13

പ​ത്ത​നം​തി​ട്ട: ബ​ല​ക്ഷ​യ​ത്തി​ലാ​യ പ​ത്ത​നം​തി​ട്ട മി​നി സി​വി​ൽ സ്റ്റേ​ഷ​ൻ കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന ഓ​ഫീ​സു​ക​ൾ ഒ​ഴി​യാ​ൻ ജി​ല്ലാ ക​ള​ക്ട​ർ ന​ൽ​കി​യി​ട്ടു​ള്ള അ​ന്ത്യ​ശാ​സ​ന​യു​ടെ കാ​ലാ​വ​ധി നാ​ളെ തീ​രും. പു​തി​യ സ്ഥ​ലം ക​ണ്ടെ​ത്താ​നാ​കാ​തെ ഇ​പ്പോ​ഴും പ​ല ഓ​ഫീ​സ് മേ​ധാ​വി​ക​ളും ന​ട്ടം തി​രി​യു​ക​യാ​ണ്. ഒ​ഴി​പ്പി​ക്ക​ലു​മാ​യി ബ​ന്ധ​പ്പെ​ട്ട് ഇ​തി​നോ​ട​കം നി​ര​വ​ധി ഉ​ത്ത​ര​വു​ക​ൾ വ​ന്നെങ്കി​ലും ഇ​ത്ത​വ​ണ അ​ല്പം ക​ടും​പി​ടു​ത്ത​ത്തി​ലാ​ണ് ജി​ല്ലാ ഭ​ര​ണ​കൂ​ടം.

വാ​ട​ക​ക്കെ​ട്ടി​ട​ങ്ങ​ൾ ല​ഭി​ക്കാ​ത്ത ഓ​ഫീ​സു​ക​ൾ​ക്ക് ഏ​താ​നും ദി​വ​സ​ങ്ങ​ൾ കൂ​ടി സാ​വ​കാ​ശം ല​ഭി​ക്കു​മെ​ന്ന പ്ര​തീ​ക്ഷ മേ​ധാ​വി​ക​ൾ​ക്കു​ണ്ട്. എ​ന്നാ​ൽ മ​ഴ ശ​ക്ത​മാ​കു​ന്ന പ​ശ്ചാ​ത്ത​ല​ത്തി​ൽ അ​പ​ക​ട​നി​ല​യി​ലാ​യ കെ​ട്ടി​ട​ത്തി​ൽ ഇ​നി ഓ​ഫീ​സു​ക​ൾ പ്ര​വ​ർ​ത്തി​ക്കാ​ൻ അ​നു​മ​തി ന​ൽ​കാ​നാ​കി​ല്ലെ​ന്ന നി​ല​പാ​ടി​ലാ​ണ് ജി​ല്ലാ ഭ​ര​ണ​കൂ​ടം. ദു​ര​ന്ത​സാ​ധ്യ​ത കൂ​ടി ക​ണ​ക്കി​ലെ​ടു​ത്താ​ണ് ക​ള​ക്ട​റു​ടെ അ​ന്ത്യ​ശാ​സ​ന.

പ​ത്ത​നം​തി​ട്ട ന​ഗ​ര​മ​ധ്യ​ത്തി​ലെ മി​നി സി​വി​ൽ സ്റ്റേ​ഷ​ൻ കെ​ട്ടി​ട​ത്തി​നു ബ​ല​ക്ഷ​യം ക​ണ്ടെ​ത്തി​യ​തി​നെ​ത്തു​ട​ർ​ന്നു ക​ഴി​ഞ്ഞ മാ​ർ​ച്ച് 30നു ​മു​ൻ​പാ​യി ഇ​വി​ടെ പ്ര​വ​ർ​ത്തി​ക്കു​ന്ന സ​ർ​ക്കാ​ർ ഓ​ഫീ​സു​ക​ൾ മാ​റ്റ​ണ​മെ​ന്നാ​യി​രു​ന്നു നി​ർ​ദേ​ശം. ജി​ല്ലാ ആ​സ്ഥാ​ന​ത്തെ ഏ​ഴ് കോ​ട​തി​ക​ളും ഇ​തേ കെ​ട്ടി​ട​ത്തി​ലാ​ണ്. കോ​ഴ​ഞ്ചേ​രി താ​ലൂ​ക്ക് ഓ​ഫീ​സ്, കൃ​ഷി ഡെ​പ്യൂ​ട്ടി ഡ‍​യ​റ​ക്ട​ർ ഓ​ഫീ​സ്, പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം അ​ട​ക്കം പ്ര​മു​ഖ​മാ​യ 24 ഓ​ഫീ​സു​ക​ളാ​ണ് മി​നി സി​വി​ൽ സ്റ്റേ​ഷ​നി​ലു​ള്ള​ത്.

