ചെറുതോണി: നഴ്സിംഗ് വിദ്യാർഥി സ്വന്തം പുരയിടത്തിലെ ചെക്ക് ഡാമിൽ മുങ്ങിമരിച്ചു. തങ്കമണി - നീലിവയൽ തമ്പുരാൻകുന്ന് ചെമ്പകത്തിനാംകുഴിയിൽ റോയിയുടെ മകൻ അബിൻ ( 20 ) ആണ് മരിച്ചത്.
ഇന്നലെ വൈകുന്നേരം ആറരയോടെ അയൽവാസിയായ സുഹൃത്തിനൊപ്പം സ്വന്തം പുരയിടത്തിലെ ചെക്ക് ഡാമിൽ കുളിക്കാൻ പോയതാണ്.
അബിൻ ചെക്ക് ഡാമിൽ വീണ വിവരം സുഹൃത്ത് അറിയിച്ചതിനെത്തുടർന്ന് നാട്ടുകാരെത്തി യുവാവിനെ കരയിലെത്തിച്ചു. തങ്കമണിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ബംഗളൂരുവിൽ രണ്ടാം വർഷ നഴ്സിംഗ് വിദ്യാർഥിയായ അബിൻ അവധിക്ക് നാട്ടിലെത്തിയതാണ്. കാര്യമായി വെള്ളമില്ലാതിരുന്ന ചെക്ക് ഡാമിൽ രണ്ടുദിവ സമായി പെയ്ത മഴയിലാണ് ജലനിരപ്പുയർന്നത്.
മാതാവ്: ബിന്ദു. ഏക സഹോദരി: ആഞ്ചല. മൃതദേഹം തങ്കമണി സഹകരണാശുപത്രി മോർച്ചറിയിൽ.
Tags : Nattuvishesham District news