19

ഹ​രി​പ്പാ​ട്: കൈയിലു​ള്ള ചി​ല്ല​റ​ത്തു​ട്ടു​ക​ൾ സു​ര​ക്ഷി​ത​മാ​യി നി​ക്ഷേ​പി​ക്കാ​ൻ ഇ​നി കു​ട്ടി​ക​ൾ വേ​റെ ബാ​ങ്കു​ക​ളൊ​ന്നും തെ​ര​ഞ്ഞു പോ​കേ​ണ്ട​തി​ല്ല. വെ​ള്ളം​കു​ള​ങ്ങ​ര ഗ​വ. യു​പി സ്കൂ​ളി​ൽ ഇ​നി സ്വ​ന്ത​മാ​യി വി​ദ്യാ ബാ​ങ്ക് പ്ര​വ​ർ​ത്തി​ക്കും. നി​ക്ഷേ​പി​ക്കാം, ആ​വ​ശ്യാ​നു​സ​ര​ണം പി​ൻ​വ​ലി​ക്കാം, ഒ​പ്പം പ​ലി​ശ​യും ഉ​റ​പ്പ്.

മാ​നേ​ജ​ർ, ക്ലാ​ർ​ക്ക്, കാ​ഷ്യ​ർ തു​ട​ങ്ങി കൗ​ണ്ട​റി​ലി​രി​ക്കു​ന്ന സ​ക​ല ജീ​വ​ന​ക്കാ​രും ഈ ​വി​ദ്യാ​ല​യ​ത്തി​ലെ കൊ​ച്ചു​മി​ടു​ക്ക​ർ ത​ന്നെ​യാ​ണ്. ആ​റാം ക്ലാ​സി​ലെ സാ​മൂ​ഹി​ക​ശാ​സ്ത്ര പാ​ഠ​പു​സ്ത​ക​ത്തി​ലെ ‘സ്വ​രു​ക്കൂ​ട്ടാം, ക​രു​തി​വയ്ക്കാം’ എ​ന്ന അ​ധ്യാ​യ​ത്തി​ന് ജീ​വ​ൻ ന​ൽ​കാ​നാ​ണ് സ്കൂ​ളി​ലെ സോ​ഷ്യ​ൽ സ​യ​ൻ​സ് ക്ല​ബ് വേ​റി​ട്ട മാ​തൃ​ക​യൊ​രു​ക്കി​യ​ത്. അ​ധ്യാ​പ​ക​നും ക്ല​ബ് ക​ൺ​വീ​ന​റു​മാ​യ വി. ​ര​ജ​നീ​ഷി​ന്‍റെ നേ​തൃ​ത്വ​ത്തി​ൽ കു​ട്ടി​ക​ൾ ഹ​രി​പ്പാ​ട്ടെ ഒ​രു ബാ​ങ്ക് സ​ന്ദ​ർ​ശി​ച്ച് പ്ര​വ​ർ​ത്ത​ന​രീ​തി​ക​ൾ നേ​രി​ട്ടു മ​ന​സി​ലാ​ക്കി​യ ശേ​ഷ​മാ​ണ് സ്കൂ​ളി​ലും ബാ​ങ്ക് തു​ട​ങ്ങി​യ​ത്.

ഒ​രു ക്ലാ​സ് മു​റി പൂ​ർ​ണ​മാ​യും ബാ​ങ്ക് ശാ​ഖ​യു​ടെ മാ​തൃ​ക​യി​ലാ​ണ് ഒ​രു​ക്കി​യി​രി​ക്കു​ന്ന​ത്. രാ​വി​ലെ 9.15 മു​ത​ൽ 9.45 വ​രെ​യും ഉ​ച്ച​യ്ക്ക് 1.30 മു​ത​ൽ രണ്ടുവ​രെ​യു​മാ​ണ് ഇ​ട​പാ​ടു​ക​ൾ ന​ട​ക്കു​ക. കൃ​ത്യ​മാ​യ ര​ജി​സ്റ്റ​റു​ക​ളും രേ​ഖ​ക​ളും ഇ​വി​ടെ സൂ​ക്ഷി​ക്കു​ന്നു​ണ്ട്.