അ​ഞ്ചു​നി​ല​ക​ളു​ള്ള കെ​ട്ടി​ട​ത്തി​ന് നാ​ലു പ​തി​റ്റാ​ണ്ടി​ന്‍റെ പ​ഴ​ക്ക​മു​ണ്ട്. 1982ൽ ​പ​ത്ത​നം​തി​ട്ട ജി​ല്ല രൂ​പീ​കൃ​ത​മാ​യ​തി​നു തൊ​ട്ടു​പി​ന്നാ​ലെ​യാ​ണ് ഓ​ഫീ​സു​ക​ൾ ഒ​രു കൂ​ര​യ്ക്കു കീ​ഴി​ൽ കൊ​ണ്ടു​വ​രാ​നാ​യി മി​നി സി​വി​ൽ സ്റ്റേ​ഷ​ൻ സ്ഥാ​പി​ച്ച​ത്.

കെ​ട്ടി​ട​ത്തി​ന്‍റെ ഉ​റ​പ്പു വി​ല​യി​രു​ത്തു​ന്ന​തി​നാ​യി കേ​ര​ള ഹൈ​വേ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ടി​ന്‍റെ നേ​തൃ​ത്വ​ത്തി​ൽ ക​ഴി​ഞ്ഞ ജ​നു​വ​രി​യി​ലാ​ണു പ​രി​ശോ​ധ​ന ന​ട​ത്തി​യ​ത്. കെ​ട്ടി​ട​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള കോ​ൺ​ക്രീ​റ്റ് സാം​പി​ളു​ക​ൾ ഇ​തി​നാ​യി ശേ​ഖ​രി​ച്ചി​രു​ന്നു.

കെ​ട്ടി​ടം ഉ​പ​യോ​ഗ​യോ​ഗ്യ​മ​ല്ലെ​ന്നാ​യി​രു​ന്നു ക​ണ്ടെ​ത്ത​ൽ. തു​ട​ർ​ന്നാ​ണു സ്ഥാ​പ​ന​ങ്ങ​ൾ മാ​റ്റ​ണ​മെ​ന്നു നി​ർ​ദേ​ശി​ച്ച​ത്. ക​ഴി​ഞ്ഞ​യാ​ഴ്ച ജി​ല്ലാ ക​ള​ക്ട​ർ എ. ​നി​സാ​മു​ദീ​ൻ ‌ ബ​ന്ധ​പ്പെ​ട്ട ഓ​ഫീ​സ് മേ​ധാ​വി​ക​ളു​ടെ യോ​ഗം വി​ളി​ച്ചു​കൂ​ട്ടി​യാ​ണ് അ​ന്ത്യ​ശാ​സ​ന ന​ൽ​കി​യ​ത്.
വാ​ട​ക​ക്കെ​ട്ടി​ടം അ​ത​ത് വ​കു​പ്പു​ക​ൾ ക​ണ്ടെ​ത്ത​ണ​മെ​ന്നും വാ​ട​ക സം​ബ​ന്ധി​ച്ച് ജി​ല്ലാ ഭ​ര​ണ​കൂ​ടം ഇ​ട​പെ​ട്ട് ച​ർ​ച്ച ന​ട​ത്താ​മെ​ന്നും ക​ള​ക്ട​ർ ഉ​റ​പ്പു ന​ൽ​കി​യി​ട്ടു​ണ്ട്. സ​ർ‌​ക്കാ​ർ ത​ല​ത്തി​ൽ ഇ​തു സം​ബ​ന്ധി​ച്ച് ഇ​ട​പെ​ട​ൽ ഉ​ണ്ടാ​യി​ട്ടു​ണ്ട്.

