1

ഹ​രി​പ്പാ​ട്: രാ​ത്രി​കാ​ല​ങ്ങ​ളി​ൽ ചി​കി​ത്സ തേ​ടി​യെ​ത്തു​ന്ന രോ​ഗി​ക​ൾ​ക്ക് ദു​രി​ത​മാ​യി ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​യി​ലെ ഡോ​ക്ട​ർ​മാ​രു​ടെ കു​റ​വ്. ദി​വ​സേ​ന നൂ​റു​ക​ണ​ക്കി​ന് ആ​ളു​ക​ൾ ആ​ശ്ര​യി​ക്കു​ന്ന താ​ലൂ​ക്ക് ആ​ശു​പ​ത്രി​യി​ലെ അ​ത്യാ​ഹി​ത വി​ഭാ​ഗ​ത്തി​ൽ രാ​ത്രി​യി​ൽ സേ​വ​ന​ത്തി​നു​ള്ള​ത് ഒ​രൊ​റ്റ ഡോ​ക്ട​ർ മാ​ത്ര​മാ​ണ്. രാ​ത്രി വൈ​കി​യും സ്ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള രോ​ഗി​ക​ൾ ഡോ​ക്ട​റെ കാ​ണാ​ൻ അ​ത്യാ​ഹി​ത വി​ഭാ​ഗ​ത്തി​ന് മു​ന്നി​ൽ കാ​ത്തു​നി​ൽ​ക്കേ​ണ്ട ദു​ര​വ​സ്ഥ​യാ​ണ്.

ക​ഴി​ഞ്ഞ​ദി​വ​സം അ​ർ​ധ​രാ​ത്രി​യോ​ട​ടു​ത്ത് 11 മ​ണി​ക്കും ഒ​ട്ടേ​റെ​പ്പേ​രാ​ണ് ഇ​വി​ടെ പ​രി​ശോ​ധ​ന​യ്ക്കാ​യി ക്യൂ​വി​ലു​ണ്ടാ​യി​രു​ന്ന​ത്. മ​ണി​ക്കൂ​റു​ക​ളോ​ളം വ​രി​നി​ൽ​ക്കു​ന്ന സാ​ധാ​ര​ണ രോ​ഗി​ക​ളെ മ​റി​ക​ട​ന്ന് ചി​ല​ർ പി​ൻ​വാ​തി​ലി​ലൂ​ടെ ഡോ​ക്ട​റു​ടെ മു​റി​യി​ലേ​ക്ക് ക​യ​റാ​ൻ ശ്ര​മി​ക്കു​ന്ന​ത് ആ​ശു​പ​ത്രി​യി​ൽ വ​ലി​യ ത​ർ​ക്ക​ങ്ങ​ൾ​ക്ക് ഇ​ട​യാ​ക്കു​ന്നു​ണ്ട്. ക്ര​മ​പ്ര​കാ​രം ടി​ക്ക​റ്റെ​ടു​ത്ത് കാ​ത്തു​നി​ൽ​ക്കു​ന്ന​വ​ർ പി​ന്നോ​ട്ട് ത​ള്ള​പ്പെ​ടു​ക​യും സ്വാ​ധീ​ന​മു​പ​യോ​ഗി​ച്ചും അ​ല്ലാ​തെ​യും പി​ൻ​വാ​തി​ലി​ലൂ​ടെ എ​ത്തു​ന്ന​വ​ർ മു​ൻ​ഗ​ണ​ന നേ​ടു​ക​യും ചെ​യ്യു​ന്ന​തോ​ടെ രോ​ഗി​ക​ളും കൂ​ട്ടി​രി​പ്പു​കാ​രും ത​മ്മി​ൽ വാ​ക്കു​ത​ർ​ക്കം പ​തി​വാ​ണ്. ത​ർ​ക്കം രൂ​ക്ഷ​മാ​കു​മ്പോ​ൾ സു​ര​ക്ഷാ ജീ​വ​ന​ക്കാ​ർ എ​ത്തി​യാ​ണ് പ​ല​പ്പോ​ഴും രം​ഗം ശാ​ന്ത​മാ​ക്കു​ന്ന​ത്.

