പത്തനംതിട്ട: സംസ്ഥാന നികുതി വകുപ്പിൽ മാനദണ്ഡ വിരുദ്ധമായി ജീവനക്കാരുടെ സ്ഥലംമാറ്റം നടത്തുന്നതിൽ പ്രതിഷേധിച്ച് കേരള എൻജിഒ യൂണിയന്റെ നേതൃത്വത്തിൽ ജീവനക്കാർ പത്തനംതിട്ട ജോയിന്റ് കമ്മീഷണർ ഓഫീസിനു മുന്നിൽ പ്രകടനം നടത്തി.
ജീവനക്കാരുടെ സ്ഥലംമാറ്റത്തിന് വ്യക്തമായ മാനദണ്ഡം നിലനിൽക്കുന്ന വകുപ്പിൽ ഭിന്നശേഷി ജീവനക്കാരേ അടക്കം മാനദണ്ഡങ്ങൾ കാറ്റിൽപ്പറത്തി സ്ഥലം മാറ്റുന്നതിന് ഉത്തരവ് ഇറക്കിയതായി യൂണിയൻ കുറ്റപ്പെടുത്തി.
യൂണിയൻ ജില്ലാ ട്രഷറർ എസ്.ബിനു പ്രകടനം ഉദ്ഘാടനം ചെയ്തു. യൂണിയൻ സംസ്ഥാന കമ്മിറ്റിയംഗം എസ് ലക്ഷ്മീ ദേവി, എൽ. അഞ്ജു, പി.ബി. മധു, ചിനു എസ്.നായർ എന്നിവർ പ്രസംഗിച്ചു.