ന​ട​പ​ടിക്ര​മ​ങ്ങ​ളി​ൽ ക​ടമ്പകൾ​; താ​ലൂ​ക്ക് ഓ​ഫീ​സ് മാറ്റം പ്രതിസന്ധിയിൽ

കോ​ഴ​ഞ്ചേ​രി താ​ലൂ​ക്ക് ഓ​ഫീ​സ് പ്ര​വ​ർ​ത്ത​ന​ത്തി​നാ​യി ക​ട​മ്മ​നി​ട്ട റോ​ഡി​ൽ കെ​എ​സ്ഇ​ബി ഓ​ഫീ​സി​നു സ​മീ​പം നാ​ലു​നി​ല കെ​ട്ടി​ടം ല​ഭ്യ​മാ​യി. 85000 രൂ​പ​യാ​ണ് പ്ര​തി​മാ​സ വാ​ട​ക. നാ​ലാ​യി​ര​ത്തി​ല​ധി​കം ച​തു​ര​ശ്ര അ​ടി​യു​ള്ള കെ​ട്ടി​ട​മാ​ണ്.

ഓ​ഫീ​സ് മാ​റ്റ​വു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ളാ​ണ് മാ​റ്റ​ത്തി​ന്‍റെ പ്ര​ധാ​ന ത​ട​സം. വാ​ട​ക​ത​ന്നെ​യാ​ണ് പ്ര​ധാ​ന പ്ര​ശ്നം. സ​ർ​ക്കാ​ർ നി​ശ്ച​യി​ച്ചി​ട്ടു​ള്ള നി​ര​ക്കി​ൽ അ​നു​യോ​ജ്യ​മാ​യ കെ​ട്ടി​ടം ക​ണ്ടെ​ത്ത​ണം. സ​ർ​ക്കാ​ർ അ​നു​മ​തി​യോ​ടെ വാ​ട​ക ക​രാ​റി​ൽ ഒ​പ്പി​ടാ​ൻ വ​കു​പ്പ് മേ​ധാ​വി​ക​ളു​ടെ അം​ഗീ​കാ​രം ഉ​റ​പ്പാ​ക്ക​ണം. 20000 രൂ​പ വ​രെ​യു​ള്ള വാ​ട​ക തു​ക മാ​ത്ര​മേ പി​ഡ​ബ്ല്യു​ഡി ജി​ല്ലാ എ​ക്സി​ക്യൂ​ട്ടീ​വ് എ​ൻ​ജി​നി​യ​ർ​ക്ക് അം​ഗീ​ക​രി​ക്കാ​നാ​കൂ. അ​തി​നു മു​ക​ളി​ലാ​ണ് വാ​ട​ക​യെ​ങ്കി​ൽ സൂ​പ്ര​ണ്ടിം​ഗ് എ​ൻ​ജി​നി​യ​ർ, ചീ​ഫ് എ​ൻ​ജി​നി​യ​ർ എ​ന്നി​വ​രു​ടെ അ​നു​മ​തി വേ​ണം. വാ​ട​ക തു​ക​യി​ൽ സ​ർ​ക്കാ​ർ അം​ഗീ​കാ​രം ല​ഭി​ക്കാ​തെ​യും ക​രാ​റി​ൽ ഏ​ർ​പ്പെ​ടാ​തെ​യും ഓ​ഫീ​സു​ക​ൾ​ക്ക് മാ​റാ​നാ​കി​ല്ല.

ഫ​ർ​ണി​ച്ച​റു​ക​ൾ, ക്യു​ബി​ക്കി​ളു​ക​ൾ എ​ന്നി​വ ഒ​ട്ടു​മി​ക്ക ഓ​ഫീ​സു​ക​ൾ​ക്കു​മു​ണ്ട്. ഇ​വ പു​തി​യ ഓ​ഫീ​സ് കെ​ട്ടി​ട​ങ്ങ​ളി​ലേ​ക്ക് മാ​റ്റാ​ൻ പി​ഡ​ബ്ല്യു​ഡി എ​സ്റ്റി​മേ​റ്റ് ത​യാ​റാ​ക്കി ന​ൽ​ക​ണം. ഫ​ർ​ണി​ച്ച​റും ഫ​യ​ലു​ക​ളും പു​തി​യ ഓ​ഫീ​സു​ക​ളി​ലേ​ക്ക് മാ​റ്റാ​ൻ ചു​മ​ട്ടു​തൊ​ഴി​ലാ​ളി ക്ഷേ​മ​നി​ധി ബോ​ർ​ഡ് എ​സ്റ്റി​മേ​റ്റ് ത​യാ​റാ​ക്ക​ണം. 30 ജീ​വ​ന​ക്കാ​രു​ള​ള ഓ​ഫീ​സെ​ങ്കി​ൽ 60000 രൂ​പ മു​ത​ൽ ഒ​രു​ല​ക്ഷം രൂ​പ വ​രെ ഓ​ഫീ​സ് മാ​റ്റ​ത്തി​നു മാ​ത്രം ചെ​ല​വാ​കും. എ​സ്റ്റി​മേ​റ്റ് സ​ർ​ക്കാ​ർ അം​ഗീ​ക​രി​ച്ചെ​ങ്കി​ലേ പ​ണം അ​നു​വ​ദി​ക്കൂ. പ​ണം ക്ഷേ​മ​നി​ധി ബോ​ർ​ഡി​ൽ കെ​ട്ടി​വ​ച്ചെ​ങ്കി​ൽ മാ​ത്ര​മേ തൊ​ഴി​ലാ​ളി​ക​ളെ ല​ഭ്യ​മാ​ക്കൂ.