ദേ​ശീ​യ​പാ​ത​യോ​ട് ചേ​ർ​ന്നു​നി​ൽ​ക്കു​ന്ന പ്ര​ധാ​ന ആ​ശു​പ​ത്രി​യാ​യ​തി​നാ​ൽ രാ​ത്രി​യി​ൽ വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​റ്റ് എ​ത്തു​ന്ന​വ​രു​ടെ എ​ണ്ണ​വും കൂ​ടു​ത​ലാ​ണ്. ഇ​ത്ത​രം അ​ടി​യ​ന്ത​ര കേ​സു​ക​ൾ വ​രു​മ്പോ​ൾ ഡ്യൂ​ട്ടി​യി​ലു​ള്ള ഏ​ക ഡോ​ക്ട​ർ അ​വ​രു​ടെ പ​രി​ച​ര​ണ​ത്തി​ലേ​ക്ക് മാ​റേ​ണ്ടി​വ​രു​ന്നു. ഇ​തോ​ടെ പ​നി​യും മ​റ്റ് ശാ​രീ​രി​ക അ​സ്വ​സ്ഥ​ത​ക​ളു​മാ​യി എ​ത്തു​ന്ന സാ​ധാ​ര​ണ രോ​ഗി​ക​ളു​ടെ പ​രി​ശോ​ധ​ന പൂ​ർ​ണ​മാ​യും നി​ല​യ്ക്കും. പ​ല​പ്പോ​ഴും മ​ണി​ക്കൂ​റു​ക​ളോ​ളം കാ​ത്തി​രു​ന്ന ശേ​ഷ​മാ​ണ് രോ​ഗി​ക​ൾ​ക്ക് പ്രാ​ഥ​മി​ക പ​രി​ശോ​ധ​ന പോ​ലും സാ​ധ്യ​മാ​കു​ന്ന​ത്. ഇ​ട​യ്ക്കി​ടെ ഹൗ​സ് സ​ർ​ജ​ൻ​മാ​രു​ടെ സേ​വ​നം ഉ​ണ്ടാ​കാ​റു​ണ്ടെ​ങ്കി​ലും ഇ​വ​രു​ടെ സാ​ന്നി​ധ്യം കാ​ഷ്വ​ൽ​റ്റി​യി​ൽ കൃ​ത്യ​മ​ല്ലെ​ന്ന് രോ​ഗി​ക​ൾ പ​റ​യു​ന്നു.

അ​ല്ലാ​ത്ത സ​മ​യ​ങ്ങ​ളി​ൽ ഒ​രു ഡോ​ക്ട​ർ മാ​ത്ര​മാ​ണ് ഡ്യൂ​ട്ടി​യി​ലു​ണ്ടാ​കു​ന്ന​ത്. ഇ​ത് ഡ്യൂ​ട്ടി ഡോ​ക്ട​റു​ടെ ജോ​ലി​ഭാ​രം വ​ർ​ധി​പ്പി​ക്കു​ന്ന​തി​നൊ​പ്പം ഗു​രു​ത​രാ​വ​സ്ഥ​യി​ലു​ള്ള രോ​ഗി​ക​ൾ​ക്ക് കൃ​ത്യ​സ​മ​യ​ത്ത് ചി​കി​ത്സ ഉ​റ​പ്പാ​ക്കു​ന്ന​തി​നും ത​ട​സ​മാ​കു​ന്നു. രാ​ത്രി​കാ​ല​ങ്ങ​ളി​ൽ കാ​ഷ്വ​ൽ​റ്റി​യി​ൽ കൂ​ടു​ത​ൽ ഡോ​ക്ട​ർ​മാ​രെ​യും സ​ഹാ​യ ജീ​വ​ന​ക്കാ​രെ​യും നി​യ​മി​ച്ച് പ്ര​വ​ർ​ത്ത​നം കാ​ര്യ​ക്ഷ​മ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.

Tags : NattuVishesham DistrictNews