മണർകാട്: മണർകാട്-കിടങ്ങൂർ റൂട്ടിൽ കെഎസ്ആർടിസി സർവീസ് ആരംഭിച്ച് പ്രിയദർശനി സൗജന്യ യാത്രാ പദ്ധതിയുടെ പ്രയോജനം ലഭ്യമാക്കണമെന്ന് ആവശ്യം. എംസി റോഡിലൂടെ കടന്നു പോകുന്ന ഏതാനും ഓർഡിനറി ബസുകൾ ഇതുവഴി സർവീസ് ആരംഭിച്ചാൽ യാത്രക്കാർക്ക് പ്രയോജനപ്പെടും.
പാലാ-കോട്ടയം ഓർഡിനറി സർവീസുകളിൽ ഏതാനും സർവീസുകളും ഇതുവഴിയാക്കണമെന്ന് ആവശ്യം ശക്തമാണ്. കോട്ടയം ഡിപ്പോയിൽനിന്നു മണർകാട്, അയർക്കുന്നം, കിടങ്ങൂർ, കടപ്ലാമറ്റം, മരങ്ങാട്ടുപള്ളി വഴി കൂത്താട്ടുകുളത്തിനും ചങ്ങനാശേരിയിൽനിന്നു തെങ്ങണ, ഞാലിയാകുഴി, തോട്ടയ്ക്കാട്, പുതുപ്പള്ളി, മണർകാട്, അയർക്കുന്നം വഴി ഏറ്റുമാനൂർക്കും പുതിയ സർവീസുകൾ ആരംഭിക്കണമെന്ന ആവശ്യവും ശക്തമായി. ഈ ആവശ്യം ഉന്നയിച്ച് കെഎസ്ആർടിസി അധികൃതർക്ക് നിവേദനം നൽകാനൊരുങ്ങുകയാണ് നാട്ടുകാർ.
Tags : KSRTC bus Nattuvishesham District News