താ​ലൂ​ക്ക് ഓ​ഫീ​സി​ലെ ഫ​യ​ലു​ക​ൾ മാ​ത്രം 350 ചാ​ക്കു​ക​ളി​ലാ​യി കെ​ട്ടി​വ​ച്ചി​രി​ക്കു​ക​യാ​ണ്. കൃ​ഷി ഡെ​പ്യൂ​ട്ടി ഡ​യ​റ​ക്ട​ർ ഓ​ഫീ​സി​നും പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗ​ത്തി​നും കെ​ട്ടി​ട​ങ്ങ​ൾ ക​ണ്ടെ​ത്താ​നാ​യി​ട്ടു​ണ്ട്. ആ​സൂ​ത്ര​ണ വ​കു​പ്പി​നു കീ​ഴി​ലെ ഓ​ഫീ​സു​ക​ൾ ക​ള​ക്ട​റേ​റ്റ് വ​ള​പ്പി​ലെ പു​തി​യ ആ​സൂ​ത്ര​ണ സെ​ക്ര​ട്ടേ​റി​യ​റ്റി​ലേ​ക്കു നേ​ര​ത്തേ മാ​റ്റി​യി​രു​ന്നു.

ഡീ ​ക​മ്മീ​ഷ​ൻ ആ​ശ​ങ്ക

ഡീ ​ക​മ്മീ​ഷ​ൻ ചെ​യ്ത കെ​ട്ടി​ട​ത്തി​ൽ ഓ​ഫീ​സു​ക​ൾ തു​ട​രു​ന്ന​ത് ക​ടു​ത്ത ആ​ശ​ങ്ക​യാ​ണ് സൃ​ഷ്ടി​ക്കു​ന്ന​ത്. ഇ​ത്ര​യ​ധി​കം ഓ​ഫീ​സു​ക​ളി​ലും കോ​ട​തി​ക​ളി​ലു​മാ​യി പ്ര​വ​ർ​ത്തി​ക്കു​ന്ന ജീ​വ​ന​ക്കാ​ർ, വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​വ​ർ ഇ​വ​രു​ടെ​യൊ​ക്കെ സു​ര​ക്ഷി​ത​ത്വം പ്ര​ധാ​ന ഘ​ട​ക​മാ​ണ്.

വി​ള്ള​ൽവീ​ണ തൂ​ണു​ക​ളാ​ണ് ഏ​റെ​യും. കോ​ൺ​ക്രീ​റ്റ് അ​ട​ർ​ന്നു​മാ​റി ക​മ്പി​ക​ൾ തു​രു​മ്പെ​ടു​ത്തു നി​ൽ​ക്കു​ക​യാ​ണ് . ചു​വ​രു​ക​ളും കെ​ട്ടി​ട​ത്തി​ന്‍റെ പ​ല ഭാ​ഗ​ങ്ങ​ളും ത​ക​ർ​ന്നി​ട്ടു​ണ്ട്. അ​പ​ക​ടാ​വ​സ്ഥ മ​ന​സി​ലാ​ക്കി​യാ​ണ് ഓ​ഫീ​സു​ക​ൾ ഒ​ഴി​യ​ണ​മെ​ന്ന നി​ർ​ദേ​ശം അ​ടി​ക്ക​ടി പു​റ​പ്പെ​ടു​വി​ച്ചി​ട്ടു​ള്ള​ത്.

