ​ന്നി​വ​രെ​യാ​ണ് ചേ​ർ​ത്ത​ല പോ​ലീ​സ് ദി​വ​സ​ങ്ങ​ളോ​ളം സ​ഞ്ച​രി​ച്ച് പ​ശ്ചി​മ​ബം​ഗാ​ളി​ലെ ചി​ക്ക​ൻ നെ​ക്കി​ൽനി​ന്ന് അ​റ​സ്റ്റ് ചെ​യ്‌​ത​ത്.

ചേ​ർ​ത്ത​ല​യി​ലെ സ്വ​കാ​ര്യ ഹോ​ട്ടി​ൽ ജോ​ലി ചെ​യ്യു​ന്ന​തി​നി​ടെ 2018 ഓ​ഗ​സ്റ്റ് ഏ​ഴി​ന് ബാ​റി​ൽ മ​ദ്യ​പി​ക്കാ​നെ​ത്തി​യ നാ​ലാം​ഗസം​ഘം വാ​ക്കുത​ർ​ക്ക​ത്തെ​ത്തു​ട​ർ​ന്ന് മാ​യി​ത്ത​റ സ്വ​ദേ​ശി ഹ​രി​കു​മാ​റി​നെ (39) ബി​യ​ർ കു​പ്പി പൊ​ട്ടി​ച്ച് കു​ത്തി പ​രിക്കേ​ൽ​പ്പി​ച്ച​ത്. വ​യ​റി​ൽ കു​ത്തേ​റ്റ പ​രിക്ക് ഗു​രു​ത​ര​മാ​യ​തി​നെ​ത്തു​ട​ർ​ന്ന് ഹ​രി​കു​മാ​റി​നെ ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചി​രു​ന്നു.

കൊ​ല​പാ​ത​ക​ശ്ര​മം ഉ​ൾ​പ്പെ​ടെ കേ​സെ​ടു​ത്ത ചേ​ർ​ത്ത​ല പോ​ലീ​സ് പ്ര​തി​ക​ളെ അ​റ​സ്റ്റ് ചെ​യ്‌​ത് കോ​ട​തി​യി​ൽ ഹാ​ജ​രാ​ക്കി​യി​രു​ന്നു. ജാ​മ്യ​ത്തി​ലി​റ​ങ്ങി​യ പ്ര​തി​ക​ൾ പി​ന്നീ​ട് നാ​ട്ടി​ലേ​ക്ക് മു​ങ്ങു​ക​യാ​യി​രു​ന്നു. ചേ​ർ​ത്ത​ല സ്റ്റേ​ഷ​ൻ ഓ​ഫീസ​ർ ഹേ​മ​ന്ത് കു​മാ​റി​ന്‍റെ നി​ർ​ദേ​ശ​ത്തെ​ത്തു​ട​ർ​ന്ന് ജൂ​ൺ 22 നാ​ണ് ചേ​ർ​ത്ത​ല സ്റ്റേ​ഷ​നി​ലെ എ​എ​സ്ഐ ര​തീ​ഷ് ഗോ​പ​കു​മാ​ർ, സി​പി​ഒ ഷി​നു എ​ന്നി​വ​ർ പ​ഞ്ചി​മബം​ഗാ​ളി​ലേ​ക്ക് യാ​ത്ര തി​രി​ച്ച​ത്.

ഇ​ന്ത്യ​ൻ അ​തി​ർ​ത്തി ഗ്രാ​മ​മാ​യ ചി​ക്ക​ൻ​നെ​ക്കി​ലെ​ത്തി​യ പോ​ലീ​സു​കാ​ര്‍​ക്ക് കോ​ഴി​ക്കോ​ട് സ്വ​ദേ​ശി​യും പ​ശ്ചി​മബം​ഗാ​ൾ ഇ​ന്‍റലി​ജ​ൻ​സ് ബ്യൂ​റോ ഡി​ഐ​ജി​യു​മാ​യ അ​മ​ർ​നാ​ഥി​ന്‍റെ സ​ഹാ​യം ല​ഭി​ച്ച​തോ​ടെ പ്ര​തി​ക​ളു​ടെ താ​മ​സസ്ഥലം ക​ണ്ടെ​ത്താ​ൻ ക​ഴി​ഞ്ഞു. പ്ര​തി​ക​ളു​ടെ മൊ​ബൈ​ൽ ഫോ​ൺ കേ​ന്ദ്രീ​ക​രി​ച്ച് ന​ട​ത്തി​യ തെ​ര​ച്ചി​ലി​ൽ മൂ​വ​രെ​യും പി​ടി​കൂ​ടി ട്രെ​യി​ൻ മാ​ർ​ഗം ചേ​ർ​ത്ത​ല​യി​ൽ എ​ത്തി​ച്ചു.

കേ​സി​ൽ ഇ​നി​യും പി​ടി​കൂ​ടാ​നു​ള്ള പ​ശ്ചി​മബം​ഗാ​ൾ സ്വ​ദേ​ശി ബീ​ഫി​യ ഖാ​രി​യെ പി​ടി​കൂ​ടാ​നു​ള്ള ശ്ര​മ​ത്തി​ലാ​ണ് പോ​ലീ​സ്. പി​ടി​കൂ​ടി​യ മൂ​ന്ന് പ്ര​തി​ക​ളെ​യും കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

Tags : Local News Nattuvishesham Interstate workers missing on bail arrested