18

കോ​ഴി​ക്കോ​ട്: ക​ര്‍​ക്കട​ക​മാ​സം എ​ത്തി​യി​ട്ടും മ​ഴ പെ​യ്യാ​ത്ത​തി​നാ​ല്‍ കാ​ര്‍​ഷി​ക മേ​ഖ​ല ക​ടു​ത്ത പ്ര​തി​സ​ന്ധി​യി​ലേ​ക്ക്. വ​യ​ലു​ക​ളി​ല്‍ ഞാ​റ്റ​ടി​പ്പാ​ട്ടു​ക​ള്‍ ഉ​യ​രേ​ണ്ട സ​മ​യ​മാ​ണി​ത്.
ഞാ​റ് പാ​കാ​നും പ​റി​ച്ചു ന​ടാ​നും വെ​ള്ളം വേ​ണം. ഏ​താ​നും ദി​വ​സ​ങ്ങ​ളാ​യി മ​ഴ​യ്ക്കു പ​ക​രം ശ​ക്ത​മാ​യ വെ​യി​ല്‍ തെ​ളി​യു​ന്ന​തി​നാ​ല്‍ നെ​ല്‍​കൃ​ഷി​ക്കു​ള്ള ത​യാ​റെ​ടു​പ്പു​ക​ള്‍ ന​ട​ത്താ​ന്‍ ക​ര്‍​ഷ​ക​ര്‍​ക്കു ക​ഴി​യു​ന്നി​ല്ല. മ​റ്റു വി​ള​ക​ള്‍ ന​ട്ടു​പി​ടി​പ്പി​ക്കാ​നും വ​ള​പ്ര​യോ​ഗം ന​ട​ത്താ​നും മ​ഴ വേ​ണം.

തെ​ങ്ങ്, ക​മു​ക്, കു​രു​മു​ള​ക്, ഇ​ഞ്ചി, മ​ഞ്ഞ​ള്‍, വാ​ഴ തു​ട​ങ്ങി​യ കൃ​ഷി​ക​ളെ​യെ​ല്ലാം മ​ഴ​ക്കു​റ​വ് സാ​ര​മാ​യി ബാ​ധി​ച്ചി​ട്ടു​ണ്ട്. മ​ഴ​യും ക​ടു​ത്ത വെ​യി​ലും മാ​റി മാ​റി വ​രു​ന്ന സ​ന്ദ​ര്‍​ഭ​ത്തി​ല്‍ വാ​ഴ​ക​ള്‍ ഒ​ടി​ഞ്ഞു വീ​ഴു​ക​യാ​ണെ​ന്ന് ക​ര്‍​ഷ​ക​ര്‍ പ​രാ​തി​പ്പെ​ടു​ന്നു.

നെ​ല്‍​കൃ​ഷി​ക്കാ​യി വി​ത്ത് വി​ത​യ്ക്കു​ന്ന​ത​ട​ക്ക​മു​ള്ള പ​ണി​ക​ള്‍ മ​ഴ​യി​ല്ലാ​ത്ത​തി​നാ​ല്‍ നീ​ണ്ടു​പോ​കു​ക​യാ​ണെ​ന്ന് മു​ക്കം മ​ണാ​ശേ​രി​യി​ലെ നെ​ല്‍ ക​ര്‍​ഷ​ക​നാ​യ വി​നോ​ദ് പ​റ​ഞ്ഞു. നെ​ല്‍​കൃ​ഷി​ക്ക് തോ​ട്ടി​ല്‍ നി​ന്നു വെ​ള്ളം വ​യ​ലി​ലേ​ക്ക് തി​രി​ച്ചെ​ടു​ക്കു​ക​യാ​ണ് പ​തി​വ്. എ​ന്നാ​ല്‍ ഈ ​വ​ര്‍​ഷം തോ​ട്ടി​ലൊ​ന്നും തീ​രെ വെ​ള്ള​മി​ല്ലെ​ന്നും അ​ദ്ദേ​ഹം പ​റ​യു​ന്നു.

