നീലേശ്വരം മുണ്ടേമ്മാട് പാലത്തിന്റെ നിര്മാണോദ്ഘാടനം പൊതുമരാമത്ത് മന്ത്രി പി.എ. മുഹമ്മദ് റിയാസ് നിര്വഹിക്കുന്നു. എം. രാജഗോപാലന് എംഎല്എ, ടി.വി. ശാന്ത, പി.
നീലേശ്വരം: എല്ഡിഎഫ് സര്ക്കാര് അധികാരത്തിലെത്തിയതിന് ശേഷം സംസ്ഥാനത്ത് 150ലധികം പാലങ്ങള് നിര്മിച്ചതായി പൊതുമരാമത്ത് മന്ത്രി പി.എ. മുഹമ്മദ് റിയാസ്. മുണ്ടേമ്മോട് പാലത്തിന്റെ നിര്മാണ പ്രവൃത്തി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. 11 മീറ്റര് വീതിയും നടപ്പാതയും ഉള്ള പാലം മുണ്ടേമ്മാട് ദ്വീപ് പ്രദേശത്തിന്റെ സമഗ്ര വികസനത്തിനും ജനജീവിത നിലവാരം ഉയര്ത്താനും സഹായകരമാകും.
ജനക്ഷേമ പ്രവര്ത്തനങ്ങളും വികസന പദ്ധതികളും കേരളം ഇതുവരെ കാണാത്ത അദ്ഭുതകരമായ രീതിയില് മുന്നേറുകയാണെന്നും തൃക്കരിപ്പൂര് മണ്ഡലത്തില് നടന്നത് സര്വകാല റിക്കാര്ഡ് വികസനമാണെന്നും മന്ത്രി പറഞ്ഞു. എം. രാജഗോപാലന് എംഎല്എ അധ്യക്ഷതവഹിച്ചു.
നഗരസഭ വൈസ് ചെയര്മാന് പി.പി. മുഹമ്മദ് റാഫി, പൊതുമരാമത്ത് സ്ഥിരംസമിതി അധ്യക്ഷന് കെ.പി. രവീന്ദ്രന്, കൗണ്സിലര്മാരായ പി. കുഞ്ഞിരാമന്, ടി. സുഭാഷ്, കോഴിക്കോട് പൊതുമരാമത്ത് വകുപ്പ് (പാലങ്ങള് വിഭാഗം) സൂപ്രണ്ടിംഗ് എന്ജിനിയര് ഇ.ജി. വിശ്വപ്രകാശ്, നഗരസഭ ചെയര്പേഴ്സണ് ടി.വി. ശാന്ത, പൊതുമരാമത്ത് വകുപ്പ് കാസര്ഗോഡ് അസി. എക്സിക്യുട്ടീവ് എന്ജിനിയര് കെ. രാജീവന് എന്നിവര് പ്രസംഗിച്ചു.
Tags : Minister Riaz nattuvisesham local news