കെ​വൈ​സി നി​ർ​ബ​ന്ധം, പാ​സ്ബു​ക്കും റെ​ഡി!

കു​ട്ടി​ക​ൾ​ക്കും അ​ധ്യാ​പ​ക​ർ​ക്കും ഇ​വി​ടെ അ​ക്കൗ​ണ്ട് ആ​രം​ഭി​ക്കാം. ഇ​തി​നാ​യി തി​രി​ച്ച​റി​യ​ൽ രേ​ഖ​യു​ടെ (ജ​ന​ന സ​ർ​ട്ടി​ഫി​ക്ക​റ്റ് അ​ല്ലെ​ങ്കി​ൽ ആ​ധാ​ർ കാ​ർ​ഡ്) പ​ക​ർ​പ്പും ഫോ​ട്ടോ​യും സ​ഹി​തം കൃ​ത്യ​മാ​യ കെ​വൈ​സി ഫോം ​പൂ​രി​പ്പി​ച്ചു ന​ൽ​ക​ണം. അ​ക്കൗ​ണ്ട് ഉ​ട​മ​ക​ൾ​ക്ക് പാ​സ്ബു​ക്കും വി​ത​ര​ണം ചെ​യ്യു​ന്നു​ണ്ട്. പ​ണ​മ​ട​യ്ക്കാ​നും പി​ൻ​വ​ലി​ക്കാ​നും പ്ര​ത്യേ​ക ഫോ​മു​ക​ളും ക്ര​മീ​ക​രി​ച്ചി​രി​ക്കു​ന്നു.

ഓ​രോ ക്ലാ​സു​ക​ൾ​ക്കും ബാ​ങ്കി​ംഗ് സേ​വ​ന​ങ്ങ​ൾ​ക്കാ​യി പ്ര​ത്യേ​ക ദി​വ​സ​ങ്ങ​ൾ നി​ശ്ച​യി​ച്ചി​ട്ടു​ണ്ട്. കു​ട്ടി​ക​ൾ​ക്ക് പോ​ക്ക​റ്റ് മ​ണി​യാ​യി ല​ഭി​ക്കു​ന്ന തു​ക​യാ​ണ് ഇ​വി​ടെ സ്വ​രൂ​പി​ക്കു​ന്ന​ത്. ആ​ദ്യ​ദി​നം ത​ന്നെ 15 പേ​ർ അ​ക്കൗ​ണ്ട് തു​റ​ക്കു​ക​യും 500 രൂ​പ നി​ക്ഷേ​പ​മാ​യി ല​ഭി​ക്കു​ക​യും ചെ​യ്തു. സാ​മൂ​ഹി​ക​ശാ​സ്ത്ര ക്ല​ബ്ബി​ന്‍റെ മേ​ൽ​നോ​ട്ട​ത്തി​ലാ​ണ് നി​ക്ഷേ​പ​ത്തു​ക സൂ​ക്ഷി​ക്കു​ന്ന​തും അ​തി​ന് പ​ലി​ശ ന​ൽ​കു​ന്ന​തും.

അ​ധ്യാ​പ​ക​ർ, എ​സ്എം​സി, എ​സ്ഡി​സി എ​ന്നി​വ​രു​ടെ പൂ​ർ​ണ പി​ന്തു​ണ​യോ​ടെ​യാ​ണ് പ്ര​വ​ർ​ത്ത​നം.

വീ​യ​പു​രം പ​ഞ്ചാ​യ​ത്ത് പ്ര​സി​ഡ​ന്‍റ് പി. ​ഓ​മ​ന, ഹ​രി​പ്പാ​ട് എ​ഇ​ഒ സി. ​മ​ധു എ​ന്നി​വ​ർ ചേ​ർ​ന്ന് ഉ​ദ്ഘാ​ട​നം ചെ​യ്ത ച​ട​ങ്ങി​ൽ ഹെ​ഡ്മി​സ്ട്ര​സ് പി.​എ​സ്. സി​ന്ധു​കു​മാ​രി, അ​ധ്യാ​പ​ക​ർ, പി​ടി​എ ഭാ​ര​വാ​ഹി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.

Tags : NattuVishesham DistrictNews