ഇ​നി​യും മ​ഴ ല​ഭി​ച്ചി​ല്ലെ​ങ്കി​ല്‍ ഏ​പ്രി​ല്‍,മേ​യ് മാ​സ​ങ്ങ​ളി​ലാ​യി ന​ട്ട മ​ഞ്ഞ​ളി​ന്‍റെ​യും ഇ​ഞ്ചി​യു​ടെ​യും വ​ള​ര്‍​ച്ച മു​ര​ടി​ക്കും. ഇ​ഞ്ചി കൃ​ഷി​ക്ക് വ​ള​പ്ര​യോ​ഗം ന​ട​ത്ത​ണ​മെ​ങ്കി​ല്‍ ന​ല്ല മ​ഴ വേ​ണം. കാ​ലം തെ​റ്റി മ​ഴ പെ​യ്തി​ട്ടും കാ​ര്യ​മി​ല്ല. മ​ഴ​ക്കു​റ​വ് മൂ​ല​മു​ള്ള കൃ​ഷി​നാ​ശ​ത്തി​ന് പു​റ​മെ വ​ന്യ​ജീ​വി​ക​ളു​ടെ ശ​ല്യ​വു​മു​ണ്ടെ​ന്ന് ക​ര്‍​ഷ​ക​ര്‍ ചൂ​ണ്ടി​ക്കാ​ട്ടു​ന്നു. കാ​ട്ടു​പ​ന്നി​ക​ള്‍ കൃ​ഷി വ്യാ​പ​ക​മാ​യി ന​ശി​പ്പി​ക്കു​ന്നു​ണ്ട്.

ഓ​ണം മു​ന്നി​ല്‍ ക​ണ്ട് ആ​രം​ഭി​ച്ച പ​ച്ച​ക്ക​റി കൃ​ഷി​യെ​യും മ​ഴ​ക്കു​റ​വ് ബാ​ധി​ച്ചി​ട്ടു​ണ്ട്. ചൂ​ട് കൂ​ടു​ത​ലാ​യ​തി​നാ​ല്‍ മ​ണ്ണി​ല്‍ ഈ​ര്‍​പ്പം നി​ല്‍​ക്കു​ന്നി​ല്ല. അ​തി​നാ​ല്‍ എ​ത്ര വെ​ള്ളം ഒ​ഴി​ച്ചു​കൊ​ടു​ത്താ​ലും പ​ച്ച​ക്ക​റി തൈ​ക​ള്‍ ക​രി​ഞ്ഞു​ണ​ങ്ങി പോ​കു​ക​യാ​ണ്.

ഞാ​റ്റു​വേ​ല സ​മ​യ​മാ​യ ഇ​പ്പോ​ഴാ​ണ് കു​രു​മു​ള​ക് വ​ള്ളി​ക​ള്‍ ന​ടു​ന്ന​ത്. മ​ഴ ല​ഭി​ക്കാ​ത്ത​തി​നാ​ല്‍, ഇ​തി​ന​കം ന​ട്ട കു​രു​മു​ള​ക് വ​ള്ളി​ക​ളെ​ല്ലാം ഉ​ണ​ങ്ങി​പ്പോ​വു​ക​യാ​ണ്. ക​വു​ങ്ങ്, തെ​ങ്ങ് തൈ​ക​ള്‍ ന​ടാ​നും മ​ഴ വേ​ണം. ഇ​തി​ന​കം തൈ​ക​ള്‍ ന​ട്ട ക​ര്‍​ഷ​ക​രെ​ല്ലാം ആ​ശ​ങ്ക​യി​ലാ​ണെ​ന്ന് കൂ​രാ​ച്ചു​ണ്ടി​ലെ ക​ര്‍​ഷ​ക​നാ​യ സ​ജി മ​ഠ​ത്തി​ല്‍​പ​റ​മ്പി​ല്‍ പ​റ​ഞ്ഞു.

Tags : Local News Nattuvishesham Kozhikode