എ​ന്നാ​ൽ, ഇ​ക്കാ​ര്യ​ത്തി​ലെ ന​ട​പ​ടി​ക്ര​മ​ങ്ങ​ളി​ൽ ഇ​ള​വു​ക​ൾ ന​ൽ​കി ഓ​ഫീ​സു​ക​ൾ മാ​റ്റു​ക​യോ ജീ​വ​ന​ക്കാ​ർ​ക്ക് വ​ർ​ക്ക് ഫ്രം ​ഹോം അ​നു​വ​ദി​ക്കു​ക​യോ വേ​ണ​മെ​ന്ന ആ​വ​ശ്യ​മു​യ​രു​ന്നു​ണ്ട്.

ഓ​ഫീ​സു​ക​ൾ പൂ​ർ​ണ​മാ​യി മാ​റ്റി​യ ശേ​ഷം നി​ല​വി​ലു​ള്ള കെ​ട്ടി​ടം പൊ​ളി​ച്ചു​മാ​റ്റാ​നാ​ണ് ആ​ലോ​ച​ന. യു​ഡി​എ​ഫ് സ​ർ​ക്കാ​ർ അ​വ​ത​രി​പ്പി​ച്ച ബ​ജ​റ്റി​ൽ പ്രാ​ഥ​മി​ക ചെ​ല​വു​ക​ൾ​ക്കാ​യി 12 കോ​ടി രൂ​പ നീ​ക്കി​വ​ച്ചി​ട്ടു​ണ്ട്.

കോ​ട​തി​ക​ളു​ടെ മാ​റ്റ​വും അ​നി​ശ്ചി​ത​ത്വ​ത്തി​ൽ

ജി​ല്ലാ സെ​ഷ​ൻ​സ് കോ​ട​തി, ചീ​ഫ് ജു​ഡീ​ഷ​ൽ മ​ജി​സ്ട്രേ​റ്റ്, അ​ഡീ​ക്ഷ​ണ​ൽ കോ​ട​തി​ക​ൾ, മു​ൻ​സി​ഫ്, മ​ജി​സ്ട്രേ​റ്റ് കോ​ട​തി​ക​ൾ​എ​ന്നി​വ അ​ട​ക്കം എ​ങ്ങോ​ട്ടു മാ​റ്റു​മെ​ന്ന കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല.

ന​ഗ​ര​ത്തി​ലെ പ​ല കെ​ട്ടി​ട​ങ്ങ​ളും ഇ​തി​നോ​ട​കം പ​രി​ശോ​ധി​ച്ചെ​ങ്കി​ലും സു​ര​ക്ഷാപ്ര​ശ്നം, തൊ​ണ്ടി മു​ത​ലു​ക​ളു​ടെ സൂ​ക്ഷി​പ്പ്, പാ​ർ​ക്കിം​ഗ് തു​ട​ങ്ങി​യ പ്ര​ശ്ന​ങ്ങ​ൾ കാ​ര​ണം തീ​രു​മാ​നം വൈ​കി. പ്ര​ധാ​ന കോ​ട​തി​ക​ൾ ബി​എ​സ്എ​ൻ​എ​ൽ കെ​ട്ടി​ട​ത്തി​ലേ​ക്ക് മാ​റ്റാ​നാ​ണ് ഇ​പ്പോ​ഴ​ത്തെ ധാ​ര​ണ.

എ​ന്നാ​ൽ ഇ​തി​ന് ബി​എ​സ്എ​ൻ​എ​ലി​ന്‍റെ അ​നു​മ​തി വേ​ണം. മൂ​ന്ന് കോ​ട​തി​ക​ൾ​ക്കാ​യി​പോലീ​സ് സ്റ്റേ​ഷ​നു സ​മീ​പ​ത്തെ ഒ​രു കെ​ട്ടി​ടം നി​ർ​ദേ​ശി​ച്ചി​ട്ടു​ണ്ട്. പ​ത്ത​നം​തി​ട്ട​യി​ലെ കോ​ട​തി​ക​ൾ​ക്കാ​യി സ്വ​ന്തം കെ​ട്ടി​ടം നി​ർ​മി​ക്കു​ന്ന​തി​നു സ്ഥ​ലം ക​ണ്ടെ​ത്തി​യി​ട്ടു നാ​ളു​ക​ളാ​യെ​ങ്കി​ലും ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​നാ​യി​ട്ടി​ല്ല.

Tags : Local News Nattuvishesham Pathanamthitta