27

തി​രു​വ​ന​ന്ത​പു​രം: പേ​രൂ​ർ​ക്ക​ട ഉൗ​ള​ന്പാ​റ മാ​ന​സി​കാ​രോ​ഗ്യ കേ​ന്ദ്ര​ത്തി​ന്‍റെ നി​ല​വി​ലെ പോ​രാ​യ്മ​ക​ൾ പ​രി​ഹ​രി​ച്ച് വീ​ണ്ടെ​ടു​ക്കാ​ൻ മാ​സ്റ്റ​ർ​പ്ലാ​ൻ ന​ട​പ്പാ​ക്കു​മെ​ന്ന് ആ​രോ​ഗ്യ മ​ന്ത്രി കെ.​മു​ര​ളീ​ധ​ര​ൻ.

22 വ​ർ​ഷ​മാ​യി പ​ണി തീ​രാ​തെ കി​ട​ക്കു​ന്ന ര​ണ്ടു കെ​ട്ടി​ട​ങ്ങ​ളു​ടെ നി​ർ​മാണം ഉ​ട​ൻ പൂ​ർ​ത്തി​യാ​ക്കി തു​റ​ന്നു ന​ൽ​കും. നി​ല​വി​ലു​ള്ള കെ​ട്ടി​ട​ങ്ങ​ളു​ടെ ജീ​ർ​ണാ​വ​സ്ഥ പ​രി​ഹ​രി​ക്കും. 2017ലെ ​മെ​ന്‍റ​ൽ ഹെ​ൽ​ത്ത് ആ​ക്ട് ശ​ക്ത​മാ​യി ന​ട​പ്പാ​ക്കി രോ​ഗീ​സൗ​ഹൃ​ദ അ​ന്ത​രീ​ക്ഷം സൃ​ഷ്ടി​ക്കും. മ​രു​ന്നു​ക​ൾ ആ​വ​ശ്യാ​നു​സ​ര​ണം ല​ഭ്യ​മാ​ക്കും. രോ​ഗം ഭേ​ദ​മാ​യ​വ​രെ പു​ന​ര​ധി​വ​സി​പ്പി​ക്കാ​നു​ള്ള പ​ദ്ധ​തി​ക​ൾ ആ​വി​ഷ്ക​രി​ക്കും. അ​റ്റ​ൻ​ഡ​ർ, കു​ക്ക്, സെ​ക്യൂ​രി​റ്റി, അ​ല​ക്ക് തു​ട​ങ്ങി​യ വി​ഭാ​ഗ​ങ്ങ​ളി​ൽ മ​തി​യാ​യ എ​ണ്ണം ജീ​വ​ന​ക്കാ​രെ നി​യോ​ഗി​ക്കും.

ജീ​വ​ന​ക്കാ​രു​മാ​യി സ​ഹ​ക​രി​ക്കു​ന്ന രോ​ഗി​ക​ളെ സെ​ല്ലു​ക​ൾ​ക്ക് പു​റ​ത്തേ​ക്ക് എ​ത്തി​ച്ച് പ്ര​കൃ​തി ഭം​ഗി ആ​സ്വ​ദി​ക്കു​ന്ന​തി​ന് ഉ​ൾ​പ്പെ​ടെ അ​വ​സ​ര​മൊ​രു​ക്കും. ഇ​തി​ന് മു​ന്നോ​ടി​യാ​യി പൊ​ളി​ഞ്ഞു കി​ട​ക്കു​ന്ന ചു​റ്റു​മ​തി​ൽ ഉ​ൾ​പ്പെ​ടെ പൂ​ർ​ത്തി​യാ​ക്കി സു​ര​ക്ഷ ശ​ക്ത​മാ​ക്കും.കൈയേ​റ്റ​ങ്ങ​ൾ പൂ​ർ​ണ​മാ​യി ഒ​ഴി​പ്പി​ക്കും. മാ​ന​സി​കാ​രോ​ഗ്യ കേ​ന്ദ്ര​ത്തി​നു​ള്ളി​ലെ പൊ​ളി​ഞ്ഞ റോ​ഡു​ക​ൾ സ​ഞ്ചാ​ര യോ​ഗ്യ​മാ​ക്കു​മെ​ന്നും മ​ന്ത്രി കെ.​മു​ര​ളീ​ധ​ര​ൻ പ​റ​ഞ്ഞു. ക​ഴി​ഞ്ഞ ദി​വ​സം ഹൈ​ക്കോ​ട​തി ജ​ഡ്ജി​മാ​രും പേ​രൂ​ർ​ക്ക​ട മാ​ന​സി​കാ​രോ​ഗ്യ കേ​ന്ദ്രം സ​ന്ദ​ർ​ശി​ച്ചി​രു​ന്നു.

Tags : NattuVishasham DistrictNews